ﺍﻭﻳﻠﻲ ﺳﺎﺭﺓ ﻫﺎﺩﻳﻚ ﺍﻟﻤَﻔْﻌﻮﺻَﺔ ﺩﻳﺎﻝ ﺳﺎﺭﺓ ﺣﺘﻰ ﻫﻲ ﺗﺰﻭﺟﺎﺕ؟ ﻻ ﻣﺎﻳﻤﻜﻨﺶ ﻋﺘﻘﻮﻧﻲ ﻏﻨﻤﻮﺕ ﻭﻧﺰﻳﺪﻙ ﺍﺳﻤﺎﺀ .. ﻭﻳﻠﻲ ﺍﺳﻤﺎﺀ ﻫﺎﺩﻳﻚ ﻟﻤْﻘﻮﺑْﻌﺔ ﺣﺘﻰ ﻫﻲ .. ؟ ﺩﺭﺕ ﺍﻳﺪﻱ ﻋﻠﻰ ﺻﺪﺭﻱ ﻣﻦ ﺍﺛﺮ ﺍﻟﺼﺪﻣﺔ : ﻻ ﻟْﻌﺎﺭ،، ﺍ ﻟﻴﻠﻰ ﺍﻻ ﺍﺳﻤﺎﺀ ﻣﺎﺗﻘﻮﻟﻴﻬﺎﺵ ... ﺑﺪﺍﺕ ﻛﺘﺤﻠﻒ : ﺍﻗﺴﻢ ﺑﺎﻟﻠﻪ ﺣﺘﻰ ﻫﻲ ﺗﻼﻗﻴﺘﻬﺎ ﺩﻳﻚ ﻧﻬﺎﺭ ﺷﻔﺘﻬﺎ ﻫﻲ ﻭﺭﺍﺟﻠﻬﺎ ﺭﺍﻩ ﻣﻜﺎﺗﺒﻴﻦ ! ﺷﺪﻳﺖ ﻓﺮﺍﺳﻲ : ﻣﻴﻴﻤﺘﻲ ﯕﺎﻉ ﺗﺰﻭﺟﻮ ﺑﻘﻴﺖ ﻏﻴﺮ ﺃﻧﺎ ،ﺍﺵ ﺩﺭﺕ ﺍﻧﺎ ﻓﺤﻴﺎﺗﻲ ! ﺗﺮﺑﻌﺎﺕ ﻟﻴﻠﻰ ﺣﺪﺍﻳﺎ : ﺑﻼ ﻣﺎﻧﺰﻳﺪ ﻋﻠﻴﻚ ﺻﻔﺎ ﻭﻣﺮﻭﻯ ﻟﻲ ﻋﺮﺳﻬﻢ ﺍﻟﺴﻴﻤﺎﻧﺔ ﺍﻟﺠﺎﻳﺔ ! ﺟﺎﺗﻨﻲ ﺍﻟﺪﻭﺧﺔ ﺻﻔﺎ ﻭﻣﺮﻭﻯ ﻟﻲ ﻛﺎﻧﻮ ﻛﻴﻘﺮﺍﻭ ﻣﻌﺎﻳﺎ ﻓﺎﻻﺑﺘﺪﺍﺋﻲ ﻫﺎﺩﻭﻙ ﺍﻟﺘﻮﻳﻤﻴﺎﺕ ﻫﺎﺩﻭﻙ ﺟﻮﺝ ﺍﻟﻤﺠﻤﻜﺎﺕ ... ﻳﺎ ﺭﺑﻲ ﻳﺎ ﺳﻴﺪﻱ ﺭﺑﻲ ﻻ ﺍﻧﺎ ﺻﺎﻓﻲ ﻏﺎﺩﻱ ﻧﺘﺎﺣﺮ،ﺧﺘﻲ ﺣﻴﺪﻱ ﻋﻠﻴﺎ ﺧﻠﻴﻨﻲ ﻧﻤﺸﻲ ﻟﺪﺍﺭﻧﺎ ﺍﻳﻼ ﺑﻘﻴﺖ ﻛﻨﺠﻲ ﻋﻨﺪﻙ ﻫﻨﺎ ﻏﻴﻄﺮﻃﻖ ﻓﻴﺎ ﺷﻲ ﻋﺮﻕ ! ﺗَﺄﺑًﻄْﺖُ ﺻﺎﻛﻲ ﺍﻟﺠﻠﺪﻱ ﺍﻟﻤﻤﻠﻮﺀ ﺑﺄﺷـﻴﺎﺀ ﺳﺎﻻ ﻣﻨﺬ " ﺯﻣﻦ ﻭﺩﻗﻴﻘﺔ " ﺗﺎﺭﻳﺦ ﺻﻼﺣﻴﺘﻬﺎ،ﻭﺷﻲ ﺣﻮﺍﻳﺞ ﻻ ﺃﻋﺮﻑ ﻣﺎﻫﻴﺘﻬﺎ،ﻭﺣﺬﺍﺋﻲ ﺍﻟﺬﻱ ﻃﺎﻟﻤﺎ ﺗﻤﻨﻴﺖ ﺍﻥ ﺍﻛﻮﻥ ﻣﺜﻞ ﺳﻨﺪﺭﻳﻼ ﻭﺍﻧﺎ ﺍﺭﺗﺪﻳﻪ ﻳﻄﻴﺢ ﻣﻦ ﺑﻴﻦ ﺍﻳﺪﻳﻦ ﺷﻲ ﺍﻣﻴﺮ ﻭﻻ ﺍﻱ ﻛﺎﻥ ﻟﻤﻮﻫﻴﻢ ﻳﺸﻮﻓﻮ ﺷﻲ ﺣﺪ ﻭﻳﺠﻲ ﻫﺎﺭﻋﺎ ﻟﻠﺒﺤﺚ ﻋﻨﻲ،ﻻ ﻻ ﻣﺎﺷﻲ ﻫﺎﻛﺪﺍ ﻣﺎﺷﻲ ﻫﺎﺩﻱ ﻫﻲ ﻟﻌﺒﺎﺭﺓ .. ﺳﺎﻋﻴﺎ ﻭﺭﺍﺋﻲ ﻫﺎﺩﻱ ﺟﺎﺕ ﺍﺣﺴﻦ .. ﻭﻣﻼﺑﺴﻲ ﺍﻟﻜﻼﺳﻴﻜﻴﺔ ! ﻭﻓﻲ ﺍﻟﻄﺮﻳﻖ .. ﺭﺍﺟِﻌﺔً ﻟِﻠﻤﻨﺰﻝ .. ﺍﺭْﻣُﻖُ ﺍﻟﻜﻮﺑْﻼﺕ ﺍﻟﺴّﻌﻴﺪﺓ ﺑﻨﻈﺮﺍﺕ ﻣﺨﻴﻔﺔ ﻟﻄﺎﻟﻤﺎ، ﺍﺯﻋﺠﺘﻬﻢ ﻧﻈﺮﺍﺗﻲ ﻭﺍﻏﻠﺒﻬﻢ ﻳَﺘَﺤَﻠّﻔﻮﻥ ﻋﻠﻲ : ﻭﺍﻟﻠﻪ ﻭﻣﺎ ﺗﺠﻤﻌﻲ ﻋﻴﻨﻴﻚ ﺣﺘﻰ ﻧﺤﻴﺪﻭﻫﻮﻡ ﻟﻴﻚ ! ﻟﺬﻟﻚ ﻛﻨﺖ ﻛﻨﺪﺧﻞ ﻟﺪﺍﺭ ﻭﺍﻧﺎ ﺣﺰﻳﻨﺔ ﻭﺣﺪﻫﺎ ﺃﻣﻲ ﺗﻌﺮِﻑ ﺟﻴﺪﺍ ﻛَﻴﻒ ﺗﺰﻳﺪ ﻋَﻠﻰ ﻣﺎَ ﺑِﻴﺎ .. " ﺷﻜﺮﺍ ﺍﻣﻲ ﻋﻠﻰ ﺣﻨﺎﻧﻚ ﻭﻋﻄﻔﻚ " ﻛﻴﻒ ﺩﺧﻠﺖ ﻟﺪﺍﺭ ﻭﺳَﻤِﻌَﺖ ﺍﻣﻲ ﺣَﺴﻲ ﻭﺧُﻄﺎﻱ ﺍﻟﻤﺘﺜﺎﻗﻠﺔ ﺍﻟﻐﻴﺮ ﻣﺘﻨﺎﺳﻘﺔ ... ﺟﺎﺕْ ﻛﺘﺠﺮﻱ ﺣﺎﻓﻴﺔ ﺍﻟﻘﺪﻣﻴﻦ .. ﻭﺍﻟﻠﻪ ﻭﻣﺘﺤﻄﻲ ﻟﻲ ﻟﺨﻠﺼﺔ ﻓﻮﻕ ﺍﻟﺘﻠﻔﺎﺯﺓ ﺣﺘﻰ ﻣﻴﻌﺠﺒﻚ ﺣﺎﻝ،ﺣﺪﺭﺕ ﺭﺃﺳﻬﺎ ﺩﺍﺧﻠﺔ ﻓﻲ ﺟﻮ ﺍﻟﺪﺭﺍﻣﺎ : ﺑﺎﻙ ﺍﻟﻠﻪ ﻳﺮﺣﻤﻮ ﻓﻬﺎﺩ ﺍﻟﻨﻬﺎﺭ ﻣﺎﻛﺎﻧﺶ ﻳﻬﺪﺭ ﻣﻌﺎﻳﺎ ﻭﺑﻼﻣﺎ ﻧﻘﻮﻟﻬﺎ ﻟﻴﻪ ﻛﻨﺖ ﻧﻠﻘﺎﻩ ﻣﺨﻠﻲ ﻟﻴﺎ ﻟﻔﻠﻮﺱ ﻧﻌﻢ .. ﻛﺎﻧﺖ ﺍﻣﻲ ﺗﺴﺮﻕ ﺍﺑﻲ ﻭﺗﺘﺴﻠﻞ ﻓﻲ ﺍﻟﻈﻼﻡ ﺍﻟﺪﺍﻣﺲ .. ﻭﺗﺴﺘﻮﻟﻲ ﻋﻠﻰ ﻧﻘﻮﺩ ﺍﺑﻲ .. ﻭﻣﺎﻛﺎﻥ ﻳُﺼﻴﺐُ ﺍﺑﻲ " ﻋﺒﺪُ ﺍﻟﻠﻪِ ﺍﺑﻦ ﻣﻮﻻﻱ ﺍﻟﺘّﻬﺎﻣﻲ " ﺑﺎﻟﺠﻨﻮﻥ ﻫﻮ ﻧﻜﺮﺍﻧﻬﺎ ﺑﺎﻟﺮﻏﻢ ﻣﻦ ﺍﻧﻪ ﺩﺍﺋﻤﺎ ﻳُﺤﺼّﻠﻬﺎ ﻭﻫﻲ ﻣﺘﻠﺒﺴﺔ ... ﺗﺎﺭﺓ ﻳﺤﺼﻠﻬﺎ ﻭﻳﺪﻳﻬﺎ ﻓﻲ ﺟﻴﺐ ﺳﺮﻭﺍﻟﻪ،ﻭﺛﺎﺭﺓ ﺍﺛﻨﺎﺀ ﻋﺪﻫﺎ ﻟﻠﻨﻘﻮﺩ .. ﻓﺎﺿﻄﺮ ﺍﺑﻲ ﺑﻌﺪﻫﺎ ﺍﻟﻰ ﻭﺿﻊ ﻧﻘﻮﺩﻩ ﻛﺎﻣﻠﺔ ﻫﻨﺎﻙ ﻋﻠﻰ ﺍﻟﺘﻠﻔﺎﺯ ﺑﻌﺪ ﺍﻥ ﻳﺄﺧﺬ ﻧﺼﻔﻬﺎ ! ﻣﺎﺕ ﺃﺑﻲ ﻭﻭﺩﻋﻨﺎ ﻭﻟﻜﻦ ... ﻭﻟﻜﻦ ﻋﺎﺩﺍﺕ ﺍﻣﻲ ﻟﻢ ﺗﻤﺖ ﻓﻘﺪ ﺍﻃﺎﻝ ﺍﻟﻠﻪ ﻓﻲ ﻋﻤﺮﻫﺎ ﻭﻣﺎﺷﺎﺀ ﺍﻟﻠﻪ ﻛﺒﺮﺕ ﻭﺗﺮﻋﺮﺕ ﻭﺍﺻﺒﺤﺖ ﺗﺴﺘﻮﻟﻲ ﻋﻠﻰ ﻧﻘﻮﺩﻱ ﻛﺎﻣﻠﺔ ... ﻭﻓﻮﻕ ﻣﻦ ﻫﺎﺩﺷﻲ ﻛﺎﻣﻞ ﺍﻟﻬﺪﺭﺓ ! ﺣﻄﻴﺖ ﻟﻴﻬﺎ ﻟﻔﻠﻮﺱ ﺑﺪﻭﻥ ﻟﻒ ﻭﺩﻭﺭﺍﻥ،،ﻣﺜﻞ ﻣﺎ ﻳﻔﻌﻞ ﺍﺧﻲ ﺍﻟﻤﺴﻜﻴﻦ ﺍﺧﻲ ﺍﻻﻛﺒﺮ ﻣﻨﻲ " ﺍﻟﺘﻬﺎﻣﻲ ﺍﺑﻦ ﻋﺒﺪ ﺍﻟﻠﻪ ﺍﺑﻦ ﻣﻮﻻﻱ ﺍﻟﺘﻬﺎﻣﻲ " ﺍﻟﺬﻱ ﺍﺭﺍﺩ ﺍﻥ ﻳﺘﺰﻭﺝ ﻓﻤﻨﻌﺘﻪ ﺍﻣﻲ ﺣﺘﻰ ﺍﺗﺰﻭﺝ ﺍﻧﺎ .. ﻓﺤﺰِﻥ ﺍﻛﺜﺮ ! ﺩﺍﺯﺕ ﺟﻮﺝ ﺍﻻﺳﺎﺑﻴﻊ ﻋﻠﻰ ﺳﻤﺎﻋﻲ ﺧﺒﺮ ﺯﻭﺍﺝ ﺍﻟﻔﺘﻴﺎﺕ ﺍﻻﺗﻲ ﻃﺎﻟﻤﺎ ﺍﺳﺘﺒﻌﺪﺗﻬﻦ ﻋﻦ ﻻﺋﺤﺔ ﺍﻟﺰﻭﺍﺝ ﺣﺘﻰ ﻟﻴﻠﻰ .. ﻟﻴﻠﻰ !! ﻋﺰﺍﺋﻲ ﺍﻟﻮﺣﻴﺪ ﺍﻟﻠﻲ ﻛﻨﺖ ﻛﻨﻘﻮﻝ ﺍﻧﺎ ﻭﻳّﺎﻫﺎ ﻓﻠﻬﻮﺍ ﺳﻮﺍ " ﺗﺰﻭﺟﺎﺕ ﻣﺎﻗﺎﻟﺘﻬﺎ ﻟﻴﺎ " ،ﺣﺘﻰ ﺍﻃﺮﺑﺖ ﺍﻣﻲ ﻣﺴﺎﻣﻌﻲ ﺑﺨﺒﺮ ﺯﻭﺍﺟﻬﺎ ﺍﻟﺼﻴﻒ ﺍﻟﻤﻘﺒﻞ .. ﺍﻻ ﺍﻧﺎ " ﺣﻨﺎﻥ '' ﺍﺑﻨﺔ ﻓﺎﻃﻤﺔ،ﺣﻨﺎﻥ ﺍﻟﺤﻨﻴﻨﺔ ﺍﻟﻬﺰﻳﻠﺔ ﺍﻟﻠﻲ ﻟﺒﺴﺎﺗﻬﺎ ﻣﺎﺗﺠﻲ ﻣﻌﺎﻫﺎ ﻭﺍﻟﻠﺘﻲ ﺗﺄﺧﺪ ﺍﻣﻬﺎ ﻓُﻠﻮﺳﻬﺎ ﻭﺗﺪﻋﻬﺎ ﺗﻠﺒﺲ ﺍﻟﻜﻼﺳﻜﻴﺎﺕ ﻭﻻ ﺗﻌﻄﻴﻬﺎ ﺑﺎﺵ ﺗﻘﺪﻯ ﻣﻼﺑﺲ ﺑﺴﺘﺎﻳﻼﺕ ﻋﺼﺮﻳﺔ ،ﺍﻟﻔﺘﺎﺓ ﺍﻟﺘﻲ ﺗﻌﺸﻖ ﻟﻐﺔ ﺍﻟﻀﺎﺩ " ﺍﻟﻠﻐﺔ ﺍﻟﻌﺮﺑﻴﺔ " ... ﺃﻧﺎ ﺣﻨﺎﻥ ﺍﻟﺘﻲ ﻟﻢ ﻳﺘﻮﻗﻊ ﺍﺣﺪ ﺍﻧﻨﻲ ﺳﺄﺳﺘﻮﻟﻲ ﻋﻠﻰ ﻗﻠﺐ ﺍﻟﺮﺟﻞ ﺍﻟﺤﺪﻳﺪﻱ " ﻣﻨﺼﻒ " ﺍﺑﻦ ﺻﺤﺮﻥ ،ﺍﻗﺼﺪ ﺍﺑﻦ ﺍﻟﺼﺤﺮﺍﺀ ﺍﻟﻤﻐﺮﺑﻴﺔ
ﻃﻌﻨﺘﻨﻲ ﻟﻴﻠﻰ .. ﺗﻠﻚ ﺍﻟﻠّﻴﻠﻰ " ﺍﺗﻐﺪّﺩُ ﻭﺃﻧﺎ ﺍﺗﻔﻜّﺮ ﻣﻮﺍﺳﺎﺗﻲ " ﺳﻤﻴﺘﻬﺎ ﻣﺒﻘﺎﺗﺶ ﺑﻐﺎﺕ ﺗﻘﺎﺩ ﻟﻲ ﻓﻲ ﻓﻤﻲ . ، ﻛﻨﺖ ﻳﺎﺋﺴﺔ ﻭﺃﻧﺎ ﺍﺩﻭﺭ ﻓﻲ ﺟﻨﺒﺎﺕ ﺍﻣﻲ ﻣﻼﺣﻘﺔ ﺍﻳﺎﻫﺎ ﺑﻌﺒﺎﺭﺍﺗﻲ ﺍﻟﺤﺰﻳﻨﺔ " ﻣﺎﻟﻲ ﺍﻧﺎ ﻣﺎﻋﻨﺪﻱ ﺯﻫﺮ " ﻓﻬﺪﺩﺗﻨﻲ ﺑﺎﻟﻘﺘﻞ ﻗﺘﻼ ﺍﻭ ﺷﻨﻘﺎ ﺍﺫﺍ ﻟﻢ ﺍﺗﺰﻭﺝ ﻫﺬﻩ ﺍﻟﺴﻨﺔ، ﻓﺎﻟﺘﺰﻣﺖ ﺍﻟﺼﻤﺖ ﻭﻣﺸﻴﺖ ﻧﺘﺠﺒﺪ ﻓﻠﺒﻴﺖ ﺣﺪﺍ ﺍﺧﻲ ﺍﻟﺬﻱ ﻻﺣﻈﺖ ﺣﺰﻧﺔ ﺍﻟﺸﺪﻳﺪ ! ﺟﻠﺴﺖ ﺑﺠﺎﻧﺒﻪ ﻭﻫﻮ ﻳﺘﻔﺮﺝ ﻋﻠﻰ ﻣﺎﺗﺶ ﺍﻟﺮﻳﺎﻝ ﻭﺍﻟﺒﺎﺭﺻﺔ ،ﻣﺨﺎﻃﺒﺔ ﺍﻳﺎﻩ ﺑﻌﺒﺎﺭﺍﺕ ﺣﻨﺎﻧﻴﺔ : ﻏﺘﻌﻄﻴﻨﻲ ﺍﻟﺘﻴﻠﻴﻜﻮﻣﻮﻧﺪ ﻭﻻ ﻧﻮﺽ ﻧﻔﻠﻖ ﻟﻴﻚ ﺭﺍﺳﻚ ﺑﺪﻳﻚ ﺍﻟﺘّﻴﻤُﻮﻣَﺔ ﺩﻳﺎﻝ " ﻋﺒﺪُ ﺍﻟﻠﻪ ﺑﻦ ﺍﻟﺘُّﻬﺎﻣِﻲْ ﺭﺣِﻤَﻪ ﺍﻟﻠﻪ " ﻃَﺄْﻃَﺄ ﺭﺃﺳﻪ ﻏﺎﺭﻗﺎ ﻓﻲ ﺣﺰﻧﻪ : ﺣﺘﻰ ﻳﻜﻮﻥ ﻋﻨﺪﻱ ﺑﻌﺪﺍ ! ﺍﻟﺘﻔﺖّ ﺍﻟﻴﻪ ... ﻣﺼﺪﻭﻣﺔً ﻣﺮﺗﻌﺸﺔ ﻭﻋﻴﻨﺎﻱ ﻣُﻐﺮﻭﺭﻗﺘﺎﻥ ﺑﺎﻟﺪﻣﻮﻉ : ﺍﺗﺨﺪﻋﻨﻲ؟ ﺍﺗﺨﺪﻋﻨﻲ ﻭﺍﻧﺎ ﺍﺧﺘﻚ ،،ﺣﻨﺎﻥ ،ﻏﺘﺠﺒﺪ ﺍﻟﺘﻴﻠﻴﻜﻮﻣﻮﻧﺪ ﻭﻣﻐﻴﻌﺠﺒﻚ ﺣﺎﻝ ! ﺭﻣﻘﻨﻲ ﺑﻨﻈﺮﺍﺕ ﺟﺪﻳﺔ : ﻭﺍﻟﻠﻪ ﻣﺎﻋﻨﺪﻱ ﺭﺍﻩ ﺑَﺪًﻟﺖ ﻏﻴﺮ ﻣﻦ ﺟﻬﺎﺯ ﺍﻻﺳﺘﻘﺒﺎﻝ،ﻋﻼﻩ ﺍﻟﻮﺍﻟﻴﺪﺓ ﺗﺨﻠﻴﻪ ﻟﻴﻚ،ﻭﺩﺍﺗﻮ ﻣﻌﺎﻫﺎ ... ﺩﺍﺭﺗﻮ ﻓﺠﻴﺐ ﺍﻟﺒّﻴﻨﻮﺍﺭ ﻭﺩﺧﻼﺕ ﺑﻴﻪ ﻟﻜﻮﺯﻳﻨﺔ ! ﺗﺄﻭّﻫْﺖ ﻣﻦ ﻏﺪﺭ ﺍﻟﺰﻣﺎﻥ ﻭﻣﻦ ﻳﺪﻙ ﺍﻟﺨﻔﻴﻔﺔ ﻳﺎ ﺍﻣﻲ،ﺣﺘﻰ ﺍﻟﺘﻴﻠﻴﻜﻮﻣﻮﻧﺪ ﻟﻢ ﻳَﺴْﻠﻢ ﻣﻨﻚ ... ﻟﻤﺎﺫﺍ ﺗﻔﻌﻠﻴﻦ ﺑﻨﺎ ﻫﺬﺍ ﻭﻧﺤﻦ ﻓﻠﺬﺍﺕ ﻛﺒﺪﻙ .. ﻟﻴﺲ ﺑﻴﺪﻱ ﺣﻴﻠﺔ ﻣﻘﺪﺭﺗﺶ ﻧﺒﺪﻝ ﻟﺨﻮﻳﺎ ﻟﻤﺎﺗﺶ ﻻﻥ ﺷﻲ ﻭﺍﺣﺪ ﻣﻦ ﻫﺎﺩﻭﻙ ﻟﻲ ﻻﺑﺴﻴﻦ ﻟﺒﻴﺾ ﻛﺎﻥ ﺟﻤﻴﻼ ﺍﺳﻤﻪ ﻛﺮﻳﺴﺘﻴﺎﻧﻮ ﺍﻭ ﻛﺮﺍﺳﺘﻴﻨﻮ ﺭﻭﻧﺎﻟﺪﻳﻨﻬﻮ ﺍﻭ ﺭﻭﻧﺎﻟﺪﻭ ﻳﻤﻜﻦ ﻳﻜﻮﻥ ﺭﻭﻻﻧﺪﻭ ﻻ ﺍﻫﺘﻢ ﻟﻤﻬﻢ ﻛﻨﺸﻮﻓﻮ ﻓﺎﻻﺷﻬﺎﺭﺍﺕ ﻛﻴﻌﺎﻧﻲ ﻣﻦ ﺍﻟﻘﺸﺮﺓ ﻭﻛﻴﺘﺨﻠﺺ ﻣﻨﻬﺎ ﺑﺎﺳﺘﻌﻤﺎﻝ ﺍﻟﺸﺎﻣﺒﻮ ﺭﻗﻢ ﻭﺍﺣﺪ ﻓﻠﻌﺎﻟﻢ ... ﺑﻘﻴﺖ ﺍﻃﺮﺡ ﺍﺳﺌﻠﺔ ﺑﺨﺼﻮﺻﻪ ﻋﻠﻰ ﺍﺧﻲ ﺣﺘﻰ ﺗﻌﺼﺐ ﻋﻠﻴﺎ ﻻﻧﻪ ﻳﻜﺮﻫﻪ ! ﻓﻨﻈﺮﺕ ﻓﻲ ﻋﻴﻨﻴﻪ : ﻟﻤﺎﺫﺍ ﻳﺎ ﺍﺧﻲ ﻛﻞ ﻫﺬﺍ ﺍﻟﻜﺮﻩ،ﻏﻴﺮ ﻛﻨﺴﻮﻟﻚ ﻋﺎﺩﻱ ﺟﺎﻭﺑﻨﻲ ! ﺣﺪﺭ ﺭﺍﺳﻮ ﻭﻗﺎﻟﻲ : ﻏﻴﺮ ﺧﻠﻴﻬﺎ ﻋﻠﻰ ﺍﻟﻠﻪ .. ﺍﺧﻲ ﻳﻘﻮﻝ " ﺧﻠﻴﻬﺎ ﻋﻠﻰ ﺍﻟﻠﻪ؟ " ﺍﺫﻥ ﻭﺍﺻﻠﺔ ﻓﻴﻪ ﻟﻌﻈﻢ ! ﺷﺪﻳﺖ ﻓﻴﻪ ﻭﺍﻟﻮ ﺗﻌﺎﻭﺩ ﻟﻴﺎ ! ﻧﻈﺮ ﺍﻟﻲ ﻣﺜﻞ ﺍﻟﻄﻔﻞ ﺍﻟﺬﻱ ﺿﺮﺑﺘﻪ ﺍﻣﻪ ﺍﻣﺎﻡ ﺍﻟﻀﻴﺎﻑ ﻓﻲ ﻋﺮﺱ ﻣﻐﺮﺑﻲ ﻣﻤﻠﻮﺀ ﺑﻔﺘﻴﺎﺕ ﺟﻤﻴﻼﺕ : ﻭﺍﻟﻠﻪ ﺍﺧﺘﻲ ﻟﻔﻴﻨﻤﺎ ﻛﻨﺸﻮﻑ ﻓﻴﻚ ﻛﺘﺠﻴﻨﻲ ﻟﺒﻜﻴﺔ،ﻣﻜﻨﻘﺪﺭﺵ ﻧﺴﺘﻐﻠﻚ ﻟﻤﺼﻠﺤﺘﻲ ﻭﻟﻮ ﻳﻜﻠﻔﻨﻲ ﻋﻤﺮﻱ ﺧﺮﺟﺖ ﻓﻴﻪ ﻋﻴﻨﻴﺎ : ﻛﻴﻔﺎﺵ ﺗﺴﺘﻐﻠﻨﻲ ،ﻭﺍﻟﻠﻪ ﺍﻟﺘﻬﺎﻣﻲ ﻭﻣﺎﺗﻌﺎﻭﺩ ﻟﻴﺎ ﻳﺎﺣﺘﺎ ﻧﻘﻮﻝ ﻟﻤﺎﻣﺎ ﻫﺎﺩ ﻟﻬﺪﺭﺓ ﻭﺭﺍﻙ ﻋﺎﺭﻑ ﻣﺎﻣﺎ ﻣﺰﻳﺎﻥ ﻣﺘﺤﺘﺎﺝ ﻧﻘﻮﻟﻴﻚ ! ﺍﺳﺘﺮﺳﻞ ﻓﻲ ﺍﻟﻜﻼﻡ ﺑﺪﻭﻥ ﻓﺮﺍﻧﺎﺕ : ﺣﻨﺎﻥ ﻣﻨﺨﺒﻴﺶ ﻋﻠﻴﻚ،ﻛﻮﺛﺮ ﻟﻲ ﻛﺎﻧﺖ ﻛﺘﻘﺮﺍ ﻣﻌﺎﻳﺎ ﺗﺮﻓﻌﺖ ﻗﻠﻴﻼ : ﺍﻩ ﻫﺎﺩﻳﻚ ﺍﻟﺼﺤﺮﺍﻭﻳﺔ ! ﺧﺠﻞ ﻋﻨﺪﻣﺎ ﻋﻘﻠﺖ ﻋﻠﻴﻬﺎ : ﺍﻩ ﻫﺎﺩﻳﻚ،ﺑﻨﺖ ﺍﻟﻨﺎﺱ ﻭﻣﺮﺑﻴﺔ ﻭﻣﺄﺩﺑﺔ ﺑﻐﻴﺖ ﻧﺘﺰﻭﺟﻬﺎ ﻭﻟﻜﻦ ! ﺍﺑﺘﺴﻤﺖ ﺑﻔﺨﺮ ﺭﺍﻓﻌﺔ ﺭﺃﺳﻲ ﺣﺘﻰ ﺍﻟﺴﻤﺎﺀ : ﻟﻜﻦ ﺍﻣﻲ ﺣﻠﻔﺎﺕ ﻣﺘﺰﻭﺟﻬﺎ ﺣﺘﻰ ﻧﺘﺰﻭﺝ، " ﻻ ﺗﺤﺰﻥ "ﻨﻬًﺪ ﻋﻨﺪﻣﺎ ﻗﻠﺖ ﻫﺎﺩ ﻟﺠﻤﻠﺔ : ﻟﻤﺸﻜﻠﺔ ﺍﻥ ﻋﺎﺋﻠﺘﻬﺎ ﻗﺎﻟﻮ ﺑﻠﻲ ﺍﻳﻼ ﺑﻐﺎﻭﻧﻲ ﻧﺘﺰﻭﺟﻬﺎ ﺧﺎﺻﻨﻲ ﻧﺰﻭﺟﻚ ﻟﺨﻮﻫﺎ ! ﻋﻨﺪﻣﺎ ﺳﻤﻌﺖ ﻛﻠﻤﺔ ﺧﻮﻫﺎ ﻓﻲ ﺍﻟﺠﻤﻠﺔ ﺍﻟﺴﺎﺑﻘﺔ .. ﺍﻟﺠﻤﻠﺔ ﺍﻟﻤﻔﻴﺪﺓ ﺍﻟﻮﺣﻴﺪﺓ ﺍﻟﺘﻲ ﺍﺳﺘﻄﺎﻉ ﺍﺧﻲ ﺻﻴﺎﻏﺘﻬﺎ ﻭﻗﻮﻟﻬﺎ ﻭﺍﻧﺎ ﻣﺎﺯﻟﺖ ﻋﻠﻰ ﻗﻴﺪ ﺍﻟﺤﻴﺎﺓ .. ﻟﻤﻌﺖ ﻋﻴﻨﺎﻱ ﻭﺭﻓْﺮﻑَ ﻗﻠﺒﻲ ،ﻧﻈﺮﺕ ﺍﻟﻴﻪ ﺑﺴﻌﺎﺩﺓ : ﻏﺪﺍ ﻳﺠﻴﻮْ ! ﻋﺎﺩ ﺍﺧﻲ ﺍﻟﻰ ﺟﻮﻩ ﺍﻟﻜﺌﻴﺐ : ﻻ ﻣﺎﻳﻤﻜﻨﺶ ﻭﺍﺵ ﻋﺮﻓﺘﻲ ﻓﻴﻦ ﻏﺘﺴﻜﻨﻲ؟ﻓﺎﻟﺼﺤﺮﺍﺀ .. ﻓﺎﻝ - ﺟﻨﻮﺏ ﻋﺮﻓﺘﻲ ﺷﺤﺎﻝ ﺩﻳﺎﻝ ﺍﻟﻄﺮﻳﻖ ﺑﻌﺪﺍ ﻣﻦ ﻫﻨﺎ ﻟﺘﻤﺎ،ﻣﺒﻐﻴﺘﺶ ﻧﺮﻏﻤﻚ ﻋﻠﻰ ﺷﻲ ﺣﺎﺟﺔ ﺗﻨﺪﻣﻲ ﻋﻠﻴﻬﺎ ﻣﻦ ﻗﺒﻞ،ﻻﻧﻲ ﺍﻧﺎ ﺧﻮﻙ ﻭﻧﺨﺎﻑ ﻋﻠﻴﻚ ﺿﺤﻜﺖ : ﻭﻳﻠﻲ ﺍﻟﺼﺤﺮﺍ ﻫﺎﻫﻲ ﻏﻴﺮ ﻫﻨﺎ،ﻛﺎﺭ ﻭﺍﺣﺪ ﻳﺪﻳﻨﻲ ﻭﻳﺠﻴﺒﻨﻲ ،ﺍﻟﺸﻤﻴﺸﺔ ﺯﻭﻳﻨﺔ ﺩﻳﺎﻝ ﺳﻴﺪﻱ ﺭﺑﻲ،ﺩﺭﺗﻲ ﺑﺤﺎﻻ ﻏﻨﻤﺸﻲ ﻟﻠﻬﻨﺪ ،ﺍﻭﻳﻠﻲ ﺳﻌﺎﺩ ﺗﺰﻭﺟﺎﺕ ﺑﻬﻨﺪﻱ ﻣﺎﻟﻬﺎ ﻣﺎﻗﺎﻟﺖ ﻻ،ﻫﺪﺩﺗﻪ ﺑﻜﻞ ﻣﺎﻫﻮ ﺟﻤﻴﻞ ﻳﻘﺒﻞ ﺑﻬﺬﺍ ﺍﻟﺸﺮﻁ ﺍﺫﺍ ﺍﺭﺍﺩ ﺍﻥ ﻳﺴﻌﺪ ﺑﻘﻴﺔ ﺣﻴﺎﺗﻪ ! ﺳﻤﻌﺎﺗﻨﺎ ﻣﺎﻣﺎ ﻛﻨﻬﺪﺭﻭ ﻻﻧﻬﺎ ﻛﺎﻧﺖ ﺗﺘﻨﺼﺖ ﻋﻠﻴﻨﺎ،ﻓﺠﺎﺀﺕ ﻋﻠﻰ ﻋﺠﻞ :.. ﺍﻳﻼ ﻛﺎﻥ ﻭﻟﺪ ﺍﻟﻨﺎﺱ ﻋﺎﺭﻑ ﺑﺤﻖ ﺍﻟﻠﻪ ﻣﺮﺣﺒﺎ ! ﻧﻈﺮﺕ ﺍﻟﻲ ﻭﻫﻲ ﻓﺮﺣﺎﻧﺔ : ﻭﺍﺧﻴﺮﺍ ﻏﻨﺘﻬﻨﺎ ﻣﻨﻚ ! ﺗﻔﻬﻤﺖ ﻣﻮﻗﻔﻬﺎ ﻓﻘﺪ ﻇﻠﺖ ﺻﺎﺑﺮﺓ ﻋﻠﻲ ﻣﺪﺓ ﻃﻮﻳﻠﺔ ! ﻗﺎﻃﻌﻨﺎ ﺍﺧﻲ : ﺍﻟﺮﺍﺟﻞ ﻓﺎﻳﺖ ﻣﺰﻭﺝ ﻭﻣﻄﻠﻖ .. ﺍﻧﺎ ﻣﻨﻘﺒﻠﺶ ﻧﺰﻭﺟﻚ ﻟﻴﻪ ! ﺗﺮﺩﺩﺕ ﻗﻠﻴﻼ،ﺍﻣﻢ ﻣﺎﻋﺮﻓﺖ ﺑﺎﺵ ﻧﺠﺎﻭﺏ،ﺍﻣﻲ ﺍﻳﻀﺎ ﺻﺪﻣﻬﺎ ﻫﺎﺩ ﻟﺨﺒﺮ،ﺑﻘﻴﻨﺎ ﺳﺎﻛﺘﻴﻦ .. ﻭﻣﻌﺮﻓﺘﺶ ﻣﻨﻘﻮﻝ ﻓﺪﻳﻚ ﺍﻟﻠﺤﻈﺔ ﻭﺍﺵ ﻧﻘﺒﻞ ﻧﺸﻮﻓﻮ ﻭﻫﺬﺍ ﻣﻦ ﺍﺟﻞ ﻣﺼﻠﺤﺔ ﺍﺧﻲ ﻃﺒﻌﺎ ﻭﻻ ﻧﺮﻓﺾ ﻭﻧﺮﺟﻊ ﻟﺤﻴﺎﺗﻲ ﺍﻟﻄﺒﻴﻌﻴﺔ ﺑﻌﺪﻣﺎ ﺳﺮﻗﺖ ﻣﻦ ﺍﻟﺰﻣﻦ ﻟﺤﻈﺔ ﺳﻌﺎﺩﺓ ..
ﺑﻘﻴﺖ ﺍﻧﻈﺮ ﺍﻟﻰ ﺍﺧﻲ ﺍﻟﻤﺴﻴﻜﻴﻦ ﺍﻟﺬﻱ ﻗﺎﻝ ﺍﻧﻪ ﻳﺮﻳﺪ ﺍﻟﺰﻭﺍﺝ ﻣﻦ ﻛﻮﺛﺮ ﺍﻟﺼﺤﺮﺍﻭﻳﺔ ﺍﻟﺘﻲ ﺳﺤﺮﺕ ﺍﺧﻲ ﺑﺠﻤﺎﻟﻬﺎ ﺍﻟﺼﺤﺮﺍﻭﻱ ﻭﺷﻌﺮﻫﺎ ﺍﻻﺳﻮﺩ ﺍﻟﻄﻮﻳﻞ ﻭﺑﺸﺮﺗﻬﺎ ﺍﻟﺒﻴﻀﺎﺀ ﺍﻟﻼﻣﻌﺔ ﻭﺟﺴﺪﻫﺎ ﺍﻟﺬﻱ ﻛﻠﻤﺎ ﺣﺎﻭﻟﺖ ﻧﻬﻀﺮ ﻋﻠﻴﻪ ﻳﺮﺗﻔﻊ ﺿﻐﻄﻲ .. ﻧﻈﺮﺍ ﻟﺴﻮﺀ ﻫﻨْﺪﺳﺔ ﺟﺴَﺪﻱ ﺍﻟﻬﺰﻳﻞ ﺑﻘﻴﺖ ﺍﻓﻜﺮ ﻃﻮﻳﻼ ... ﺍﻧﺎ ﻣﺰﺭﺑﺎﻧﺎﺵ ﻣﺎﻛﺎﻳﻦ ﻻﺵ ﻧﻠﻮﺡ ﺭﺍﺳﻲ ،ﻟﻜﻦ ﺍﻣﻲ ﻭﺍﻓﻘﺖ ﻭﻗﺎﻟﺖ : ﺍﻳﻮﺍ ﻛﻮﺛﺮ ﺑﻨﺖ ﺍﻟﻨﺎﺱ ﻭﺧﻮﻫﺎ ﻭﻟﺪ ﺍﻟﻨﺎﺱ ﻋﺮﺱ ﻭﺍﺣﺪ ﺍﻥ ﺷﺎﺀ ﺍﻟﻠﻪ ! ﺷﺪﺕ ﺍﻣﻲ ﻋﺰﻣﻬﺎ ﺑﺎﻟﺮﻏﻢ ﻣﻦ ﺍﻧﻨﻲ ﻟﻢ ﺍﻗﺒﻞ .. ﺭﻓﻀﻲ ﻟﻢ ﻳﻜﻦ ﻣﺘﻮﻗﻌﺎ ﻟﻜﻦ .. ﺍﻣﻲ ﺍﺳﺘﻄﺎﻋﺖ ﺍﻥ ﺗﻘﻨﻌﻨﻲ ﺑﺼﻌﻮﺑﺔ ﺑﻌﺪ ﺣﺪﻳﺚ ﻣﻄﻮﻝ ﺗﺨﻠًﻠَﺘْﻪ ﺑﻌﺪ ﺍﻟﻜﻠﻤﺎﺕ ﻓﺎﻣﻲ ﻟﻢ ﺗﺘﺤﺪّﺙ ﻓﻘﻂ ﻧﻈﺮﺍﺗﻬﺎ ﺍﻟﻤﺨﻴﻔﺔ ﻛﺎﻧﺖ ﻛﻔﻴﻠﺔ ﺑﺎﺭﻫﺎﺑﻲ ! ﻛﺎﻥ ﺍﺧﻲ ﻓﺮﺣﺎﻧﺎ .. ﻛﻞ ﺳﺎﻋﺔ ﻳﺠﻲ ﻋﻨﺪﻱ ﻭﻳﻘﻮﻝ ﻟﻲ : ﺷﻜﺮﺍ ﺍﺧﺘﻲ،ﻭﺍﻟﻠﻪ ﻳﻜﻤﻞ ﻋﻠﻴﻨﺎ ﺑﺠﻮﺝ ﺑﺎﻟﺨﻴﺮ ! ﻟﻢ ﺗﻤﺮ ﺍﻳﺎﻡ ﺣﺘﻰ ﺟﺎﺀ ﺍﻫﻞ ﺍﻟﻌﺮﻳﺲ ... ﻳﻮﻣﻬﺎ ﻟﻢ ﺍُﺭِﺩْ ﺍﻥ ﺃَﺩﻭﺭَ ﺑِﺴﺎﺣﺔ ﺍﻣﻲ .. ﻓﻘﺪ ﺟَﺒَﺪَﺕ ﻣﻦ ﻣﺎﺭﻳﻮﻫﺎ ﺍﻟﺨﺸﺒﻲ ،ﻧﺎﺩﺕ ﻋﻠﻲ ﻣﺮﺍﺭﺍ ﻭﺗﻜﺮﺍﺭﺍ،ﻭﺍﻧﺎ ﻛﻨﺪﻳﺮ ﺭﺍﺳﻲ ﻣﺴﻤﻌﺘﻬﺎﺵ ﻻﻧﻨﻲ ﻛﻨﺖ ﻋﺎﺭﻓﺔً ﻣﺎﻳﻨﺘﻈﺮﻧﻲ،ﺗﺤَﻞّﻓَﺖْ ﻋﻠﻴﺎ ﺍﻳﻼ ﻣﺎﺟﻴﺘﺶ ﺗﺠﻴﻨﻲ .... ﻓﺄﺗﻴﺖ ﺭﺍﻛﻀﺔً ! ﺭﺃﻳﺖ ﺫﻟﻚ ﺍﻟﻤﺸﻬﺪ ﺍﻟﺬﻱ ﻃﺎﻟﻤﺎ ﺯﺍﺭﻧﻲ ﻓﻲ ﺍﺣﻼﻣﻲ ﻭﺍﺭﻋﺒﻨﻲ .. ﻣﺸﻬﺪ ﺟﻌﻠﻨﻲ ﺍﺷﻌﺮ ﺑﺎﻟﺪﻭﺧﺔ ﻭﺍﻧﺎ ﺍﺭﺍﻩ ﺍﻣﺎﻡ ﻋﻴﻨﺎﻱ ﺍﻟﺒﺮﻳﺌﺘﻴﻦ ﻭﻗﺘﻬﺎ ﺍﻣﻲ ﻭﺳﻂ ﻏﺮﻓﺘﻬﺎ ﻣﺒﺘﺴﻤﺔ ﻣﻨﺸﺮﺣﺔ ﻭﻫﻲ ﺗﺤﻤﻞ ﺑﻴﻦ ﻳﺪﻳﻬﺎ ﺍﻟﻤُﺠَﺮًﺩَﺗﻴﻦ ﻟﺒﺎﺳﺎ ﺳْﻄﺎَﻧْﺪﺍﺭْ .. ﻛﻦ ﺕ ﺍﻋﺮﻑ ﻳﺎ ﺍﻣﻲ ﺍﻧﻚ ﻣﺎﻏﺘﻤﺸﻲ ﺣﺘﻰ ﺩﻳﺮﻳﻬﺎ ! ﻧﺎﺩﺗﻨﻲ ﺑﻬﺪﻭﺀ : ﺩﺧﻠﻲ ﺍﺑﻨﺘﻲ،ﺍﺟﻲ ﺗﺸﻮﻓﻲ ﺷﻨﻮ ﻟﻘﻴﺖ ! ﻭﻗﻔﺖ ﻣﻨﺒﻬﺮﺓ ﻋﻠﻰ ﻋﺘﺒﺔ ﺍﻟﻐﺮﻓﺔ ﻣﺨﺎﻃﺒﺔ ﻧﻔﺴﻲ : ﻫﻲ ﻛﻴﺪﺍﺭﺕ ﺣﺘﻰ ﻟﻘﺎﺗﻮ ﺧﺒﻴﺘﻮ ﻟﺪﺍﺧﻞ ﻣﺰﻳﺎﻥ،ﺗﻔﻮ ﻫﺎﺩ ﺍﻟﻘﻔﻄﺎﻥ ﺭﺍﻩ ﻣﻜﺘﺴﺮﻃﺶ ﻟﻴﺎ ﻓﺼﺎﻟﺘﻮ ! ﺩﺧﻠﺖ ﺑﺨﻄﻰ ﺗﺎﺑﺜﺔ ،ﻭﻗﻔﺖ ﺍﻣﺎﻡ ﺍﻟﻤﺮﺁﺓ ﻭﺍﻧﺎ ﺍﻧﻈﺮ ﻟﻨﻔﺴﻲ ،ﺍﻧﺎ ﺍﻟﺘﻲ ﻣﺮْﻣَﻄَﻬﺎ ﺍﻟﺰﻣﺎﻥ .. ﻭﺍﻣﻲ ﻟّﻲ ﻣﺒﻐﺎﺗﺶ ﺗﺠﺒﺪ ﻭﺗﻮﺟﺪ ﻟﻴﺎ ﻣﺎﻧﻠﺒﺲ ﻓﻲ ﻫﺬﺍ ﺍﻟﻴﻮﻡ ﺍﻟﺴﻌﻴﺪ .. ﺍﻣﺴﻜﺖ ﺍﻣﻲ ﺍﻟﺜﻮﺏ ﻣﻦ ﺍﻃﺮﺍﻓﻪ ﻭﻭﺿﻌﺘﻪ ﻋﻠﻰ ﺟﺴﺪﻱ ﻭﻫﻲ ﻓﺮﺣﺎﻧﺔ،ﺭﺍﺋﺤﺘﻪ ﺍﻧﻌﺸﺖ ﺫﺍﻛﺮﺗﻲ ﻋﺎﺩﺕ ﺑﻲ ﺍﻟﻰ ﻋﻬﺪ ﺍﻻﺳﺘﻘﻼﻝ،ﺑﺎﻟﻈﺐﻁ ﻭﻗﺖ ﺭﺃﻯ ﺍﻟﻨﺎﺱ ﻭﺟﻪ ﻣﻠﻜﻨﺎ " ﻣﺤﻤﺪ ﺍﻟﺨﺎﻣﺲ " ﻓﻲ ﺍﻟﻘﻤﺮ ،ﻧﻌﻢ ﺍﻣﻲ ﻛﺎﻧﺖ ﻋﺎﻳﺸﺔ ﻓﺪﺍﻙ ﺍﻟﻮﻗﺖ ﻭﻛﺎﻧﺖ ﺗﺮﺗﺪﻱ ﻫﺬﺍ ﺍﻟﺜﻮﺏ ﻓﻤﺎ ﺍﻧﻔﻜّﺖ ﺗﺤﻜﻲ ﻟﻨﺎ ﻫﺬﻩ ﺍﻟﻘﺼﺔ ! ﻟﻢ ﺍﺳﺘﻄﻊ ﺍﻥ ﺍُﻛَﻤّﺪﻫﺎ ﻓﻲ ﻗﻠﺒﻲ ﻓﻨﺰﻟﺖ ﻣﻦ ﻋﻴﻨﻲ ﺩﻣﻌﺔ ،ﺗﺄﺛﺮﺕ ﺑﺴﺒﺒﻬﺎ ﺍﻣﻲ ﻓﻘﺎﻟﺖ : ﻻ ﺍﺑﻨﺘﻲ ﻣﺘﺒﻜﻴﺶ،ﺍﻟﺤﻤﺪ ﻟﻠﻪ ﻻﻥ ﺍﻟﻠﻪ ﻋﻄﺎﻧﻲ ﺑﻨﻴﺔ ﻧﻠﺒﺴﻬﺎ ﻫﺎﺩ ﺍﻟﻘﻔﻄﺎﻥ ﻟﻲ ﻟﺒﺴﺘﻮ ﻧﻬﺎﺭ ﺧﻄﺒﺘﻲ ﻭﺑﻘﻴﺖ ﻣﺤﺎﻓﻈﺔ ﻋﻠﻴﻪ ﻣﻦ ﺍﺟﻠﻚ ! ﺣﺪﺭﺕ ﺭﺍﺳﻲ ﻭﻋﻨﻘﺘﻬﺎ ﻣﺘﻨﺎﺳﻴﺔ ﺍﻣﺮ ﺍﻟﻘﻔﻄﺎﻥ ﺫﻱ ﺍﻟﺤﺠﻢ ﺍﻟﻜﺒﻴﺮ، ﻣُﺘﺄﺛﺮﺓ ﺑﻜﻼﻡ ﺍﻣﻲ ! ﻟﺒﺴﺖ ﻭﻭﺟﺪﻧﺎ ﻛﻞ ﺷﻴﺊ،ﺟﺎﻭ ﺍﻟﻀﻴﺎﻑ ،ﻭﺍﻟﺪﻱ ﺍﻟﻌﺮﻳﺲ ﻭﺑﻌﺾ ﺍﻓﺮﺍﺩ ﻋﺎﺋﻠﺘﻪ،ﻟﻢ ﺗﻜﻦ ﻣﻌﻬﻢ ﻛﻮﺛﺮ ﺯﻭﺟﺔ ﺍﺧﻲ ﺍﻟﻤﺴﺘﻘﺒﻠﻴﺔ،ﻣﺤﻤﻞﻳﻦ ﻭﻣﺠﻤﻠﻴﻦ ﺑﺎﻟﻜﺜﻴﺮ ﻣﻦ ﺍﻟﻬﺪﺍﻳﺎ ! ﻟﻢ ﺍﺳﺘﻄﻊ ﺍﻻﻧﺘﻈﺎﺭ ﻛﺜﻴﺮﺍ ﻓﺒﻴﺘﻲ ﺧﺮﺟﺖ ﻭﻣﺸﻴﺖ ﺟﻠﺴﺖ ﻣﻌﻬﻢ ﺩﻭﻥ ﻣﻨﺎﺩﺍﺓ ﺍﻣﻲ ﻟﻲ،ﺟﻠﺴﺖ ﻗﺪﺍﻣﻬﺎ ﻧﻴﺖ ﺭﺍﺳﻲ ﺑﺮﺍﺳﻬﺎ ﺍﻧﺎ ﻭﻳﺎﻫﺎ ﻛﻨﻬﻀﺮﻭ،ﻓﻠﻢ ﺗﺴﺘﻄﻊ ﻛﺒﺢ ﻣﺸﺎﻋﺮﻫﺎ ﻭﻫﻲ ﺗﺸﺎﻫﺪﻧﻲ ﺍﻣﺎﻡ ﻋﻴﻨﻬﺎ ﺃﺩّﻱ ﻭﺃﺟﻴﺐُ ﻓﻲ ﺍﻟﻜﻼﻡ ﻣﻊ ﺍﻡ ﺍﻟﻌﺮﻳﺲ ﺑﺪﻭﻥ ﺣﺸﻤﺔ ﻭﻻ ﺣْﻴﺎ،ﻭﻧﻈﺮﺓ ﺑﻌﻴﻨﻴﻬﺎ ﻻﺗﻴﻦ ﻟﻢ ﺍﺳﺘﻄﻊ ﺍﻥ ﺍﻃﻴﻞ ﺍﻟﻨﻈﺮ ﺍﻟﻴﻬﻤﺎ ﻛﺎﻧﺖ ﻛﺎﻓﻴﺔ ﻻﺟﻤﺪ ﻣﻜﺎﻧﻲ !
ﻭﺩﺧﻞ ﺍﻟﻌﺮﻳﺲ ... ﺩﺧﻞ ﻭﺃﻧﺎ ﻣﻨﻬﻤﻜﺔ ﻓﻲ ﺗﺤﻠﻴﻞ ﺷﻔﺮﺓ ﻧﻈﺮﺍﺕ ﺍﻣﻲ ﺍﻟﺘﻬﺪﻳﺪﻳﺔ،ﺩﺧﻞ ﻓﺎﺷﻊ ﺍﻟﻤﻜﺎﻥ ﻧﻮﺭﺍ،ﺑﻠﺒﺂﺍﺳﻪ ﺍﻟﺼﺤﺮﺍﻭﻱ،ﻻﺑﻴﺾ ﺍﻟﻤﻄﺮﺯ ﺑﺎﻟﺬﻫﺒﻲ،ﺗﻮﻗﻒ ﺍﻟﺰﻣﻦ ﻟﻠﺤﻈﺎﺕ ﻭﺍﻧﺎ ﻫﺎﻳﻤﺔ ﻭﺣﺎﻟﺔ ﻓﻤﻲ ﻓﻴﻪ،،ﺍﻭﻳﻠﻲ ﻫﺪﺍ ﻫﻮ ﻟﻌﺮﻳﺲ؟ﻭﻟﻜﻦ ﻫﺬﺍ ﺭﺍﻩ ﻧْﻜﻮﻓْﺮﻭ ﻭﻧﺤﻄﻮ ﻓﺸﻲ ﻛﺎﺩَﺭْ ﻓﺎﻟﺪﺍﺭ ﻭﻻ ﻳﺘﺤْﻔَﻆْ ﻓﺸﻲ ﭬﻴﺘﺮﻳﻨﺎ ﺩﻳﺎﻝ ﺍﻟﺠّﺎﺝْ .. ﻗﺎﻣﺖ ﺍﻣﻲ ﻣﺒﺘﺴﻤﺔ ﺗﺮﺣﺐ ﺑﻪ ﻭﺭﺍﻓﻘﻬﺎ ﺍﺧﻲ ﻭﺣﺘﻰ ﺍﻧﺎ ﺭﺍﻓﻘﺘﻬﻤﺎ ... ﻻﺣﻆ ﺍﻟﺠﻤﻴﻊ ﺍﻧﺒﻬﺎﺭﻱ ﺑﺠﻤﺎﻟﻪ ،،ﻛﻨﺸﻮﻑ ﻓﻴﻪ ﻭﺍﻧﺎ ﻣﺎﻣﺼﺪﻗﺎﺵ ﺍﻧﻨﻲ ﻏﻨﺘﺰﻭﺝ ﺑﻬﺎﺩ ﺍﻟﺠﻤﺎﻝ ﺍﻟﺮﺑﺎﻧﻲ،ﻭﻗﻒ ﻗﺒﺎﻟﺘﻲ ﻗﺎﺋﻼ : ﺍﻟﺴﻼﻡ ﻋﻠﻴﻜﻢ . ﺻﻮﺗﻪ ﺍﻟﻌﺬﺏ ﺗﺴﻠﻞ ﺍﻟﻰ ﺍﻋﻤﺎﻕ ﻗﻠﺒﻲ ﻭﺣﺮﻙ ﻛﻴﺎﻧﻲ ﺳﻤﻌﺖ ﺩﻗﺎﺕ ﻗﻠﺒﻲ ﻭﻫﻲ ﺗﺨﺎﻃﺒﻨﻲ : ﺷﻮﻓﻲ ﺍﻟﺤﻴﺎﺓ ﻛﺘﻌﻄﻲ ﻓﺮﺻﺔ ﻭﺣﺪﺓ ؛ﺍﻗﺒﻠﻲ .. ﺍﻗﺒﻠﻲ .. ﺍﻗﺒﻠـــﻴﻴﻲ، ¬ ﻓﻘﻠﺖ ﺍﻗﺒﻞ ،ﺑﻘﺎ ﻛﻴﺸﻮﻑ ﻓﻴﺎ ﺑﻜﻞ ﺛﻘﺔ ﺑﺎﻟﻨﻔﺲ ،ﺍﺭﺗﺒﻜﺖ : ﺍﻩ ،ﻻ ﻫﻪ ﺑﻐﻴﺖ ﻧﻘﻮﻝ ﻋﻠﻴﻜﻢ ﺍﻟﺴﻼﻡ ! ﺑﻘﻴﺖ ﺣﺎﺿﻴﺎﻩ ،ﻣﺎﻣﺎ ﺣﺎﺿﻴﺎﻧﻲ ،ﻭﺍﻟﻀﻴﺎﻑ ﺣﺎﺿﻴﻴﻨﺎ ﻭﺧﻮﻳﺎ ﺍﻟﻤﺴﻜﻴﻦ ﺣﺎﺿﻲ ﻟﺤﻠﻮﻯ ! ﻓﻜﻞ ﺳﺎﻋﺔ ﻛﺎﻥ ﻳﻘﻮﻝ ﻟﻨﺎ " ﺧﻮﺩﻭ ﻟﺤﻠﻮﻯ " ﺑﻘﺎ ﻛﻴﺸﻮﻑ ﻫﻨﺎ ﻭﻟﻬﻴﻪ ،ﻭﻟﻜﻦ ﻣﺸﺎﻓﺶ ﻓﻴﺎ،ﺣﺴﻴﺖ ﺑﺎﺣﺴﺎﺱ ﻓﺸﻜﻞ،ﻛﺎﻥ ﺣﺪﺳﻲ ﻛﻴﻘﻮﻟﻲ ﻣﻌﺠﺒﺘﻮﺵ ﻭﻫﺎﺩﺷﻲ ﻟﻲ ﻛﻨﺖ ﺧﺎﻳﻔﺔ ﻣﻨﻮ،ﻭﺍﻟﺴﺒﺐ ﻫﻮ ﻗﻔﻄﺎﻧﻚ ﻳﺎ ﺍﻣﻲ ! ﻣﻠﻲ ﻻﺣﻈﺖ ﺍﻧﻪ ﻻ ﻳﻌﻴﺮﻧﻲ ﺍﻫﺘﻤﺎﻣﺎ ،ﺍﻫﺘﻤﺎﻡ ﺍﻗﻞ ﻣﻦ ﺍﻟﻤﺘﻮﻗﻊ،ﺣﺪﺭﺕ ﺭﺍﺳﻲ ﻭﺑﺎﻧﺖ ﻓﻴﺎ ﺑﺤﺎﻻ ﺍﻳﻼ ﻣﻌﺠﺒﻨﻴﺶ ﻟﺤﺎﻝ ! ﻣﺎﻣﺎ ﻻﺣﻈﺖ ﻧﻔﺲ ﺍﻟﺸﻴﺊ،ﻭﺣﺘﻰ ﺍﻻﻫﻞ ﺩﻳﺎﻟﻮ ﻛﻞ ﺳﺎﻋﺔ ﻛﻴﺤﺎﻭﻟﻮ ﻳﺠﺒﺪﻭ ﺑﻴﻨﺎﺗﻨﺎ ﺍﻃﺮﺍﻑ ﻟﺤﺪﻳﺚ،ﻭﻫﻮ ﻳﺎﻻﻩ ﻛﻴﺠﺎﻭﺏ ﻋﻠﻰ ﻗﺪ ﺍﻟﺴﺆﺍﻝ ﻟﻲ ﺳﻮﻟﻮﻩ ... ﺣﺎﻭﻟﺖ ﻧﻬﺪﺭ ﻣﻌﺎﻩ ،ﻭﻟﻜﻦ ﺣﺴﻴﺖ ﺑﻠﺤﺮﺝ ﻓﺎﺵ ﻫﺪﺭﺕ ﻭﻫﻮ ﺗﺠﺎﻫﻞ ﻫﺪﺭﺗﻲ ﺟﻮﺝ ﻟﻤﺮﺍﺕ ... ﻛﺎﻧﻨﻲ ﻟﻢ ﺍﻛﻦ ﻫﻨﺎﻙ،ﺍﻣﺎﻡ ﺍﻟﺠﻤﻴﻊ،ﻓﺎﻋﺘﺬﺭﺕ ﻣﻨﻲ ﻣﺎﻣﺎﻩ ﻭﻗﺎﻟﺖ ﺍﻧﻪ ﻣﺴﻤﻌﻨﻴﺶ ﻓﺎﺟﺎﺏ ﻋﻠﻰ ﻫﺪﺭﺗﻲ ﻟﻤﺎ ﻧﺒﻬﺎﺗﻮ ﻟﻮﺍﻟﻴﺪﺓ ﺩﻳﺎﻟﻮ ! ﺍﺗﻔﻖ ﺍﻟﺠﻤﻴﻊ ﻋﻠﻰ ﺍﻥ ﺣﻔﻞ ﺍﻟﺨﻄﻮﺑﺔ ﺳﻴﻜﻮﻥ ﺑﻌﺪ ﺍﺳﺒﻮﻉ ﻭ ﺣﻔﻞ ﺍﻟﺰﻭﺍﺝ ﺑﻌﺪ ﺷﻬﺮﻳﻦ ! ﻛﺎﻧﺖ ﻟﻤﻌﺎﻣﻠﺔ ﺩﻳﺎﻟﻮ ﺍﻟﺨﺎﻟﻴﺔ ﻣﻦ ﺍﻻﻫﺘﻤﺎﻡ ﺑﻤﺘﺎﺑﺔ ﺍﺷﺎﺭﺓ ﻭﺍﺿﺤﺔ ﺍﻧﻪ ﻣﺒﺎﻏﻴﻨﻴﺶ،ﺍﻳﻤﻜﻦ ﻣﺤﻤﻠﻨﻴﺶ ﻭﻻ ﻣﻌﺠﺒﺘﻮﺵ .. ﻭﻻ ﻫﻮ ﯕﺎﻉ ﻣﺎﺑﺎﻏﻴﺶ ﻳﺘﺰﻭﺝ،،ﺻﺎﺭﺣﺖ ﺍﻣﻲ ﺑﻤﺎ ﺍﺷﻌﺮ ﻟﻜﻦ ﻗﺎﻟﺖ ﻟﻲ : ﺍﺑﻨﺘﻲ ﺍﻻﻫﺘﻤﺎﻡ ﺍﻟﺤﺐ ﻭﺍﻟﻤﻮﺩﺓ ﻛﻠﺸﻲ ﻛﻴﺠﻲ ﻣﻦ ﺑﻌﺪ ﺍﻟﺰﻭﺍﺝ،ﻭﻣﺎﻛﺎﻳﻦ ﻣﺎﺣﺴﻦ ﻣﻦ ﺍﻟﺤﺐ ﻣﻦ ﺑﻌﺪ ﺍﻟﺰﻭﺍﺝ ! ﺣﺪﺭﺕ ﺭﺍﺳﻲ ﻭﻣﺸﻴﺖ ﻟﺒﻴﺘﻲ ﻣﺤﺎﻭﻟﺔ ﺍﻻﺗﺼﺎﻝ ﺑﻪ ،،ﻭﻛﺎﻟﻌﺎﺩﺓ ﺗﺠﺎﻫﻞ ﺍﺗﺼﺎﻟﻲ ﻭﺍﻛﺘﻔﻰ ﺑﺎﺭﺳﺎﻝ ﺭﺳﺎﻟﺔ ،ﻭﺍﻳﻤﺘﺎ .. ﺣﺘﻰ ﺩﺍﺯﺕ ﻳﻮﻣﺎﻳﻦ ﻛﺎﺗﺐ ﻓﻴﻬﺎ : ﻣﻜﻨﺘﺶ ﻣﺴﺎﻟﻲ ﺍﻳﻼ ﺧﺼﺎﺗﻚ ﺷﻲ ﺣﺎﺟﺔ ﻓﺎﺵ ﺗﻬﻀﺮ ﻣﻌﺎﻙ ﻟﻮﺍﻟﻴﺪﺓ ﻗﻮﻟﻴﻬﺎ ﻟﻴﻬﺎ ! ﻟﺬﻟﻚ ﺍﺧﺘﺎﺭﻳﺖ ﺍﻧﻨﻲ ﻧﺤﺎﻓﻆ ﻋﻠﻰ ﻋﺰﺓ ﻧﻔﺴﻲ ﻭﻣﻨﻬﻀﺮ ﻣﻌﺎﻩ ﺣﺘﻰ ﻳﻬﻀﺮ ﻫﻮ ! ﺍﻭ ﺑﺰﺍﻑ ﻋﻠﻰ ﻟﻌﻴﺎﻗﺔ ﻣﺎﻟﻲ ﻣﻌﻮﻗﺔ ﻭﻻ ﻣﺤﺘﺎﺟﺔ ﻟﻴﻪ ﺍﻳﻮﺍ ﺻﺎﻓﻲ ! ﻭﻓﻌﻼ ... ﻣﺎﻫﻀﺮﺵ ﻭﻣﺤﺸﺎﻫﺎﺵ ﻟﻲ ! ﻛﻨﺖ ﺍﺗﻔﻘّﺺُ ﻛﺜﻴﺮﺍ ﻭﺍﻧﺎ ﺍﻧﻈﺮ ﺍﻟﻰ ﺍﺧﻲ ﻭﻫﻮ ﻛﻴﻬﻀﺮ ﻣﻊ ﻛﻮﺛﺮ،ﺍﺗﺼﻨﺖ ﻋﻠﻴﻪ ﻭﺍﻧﺎ ﺍﻣﻮﺕ ﻏﻴﻀﺎً،ﻭ( ﺍﺳﺘﺸﻴﻂ ﻏﻀﺒﺎ ﻭﺍﻧﺎ ﺍﺷﻮﻓُﻪُ ﻓﺮﺣﺎﻥٌ ﻭﻫﻮ ﻳﻘﻮﻝ ﻟﻬﺎ،ﺍﻥ ﺷﺎﺀ ﺍﻟﻠﻪ ﺗﺰﻭﺝ ﺣﻨﺎﻥ ﻭﺗﺠﻲ ﻧﻮﺑﺘﻨﺎ،ﻛﻮﻥ ﻏﻴﺮ ﻣﺎﻣﺎﻙ ﺑﻐﺎﺕ ﺩﻳﺮ ﻟﻴﻨﺎ ﻋﺮﺱ ﻭﺍﺣﺪ ! ﺍﻣﺎ ﻋﻨﺪﻣﺎ ﺍﺳﻤﻊ ﻟﻨﻜﺎﺗﻪ ﺍﻟﺒﺎﻳﺨﺔ ﺍﻟﺘﻲ ﻳﻌﺎﻭﺩﻫﺎ ﻟﻬﺎ ﻓﺎﻧﻨﻲ ﺍﻣﻮﺕ ﻗﻬﺮﺍ،ﻓﻼ ﺍﺟﺪ ﺣﻼ ﺍﻻ ﻧﻤﺸﻲ ﻋﻨﺪ ﺍﻣﻲ ﻧﻌﺎﻭﻧﻬﺎ ﻓﺎﻻﺷﻐﺎﻝ ! ﺻﺎﻓﻲ ،ﻫﺪﺭﺕ ﻣﻊ ﺍﻟﻨﯖﺎﻓﺔ ﻭﺍﻟﻄﺮﻳﻄﻮﺭ ﻛﻠﺸﻲ ﺍﻥ ﺷﺎﺀ ﺍﻟﻠﻪ ﻭﺍﺟﺪ،،ﺟﺒﺪﺍﺕ ﻓﻠﻮﺱ ﻣﻦ ﻭﺍﺣﺪ ﺍﻟﺼﻨﺪﻭﻕ : ﻫﺎﺩﻱ ﻓﻠﻮﺳﻚ ﺍﺑﻨﺘﻲ،ﻟﻲ ﻛﻨﺘﻲ ﻛﺘﻌﻄﻴﻬﺎ ﻟﻴﺎ،ﻛﻨﺖ ﻛﻨﺨﺒﻴﻬﺎ ﻟﺒﺤﺎﻝ ﻫﺎﺩ ﺍﻟﻨﻬﺎﺭ،ﺍﻟﻤﺮﺣﻮﻡ ﺑﺎﻙ ﻣﻠﻲ ﻣﺎﺕ ﻣﻠﻘﻴﺘﺶ ﻋﻠﻰ ﻣﻦ ﻧﻌﻮﻝ،ﻛﻞ ﻭﺍﺣﺪ ﻛﻴﺴﺪ ﻋﻠﻴﻪ ﺑﺎﺑﻮ ﻭﺧﻔﺖ ﻟﻴﺠﻲ ﻧﻬﺎﺭ ﻣﻨﻠﻘﺎﺵ ﺑﺎﺵ ﻧﻮﺟﺪ ﻟﺒﻨﻴﺘﻲ ﻋﺮﺳﻬﺎ ﻭﻣﺒﻐﻴﺘﺶ ﻧﺘﺴﻠﻒ ﻓﻠﻮﺱ ﺑﺎﺵ ﻧﺪﻳﺮﻭ ﻟﻴﻚ،ﺍﻟﺤﻤﺪ ﻟﻠﻪ ﺭﺑﻲ ﻛﺮﻣﻨﻲ ﺑﻴﻚ ﻧﺘﻲ ﻭﺧﻮﻙ ﺍﻟﺘﻬﺎﻣﻲ ﻭﻃﻮﻝ ﻓﻌﻤﺮﻱ ﺑﺎﺵ ﻧﺸﻮﻓﻜﻢ ﺑﺪﻳﻮﺭﻛﻢ .. ﻣﻌﺮﻓﺖ ﻣﻨﻘﻮﻝ ﻟﻴﻬﺎ ﻏﻴﺮ ﺍﻧﻨﻲ ﻧﻌﻨﻘﻬﺎ ﻭﻧﺒﻜﻲ ﻭﻫﻲ ﻛﺘﻘﻮﻟﻲ ﻫﺎﺩ ﺍﻟﻜﻼﻡ،ﺑﺴﺖ ﻟﻴﻬﺎ ﺭﺍﺳﻬﺎ : ﺍﻟﻠﻪ ﻳﻄﻮﻝ ﻟﻴﻨﺎ ﻓﻌﻤﺮ ﻳﻠﻤﻴﻤﺔ ! ﺣﺪﺭﺕ ﺭﺍﺳﻲ ﻭﺧﺮﺟﺖ ﻣﺘﻨﺎﺳﻴﺔ ﺍﻧﻨﻲ ﻛﻨﺖ ﺑﻐﻴﺖ ﻧﻔﺎﺗﺤﻬﺎ ﻓﻤﻮﺿﻮﻉ ﻣﻨﺼﻒ ﻟﻲ ﻟﺤﺪ ﺍﻻﻥ ﻣﺸﻔﺖ ﻣﻨﻮ ﺍﻱ ﺍﻫﺘﻤﺎﻡ ... ﻭﺟﺎﺀ ﺍﻟﻴﻮﻡ ﺍﻟﺴﻌﻴﺪ ... ﻳﻮﻡ ﻋﺮﺳﻲ .
ﻧﻬﺎﺭ ﻋﺮﺳﻲ ﻛﻨﺖ ﺟﺎﻟﺴﺔ ﻫﻨﺎﻙ ﻓﻮﻕ ﺍﻟﻤﻨﺼﺔ ﻛﻨﺒﺘﺴﻢ ﻭﻛﻨﻀﺤﻚ ﻭﻛﻨﺒﻴﻦ ﺍﻧﻨﻲ ﻓﻘﻤﺔ ﻟﻔﺮﺣﺔ .. ﯕﺎﻉ ﻟﺒﻨﺎﺕ ﻋﺮﺿﺖ ﻋﻠﻴﻬﻢ،ﺧﺎﺻﺔ ﻓﺎﺵ ﺷﻔﺖ ﻟﻴﻠﻰ .. ﺑﻐﻴﺖ ﻧﺒﻴﻦ ﻟﻴﻬﺎ ﺍﻧﻨﻲ ﻣﻨﺴﺎﺟﻤﺔ ﻣﻊ ﻣﻨﺼﻒ ﻭﻧﺒﺎﻥ ﻋﻠﻰ ﯕﺎﻉ ﻟﺒﻨﺎﺕ،ﺩﺭﺕ ﻋﻨﺪﻭ ﺑﺎﻥ ﻟﻴﺎ ﻣﺎﺣﻤﻠﺶ ﻟﯖﻠﺴﺔ ،ﻗﺮﺑﺖ ﻟﻴﻪ ﻭﺍﻧﺎ ﻛﻨﻔﺮﻧﺲ : ﺍﺟﻲ ﻧﻘﻮﻝ ﻟﻴﻚ،ﺍﻳﻼ ﺷﺪﻳﻨﺎ ﺍﻟﻄﺮﻳﻖ ﻟﻴﻮﻡ ﺑﺎﻟﻠﻴﻞ ﻣﻌﺎﺵ ﻧﻘﺪﺭﻭ ﻧﻮﺻﻠﻮ ! ﺷﺎﻑ ﻓﻴﺎ ،ﻗﺎﻟﻴﺎ : ﻋﻨﺪﻙ 17 ﺳﺎﻋﺔ ﺩﻳﺎﻝ ﺍﻟﻄﺮﻳﻖ ! ﺟﻤﻌﺖ ﺍﻟﻀﺤﻜﺔ : ﻭﺍﻩ ؟ ﻣﺎﻟﻨﺎ ﻣﺴﺎﻓﺮﻳﻦ ﻟﺸﻴﻨﻮﺍ ﺟﺎﻭﺑﻨﻲ ﻭﻫﻮ ﻣﺎﻓﻴﻬﺶ ﻟﻲ ﻳﻬﺪﺭ : ﻻ ﻛﻨﻀﺤﻚ ﻣﻌﺎﻙ 20 ﺳﺎﻋﺔ ! ﺑﺪﻳﺖ ﻛﻨﻀﺤﻚ : ﻫﻬﻪ ﻣﺎﺷﻲ ﻣﺸﻜﻞ ! ﻋﺎﺭﻓﺎﻙ ﻛﺘﻀﺤﻚ،ﻭﻟﻜﻦ ﻓﺎﻻﻭﻝ ﻳﺼﺤﺎﺑﻠﻲ ﻛﺘﻬﺪﺭ ﺑﺼﺢ ! ﺑﻘﺎ ﻛﻴﺸﻮﻑ ﻓﻴﺎ ﺑﺘﺎﺳﻢ ﺣﺘﻰ ﺑﺎﻧﻮ ﻟﻐﻤﺎﺯﺍﺕ : ﺑﺼﺢ ﻣﺎﺷﻲ ﻣﺸﻜﻞ ! ﻋﻨﺪ ﺑﺎﻟﻚ ﻛﻨﺘﻤﺎﺯﺡ ﻣﻌﺎﻙ ﻳﺎﻙ؟ ﺟﺎﻭﺑﺘﻮ ﻭﺍﻧﺎ ﻣﻔﺮﻧﺴﺔ : ﻭﺍﻳﻠﻲ ،،ﻣﺎﻟﻨﺎ ﻏﻨﺴﺎﻓﺮﻭ ﻋﻠﻰ ﺭﺟﻠﻴﻨﺎ ﻫﻴﻬﻴﻬﻲ ﻣﺒﺮﺩﻳﻦ ﻓﺎﻟﻄﻮﻣﻮﺑﻴﻞ ﺍﺻﻼ ﻏﻨﻀﺮﺑﻬﺎ ﺑﻨﻌﺴﺔ ﻣﺎﻏﻨﻔﻴﻖ ﺣﺘﻰ ﻧﻮﺻﻠﻮ،،ﻓﺨﺒﺎﺭﻙ ﺍﻧﺎ ﺩﻳﻤﺎ ﻛﻨﺴﻤﻊ ﺍﻟﺼﺤﺮﺍ ﻛﻨﻘﻮﻝ ﻣﺎﻛﺎﻳﻦ ﻏﻴﺮ ﺍﻟﺮﻣﻞ ﻭﺍﻟﺠﻔﺎﻑ ﻭﻟﻤﻮﺕ ﺍﻟﺼﻬﺪ،ﻭﻟﻜﻦ ﻟﻮﺍﻟﻴﺪﺓ ﻗﺎﻟﺖ ﻟﻴﺎ ﻛﻠﺸﻲ ﺧﺪﺍﻡ ﺑﻠﻜﻠﻴﻤﺎﺗﻴﺰﻭﺭ ﻭﻣﺒﻘﺎﺗﺶ ﺍﻟﺪﻧﻴﺎ ﻛﻴﻔﻤﺎ ﻛﺎﻧﺖ ! ﺑﻘﺎ ﻛﻴﺸﻮﻑ ﻓﻴﺎ ﻭﻛﻴﻀﺤﻚ،ﺍﻭﻝ ﻣﺮﺓ ﻛﻨﺸﻮﻓﻮ ﻛﻴﻀﺤﻚ،ﻗﺎﻟﻲ : ﺍﺟﻲ ﻗﺮﺑﻲ ﺳﻮﻟﻚ ! ﺣﺸﻤﺖ ﻭﺣﺪﺭﺕ ﺭﺍﺳﻲ ﻭﻣﺪﻳﺖ ﻭﺩﻧﻲ : ﻧﻌﻢ ! ﻗﺮﺏ ﻟﻴﺎ ﻭﻗﺎﻝ ﻟﻲ : ﻋﻤﺮﻙ ﻣﺸﻴﺘﻲ ﻟﺼﺤﺮﺍ؟ ﻫﺰﻳﺖ ﻓﻴﻪ ﻋﻴﻨﻴﺎ ﻭﺍﻧﺎ ﺣﺸﻤﺎﻧﺔ : ﻻ ﺍﻭﻝ ﻣﺮﺓ ! ﻋﻼﺵ؟ ﺭﺟﻊ ﻟﺒﻼﺻﺘﻮ : ﻭﺍﻟﻮ،ﻏﻴﺮ ﺳﻮﻟﺘﻚ،،،ﺍﻩ ﻧﺴﻴﺖ ﻣﻘﻠﺖ ﻟﻴﻚ ! ﺑﺪﻳﺖ ﻛﻨﺘﻤﺴﻜﻦ ﻭﺭﺍﺳﻲ ﻓﻴﻪ ﻟﻌﺠﻴﻨﺔ : ﺷـ .. ﺷﻨﻮ ! ﻗﺎﻟﻲ : ﻣﺎﻟﻚ ﻛﺪﻳﺮﻱ ﻟﻌﻴﻨﻴﻚ ﻫﺎﻛﺪﺍﻙ،؟ﺑﺪﺍ ﻛﻴﻀﺤﻚ : ﻣﺎﻣﻴﻤﺸﻴﺶ ﻋﻘﻠﻚ ﺑﻌﻴﺪ ،ﻏﻴﺮ ﻫﻮ ﺣﻨﺎ ﯕﺎﻋﻤﺎ ﻋﻨﺪﻧﺎ ﻛﻠﻴﻤﺎﺗﻴﺰﻭﺭ،ﻣﺎﻛﺎﻳﻦ ﻏﻴﺮ ﺍﻟﺼﻬﻮﺩﺍﺕ ،ﺍﻳﻮﺍ ﻣﺮﺣﺒﺎ ﺑﻴﻚ ﺗﺸﻤﺸﻲ ﻣﻌﺎﻧﺎ ﺷﻮﻳﺔ ! ﺑﻘﻴﺖ ﻛﻨﺪﻭﺭ ﻓﻌﻴﻨﻴﺎ ﻭﺍﻧﺎ ﺑﺎﻗﻲ ﻋﻨﺪ ﺑﺎﻟﻲ ﻛﻴﻀﺤﻚ ﻭﻛﻴﺘﻤﺎﺯﺡ ﻣﻌﺎﻳﺎ ،ﻳﺎﻻﻩ ﺑﻐﻴﺖ ﻧﺠﺎﻭﺑﻮ ﻭﻗﻔﺎﺕ ﻋﻠﻴﺎ ﻣﺎﻣﺎ ﻭﺍﻟﻨﯖﺎﻓﺔ : ﺍﺑﻨﺘﻲ ﻧﻘﺼﻲ ﻣﻦ ﺍﻟﻀﺤﻚ،ﻏﺘﺪﻱ ﻣﻌﺎﻙ ﺷﻲ ﺗﻘﻮﻳﺴﺔ،ﻳﺎﻻﻩ ﺍﺑﻨﺘﻲ ﺗﻠﺒﺴﻲ ﺍﺧﺮ ﻟﺒﺴﺔ ! ﺧﺮﺟﻨﺎ ﻭﻟﺒﺴﺖ ﺍﺧﺮ ﻟﺒﺴﺔ ! ﺍﻟﻨﯖﺎﻓﺔ ﻣﻀﺎﺭﺑﺔ ﻣﻌﺎﻳﺎ : ﺧﺎﺻﻜﻲ ﺗﻮﻟﻲ ﺗﺎﻛﻠﻲ،ﻫﺎﺩ ﺍﻟﻠﺒﺴﺔ ﻛﺘﺒﻴﻦ ﺍﻟﻀﻌﻒ ! ﺟﺎﻭﺑﺎﺗﻬﺎ ﻣﺎﻣﺎ : ﺭﺍﻩ ﻋﻴﻴﺖ ﻣﻌﺎﻫﺎ ﻣﺎﻛﺎﺗﻜﻠﺶ ! ﺿﺤﻜﺎﺕ ﺍﻟﻨﯖﺎﻓﺔ : ﺩﺍﺑﺎ ﺗﻤﺸﻲ ﻟﻠﺼﺤﺮﺍ ﻭﺗﻮﻟﻲ ﺻﺤﺮﺍﻭﻳﺔ ﻭﻳﻮﻟﻲ ﻳﺠﻲ ﻣﻌﺎﻙ ﻟﻤَﻠْﺤﻒْ ! ﺑﻘﻴﺖ ﻛﻨﺨﻨﺰﺭ ﻓﻴﻬﺎ،ﺯﻋﻤﺎ ﻧﺘﻲ ﻧﯖﺎﻓﺔ ﻭﻻ ﺍﺭﻭﻉ ،،ﺷﻜﺮﺍ ﺍﺧﺘﻲ ﻋﻠﻰ ﺍﻟﺘﺸﺠﻴﻌﺎﺕ ﻭﺍﻟﺜﻘﺔ ﺑﺎﻟﻨﻔﺲ ﻟﻲ ﻛﺘﻌﻄﻴﻨﻲ ،،،ﻓﻘﺎﺕ ﻛﺘﻘﺎﺩ ﻣﻦ ﻫﻨﺎ ﻟﻬﻨﺎ ﺣﺘﻰ ﺳﺎﻻﺕ ! ﺧﺮﺟﺖ ﺑﺎﺵ ﻳﺸﻮﻓﻮﻧﻲ ﺍﻟﻨﺎﺱ ﺑﺎﻟﻤﻠﺤﻒ ﺍﻟﺼﺤﺮﺍﻭﻱ ﺍﻻﺑﻴﺾ ،ﻭﺟﺎ ﻣﻨﺼﻒ ﺣﺘﻰ ﻫﻮ ﻻﺑﺲ ﺍﻟﺘﻘﻠﻴﺪﻱ ﺍﻟﺼﺤﺮﺍﻭﻱ ،،،ﺣﻠﻴﺖ ﻓﻴﻪ ﻓﻤﻲ ﺍﻧﺎ ﻭﻟﺒﻨﺎﺕ ﻟﻲ ﻛﺎﻧﻮ ﻣﻌﺮﻭﺿﺎﺕ،،ﻛﻠﺸﻲ ﻛﻴﻘﻮﻝ ﺳﻌﺪﺍﺗﻬﺎ ﺭﺍﺟﻠﻬﺎ ﺯﻭﻳﻦ،ﻭﻛﻠﺸﻲ ﻭﻗﻒ ﻭﻛﻴﻐﻨﻲ ﻭﻛﻴﺰﻏﺮﺕ ﻭﻓﺮﺣﺎﻥ،ﻭﺍﻧﺎ ﻋﺎﺩ ﻣﺎﻫﺰﻳﺖ ﺭﺍﺳﻲ ﻟﺴﻤﺎ ! ﺳﺎﻻﺕ ﻟﻴﻠﺔ ﻟﻌﻤﺮ ،ﺗﻌﺸﺎﻭ ﺍﻟﻀﻴﺎﻑ ﻭﺑﺪﺍﺕ ﺍﻟﺪﺍﺭ ﻛﺘﺨﻮﺍ،ﺍﻟﻨﺎﺱ ﺭﺟﻌﻮ ﻟﺪﻳﻮﺭﻫﻢ ﻭﻫﻮﻣﺎ ﻛﻴﺸﻜﺮﻭ ﻓﻠﻌﺮﺱ ﻛﺘﺒﺎﻥ ﻟﻴﺎ ﻣﺎﻣﺎ ﻣﺎﻣﺴﺎﻟﻴﺎﺵ،ﻣﻦ ﻫﻨﺎ ﻟﻬﻨﺎ ﻛﺘﺠﻤﻊ ﻫﻨﺎ ﻭﻟﻬﻴﻪ ﻭﻣﻮﺿﺮﺓ،،ﻭﻛﻞ ﺳﺎﻋﺔ ﺗﺴﻮﻟﻨﻲ ﻳﺎﻙ ﻣﻨﺴﻴﺖ ﻭﺍﻟﻮ ! ﺷﺪﻳﺖ ﻟﻴﻬﺎ ﺑﺎﻳﺪﻳﻬﺎ : ﺍ ﻣﺎﻣﺎ ﺻﺎﻓﻲ ﻟﻲ ﺑﻘﺎﺕ ﺷﻲ ﺣﺎﺟﺔ ﺣﺘﺎﻝ ﻧﺠﻲ ﻭﻻ ﺗﺴﻴﻔﻄﻴﻬﺎ ﻟﻴﺎ ﻣﻦ ﺑﻌﺪ .. ﺩﺍﺑﺎ ﻧﺘﻲ ﺟﻤﻌﺘﻲ ﺣﻮﻳﺠﺎﺗﻚ ! ﺗﻐﺮﻏﺮﻭ ﻟﻴﻬﺎ ﻋﻴﻨﻴﻬﺎ ﻭﻋﻨﻘﺎﺗﻨﻲ : ﻻ ﺍﺑﻨﺘﻲ ﻣﻐﻨﻤﺸﻴﺶ ﻣﻌﺎﻙ .. ﺩﻳﻚ ﺍﻟﺴﺎﻋﺔ ﺑﺪﻳﺖ ﻛﻨﺒﻜﻲ : ﻭﻋﻼﺵ؟؟ﺍﻧﺎ ﻣﺎﻏﺎﺩﻳﺎﺵ ! ﻣﺴﺤﺎﺕ ﻟﻲ ﺩﻣﻮﻋﻲ : ﻻ ﺧﺼﻚ ﺗﻤﺸﻲ ﻣﻊ ﺭﺍﺟﻠﻚ،ﺧﻮﻙ ﻏﻴﻤﺸﻲ ﻣﻌﺎﻙ ﻭﻏﻴﺒﻘﺎ ﻣﻌﺎﻙ ﺣﺘﻰ ﺗﺮﺳﻲ ﻓﺪﺍﺭﻙ ! ﺑﺪﻳﺖ ﻛﻨﺘﺤَﺐ : ﻭﻻ ﻭﻏﺘﻤﺸﻲ ﻣﻌﺎﻳﺎ ،ﻭﻋﻼﺵ ﻏﺘﺒﻘﺎﻱ ! ﻭﻋﺎﻓﺎﻙ ﺟﺎﻭﺑﺎﺗﻨﻲ : ﻻ ﺍﻟﻨﺎﺱ ﺑﺎﻗﻴﻴﻦ ﻓﺎﻟﺪﺍﺭ ﻣﻨﻘﺪﺭﻭﺵ ﻧﺠﺮﻳﻮ ﻋﻠﻴﻬﻢ
ﻭﺧﺎﺻﻨﻲ ﻧﻮﺟﺪ ﻟﻴﻚ ﺷﺤﺎﻝ ﻣﻦ ﺣﺎﺟﺔ،ﻫﺎﻫﻮ ﺧﻮﻙ ﻭﺧﻄﻴﺒﺘﻮ ﻭﺧﺎﻟﺘﻚ ﻏﺘﻤﺸﻲ ﻣﻌﺎﻙ ﺍﻧﺎ ﻏﻨﻠﺤﻖ ﻋﻠﻴﻜﻢ ﺍﻥ ﺷﺎﺀ ﺍﻟﻠﻪ ﻭﻏﻨﯖﻠﺲ ﻣﻌﺎﻙ ﺣﺘﻰ ﺗﻌﻴﺎﻱ ! ﺑﺰﺯ ﺑﺎﺵ ﺗﻔﺮﻗﺖ ﻋﻠﻴﻬﺎ،ﻭﺑﻠﺒﻜﺎ ،ﺧﺮﺟﺖ ﻟﻘﻴﺖ ﺍﻟﻄﻮﻣﻮﺑﻴﻞ ﻋﺎﻣﺮﺓ،ﻧﺎﺭﻱ ﺍﻧﺎ ﻓﻴﻦ ﻏﻨﯖﻠﺲ ! ﺑﺪﺍﻭ ﻛﻴﻀﺤﻜﻮ ﻟﻌﻴﺎﻻﺕ : ﺟﺎﺏ ﺍﻟﻠﻪ ﻟﻌﺮﻭﺳﺔ ﺿﻌﻴﻔﺔ .. ﺑﻘﻴﺖ ﻛﻨﺸﻮﻑ ﻭﺩﺭﺕ ﺭﺍﺳﻲ ﻛﻨﻀﺤﻚ ...ﺑﺪﺍﻭ ﻛﻴﺪﻓﻌﻮﻧﻲ ،ﻳﺎﻻﻩ ﻣﺘﺤﺸﻤﻴﺶ ﺭﺍﻩ ﻏﻴﺮ ﺭﺍﺟﻠﻚ ! ﺑﺎﻥ ﻟﻲ ﻓﺎﻟﻄﻮﻣﻮﺑﻴﻞ ﯕﺎﻟﺲ ﻣﻊ ﺭﺍﺳﺎﺗﻮ ﻭﻭﺍﺧﺪ ﺭﺍﺣﺘﻮ ،،ﻭﻣﺎﻣﺴﻮﻗﺶ ﻟﻴﺎ ! ﺩﺧﻠﺖ ﺟﻠﺴﺖ ﺣﺪﺍﻩ،ﺩﺧﻼﺕ ﻭﺣﺪﺓ ﺗﺒﺎﺭﻙ ﺣﺴﻴﺖ ﺑﺎﻟﻄﻮﻣﻮﺑﻴﻞ ﻫﺒﻄﺎﺕ ،ﻭﻏﻴﺮ ﺟﻠﺴﺎﺕ ﺣﺪﺍﻧﺎ ﺻﺎﻓﻲ ﺍﻟﻄﻮﻣﻮﺑﻴﻞ ﻋﻤﺮﺍﺕ ﻣﺎﺑﻘﺎ ﻓﻴﻦ ﻧﺰﻳﺪﻭ ! ﺑﺪﻳﺖ ﻛﻨﺘﺴﺎﺧﺮ ﻭﻛﻨﺘﺰﺍﺣﻢ ﺟﻴﻬﺔ ﻣﻨﺼﻒ ،ﻭﻫﻮ ﻣﺪﻭﺭ ﻭﺟﻬﻮ ﻟﺠﻴﻬﺔ ﺍﻟﺠﺎﺟﺔ ﻭﻛﻴﻀﺤﻚ،ﻣﻘﺪﺭﺗﺶ ﻧﻘﺮﺏ ﻟﻴﻪ ﻭﺍﺧﺔ ﻛﺎﻥ ﺑﻴﻨﺎﺗﻨﺎ ﺷﻮﻳﺔ ﺩﻳﺎﻝ ﺍﻟﺘﻴﺴﺎﻉ،ﺍﺻﻼ ﺍﻧﺎ ﻛﻨﺒﻌﺪ ﻋﻠﻴﻪ ﻭﻣﺎﻗﺪﺭﺍﺵ ! ﺗﺤﺮﻛﺎﺕ ﺍﻟﻄﻮﻣﻮﺑﻴﻞ ﻭﺍﻧﺎ ﻛﻨﻘﻠﺐ ﻋﻠﻰ ﻣﺎﻣﺎ،،ﺑﺎﻧﺖ ﻟﻲ ﻭﺍﻗﻔﺔ ﻗﺪﺍﻡ ﻟﺒﺎﺏ ﻭﻛﺘﺒﻜﻲ ... ﺑﻘﻴﺖ ﻛﻨﺸﻴﺮ ﻟﻴﻬﺎ ﻭﺣﺘﻰ ﺍﻧﺎ ﺑﺪﻳﺖ ﻛﻨﺒﻜي ... . ﺩﺍﺭ ﻋﻨﺪﻱ ﺧﻮﻳﺎ ﯕﺎﻟﺲ ﻟﻘﺪﺍﻡ ﻓﺎﻟﻄﻮﻣﻮﺑﻴﻞ : ﺳﻴﻤﺎﻧﺔ ﻭﺗﺠﻲ ﻋﻨﺪﻙ ! ﺗﺨﺸﻴﺖ ﻓﻠﻤﻠﺤﻒ ﻟﻲ ﻛﻨﺖ ﻻﺑﺴﺔ ﻭﻏﻤﻀﺖ ﻋﻴﻨﻴﺎ،ﻭﺣﺴﻴﺖ ﺑﺮﺍﺳﻲ ﻣﺸﻴﺖ ﻭﻧﻌﺴﺖ،ﯕﺎﻉ ﻟﻌﻴﺎ ﺩﻳﺎﻝ ﺍﻟﺪﻧﻴﺎ ﻭﺍﻟﺪﻳﻦ ﺭﺟﻊ ﻋﻠﻴﺎ ﻓﺪﻳﻚ ﻟﻮﻗﻴﺖ ﻣﻌﻘﻠﺘﺶ ﻋﻠﻰ ﺗﺎ ﻭﺍﺣﺪ ﺗﺠﺒﺪﺕ ﻭﻧﻌﺴﺖ ! ﺣﻠﻴﺖ ﻋﻴﻨﻴﺎ،،،ﺍﻩ ﺍﻟﺼﺒﺎﺡ،ﺩﺭﺕ ﻟﻘﻴﺖ ﻣﻨﺼﻒ ﺷﺎﺩ ﺍﻟﺘﻴﻠﻴﻔﻮﻥ ﻛﻴﺨﺮﺑﻖ ﻓﻴﻪ ﺷﻲ ﺣﺎﺟﺔ،،ﻗﻠﺖ ﻟﻴﻪ ﺷﺤﺎﻝ ﻓﺎﻟﺴﺎﻋﺔ ! ﻭﻋﻴﻨﻴﻪ ﻋﻠﻰ ﺍﻟﺘﻴﻠﻴﻔﻮﻥ : ﺍﻩ ﻫﺎﺩﻱ 10 ﻭﻧﺺ ! ﺗﯖﻌﺪﺕ ﻣﻦ ﺑﻼﺻﺘﻲ : ﻭﺍﻩ،،ﻣﻦ 2 ﺻﺒﺎﺡ ﻭﺣﻨﺎ ﺷﺎﺩﻳﻦ ﺍﻟﻄﺮﻳﻖ،ﻭﺻﻠﻨﺎ ! ﺑﺪﺍ ﻛﻴﻀﺤﻚ : ﺑﺎﻗﻲ ﻏﻴﺮ ﺷﻮﻳﺔ ! ﺑﺪﻳﺖ ﻛﻨﻄﻞ ﻋﻠﻰ ﺍﻟﺘﻴﻠﻴﻔﻮﻥ،ﺟﻤﻌﻮ ﻭﺧﻨﺰﺭ ﻓﻴﺎ ﻧﺠﻤﻊ ﻋﻴﻨﻴﺎ : ﺑﺎﻗﻲ ﻧﺺ ﺍﻟﻄﺮﻳﻖ ! ﺩﻭﺭﺕ ﻋﻴﻨﻴﺎ،ﻟﻘﻴﺖ ﻫﺎﺩﻳﻚ ﺍﻟﺴﻴﺪﺓ ﻟﻲ ﺣﺪﺍﻳﺎ ﻛﺘﺸﺨﺮ،ﻭﺧﻮﻳﺎ ﻧﺎﻋﺲ ... ﻧﺎﺭﻱ ﺟﺎﻧﻲ ﺍﻟﺼﻬﺪ !ﺑﺪﻳﺖ ﻛﻨﺘﺠﺒﺪ،ﻭﻛﻨﺘﻜﺴﻞ .. ﻧﺎﺭﻱ ﻛﻨﺤﺲ ﺑﻌﻀﺎﻣﻲ ﻛﻠﻬﻢ ﻣﺪﯕﺪﯕﻴﻦ،ﺟﺎﻧﻲ ﺍﻟﺠﻮﻉ ﺑﻐﻴﺖ ﻧﻔﻄﺮ ! ﺩﺍﺭ ﻋﻨﺪﻱ ﺍﻟﺴﻴﺪ ﻟﻲ ﻛﺎﻥ ﺳﺎﻳﻖ : ﻭﺍﺧﺔ ﺣﻨﺎ ﻏﻨﻮﻗﻔﻮ ﻓﻮﺍﺣﺪ ﻟﻘﻬﻮﺓ ﻧﻔﻄﺮﻭ ! ﻭﻗﻔﻨﺎ ﻋﻨﺪ ﻟﻘﻬﻮﺓ،ﻳﺎﻻﻩ ﺑﻐﻴﺖ ﻧﺰﻝ،ﺩﺍﺭ ﻓﻴﺎ ﻣﻨﺼﻒ : ﺑﻘﺎﻱ ﻫﻨﺎ ،ﺷﻨﻮ ﺑﻐﻴﺘﻲ ﺗﻔﻄﺮﻱ ! ﺷﻔﺖ ﻓﻴﻪ ﻭﺍﻧﺎ ﻣﺪﻫﻮﺷﺔ : ﻋﻼﺵ ﺧﻠﻴﻨﻲ ﻧﺰﻝ ،ﺑﻐﻴﺖ ﻧﻤﺸﻲ ﺭﺟﻠﻴﺎ ﺷﻮﻳﺔ ﺭﺍﻩ ﻋﻴﻴﺖ ﺑﻠﯖﻠﺴﺔ ... ﻭﺑﻐﻴﺖ ﻧﻔﻄﺮ ﻣﻌﺎﻛﻢ ! ﺧﻨﺰﺭ ﻓﻴﺎ : ﻗﻠﺖ ﻟﻴﻚ ﺑﻘﺎﻱ ﻫﻨﺎ،ﺍﻧﺎ ﻏﻨﺠﻴﺐ ﻟﻴﻚ ﻓﻄﻮﺭﻙ ! ﺧﻨﺰﺭﺕ ﻓﻴﻪ ﺣﺘﻰ ﺍﻧﺎ : ﻋﻴﻂ ﻟﻴﺎ ﻋﻠﻰ ﺧﺎﻟﺘﻲ،ﻣﺒﻐﻴﺘﺶ ﻧﺒﻘﺎ ﺑﻮﺣﺪﻱ .. ﻣﺎﺟﺎﻭﺑﻨﻴﺶ ﺳﺪ ﻟﺒﺎﺏ ﻭﺧﺮﺝ،ﺑﻘﻴﺖ ﻛﻨﺘﺴﻨﺎ .. ﺷﻮﻳﺔ ﻭﻫﻮ ﻳﺸﻌﻞ ﺍﻟﻀﻮ ﻓﺎﻟﺘﻴﻠﻴﻔﻮﻥ ﺩﻳﺎﻟﻮ،ﻫﺰﻳﺘﻮ ﻭﻟﻘﻴﺖ ﻭﺻﻠﻮ ﺍﺗﺼﺎﻝ ﻣﻦ ﺭﻗﻢ ﺧﺎﺹ ﻫﺰﻳﺖ ﺍﻟﺘﻴﻠﻴﻔﻮﻥ ﻭﺟﺎﻭﺑﺖ ﺑﻼ ﻣﻨﻔﻜﺮ،ﻭﺟﺎﻭﺑﺖ ﺑﻼ ﻣﻨﻔﻜﺮ،،ﺳﻤﻌﺖ ﺻﻮﺕ ﻭﺣﺪﺓ ﻗﺎﻟﺖ : ﻣﻨﺼﻒ ﺟﺎﻭﺑﻨﻲ .. ،ﺗﺼﺪﻣﺖ ﻓﻠﺒﻼﺻﺔ ﻛﺎﻧﻨﻲ ﺗْﺸﻠّﻴﺖ،ﻗﻠﺖ ﻟﻴﻬﺎ : ﺷــ .. ﺷﻜﻮ .. ﻥ ﻧﺘـ .. ــﻲ؟ ﺩﻳﻚ ﺍﻟﺴﺎﻋﺔ ﺗﻘﻄﻊ ﺍﻻﺗﺼﺎﻝ، ﺑﻘﻴﺖ ﺷﺎﺩﺓ ﺍﻟﺘﻴﻠﻴﻔﻮﻥ ﻓﺎﻳﺪﻳﺎ ﻭﻣﺼﺪﻭﻣﺔ،ﺷﻮﻳﺔ ﻭﺻﻞ ﻣﻴﺴﺎﺝ ﻣﻦ ﻋﻨﺪ ﻭﺣﺪﺓ ﺳﻤﻴﺘﻬﺎ : ﺑﺎﻫﻴﺔ،ﻳﺎﻻﻩ ﺑﻐﻴﺖ ﻧﺤﻠﻮ ﻧﻘﺮﺍﻩ ﻭﻟﻜﻦ ﻟﻘﻴﺘﻮ ﻣﺴﻮﺭﺗﻮ،ﺑﻘﻴﺖ ﻛﻨﺪﺧﻞ ﻓﺎﻻﺭﻗﺎﻡ ﺣﺘﻰ ﺗﺒﻠﻮﻛﺎ ﻟﻴﺎ ،ﺑﺪﻳﺖ ﻛﻨﺘﻔﺘﻒ .. ﻣﻌﺮﻓﺖ ﻣﻨﺪﻳﺮ ،،ﻫﺰﻳﺖ ﺭﺍﺳﻲ ﺑﺎﻥ ﻟﻲ ﺟﺎﻱ ﻫﻮ ﻭﺧﺎﻟﺘﻲ .. ﻧﺎﺭﻱ ﺍﺵ ﻧﺪﻳﺮ ﺑﻘﻴﺖ ﻛﻨﺘﺮﻋﺪ ﻭﺧﺎﻳﻔﺔ ﻟﻨﺤﺼﻞ ،،،ﺷﺪﻳﺘﻮ ﺣﻠﻴﺘﻮ ﻭﺣﻴﺪﺕ ﻟﻴﻪ ﻟﺒﺎﺗﺮﻱ ﻃﻔﻴﺘﻮ ﻭﺭﺩﻳﺘﻮ ﻟﺒﻼﺻﺘﻮ ! ﺟﺎﻱ ﺯﺭﺑﺎﻥ،ﺳﺎﺑﻖ ﺧﺎﻟﺘﻲ ﻭﺍﻧﺎ ﻏﻴﺮ ﻛﻨﺸﻮﻑ ﻓﻴﻪ،ﺑﺪﺍ ﻛﻴﻘﻠﺐ ﻋﻠﻰ ﺍﻟﺘﻴﻠﻴﻔﻮﻥ ،ﻫﺰﻭﻩ ﻭﻟﻘﺎﻩ ﻃﺎﻓﻲ،ﺷﺎﻑ ﻓﻴﺎ .. ﺩﻭﺭﺕ ﻭﺟﻬﻲ ﻛﺎﻧﻨﻲ ﻣﺸﻔﺖ ﻣﺴﻤﻌﺖ ﻭﺟﺒﺪﺕ ﻟﻔﻄﻮﺭ ﻧﻔﻄﺮ ! ﺷﻌﻠﻮ ﻭﺍﻧﺎ ﻛﻨﺘﺮﻋﺪ،ﻭﻫﻮ ﻳﻌﺎﻭﺩ ﻳﻄﻔﺎ ﻟﻴﻪ،ﺗﻌﺼﺐ ﻭﺑﺪﺍ ﻛﻴﺒﺮﯕﻢ : ﺗﺴﺎﻻ ﻟﻴﻪ ﺍﻟﺸﺎﺭﺝ ﺍﻭﻑ ! ﺣﺪﺭﺕ ﺭﺍﺳﻲ ﻧﻜﻤﻞ ﻓﻄﻮﺭﻱ ،،ﺟﺎﺕ ﺧﺎﻟﺘﻲ ﺟﻠﺴﺎﺕ ﺣﺪﺍﻳﺎ،ﻳﺎﻻﻩ ﺑﻐﻴﺖ ﻧﻘﻮﻟﻴﻬﺎ ﺩﺍﻛﺸﻲ ﻟﻲ ﻭﻗﻊ،ﻭﺍﻧﺎ ﻧﻘﻮﻝ ﺧﻠﻲ ﺣﺘﻰ ﻧﺴﻮﻟﻮ ،ﻻﻧﻲ ﻣﺒﻐﻴﺘﺶ ﻧﻀﻠﻤﻮ
ﺍﻟﻄﺮﻳﻖ ﻛﺎﻣﻠﺔ ﻭﺍﻧﺎ ﻛﻨﺸﻮﻑ ﻓﻴﻪ ﺑﻨﻈﺮﺍﺕ ﻛﻠﻬﺎ ﺷﻜﻮﻙ،ﻛﻞ ﺳﺎﻋﺔ ﻳﺪﻳﺮ ﻳﻠﻘﺎﻧﻲ ﻛﻨﺨﻨﺰﺭ ﻓﻴﻪ،ﻛﻴﺪﻭﺭ ﻭﺟﻬﻮ !!! ﻭﻻ ﻫﺎﺩ ﺍﻟﻄﺮﻳﻖ ﺑﻐﺎﺕ ﺗﺴﺎﻟﻲ .... ﻭﺻﻼﺕ ﻟﻌﺸﻴﺔ ﻭﺣﻨﺎ ﺑﺎﻗﻴﻦ ﻏﺎﺩﻳﻴﻦ،،ﺳﻮﻟﺖ ﺧﻮﻳﺎ ﺍﻳﻤﺘﺎ ﻏﻨﻮﺻﻠﻮ ﺧﻠﻼﺹ ﺟﺎﻭﺑﻨﻲ ﻭﻫﻮ ﺳﺨﻔﺎﻥ ﺑﺎﻟﺼﻬﺪ : ﻣﺎﺑﻘﺎ ﻭﺍﻟﻮ ﻫﺎﺣﻨﺎ ﻗﺮﺑﻨﺎ ! ﺑﺪﺍﻭ ﻛﻴﺒﺎﻧﻮ ﻟﻴﺎ ﺍﻟﺮﻣﺎﻝ ﻭﺍﻟﺼﺤﺮﺍ ﻭﺷﻲ ﺩﻳﻮﺭ ﻭ ﺍﻟﺸﻤﺶ ﻟﻲ ﻛﺘﺸﻮﻁ ﻓﻴﻨﺎ ... ﻭﺍﻟﻨﺎﺱ ﺳﺨﻔﺎﻧﺔ ﺣﺴﻴﺖ ﺍﻧﻨﺎ ﻗﺮﺑﻨﺎ،،، ﻭﺻﻠﻨﺎ ﻭﺍﺧﻴﺮﺍ ،،،ﻧﺰﻝ ﻣﻨﺼﻒ ،ﺑﻘﺎ ﻭﺍﻗﻒ ﺣﺪﺍ ﻟﺒﺎﺏ ﺑﺎﺵ ﻧﺨﺮﺝ،ﺍﻧﺎ ﺍﺵ ﺩﺭﺕ ﺧﺮﺟﺖ ﻣﻦ ﻟﺒﺎﺏ ﻻﺧﺮ،ﺳﺪ ﻟﺒﺎﺏ ﺑﺎﻟﺠﻬﺪ ﻭﺑﻘﺎ ﻛﻴﺸﻮﻑ ﻓﻴﺎ ! ﺩﺧﻠﻨﺎ ﻟﻠﺪﺍﺭ ،،،ﻧﺎﺭﻱ ﺷﺤﺎﻝ ﻛﺒﻴﺮﺓ،،ﻭﻟﻜﻦ ﻣﻔﺮﺷﺔ ﺑﻄﺮﻳﻘﺔ ﺗﻘﻠﻴﺪﻳﺔ،،،ﻟﻘﻴﻨﺎ ﺍﻫﻞ ﻣﻨﺼﻒ ﻣﻮﺟﺪﻳﻦ ﻭﻛﻴﺘﺴﻨﺎﻭﻧﺎ،،ﺑﺪﺍﻭ ﻛﻴﺰﻏﺮﺗﻮ ﻭﻳﺒﺎﺭﻛﻮ ﻟﻴﻨﺎ،ﯕﻠﺴﻨﺎ ﻭﺑﺪﺍﻭ ﻛﻴﻌﻤﺮﻭ ﻓﺎﺗﺎﻱ ﻗﺪﺍﻣﻨﺎ ! ﻛﻠﺸﻲ ﺗﺎﻓﻖ ﻋﻠﻰ ﻣﻨﺼﻒ ﻫﻮ ﻟﻲ ﻳﻌﻤﺮ ﺍﺗﺎﻱ،ﻟﺤﻤﺪ ﻟﻠﻪ ﻣﺎﺟﺒﺪﻭﺵ ﺳﻤﻴﺘﻲ،ﻋﻴﺎﻧﺔ ﻭﻣﺎﻓﻴﺎ ﻟﻲ ﻳﻌﻤﺮ ﺷﻲ ﺍﺗﺎﻱ،ﺍﻧﺎ ﺑﺎﻏﺎ ﻏﻴﺮ ﻧﻤﺸﻲ ﻧﺪﺧﻞ ﻟﺸﻲ ﺗﻼﺟﺔ ﻭﻧﻌﺲ ﻓﻴﻬﺎ ! ﻧﺎﺽ ﻭﺟﻠﺲ ﺑﻬﻴﺒﺔ،ﺑﺪﺍ ﻛﻴﻌﻤﺮ ﺍﺗﺎﻱ ﻭﺍﻧﺎ ﻛﻨﺘﻔﺮﺝ ﻓﻴﻪ ،،ﻭﻫﻮ ﻛﻴﻌﻤﺮ ﺍﺗﺎﻱ ﻧﺎﺽ ﻭﺍﺣﺪ ﻣﻦ ﻋﺎﺋﻠﺘﻮ ﻻﺑﺲ ﻭﺍﺣﺪ ﺍﻟﺪﺭﺍﻋﻴﺔ ﺯﺭﻗﺔ،ﺗﻘﻮﻝ ﻻﺑﺲ ﺧﻴﻤﺔ،ﻗﺎﻟﻴﻪ : ﻣﻨﺼﻒ ﺑﻬﺎﺩ ﻟﻤﻨﺎﺳﺒﺔ ﺧﺎﺻﻚ ﺗﻨﻀﻢ ﻟﻴﻨﺎ ﺷﻲ ﻛﻼﻡ ﺑﻘﻮﺍﻓﻲ .. ﺷﺪﺍﺗﻨﻲ ﺍﻟﻀﺤﻜﺔ : ﻭﻫﺎﺩﺷﻲ ﻟﻲ ﺑﻘﺎ ،ﺍﻟﺸﻌﺮ،ﻭﺗﻮﻣﺎ ﻃﻠﻘﻮﻧﻲ ﺭﺍﻩ ﻏﻨﻌﺲ ﻟﻴﻜﻢ ﻫﻨﺎ،ﺑﺪﻳﺖ ﻛﻨﻄﻠﻊ ﻓﻴﻪ ﻭﻛﻨﺰﻝ ﺑﻘﺎ ﻟﻴﻚ ﻏﻴﺮ ﺍﻟﺸﻌﺮ ﻳﺼﺤﺎﺑﻠﻴﻪ ﻏﻨﺪﻭﺯ ﻟﻴﻪ ﻫﺎﺩﻳﻚ ﺍﻟﺸﻮﻓﺔ ﻟﻲ ﺩﺍﺭ ﻓﻴﺎ ﻓﺎﺵ ﻛﻨﺖ ﻓﺎﻟﻄﻮﻣﻮﺑﻴﻞ،ﻭﻫﺎﺩﺍﻙ ﺍﻻﺗﺼﺎﻝ ﻭﺍﻟﻠﻪ ﺣﺘﻰ ﻧﻔﻀﺤﻚ ... ﻭﻳﻨﻮﺽ ﻳﻐﻨﻲ ﺍﻧﺎ ﻣﺎﻟﻲ ،ﺍﻧﺎ ﺑﺎﻏﻴﺔ ﻏﻴﺮ ﻧﻌﺲ ﻭﻫﺎﺩ ﺍﻟﺼﻬﺪ ﺭﺍﻩ ﻗﺘﻠﻨﻲ ﺗﻘﻮﻝ ﻭﺍﺵ ﻛﻨﺘﻔﻮﺭ ﻓﻮﻕ ﺷﻲ ﺑﺮْﻣﺔ .. ﺣﺪﺭ ﺭﺍﺳﻮ ،،ﻭﻫﺰﻭ ﻭﻫﻮ ﻓﺨﻮﺭ ﻏﺎﺩﻱ ﻳﻘﻮﻝ ﺍﻟﺸﻌﺮ،ﺳﻜﺖ ﻭﺑﺪﺍ ﻛﻴﺨﻤﻢ ﺷﻮﻳﺔ ﻭﻫﻮ ﻳﺒﺪﺍ ﻳﺸﻮﻑ ﻓﻴﻨﺎ،ﻭﺍﻧﺎ ﺩﻳﻚ ﺍﻟﺴﺎﻋﺔ ﺑﺪﻳﺖ ﻛﻨﻜﻤﻊ ! ﻛﻠﺸﻲ ﺳﻜﺖ ﻭﻗﺎﻃﻊ ﻟﺤﺲ،ﻭﺍﻧﺎ ﻣﻠﻮﻳﺔ ﻓﺪﺍﻙ ﻟﻤﻠﺤﻒ ﻛﻨﺘﺸﺤّﺮ ﺑﺎﻟﺼﻬﺪ ﻛﻨﺤﺎﻭﻝ ﻧﻜﻮﻥ ﻓﻮﻋﻴﻲ ﻭﺍﺧﺔ ﻫﺎﻛﺪﺍﻙ ﺑﻐﻴﺖ ﻧﺸﻮﻓﻮ ﺍﺵ ﻏﻴﻘﻮﻝ ﺑﺘﺎﺳﻢ ﻭﻗﺎﻝ : ﺑﺎﺳﻢ ﺍﻟﻠﻪ .. ﺑْﻀَﻮْ ﻟَﻘْﻤَﺮ ﺧﻄّﻄْﺖْ ﻋﻠﻰ ﺳْﻤﺎﻙْ ﺍﻟﺼًﺎﻓﻴﻪْ ﻭﺑﺎﻟﻨْﺠﻮﻡ ﺍﻟﻠّﻴﻞْ ﺭَﺻّﻌْﺖْ ﺣْﺮﻭﻑ ﺍﺳْﻤﻚْ ﺍﻟﺪًﺍﻓﻴﻪْ ﻭﻗﺴﻤﺖ ﻟﻴﻚ ﺍﻧﻲ ﻧﻔﺪﻳﻚ ﻳﺎ ﺍﻟﺼﺤﺮﺍ ﻳﺎ ﻟﻐﺎﻟﻴﻪْ ﻭﻧْﻀَﻢ ﻋْﻠﻴﻚ ﻛﻼﻡ ﻣُﻮﺯُﻭﻥْ ﻭﺍﺑْﻴﺎﺕ ﺷِﻌﺮ ﺑَﻠﻘﺎﻓﻴﻪْ ﻭﻧﺤﻜﻲ ﻗﺼﺔ ﻛﻞ ﺣﺒًﺔ ﻣﻦ ﺭْﻣَﺎﻟﻚ ﺍﻟﺬّﻫﺒﻴﺔ ﺍﻟﺒﺎﻫﻴﻪْ ﻭﻧﻘﻮﻝ ... ﺟﺎﻭ ﻳﺪﻭﺭﻭ ﻟﻘﺎﻭﻧﻲ ﻣﺸﻴﺖ،ﻧﻌﺴﺖ ﻭﯕﻠﺴﺖ ﻛﻨﺸﺨﺮ،،،ﺗﻬﺰﺍﺕ ﺍﻟﺪﺍﺭ ﻭﺗﺤﻄﺎﺕ ﺑﺎﻟﻀﺤﻚ،ﻗﻔﺰﺕ ﻣﻦ ﺑﻼﺻﺘﻲ ﻛﻨﺪﻭﺭ ﻓﺮﺍﺳﻲ : ﺍﺵ ﻭﺍﻗﻊ،ﺍﺵ ﻛﺎﻳﻦ،ﻟﻘﻴﺖ ﻛﻠﺸﻲ ﻛﻴﺸﻮﻑ ﻓﻴﺎ ﻭﻣﻨﺼﻒ ﻛﻴﺨﻨﺰﺭ ﻓﻴﺎ ..
ﻓﻬﺬﺍﻙ ﺍﻟﻮﻗﺖ ﻣﻌﺮﻓﺘﺶ ﺍﺵ ﻗﺎﻟﻴﺎ ﺭﺍﺳﻲ ،ﻛﻨﺖ ﻣﻴﺘﺔ ﺑﺎﻟﻨﻌﺎﺱ،ﻭﺧﺎﺻﺔ ﻓﺎﺵ ﺳﻤﻌﺖ ﺍﻟﺸﻌﺮ ﻭﺍﻩ ﺑﺤﺎﻻ ﻛﻴﺪﻳﺮ ﻟﻴﺎ ﺍﻟﺘﻨﻮﻳﻢ ﺍﻟﻤﻐﻨﺎﻃﻴﺴﻲ،ﺣﺴﻴﺖ ﺑﺮﺍﺳﻲ ﻛﻨﻀﺎﺭﺏ ﻣﻊ ﺭﺍﺳﻲ ﺑﺎﺵ ﻣﺎ ﻧﻌﺴﺶ ﻭﻟﻜﻦ ﺍﺵ ﻧﺪﻳﺮ ﻟﻌﻴﺎ ﺩﻳﺎﻝ ﺍﻟﻄﺮﻳﻖ ﻭﺍﻟﺼﻬﺪ ﺳﺎﻻﻭ ﻣﻌﺎﻳﺎﻧﻨﻌﺴﺖ ﻭﺍﻧﺎ ﺟﺎﻟﺴﺔ ﻓﺒﻼﺻﺘﻲ،ﺑﻌﺪﺍ ﻓﺎﺵ ﺣﻠﻴﺖ ﻋﻴﻨﻴﺎ ﻟﻘﻴﺖ ﻣﻨﺼﻒ ﺳﺎﻻ ﺍﻟﺸﻌﺮ ﻟﻲ ﻛﺎﻥ ﻛﻴﻘﻮﻝ ! ﺷﺎﻓﺖ ﻓﻴﺎ ﺧﺎﻟﺘﻲ ﻭﺑﺪﺍﺕ ﻛﺘﻀﺤﻚ ﻭﻫﻲ ﻛﺘﻬﻀﺮ ﻣﻊ ﺍﻟﻨﺎﺱ : ﻫﻪ ﻣﺴﻴﻜﻴﻨﺔ ﺣﻨﺎﻥ ﻣﻬﻠﻮﻛﺔ ﻭﻋﻴﺎﻧﺔ ﻏﻠﺒﻬﺎ ﺍﻟﻨﻌﺎﺱ ! ﺑﺪﺍﻭ ﻛﻴﻀﺤﻜﻮ ﻭﻗﺎﻟﻮ ﻟﻴﻬﺎ ﻣﺎﻛﺎﻳﻦ ﺑﺎﺱ ﻭﻟﻜﻦ ﻣﻨﺼﻒ ﺩﺍﺭ ﻓﻴﺎ ﻭﺍﺣﺪ ﺍﻟﺸﻮﻓﺔ ﺗﻘﻮﻟﻴﻨﻲ ﻗﺘﻠﺖ ﻟﻴﻪ ﺭﻭﺡ،ﻧﺎﺿﺖ ﺧﺘﻮ ﻛﻮﺗﺮ ﻭﻣﺎﻣﺎﻩ ﻣﻌﺎﻳﺎ ﻳﻮﺭﻳﻮﻧﻲ ﻟﺒﻴﺖ ﺩﻳﺎﻟﻲ ﺑﻘﺎ ﺗﺎﺑﻌﻨﻲ ﻣﻨﺼﻒ ﺑﻌﻴﻨﻴﻪ ﺷﻮﻳﺔ ﻣﻐﻴﻨﻮﺽ ﻟﻴﺎ،ﻭﻟﻜﻦ ﺍﻧﺎ ﻣﺪﻳﺘﻬﺎﺵ ﻓﻴﻪ،ﻏﺎﺩﻳﺔ ﻛﻨﺠﺮ ﻓﺮﺟﻠﻴﻬﺎ ،ﻛﻨﺘﻔﻮﻩ ﻭﻓﺮﺣﺎﻧﺔ ﻏﻨﻤﺸﻲ ﻧﺘﺠﺒﺪ .. ﻃﻠﻌﻨﺎ ﻓﺎﻟﺪﺭﻭﺝ ﺑﻘﻴﺖ ﺣﺎﻟﺔ ﻓﻤﻲ،،ﺩﺍﺭ ﺍﺧﺮﻯ ﻭﺯﻭﻳﻨﺔ ﺑﺰﺍﻑ ... ﻗﺎﻟﺖ ﻟﻲ ﻛﻮﺛﺮ،ﻣﺮﺣﺒﺎ ﺑﻴﻚ ﻓﺪﺍﺭﻙ ! ﻫﺎﺩﻱ ﻫﻴﺎ ﺩﺍﺭﻱ .. ﻭﺍﻭ ﺯﻭﻳﻨﺔ ﺑﺰﺍﻑ،ﺣﻼﺕ ﻟﺒﻴﺖ ﺩﻳﺎﻝ ﺍﻟﻨﻌﺎﺱ ﺩﺧﻠﺖ ﺗﻜﻴﺖ ﻭﻣﻘﺪﺭﺗﺶ ﻧﺘﻐﻄﺎ ﺑﺎﻟﺼﻬﺪ،ﺍﻭ ﻫﺪﺍ ﺭﺍﻩ ﻓﺮﺍﻥ .. ﻭﻟﻜﻦ ﻣﺎﺷﻲ ﻣﺸﻜﻞ ﺗﻼﺣﻴﺖ ﻭﻣﺸﻴﺖ ! ﻣﻔﻘﺖ ﺣﺘﻰ ﺩﺍﺯﺕ ﺷﻲ 4 ﺳﻮﺍﻳﻊ،ﺣﻠﻴﺖ ﻋﻴﻨﻴﺎ ﻛﻴﺒﺎﻥ ﻟﻲ ﻣﻨﺼﻒ ﻣﺘﻜﻲ ﺣﺪﺍﻳﺎ ... ﺑﻘﻴﺖ ﻛﻨﺸﻮﻑ ﻓﻴﻪ،،ﺍﻟﻠﻪ ﺷﻌﺮﻭ ﺷﺤﺎﻝ ﺯﻭﻳﻦ ﺣﺴﻦ ﻣﻦ ﺷﻌﺮﻱ،ﻭﺍﻗﻴﻼ ﻛﻴﺪﻳﺮ ﻟﻴﻪ ﺍﻟﺴﻴﺸﻮﺍﺭ ... ﺑﺪﻳﺖ ﻛﻨﻀﺤﻚ ﻣﻊ ﺭﺍﺳﻲ ﻭﺍﻧﺎ ﻛﻨﺘﺄﻣﻞ ﻓﻴﻪ،،ﺑﺎﻥ ﻟﻲ ﻋﺮﻗﺎﻥ ﻫﺰﻳﺖ ﻃﺮﻑ ﻣﻦ ﻟﻤﻠﺤﻒ ﻳﺎﻻﻩ ﺑﻐﻴﺖ ﻧﻤﺴﺢ ﻟﻴﻪ ﺟﺒﻬﺘﻮ ﻭﻫﻮ ﻳﺤﻞ ﻋﻴﻨﻴﻪ .. ﺟﻤﺪﺕ ﻓﺒﻼﺻﺘﻲ،ﻣﺘﺤﺮﻛﺘﺶ ﺑﻘﻴﺖ ﻛﻨﺸﻮﻑ ﻓﻴﻪ ؛؛ ﺷﺎﻓﻨﻲ ﻣﻜﻮﺍﻧﺴﻴﺔ ﻓﺒﻼﺻﺘﻲ ﻗﺎﻟﻴﺎ : ﺣﺼﻠﺘﻲ،ﺍﺵ ﻛﻨﺘﻲ ﺑﺎﻏﻴﺎ ﺩﻳﺮﻱ ! ﺑﺎﻏﻴﺎ ﺗﺨﻨﻘﻴﻨﻲ ﻭﺁﻧﺎ ﻧﺎﻋﺲ ،ﻋﻘﺖ ﺑﻴﻚ ﺍﻧﺎ .. ﺑﺪﻳﺖ ﻛﻨﺪﻭﺭ ﻓﻌﻴﻨﻲ ﻭﻛﻨﻀﺤﻚ ﺑﺪﻭﻥ ﺳﺒﺐ : ﻫﻬﻪ ﺑﻐﻴﺖ ﻧﺠﺮ ﻟﻤﻠﺤﻒ ﺩﻳﺎﻟﻲ ،ﻛﻨﺘﻲ ﻧﺎﻋﺲ ﻋﻠﻴﻪ ! ﺑﻘﺎ ﻛﻴﺸﻮﻑ ﻓﻴﺎ : ﻭﻟﻜﻦ ﺍﻧﺎ ﻣﻘﺮﺑﺘﺶ ﻟﻴﻪ ! ﺣﺪﺭﺕ ﻋﻴﻨﻴﺎ ﻟﻘﻴﺖ ﺭﺍﺳﻲ ﻣﻠﻔﻮﻓﺔ ﻓﻠْﻤَﻠﺤَﻒ ﺑﺤﺎﻝ ﺷﻲ ﺑْﺮﻳﻮَﺓ ﻛُﻠّﻮ ﺩﺍﻳﺮ ﻋْﻠﻴﺎ ﻭﺍﻧﺎ ﻧﻘﻠﺐ ﻋﻠﻴﻪ ﻛﻠﺸﻲ : ﻫﺎﺩﻱ ﻫﻲ ﺷﻜﺮﺍ،ﺍﻧﺎ ﻣﻦ ﺍﻟﺼﺒﺎﺡ ﻭﺍﻧﺎ ﻣْﻌﺪْﺑﺔ ﻛﻨْﺠَﺮ ﻓﻠْﻤﻠﺤﻒ ﺑﺸﻮﻳﺔ ﺑﺎﺵ ﻣﻨﻔﻴﻘﻜﺶ،ﻭﻓﺎﻻﺧﻲﺭ ﻛﺘﻘﻮﻟﻲ ﺑﺎﻏﻴﺎ ﻧﺨﻨﻘﻚ،ﻭﺑﺎﺵ ﺑﻬﺎﺩ ﺍﻟﺸﻮﻳﺔ ﺩﻳﺎﻝ ﺍﻟﺘﻮﺏ ﻟﻲ ﻫﺎﺯﺓ ﻓﺎﻳﺪﻱ،ﺣﺮﺍﻡ ﻋﻠﻴﻚ ﻭﺍﻟﻠﻪ ﺣﺘﻰ ﺣﺮﺍﻡ ﻋﻠﻴﻚ ! ﺑﻘﻴﺖ ﻛﻨﻤﺜﻞ ﻋﻠﻴﻪ ﻭﻫﻮ ﻣﺎﺗﺄﺛﺮﺵ ﺑﺎﻟﺘﺒﻮﺣﻴﻂ ﺩﻳﺎﻟﻲ،ﻭﻣﺎﻗﺎﻝ ﻟﻴﺎ ﺣﺘﻰ ﺻﺎﻓﻲ ﻣﺎﻛﺎﻳﻦ ﺑﺎﺱ .. ﺑﻘﺎ ﻛﻴﺸﻮﻑ ﻓﻴﺎ .. ﺧﻨﺰﺭﺕ ﻓﻴﻪ ﻭﺟﻤﻌﺖ ﺍﻟﻮﻗﻔﺔ : ﺍﺻﻼ ﻣﻨﺘﺴﻨﺎﺵ ﺗﻘﻮﻝ ﻟﻴﺎ ﺷﻜﺮﺍ ،ﺍﻳﻼ ﺩﺭﺕ ﺷﻲ ﺣﺎﺟﺔ ﺭﺍﻩ ﻓﺴﺒﻴﻞ ﺍﻟﻠﻪ ﻋﻄﻴﺘﻮ ﺑﻈﻬﺮﻱ ﻭﺗﻤﻴﺖ ﺧﺎﺭﺟﺔ ﻗﺎﻟﻲ : ﻭﻟﻜﻦ ﺍﻧﺎ ﻣﺎﻛﻨﺘﺶ ﻧﺎﻋﺲﻏﻴﺮﻗﺎﻟﻴﺎ ﻣﺎﻛﻨﺘﺶ ﻧﺎﻋﺲ ﺣﺪﺭﺕ ﺭﺍﺳﻲ ﻭﺧﺮﺟﺖ ﻛﻨﺠﺮﻱ ... ﻧﺎﺭﻱ ﻏﻴﻘﻮﻝ ﻋﻠﻴﺎ ﻛﺪﺍﺑﺔ ﻭﺑﻮﺣﺎﻃﻴﺔ،،ﺍﻧﺎ ﺍﺵ ﺩﺍﻧﻲ ﻟﻴﻪ ﻫﺎﺩﺷﻲ ﻟﻲ ﺑﺎﻏﻴﺔ
ﻧﻌﺮﻑ،ﻭﻻﺵ ﻛﺪﺑﺖ ﺍﺻﻼ ،ﻭﺍﻧﺎ ﻣﻨﻬﻤﻜﺔ ﻓﻲ ﻃﺮﺡ ﺍﻟﺘﺴﺎﺅﻻﺕ ﻋﻠﻲ ﻧﻔﺴﻲ ﺗﻼﻗﻴﺖ ﻣﻊ ﻛﻮﺛﺮ ﻓﺎﻟﺪﺭﻭﺝ : ﺭﺗﺎﺣﻴﺘﻲ ﺷﻮﻳﺔ؟ ﺑﺪﻳﺖ ﻛﻨﻀﺤﻚ : ﺍﻩ ﺷﻮﻳﺔ ﻟﺤﻤﺪ ﻟﻠﻪ ! ﻗﺎﻟﺖ ﻟﻲ : ﺍﻳﻮﺍ ﻳﺎﻻﻩ ﺗﺸﺮﺑﻲ ﺍﺗﺎﻱ ! ﻗﻠﺖ ﻟﻴﻬﺎ : ﻋﻮﺗﺎﻧﻲ ؟ ﺑﻐﻴﺖ ﻧﻘﻮﻝ ﻫﻪ ﺍﻧﺎ ﺑﻐﻴﺖ ﻏﻴﺮ ﺷﻲ ﺣﺎﺟﺔ ﺑﺎﺭﺩﺓ ! ﺑﺪﺍﺕ ﻛﺘﻀﺤﻚ : ﺍﺗﺎﻱ ﺿﺮﻭﺭﻱ ﺭﺍﻩ ﻫﻮ ﻟﻲ ﻛﻴﺒﺮﺩ ﺍﻟﺬﺍﺕ .. ﺗﺒﻌﺘﻬﺎ ﻭﺍﻧﺎ ﻛﻨﺤﺎﻭﻝ ﻧﻔﻬﻢ ﻛﻴﻔﺎﺵ ﺩﺍﻙ ﺍﺗﺎﻱ ﻟﻤﺸﺤﺮ ﻛﻴﺒﺮﺩ ﻭﻫﻮ ﺳﺨﻮﻥ ... ﻟﻘﻴﺖ ﻟﻌﻴﺎﻻﺕ ﻣﺠﻤﻮﻋﻴﻦ،ﺗﻠﻘﻴﺖ ﻟﻤﺒﺎﺭﻛﺎﺕ ﺩﻳﺎﻝ ﺍﻟﻨﺎﺱ ﻟﻲ ﺗﻤﺎ،،ﻛﻠﺸﻲ ﻛﻴﻄﻠﻊ ﻭﻳﻨﺰﻝ ﻓﻴﺎ ﺑﺤﺎﻻ ﺍﻧﺎ ﻣﺎﺷﻲ ﻣﻨﻬﻢ،،ﺷﺮﺑﻨﺎ ﺍﺗﺎﻱ ﻭﺗﻤﺮﺣﺖ ﻣﻊ ﺭﺍﺳﺎﺗﻲ،ﻛﺎﻧﻲ ﻓﺮﺣﻠﺔ ﻣﺎﺷﻲ ﻣﺰﻭﺟﺔ ! ﻧﺎﺩﻭ ﺑﻐﺎﻭ ﻳﻮﺟﺪﻭ ﻟﻌﺸﺎ ،ﺣﺘﻰ ﺍﻧﺎ ﻧﻀﺖ ﻧﻌﺎﻭﻧﻬﻢ ﻗﺎﻟﻮ ﻟﻴﺎ ﻻ ،ﻧﺘﻲ ﻋﺮﻭﺳﺔ ،ﻭﻟﻜﻦ ﺍﻧﺎ ﺍﺻﺮﻳﺖ ﻧﺠﻠﺲ ﻣﻌﺎﻫﻢ ! ﺑﺪﺍﻭ ﻛﻴﻮﺟﺪﻭ ﻭﺍﻧﺎ ﻛﻨﺘﻔﺮﺝ ﻓﻴﻬﻢ،،،ﻭﻛﻨﺸﻮﻑ ﻃﺮﻳﻘﺔ ﺍﻟﻄﻴﺎﺏ ﺩﻳﺎﻟﻬﻢ ﻭﺣﺘﻰ ﻟﻬﺠﺘﻬﻢ ﺑﻴﻨﺎﺗﻬﻢﻛﻴﻮﺟﺪﻭ ﻭﺍﻧﺎ ﻛﻨﺘﻔﺮﺝ ﻓﻴﻬﻢ،،،ﻭﻛﻨﺸﻮﻑ ﻃﺮﻳﻘﺔ ﺍﻟﻄﻴﺎﺏ ﺩﻳﺎﻟﻬﻢ ﻭﺣﺘﻰ ﻟﻬﺠﺘﻬﻢ ﺑﻴﻨﺎﺗﻬﻢ ﻛﺎﻧﺖ ﻣﺨﺘﺎﻟﻔﺔ ﻭﺯﻭﻳﻨﺔ،، ! ﻭﺣﺘﻰ ﻟﺒﺎﺳﻬﻢ ،ﯕﺎﻉ ﺍﻟﻨﺴﺎ ﻭﻟﺒﻨﺎﺕ ﻟﻲ ﻛﺎﻧﻮ ﺣﺎﺿﺮﻳﻦ ﻛﺎﻧﻮ ﻻﺑﺴﻴﻦ ﻣﻼﺣﻒ ! ﻭﻟﺤﻨﺎ ﻟﻲ ﻋﻠﻰ ﺍﻳﺪﻳﻬﻢ ﻭﺍﺧﺔ ﻣﻌﻨﺪﻳﺶ ﻣﻌﺎﻫﺎ ﻭﻻ ﻣﻊ ﺭﻳﺤﺘﻬﺎ ! ﺷﺎﻓﺘﻨﻲ ﻣﺎﻣﺎﺕ ﻣﻨﺼﻒ " ﻟﺤﺎﺟﺔ ﺷﺎﻓﻴﺔ " ﻗﺎﻟﺖ ﻟﻲ : ﻏﻨﺪﻳﺮﻭ ﻟﻴﻚ ﻟﺤﻨﺔ ﺍﻥ ﺷﺎﺀ ﺍﻟﻠﻪ ،ﻟﺤﻨﺔ ﺍﻟﺼﺤﺮﺍﻭﻳﺔ .. ﺷﻔﺖ ﻓﻴﻬﺎ ﻭﺷﻔﺖ ﻓﺎﻳﺪﻳﻦ ﻟﻤﺮﺍﺓ ﻟﻲ ﻛﺎﻧﺖ ﺣﺪﺍﻳﺎ،ﺑﺎﻧﺖ ﻟﻲ ﺩﻳﻚ ﻟﺤﻨﺔ ﻏﺎﻣﻘﺔ ﻭﻟﻮﻧﻬﺎ ﻛﺤﻞ ﻭﺭﻳﺤﺘﻬﺎ ﻭﺍﺻﻠﺔ ﻋﻨﺪﻱ ﻟﻬﻨﺎ،ﻋﺎﻭﺩﺕ ﺷﻔﺖ ﻓﻴﻬﺎ ﺑﺎﻧﺖ ﻟﻲ ﻓﺮﺣﺎﻧﺔ،ﺣﺪﺭﺕ ﺭﺍﺳﻲ ﻭﺍﻧﺎ ﺣﺸﻤﺎﻧﺔ : ﻻ ﻻ ﺍﻟﺤﺎﺟﺔ ﺑﻼﻣﻨﻌﺬﺑﻚ .. ﻫﺎﻫﻲﺍ ﻟﺤﻨﺔ ﺑﺎﻗﻴﺔ ﻓﺎﻳﺪﻱ ! ﺿﺤﻜﻮ ﻟﻌﻴﺎﻻﺕ ﻛﺎﻣﻠﻴﻦ ﻓﺎﺵ ﺷﺎﻓﻮ،ﺟﺎﻭﺑﺎﺗﻨﻲ ﻟﺤﺎﺟﺔ ﺷﺎﻓﻴﺔ : ﺣﺘﻰ ﻫﺎﺩﻳﻚ ﺣﻨﺎ ،ﺻﻔﺮﺍ .. ﻫﻨﺎ ﺍﻳﻼ ﻣﺎﻛﺎﻧﺖ ﻓﺤﺎﻝ ﻫﺎﻛﺪﺍ " ﻭﻭﺭﺍﺗﻨﻲ ﺍﻳﺪﻳﻬﺎ " ﻭﺭﻳﺤﺘﻬﺎ ﺑﺤﺎﻝ ﻫﺎﻛﺪﺍ ﺷﻤﺎﺕ ﺍﻳﺪﻳﻬﺎ ﻭﺩﺍﺕ ﻟﻲ ﺍﻳﺪﻳﻬﺎ ﺣﻄﺎﺗﻬﺎ ﻟﻲ ﻋﻨﺪ ﻧﻴﻔﻲ،ﻏﻴﺮ ﺍﺳﺘﻨﺸﻘﺖ ﻋﺒﻴﺮ ﺩﻳﻚ ﺍﻟﺮﻳﺤﺔ ،،ﺣﺒﺴﺖ ﺍﻟﻨﻔﺲ ﺗﻐﺮﻏﺮﻭ ﻟﻴﺎ ﻓْﻌﻴﻨﻴﺎ ،،ﻭﺍ ﺿﺮﺑﺎﺗﻨﻲ ﺣﺘﻰ ﺗﯖﻠﺒﺖ ﻛﻨﺖ ﻏﻨﺘﺒَﻮّﻉْ ﻟﻴﻬﺎ ﻓﻮﻕ ﺭﺍﺳﻬﺎ ﻭﻫﻲ ﻣﺮﺍﺓ ﻛﺒﻴﺮﺓ ! ﺑﺪﺍﺕ ﻛﺘﻀﺤﻚ ﻭﻫﻲ ﻓﺮﺣﺎﻧﺔ ﺑﺤﻨﺘﻬﺎ : ﻫﺎﺩﻱ ﺭﺍﻩ ﻛﻨﺼﺎﻭﺑﻮﻫﺎ ﻓﺎﻟﺪﺍﺭ ﺣﺮﺓ ﻭﺯﻭﻳﻨﺔ ﻭﻣﺰﻳﺎﻧﺔ ! ﻭﺍﻳﻼ ﻣﺎﻛﻨﺘﺶ ﻣﺼﺎﻭﺑﺎﻫﺎ ﺑﺎﻳﺪﻱ ﻣﻨﺪﻳﺮﻫﺎﺵ . ﻧﺎﺿﺖ ﻭﺣﺪﺓ ﻣﻦ ﺍﻟﻨﺴﺎ ﻗﺎﻟﺖ ﻟﻴﻬﺎ : ﻭﺍﺧﺔ ﺗﻌﻄﻴﻨﻲ ﺷﻮﻳﺔ ﺗﺴﺎﻻﺕ ﻟﻴﺎ ﻫﺎﺩﻳﻚ ﻟﻲ ﻋﻄﻴﺘﻴﻨﻲ ﻭﺭﺍﺟﻠﻲ ﻛﻴﻤﻮﺕ ﻋﻠﻴﻬﺎ ! ﻓﺮﺣﺖ ﺟﺎﻭﺑﺘﻬﺎﻓﻤﺤﺎﻭﻟﺔ ﺍﻟﺘﺨﻠﺺ ﻣﻦ ﺩﻳﻚ ﺍﻟﺤﻨﺔ ﻟﻲ ﻣﺼﺎﻭﺑﺔ ﻟﺤﺎﺟﺔ ﺟﺎﻭﺑﺘﻬﺎ ﺑﻼ ﺳْﻮﺍﻻﺕ : ﺩﻳﻬﺎ .. ﺩﻳﻬﺎ ﻛﺎﻣﻠﺔ ! ﺑﺪﺍﻭ ﻛﻴﻀﺤﻜﻮ ،ﻭﻗﺎﻟﺖ ﻟﻲ ﻛﻮﺛﺮ ؛ ﺍﻳﻮﺍ ﻣﻨﺼﻒ ﻣﺴﻜﻴﻦ ﻣﻌﻠﻴﻬﺶ ﺍﻟﻠﻪ ! ﺩﺭﺕ ﻋﻨﺪﻫﺎ ﻭﺍﻧﺎ ﻣﺼﺪﻭﻣﺔ : ﺍﻭﻳﻠﻲ ﻋﻠﻰ ﻣﻌﻠﻴﻬﺶ ﺍﻟﻠﻪ،ﺍﻭﻳﻠﻲ ﺣﺘﻰ ﻫﻮ ﻛﻴﺪﻳﺮﻫﺎ ؟ ﺑﺪﺍ ﻛﻠﺸﻲ ﻛﻴﻀﺤﻚ ،ﺩﺭﺕ ﺷﻔﺖ ﻓﺨﺎﻟﺘﻲ ﻟﻘﻴﺘﻬﺎ ﻛﺘﻨﺪﺏ ،ﻭﻛﺘﺤﻠﻒ ﻋﻠﻴﺎ ﺑﻌﻴﻨﻴﻬﺎ ﻧﺴﻜﺖ .. ﺟﺎﻭﺑﺎﺗﻨﻲ ﻟﺤﺎﺟﺔ ﺷﺎﻓﻴﺔ ﻭﻫﻲ ﺑﺎﻗﻴﺔ ﻛﺘﻀﺤﻚ : ﻻ ﺍﺑﻨﺘﻲ ،،ﻗﺼﺪﺍﺕ ﺗﻘﻮﻟﻴﻚ ﺯﻋﻤﺎ ﻣﻌﻠﻴﻬﺶ ﺍﻟﻠﻪ ﻳﺸﻮﻑ ﻣﺮﺗﻮ ﻣﺰﻳﻨﺔ ﺍﻳﺪﻳﻬﺎ ﺑﺎﻟﻠﺤﻨﺔ ﺁﺥ ﻣﻨﻚ ﻳﺎ ﻛﻮﺛﺮ ﺍﺥ،ﻓﺎﺵ ﻛﺘﻔﻜﺮﻱ .. ﻭﻟﻜﻦ ﺍﻧﺎ ﻣﺎﻟﻲ ﻫﻮ ﻛﺘﻌﺠﺒﻮ ﻭﺍﻧﺎ ﻣﺂﺍﻟﻲ،ﺭﺍﻩ ﻫﺎﺩ ﻟﺤﻨﺔ ﻣﺎﻏﻨﻘﺪﺭﺵ ﻋﻠﻴﻬﺎ ! ﻭﺍﺵ ﻛﻴﺨﻠﻄﻮﻫﺎ ﺑﺸﻲ ﻣﺼﻴﺒﺔ ﺑﺎﺵ ﻛﺘﺨﺮﺝ ﻟﻴﻬﻢ ﻫﺎﻛﺪﺍ ﻭﻫﺎﺩ ﺭﻳﺤﺘﻬﺎ ﻭﺷﺤﺎﻝ ﺳْﺒّﻴﺴْﻴَﺎﻝ ! ﺍﺳﺘﺴﻠﻤﺖ ﻟﻠﻮﺍﻗﻊ ﻣﻠﻲ ﻗﺎﻟﻮ ﻟﻴﺎ ﺑﻠﻲ ﻏﺪﺍ ﻏﻴﺪﻳﺮﻭ ﻟﺤﻨﺔ ﻭﻏﻨﺪﻳﺮﻭﻫﺎ ﻛﺎﻣﻠﻴﻦ ﻳﻌﻨﻲ ﻛﻠﺸﻲ ﻏﻴﻀﺮﺏ ﻟﺤﻨﺔ ﻏﺪﺍ .. ﻭﻻ ﻣﻔﺮ،ﻭﻫﻮﻣﺎ ﺩﺍﻳﺮﻳﻨﻬﺎ ﻭﻏﻴﻌﺎﻭﺩﻭﻫﺎ ﺑﺎﻗﻴﺎ ﻛﺤﻠﺔ ﻭﻗﺎﻟﻴﻚ ﻟﻮﻧﻬﺎ ﻭﻻ ﺑﺎﻫﺖ ﻭﺍﻧﺎ ﺑﻌﻴﻨﻴﺎ ﻛﻨﺸﻮﻑ ﻓﻴﻬﺎ ﻛﺤﻠﺔ ﻛﺤﻠﺔ .. ﻭﺍﺣﺪ ﺍﻟﺸﻮﻳﺔ ﻭﻧﻮﻟﻴﻮ ﻧﺎﻛﻠﻮﻫﺎ ! ﻭﻟﻜﻦ ﻏﻨﺨﺮﺟﻬﺎ ﻓﻤﻨﺼﻒ ﻫﻮ ﻟﻲ ﻋﻠﻰ ﻭﺩﻭ ﺑﻐﺎﻭ ﻳﺪﻳﺮﻭﻫﺎ ﻟﻴﺎ ... ﻭﻟﻜﻦ ﺍﻧﺎ ﻋﺎﺭﻓﺔ ﻛﻴﻔﺎﺵ ﻏﻨﺨﻠﻴﻪ ﻳﺰﻳﻴﻴﺪ ﻳﺒﻐﻴﻬﺎ
ﻏﻨﺤﻄﻮ ﻟﻌﺸﺎ،ﺃﻧﺎ ﺗﻼﺣﻴﺖ ﻋﻠﻰ ﺑﻼﺻﺔ ﻟﻘﺪﺍﻡ، ﻣﺒﺎﺷﺮﺓ ﺃﻣﺎﻡ ﻗﺼﺮﻳﺔ ﻟﻌﻮﺩ ... ﺃﺭﺍ ﺑﺮًﻉ،ﺑﺎﻧﺖ ﻟﻲ ﺩﻳﻚ ﺍﻟﺴﻴﺪﺓ ﻟﻲ ﻛﺎﻧﺖ ﺣﺪﺍﻳﺎ ﻓﺎﻟﻄﻮﻣﻮﺑﻴﻞ ﺟﺎﻳﺔ ﻓﺠﻴﻬﺘﻲ،،ﺑﺪﻳﺖ ﻛﻨﺴﺘﺤﻮﺫ ﻋﻠﻰ ﻟﺒﻼﺻﺔ ﺑﺎﺵ ﻧﺒﻴﻦ ﺍﻧﻪ ﻣﻜﻴﻨﺎﺵ ﺑﻼﺻﺔ ﺗﻘﺪﻫﺎ،ﻭﻟﻜﻦ ﺧﻄﺎﻫﺎ ﺍﻟﺴﺮﻳﻌﺔ ﺳﺒﻘﺎﺕ ﺍﻟﺘﻜﺘﻴﻜﺎﺕ ﺩﻳﺎﻟﻲ،ﻧﺰﻻﺕ ﻋﻠﻴﺎ ﻣﻦ ﺣﻴﺚ ﻻ ﺃﺩﺭﻱ ... ﺑﺪﻳﺖ ﻛﻨﺘﺴﺎﺧﺮ ﻋﻠﻴﻬﺎ ﻭﻛﻨﻘﻮﻝ ﻓﺨﺎﻃﺮﻱ : ﻭﺍﻟﺰﺣﺎﻡ ﺍﻋﺒﺎﺩ ﺍﻟﻠﻪ ! ﺑﻘﻴﺖ ﻛﻨﻘﻠﺐ ﻋﻠﻰ ﻣﻨﺼﻒ ﻣﺒﺎﻧﺶ ﻟﻴﺎ،ﺳﻮﻟﺖ ﻛﻮﺛﺮ ﻗﺎﻟﺖ ﻟﻲ : ﺳﻴﺮﻱ ﻓﻴﻘﻴﻪ ﻛﻮﺭﺍﻩ ﺑﺎﻗﻲ ﻧﺎﻋﺲ ! ﻧﻀﺖ ﻣﻦ ﺑﻼﺻﺘﻲ ﻭﺍﻧﺎ ﻛﻨﻮﺻﻲ ﺧﺎﻟﺘﻲ ﻟﻲ ﻛﺎﻧﺖ ﺟﺎﻟﺴﺔ ﺑﺠﻨﺒﻲ ﺗﺤﻀﻴﻬﺎ ﻟﻲ ﺣﺘﻰ ﻧﺮﺟﻊ ! ﻏﺎﺩﻳﺔ ﻭﻣﻀﺎﺭﺑﺔ ﻣﻊ ﻟﻤﻠﺤﻒ ،،ﺑﻼ ﺩﻗﺎﻥ ﺩﻓﻌﺖ ﻟﺒﺎﺏ ﻭﺩﺧﻠﺖ : ﻣﻨﺼﻒ ﻳﺎﻻﻩ ﺗﻌﺸـــ ... ﺩﺍﺭ ﻋﻨﺪﻱ : ﺧﻠﻌﺘﻴﻨﻲ ! ﺩﻭﺭﺕ ﻭﺟﻬﻲ ﺑﺎﻟﺰﺭﺑﺔ، ﻭﺗﺰﻧﯖﺖ ! ﻧﺎﺽ ﻭﻫﻮ ﺑﺎﻗﻲ ﻛﻴﻠﺒﺲ ﻓﺤﻮﺍﻳﺠﻮ ﻭﻗﻒ ﻗﺪﺍﻣﻲ ﻭﻛﻴﻘﺎﺩ ﻓﺎﻟﺪﺭﺍﻋﻴﺔ : ﻣﺎﻟﻚ ﺍﺵ ﻛﺎﻳﻦ ! ﺑﻘﻴﺖ ﻛﻨﺮﻣﺶ ﻓﻌﻴﻨﻴﺎ ﺣﺎﺩﺭﺓ ﺭﺍﺳﻲ ﻭﻛﻨﺘﻠﻌﺜﻢ : ﺗﻌﺶ .. ﺗْﻌَﺸـ ... ﺷﺎ .. ﻗﺮﺏ ﻟﻴﺎ ﻭﺍﻧﺎ ﻛﻨﺒﻌﺪ ﻓﺮﺍﺳﻲ : ﻭﻣﺎﻟﻚ ﻛﺘﺘﻤﺘﻤﻲ،ﻫﺎﻧﺎ ﻏﺎﺩﻱ ! ﺩﺍﺯ ﻣﻦ ﺣﺪﺍﻳﺎ ،ﺧﺮﺝ ﻭﺍﻧﺎ ﺑﻘﻴﺖ ﻓﺒﻼﺻﺘﻲ : ﻭﻳﻠﻲ ﻭﻳﻠﻲ ﺣﻄﻴﺖ ﺍﻳﺪﻱ ﻋﻠﻰ ﻭﺟﻬﻲ ، ﻛﻨﺤﺲ ﺑﻴﻪ ﻏﻴﻨﻔﺎﺟﺮ،ﺩﺭﺕ ﺍﻳﺪﻱ ﻋﻠﻰ ﺻﺪﺭﻱ ﻛﻨﺤﺲ ﺑﻘﻠﺒﻲ ﻣﺎﺷﻲ ﻏﻴﺮ ﻛﻴﻀﺮﺏ ،ﻏﻄﻴﺖ ﻭﺟﻬﻲ ﺑﺎﻳﺪﻳﺎ ﻭﺍﻧﺎ ﻛﻨﻀﺤﻚ ! ﻳﺎﻻﻩ ﺑﻐﻴﺖ ﻧﺪﻭﺭ ﻧﺨﺮﺝ ﻣﻦ ﻟﺒﻴﺖ : ﻭﺍﻧﺎ ﻧﻠﻘﺎﻩ ﺑﺎﻗﻲ ﻭﺍﻗﻒ ﻛﻴﺘﻔﺮﺝ ﻓﻴﺎ ﺻﺎﻓﻲ ﺗﻘﻄﻊ ﻟﻴﺎ ﺍﻟﻠﺴﺎﻥ ﺟﺎ ﺣﺘﻰ ﻟﺤﺪﺍﻳﺎ ﺩﻓﻊ ﻟﻴﺎ ﺭﺍﺳﻲ ﺑﺎﻳﺪﻳﻪ : ﻫﺎﺩ ﺍﻟﺮﺍﺱ ﺍﺣﻴﺎﻧﻲ ﻣﻌﻤﺮﺍﻩ ﺑﻠﻌﺠﺐ ﺩﻓﻌﺘﻮ ﻭﺧﺮﺟﺖ ﻛﻨﺠﺮﻱ ،ﻛﻨﺖ ﻏﻨْﺘﻜَﺮْﻭَﻉ ﻓﺎﻟﺪﺭﻭﺝ ﻏﺎﺩﻳﺔ ﻭﻧْﺘْﻌَﻜﻞ، ﺗﻼﺣﻴﺖ ﻓﺒﻼﺻﺘﻲ ﺣﺪﺍ ﺧﺎﻟﺘﻲ ﻣﻦ ﺑﻌﺪ ﻣﺎ ﺩﻓﻌﺖ ﺩﻳﻚ ﻟﻤﺮﺍﺓ ﺑﻜﻞ ﻣﺎ ﺍُﺗﻴﺖ ﻣﻦ ﻗﻮﺓ ،،ﻭﺍﻧﺎ ﻛﻨﻬﺞ ! ﻛﻠﺸﻲ ﺑﻘﺎ ﻛﻴﺸﻮﻑ ﻓﻴﺎ ،،ﻛﻮﺛﺮ ﻭ ﺍﻟﺤﺎﺟﺔ ﻛﻴﻮَﺷْﻮْﺷُﻮ ﺷﻲ ﺣﺎﺟﺔ ﺑﻴﻨﺎﺗﻬﻢ ﻭﺑﺪﺍﻭ ﻛﻴﻀﺤﻜﻮ ! ﻗﺎﻟﺖ ﻟﻲ ﻛﻮﺛﺮ : ﻓﻴّﻘْﺘﻴﻪ ﻭﻻ ﻟﻘﻴﺘﻴﻪ ﻓﺎﻳﻖ ! ﺟﺎﻭﺑﺎﺗﻬﺎ ﺍﻟﺤﺎﺟﺔ ﻭﻫﻲ ﻛﺘﻀﺤﻚ : ﺑﺪﺍﻭ ﻛﻴﻮﻟﻔﻮ ﺑﻌﻀﻴﺎﺗﻬﻢ ! ﯕﻠﺴﺖ ﻛﻨﺪﻭﺭ ﻓﺮﺍﺳﻲ ، ﺍﺣﻴﺎﻧﻲ ﻋﻠﻴﻚ ﻭﺯﻋﻤﺎ ﺭﺍﻙ ﺣﺎﺟﺔ ﻭﺑﻌﻘﻠﻚ ﻭﻛﺘﻘﻮﻟﻲ ﻟﻴﻨﺎ ﻫﺎﺩ ﻟﻬﺪﺭﺓ ﻭﺳﻂ ﺍﻟﺠﻤﺎﻋﺔ ﻭﻟﻜﻦ ﻣﺎﺷﻲ ﻣﺸﻜﻞ ،ﺍﻟﻤﻬﻢ ﻫﻮ ﺍﻟﻤﺸﻬﺪ ﺑﺎﻗﻲ ﻛﻴﺪﻭﺭ ﻟﻴﺎ ﻓﺒﺎﻟﻲ ! ﺳﻮﻻﺗﻨﻲ ﻫﺎﺩﻳﻚ ﻟﻤﺮﺓ ﻟﻲ ﺣﺪﺍﻳﺎ : ﻳﺎﻛﻤﺎ ﻫﻮ ﺑﺎﻗﻲ ﻧﺎﻋﺲ؟ ﺃﻧﺎ ﻧﻤﻮﺕ ﻭﻧﻌﺮﻑ ﻫﺎﺩ ﻟﻤﺮﺍﺓ ﺷﻜﻮﻥ،ﻗﻠﺖ ﻟﻴﻬﺎ : ﻻ ﻛﺎﻥ ﻓﺎﻳﻖ،ﺷﻨﻮ ﺳﻤﻴﺘﻚ؟ ﺷﺎﻓﺖ ﻓﻴﺎ ﻭﻫﻲ ﻣﺴﺘﻐﺮﺑﺔ : ﻣﻌﺮﻓﺘﻴﻨﻴﺶ؟؟؟ ﺟﺎﻭﺑﺘﻬﺎ : ﺑﻠﻌﻤﻰ ﺿﺮﺑﺎﺕ ﻟﻲ ﻛﺘﻔﻲ ﻭﻏﻴﺮ ﺑﺎﻟﻀﺤﻚ ﺯﻋﻤﺎ ﺣﺘﻰ ﺣﺴﻴﺖ ﺑﻴﻪ ﺗﺤﻴﺪ ﻣﻦ ﺑﻼﺻﺘﻮ : ﺍﻣﺒﺎﺭﻛﺔ ﺑﻨﺖ ﺧﺘﻬﻢ ! ﺁﺍﻩ،ﻣﺒﺎﺭﻛﺔ،ﺷﻜﻮﻥ ﻫﻮﻣﺎ ! ﺷﻜﻮﻥ ﺧﺘﻬﻢ ! ﺑﻘﺎﺕ ﺧﺎﻟﺘﻲ ﻛﺘﺠﺮ ﻟﻴﺎ ﻓﺠﻨﺎﺑﻲ ﻧﺴﺪ ﻓﻤﻲ،ﻭﻟﻜﻦ ﺍﻥ ﻧﺰﻝ ﻋﻠﻴﺎ ﻭﺍﺣﺐ ﺣﺐ ﺍﻻﺳﺘﻄﻼﻉ ﺑﻘﻴﺖ ﻛﻨﻘﻮﻟﻴﻬﺎ : ﺷﻜﻮﻥ ﺧﺘﻬﻢ؟ ﺑﻘﺎﺕ ﻛﺘﻀﺤﻚ ﻭﻗﺎﻟﺖ ﻟﻲ : ﺍﻻ ﺍﺑﻨﺘﻲ ﺍﻧﺎ ﺍﺳﻤﻲ ﺍﻣﺒﺎﺭﻛﺔ ﺑﻨﺖ ﺧﺘﻬُﻢ،ﻫﺎﻛﺪﺍ ﺳﻤﻴﺘﻲ ﻭﺍﻧﺎ ﺧﺎﻟﺖ
ﻣﻨﺼﻒ ﻭﺭﺑﻴﺘﻮ ﻓﺎﺵ ﻛﺎﻥ ﺻﻐﻴﺮ ! ﺍﻩ ﻣﺰﻳﺎﻥ .. ﺑﺎﻥ ﻟﻴﺎ ﻣﻨﺼﻒ ﺩﺍﻳﺰ ﻣﻦ ﻗﺪﺍﻣﻨﺎ،ﻣﺸﺎ ﺗﺮﺑﻊ ﺣﺪﺍ ﺍﻟﺮﺟﺎﻝ ،ﻭﺍﻧﺎ ﺑﻘﻴﺖ ﺣﺎﺿﻴﺎﻩ ﻭﻫﻮ ﻛﻴﺘﻤﺸﺎ ﺑﺎﻟﺪﺭﺍﻋﻴﺔ ﻣﺘﺄﻧﻖ ﺑﺤﺎﻻ ﻛﻴﺪﻳﺮ ﻋﺮﺽ ﺍﻻﺯﻳﺎﺀ .. ﺣﻄﻮ ﻟﻴﻨﺎ ﻟﻌﺸﺎ : ﻟﻤﻔﻮﺭ ،،ﻭﺣﺘﺎ ﺣﻨﺎ ﻛﻨﺎ ﻛﻨﺘﻔﻮﺭﻭ ﻣﻌﺎﻩ،ﺗﺒﻌﻮﻩ ﻭﺣﻄﻮ ﻟﻴﻨﺎ ﺍﻟﺸﻮﺍ ﻟﺤﻢ ﺍﻟﺠﻤﻞ،ﻛﺎﻧﺖ ﺍﻭﻝ ﻣﺮﺓ ﻧﺪﻭﻗﻮ،ﻧﺰﻟﺖ ﻋﻠﻴﻪ ﺧﻠﻴﺖ ﺍﻧﺎ ﻭﺍﻣﺒﺎﺭﻛﺔ ﻏﻴﺮ ﻟﻌﻀﻮﻣﺔ .. ﻭﺟﺎﺀ ﻭﻗﺖ ﺗﺎﻱ ﻋﻠﻰ ﻟﺤﻄﺐ ! ﺻﺎﻓﻲ ﻣﺒﻘﺎﺵ ﻋﻨﺪﻱ ﻓﻴﻦ ﻧﺰﻳﺪ ﻛﻠﻴﺖ ﺣﺘﻰ ﻭﻟﻴﺖ ﻛﻴﻠﺒﻮﺩﻳﺰﺓ ،،ﺍﺗﺎﻱ ﻫﻮ ﻟﻠﺨﺮ ﻣﺎﺑﻘﺎﺵ ﻋﻨﺪﻱ ﻓﻴﻦ ﻧﺤﻄﻮ .. ﺷﺮﺑﺘﻮ ﺑﺰﺯ ﻣﻨﻲ ! ﺳﺎﻻ ﻟﻌﺸﻰ ﻭﻃﻠﻌﺖ ﻟﺒﻴﺘﻲ : ﺍﻟﻠﻪ ﻋﻠﻰ ﺭﺍﺣﺔ ﺳﻴﻤﺎﻧﺔ ﻫﻨﺎ ﻭﻧﻮﻟﻲ ﻗﺪ ﺍﻣﺒﺎﺭﻛﺔ ! ،ﺩﺍﺭ ﻋﻨﺪﻱ ﻣﻨﺼﻒ ﻭﻫﻮ ﻛﻴﺸﺎﺭﺟﻲ ﻓﺘﻴﻠﻴﻔﻮﻧﻮ ﻟﻘﺎﻧﻲ ﻧﺎﻋﺴﺔ ﻋﻠﻰ ﻇﻬﺮﻱ ﻭﺩﺍﻳﺮﺓ ﺍﻳﺪﻱ ﻋﻠﻰ ﻛﺮﺷﻲ ﻭﻛﻨﻐﻨﻲ " ﺣﺴﻨﺎ ﻭﻳﺎﺟﺎﺭﺗﻲ " ! ﺳﻤﻌﺘﻮ ﻛﻴﻀﺤﻚ ،،ﺍﻟﻠﻪ ﻳﺎ ﺭﺑﻲ ﻣﺎﻗﺪﺭﺍﺵ ﻧﻬﺰ ﺭﺍﺳﻲ ﻭﻧﺸﻮﻓﻮ ﻭ ﺍﺵ ﻛﻴﻀﺤﻚ ﻭﻻ ﻏﻴﺮ ﺟﺎﺏ ﻟﻲ ﺍﻟﻠﻪ ،،، ﻋﻴﻄﺖ ﻟﻴﻪ : ﻭﺍﻣﻨﺼﻒ ! ﺟﻤﻊ ﺍﻟﻀﺤﻜﺔ : ﺃَﻡْ . ﻣﺪﻳﺖ ﺍﻳﺪﻱ ﻭﺍﻧﺎ ﻣﻐﻤﻀﺔ ﻋﻴﻨﻴﺎ : ﻋﻄﻴﻨﻲ ﻧﺘﺎﺻﻞ ﺑﻤﺎﻣﺎ ﺑﻐﻴﺖ ﻧﻬﺪﺭ ﻣﻌﺎﻫﺎ ! ﺟﺎ ﻋﻨﺪﻱ ﻭﻻﺡ ﻟﻲ ﺍﻟﺘﻴﻠﻴﻔﻮﻥ ﺣﺪﺍ ﺭﺍﺳﻲ : ﺳﻠﻤﻲ ﻋﻠﻴﻬﺎ ﻣﺪﻳﺘﻬﺎﺵ ﻓﻴﻪ،ﺍﺻﻼ ﻛﺮﺷﻲ ﻣﻤﺨﻠﻴﺎﻧﻲ ﻧﺪﻳﻬﺎ ﻓﺤﺘﻰ ﻭﺍﺣﺪ ﻫﺎﺩ ﺍﻟﺴﺎﻋﺔ، ﺑﻘﻴﺖ ﻛﻨﻬﺪﺭ ﻣﻌﺎﻫﺎ ﻭﻣﻨﺼﻒ ﺟﺎﻟﺲ ﻣﻘﺎﺑﻞ ﻣﻌﺎﻳﺎ ﻛﻴﺸﻮﻑ ﻓﻴﺎ ﻭﺍﻧﺎ ﻛﻨﻌﺎﻭﺩ ﻟﻮﺍﻟﻴﺪﺓ ﻣﻦ ﺍﻻﻟﻒ ﺍﻟﻰ ﺍﻟﻴﺎﺀ !.. ﻓﺎﺵ ﺳﺎﻟﻴﺖ ﻗﺎﻟﻲ : ﻣﺴﻠﻤﺘﻴﺶ ﻋﻠﻴﻬﺎﻗﺎﻟﻲ : ﻣﺴﻠﻤﺘﻴﺶ ﻋﻠﻴﻬﺎ ! ﻏﻤﻀﺖ ﻋﻴﻨﻲ ﻭﻗﻠﺖ ﻟﻴﻪ : ﻧﺴﻴﺖ ،ﻫﺎﻙ ﻫﺎ ﺗﻴﻠﻴﻔﻮﻧﻚ ! ﺟﺎ ﻫﺰﻭ ﺑﺎﻟﻨﻄﺮﺓ : ﻻ ﺷﻜﺮ ﻋﻠﻰ ﻭﺍﺟﺐ . ﺑﺪﺍ ﻛﻴﻘﻠﺐ ﻓﺎﻟﺘﻴﻠﻴﻔﻮﻥ ﻭﺍﻧﺎ ﻧﺘﻔﻜﺮ ﺍﻻﺗﺼﺎﻝ ﻟﻲ ﺟﺎﻭﺑﺖ ﻋﻠﻴﻪ،ﻧﺎﺭﻱ ﻏﻴﻠﻘﺎﻧﻲ ﻣﺠﺎﻭﺑﺔ ،،ﺍﻭﻑ ﻭﺍﺵ ﻧﻬﺮﺏ ﻟﺘﺤﺖ ﻭﻻ ﺍﺵ ﻧﺪﻳﺮ ! ﻏﻴﺮ ﺳﻤﻌﺘﻮ ﻗﺎﻝ : ﺣﻨﺎﻥ ؟ ﻗﺮﺑﺘﻲ ﻟﺘﻴﻠﻴﻔﻮﻥ؟ ﻏﻤﻀﺖ ﻋﻴﻨﻲ ﺑﺎﻟﺠﻬﺪ ﻭﺑﺪﺍ ﻗﻠﺒﻲ ﻛﻴﻀﺮﺏ ! ﺟﺎ ﺣﺪﺍﻳﺎ ﻭﻗﻒ ﻋﻠﻴﺎ : ﺳﻮﻟﺘﻚ .. ﺑﻘﻴﺖ ﺳﺎﻛﺘﺔ ،ﻧﻀﺖ ﺟﻤﻌﺖ ﻟﻮﻗﻔﺔ ﻏﻴﺮ ﺑﺰﺯ،ﻱ ﺍﻻﻩ ﺧﺎﺭﺟﺔ ﺳﺪ ﻋﻠﻴﺎ ﻟﺒﺎﺏ : ﻋﻼﺵ ﻗﺮﺑﺘﻲ ﻟﻴﻪ؟ ﺧﺮﺟﺖ ﻓﻴﻪ ﻋﻴﻨﻲ : ﻣﻘﺮﺑﺘﺶ ﻟﻴﻪ ،،ﻣﺎﻟﻚ ﺗﻨﺰﻝ ﻋﻠﻴﺎ ﻟﺒﺎﻃﻞ ! ﻗﺮﺏ ﻟﻴﺎ ﻭﺷﺎﻑ ﻟﻲ ﻓﻌﻴﻨﻲ ﺑﻐﻀﺐ : ﺟﻮﺝ ﻟﺤﻮﺍﻳﺞ ﻣﻜﻨﺤﻤﻠﻬﻮﻣﺶ ﻟﻲ ﻳﻜﺬﺏ ﻋﻠﻴﺎ،ﻭﻟﻲ ﻳﻘﺮﺏ ﻟﺤﻮﺍﻳﺠﻲ ﺑﻼ ﺧﺒﺎﺭﻱ ! ﺧﻼﻧﻲ ﻛﻨﺸﻮﻑ ،ﺩﻓﻌﻨﻲ ﺣﻞ ﻟﺒﺎﺏ ﺧﺮﺝ ﻭﺳﺪﻭ ﺑﺎﻟﺠﻬﺪ ﺣﺘﻰ ﻗﻔﺰﺕ ﻓﺒﻼﺻﺘﻲ،ﺭﺟﻌﺖ ﺟﻠﺴﺖ ﻓﺒﻼﺻﺘﻲ ﻭﺍﻧﺎ ﻛﻨﺒﻜﻲ .. ﻭﺣﺘﻰ ﺩﺍﻧﻲ ﻧﻌﺎﺱ
ﺣﻨﺎﻥ ﺍﻧﻮﺿﻲ .. ﺩﺭﺕ ﺭﺍﺳﻲ ﺗﺤﺖ ﻟﻤﺨﺪﺓ : ﻭﻣﺎﻓﻴﺎﺵ .. ﺗﺤﻴﺪﺍﺕ ﻟﻤﺨﺪﺓ ﻣﻦ ﻓﻮﻕ ﺭﺍﺳﻲ ،،ﻧﺎﺭﻱ ﺟﻌﺮﺕ ﻏﻨﻮﺽ ﻧﺮﻭﺑﻠﻬﺎ ،ﻧﻀﺖ ﻟﻘﻴﺘﻮ ﺑﺠﻨﺒﻲ .. ﺣﺪﺍ ﺭﺍﺳﻲ ﻭﻛﻴﺸﻮﻑ ﻓﻴﺎ ،ﺑﻘﻴﺖ ﻛﻨﺸﻮﻑ ﻓﻴﻪ .. ﻭﻫﻮ ﺳﺎﻛﺖ .. ﺳﻬﻴﺖ ﻓﻴﻪ ﻧﺴﻴﺖ ﺍﻧﻨﻲ ﻣﻌﺼﺒﺔ ! ﻧﺎﺽ ﻣﻦ ﺣﺪﺍﻳﺎ : ﺍﺣﻢ، ﻧﻮﺿﻲ ﺗﻔﻄﺮﻱ ! ﺑﻘﻴﺖ ﻓﺒﻼﺻﺘﻲ ﺣﺘﻰ ﺳﻤﻌﺖ ﻟﺒﺎﺏ ﺗﺴﺪ،ﺑﻘﻴﺖ ﻛﻨﻔﻜﺮ .. ﻭﺍﻩ .. ﺍﺵ ﻭﻗﻊ ﻟﻴﺎ ،ﺑﺪﻟﺖ ﺣﻮﺍﻳﺠﻲ ،ﻏﺴﻠﺖ ﻭﺟﻬﻲ ،ﻃﻠﻘﺖ ﺷﻌﺮﻱ ﻭﺗﻤﻴﺖ ﻧﺎﺯﻟﺔ ﺩﺧﻠﺖ ﻟﻜﻮﺯﻳﻨﺔ ﻟﻘﻴﺘﻮ ﺟﺎﻟﺲ ﻣﺠﻤﻊ ﻣﻊ ﻛﻮﺛﺮ ﻭﻟﺤﺎﺟﺔ ﻭﻫﻮﻣﺎ ﻛﻴﻮﺟﺪﻭ ﺩﺧﻠﺖ ﺣﺎﺩﺭﺓ ﺭﺍﺳﻲ ﻭﻟﻜﻦ ﺧﺪﺍﻣﺔ ﻛﻨﺒﺮﯕﯔ ﻓﻴﻪ .. ﻳﺎﻻﻩ ﺑﻐﻴﺖ ﻧﺠﻠﺲ ﻓﻮﻕ ﻟﻜﺮﺳﻲ،ﻧﺎﺽ ﺟﺮﻧﻲ : ﺍﺟﻲ ﻧﺘﻲ ! ﺑﺪﻳﺖ ﻛﻨﺠﺮ ﻓﺎﻳﺪﻱ : ﻣﺎﻟﻚ ﺣﻤﺎﻗﻴﺘﻲ ﻃﻠﻖ ﻣﻨﻲ .. ﻃﻠﻌﻨﻲ ﻟﺒﻴﺖ ﻭﺳﺪ ﻟﺒﺎﺏ ﺟﺒﺪ ﻣﻦ ﻟﻤﺎﺭﻳﻮ ﻭﺍﺣﺪ ﻟﻤﻠﺤﻒ ﻭﻻﺣﻮ ﻟﻴﺎ ﻋﻠﻰ ﺍﻟﻨﺎﻣﻮﺳﻴﺔ : ﻟﺒﺴﻲ ﺣﻮﺍﻳﺠﻚ ! ﻏﻮﺕ : ﻣﺎﻟﻨﻲ ﺷﻔﺘﻴﻨﻲ ﻣﺴﻔﺤﺔ !! ﺗﻤﻴﺖ ﺧﺎﺭﺟﺔ،ﺟﺮﻧﻲ : ﻛﺎﻳﻨﻴﻦ ﺍﻟﺮﺟﺎﻝ ﻟﺘﺤﺖ ،ﻟﺒﺴﻲ ﺣﻮﺍﻳﺠﻚ ! ﻗﻠﺒﺖ ﻋﻴﻨﻴﺎ : ﺍﻭﻭﻑ ﺷﻐﻠﻲ ﻫﺎﺩﺍﻙ ﺷﺪ ﻟﻲ ﺑﺪﺭﺍﻋﻲ ﻭﺟﺮﻧﻲ ﻋﻨﺪﻭ : ﺷﻨﺎﻫﻴﺎ؟ ﺟﺮﻳﺖ ﺩﺭﺍﻋﻲ ﻣﻦ ﺑﻴﻦ ﺍﻳﺪﻳﻪ : ﻏﻴﺮ ﺑﺸﻮﻳﺔ ﻫﺎﻧﺎ ﻏﻨﻠﺒﺲ، ﺭﺍﻩ ﻏﻴﺮ ﻣﺎﻓﻴﺎﺵ ﻟﻲ ﻳﺪﻱ ﻭﻳﺠﻴﺐ ﻣﻌﺎﻙ ﻓﻠﻬﺪﺭﺓ ،ﻣﺪﻳﺖ ﺍﻳﺪﻳﺎ ﻭﺍﻧﺎ ﻛﻨﺘﺮﻋﺪ ﻣﻦ ﺍﻟﺸﻮﻓﺔ ﻟﻲ ﺩﺍﺭ ﻓﻴﺎ ،ﻛﻨﺖ ﺧﺎﻳﻔﺔ ﻟﻴﻨﺰﻝ ﻋﻠﻴﺎ ﺑﺸﻲ ﺩﻗﺔ ! ﺑﻘﺎ ﻭﺍﻗﻒ ﻛﻴﺸﻮﻑ ﻓﻴﺎ : ﻳﺎﻻﻩ ﻟﺒﺴﻲ ! ﺭﺑﻌﺖ ﺍﻳﺪﻳﺎ : ﻏﺘﺒﻘﺎ ﻭﺍﻗﻒ ﻋﻠﻴﺎ،ﺳﻴﺮ ﺧﺮﺝ ﺧﻠﻴﻨﻲ ﻧﺒﺪﻝ ! ﺗﻜًﺎ ﻋﻠﻰ ﻟﺤﻴﻂ : ﻻ ﻏﻴﺮ ﺑﺪﻟﻲ ﻫﻨﺎ ! ﺧﺮﺟﺖ ﻓﻴﻪ : ﺍﻭﻳﻠﻲ ﻣﻜﺘﺤﺸﻤﺶ ﺍﻳﻮﺍ ﻫﺂﺩﺷﻲ ﻟﻲ ﺑﻘﺎ ﻟﻴﺎ ﺿﺤﻚ ﺿﺤﻜﺔ ﺍﺳﺘﺨﻔﺎﻑ : ﻣﺎﻟﻨﻲ ﺧﻮﻙ ! ﻳﺎﻻﻩ ﻃﻠﻘﻴﻨﺎ ﺑﺎﺵ ﻧﺨﺮﺟﻮ ﺑﺠﻮﺝ ... ﺑﺪﻳﺖ ﻛﻨﺪﻭﺭ ﻓﻌﻴﻨﻴﺎ ﺍﻩ ﺍﻭﻳﻠﻲ ﺣﻨﺎ ﻣﺰﻭﺟﻴﻦ ،،ﺣﺸﻤﺖ ﺑﺰﺍﻑ ،ﻧﺎﺭﻱ ﻻ ﻣﻨﻘﺪﺭﺵ، ،،ﺍﻭﻳﻠﻲ ﻻ ﻻ .. ﺑﺪﻳﺖ ﻛﻨﺠﺮ ﻓﻠﻤﻠﺤﻒ ﺑﺸﻮﻳﺔ ﻭﻫﻮ ﻭﺍﻗﻒ ﻛﻴﺘﺴﻨﻰ،،ﻳﺎﻻﻩ ﺑﻐﻴﺖ ﻧﻬﺰ ﺣﻮﺍﻳﺠﻲ ،ﺧﺮﺝ ﻟﺒﺎﻟﻜﻮﻥ ﻭﻭﻗﻒ ﻓﻴﻪ ! ﺑﻘﻴﺖ ﻭﺍﻗﻔﺔ ﻛﻨﺪﻭﺭ ﻓﺒﻼﺻﺘﻲ : ﺍﻩ ﺍﻩ ﻫﺎﺩﻱ ﻫﻲ ﻟﻔﺮﺻﺔ ﺍﺣﻨﺎﻥ ﻫﺰﻳﺖ ﻟﺤﻮﺍﻳﺞ ﺗﺨﺒﻴﺖ ﻣﻦ ﻭﺭﺍ ﻟﺒﺎﺏ ﺩﻳﺎﻝ ﻟﻤﺎﺭﻳﻮ ﺑﺪﻟﺖ ﻑ 2 ﺩﻗﺎﻳﻖ ﺩﻏﻴﺎ،ﺧﺮﺟﺖ ﻛﻨﺘﺴﻠﺖ ﻓﻠﺒﻴﺖ ﻟﻘﻴﺘﻮ ﻭﺍﻗﻒ ﻓﻠﺒﺎﻟﻜﻮﻥ : ﻣﻨﺼﻒ ﻫﺎﻧﻲ ﺑﺪﻟﺖ ! ﺩﺍﺭ ﻋﻨﺪﻱ .. ﺑﻘﺎ ﻛﻴﺸﻮﻑ ﻓﻴﺎ ﻭﺣﺘﻰ ﺍﻧﺎ ﺑﻘﻴﺖ ﻛﻨﺸﻮﻑ ﻓﻴﻪ ﻭﻛﻨﻠﻌﺐ ﺑﻄﺮﻑ ﺍﻟﻤﻠﺤﻒ ﻣﺎﺑﻴﻦ ﺍﻳﺪﻳﺎ ﻭﺍﻧﺎ ﺣﺸﻤﺎﻧﺔ ، ﺩﺍﺯ ﻣﻦ ﺣﺪﺍﻳﺎ ﻭﻗﺎﻝ ﻟﻴﺎ '': ﻛْﺮُﻭﭬﻴﺘَﺎ '' ﺧﻼﻧﻲ ﻛﻨﺘﺸﻮﻁ ﻓﺒﻼﺻﺘﻲ ﺑﻠﻔﻘﺼﺔ ﻏﻤﻀﺖ ﻋﻴﻨﻴﺎ ﻭﺍﻧﺎ ﻛﻨﺼﺒﺮ ﺭﺍﺳﻲ : ﺣﻨﺎﻥ ﻣﺘﻌﺼﺒﻴﺶ ﺍﻟﺼﺒﺎﺡ ﻫﺬﺍ،،ﺣﺘﺎﻝ ﻣﻦ ﺑﻌﺪ ﻭﺭﺩﻳﻬﺎ ﻟﻴﻪ ،ﺗﺎﺑﻌﺎﻩ ﻭﻧﺸﺘﻒ ﻓﺎﻟﺪﺭﻭﺝ ﻭﻫﻮ ﻛﻴﺒﺎﻥ ﻟﻴﺎ ﻧﺎﺯﻝ ﻭﻓﺮﺣﺎﻥ ﺩﺍﺭ ﺷﺎﻑ ﻓﻴﺎ ﺑﻨﺺ ﻋﻴﻦ : ﻋﻨﺪﺍﻙ ﺗﺪﻓﻌﻴﻨﻲ ﺍﻛﺮﻭﻓﻴﺘﺔ ﺍﺭْﺟﻴﻼﺕ ﻟﻜﺮﻭﭬﻴﺖ .. ﺣﺪﺭﺕ ﺭﺍﺳﻲ ﺩﻓﻌﺘﻮ ﺑﺠﻨﺒﻲ ﻭﺳﺒﻘﺘﻮ،ﻣﺸﻴﺖ ﺟﻠﺴﺖ ﻣﻊ ﺍﻟﻨﺎﺱ ﻧﻔﻄﺮﻭ ﺑﺎﻧﺖ ﻟﻴﺎ ﺍﻣﺒﺎﺭﻛﺔ ﺑﺪﻭﻥ ﺗﻔﻜﻴﺮ ﻣﺸﻴﺖ ﺟﻠﺴﺖ ﺣﺪﺍﻫﺎ ! ﻣﺪﺍﺕ ﻟﻴﺎ ﺣﻠﻴﺐ ﺍﻟﻨﺎﻗﺔ : ﺑﺎﺳﻢ ﺍﻟﻠﻪ ﺍﺑﻨﺘﻲ ﺷﺮﺑﻲ ﻭﻋﻄﻲ ﻟﺮﺍﺟﻠﻚ ! ﺍﻧﺎ ﺍﺵ ﺩﺭﺕ ،ﺗﻜّﻴﺖ ﻋﻠﻰ ﺍﻟﺰﻻﻓﺔ ﻛﺎﻣﻠﺔ ﺷﺮﺑﺘﻬﺎ،،ﻣﺪﻳﺖ ﻟﻴﻪ ﺍﻟﺰﻻﻓﺔ ﺩﻳﺎﻝ ﻟﺨﺸﺐ ﺧﺎﻭﻳﺔ ﻓﻴﻬﺎ ﻏﻴﺮ ﺟﻐﻴﻤﺔ ! ﺷﺪﻫﺎ ﺷﺎﻑ ﻓﻴﻬﺎ،ﺷﺮﺑﻬﺎ ﻭﺣﻄﻬﺎ ﻭﻫﻮ ﻛﻴﺸﻮﻑ ﻓﻴﺎ،ﺑﻘﻴﺖ ﻛﻨﻬﺰ ﻓﺤﺠﺒﺎﻧﻲ ﺑﺪﺍ ﻛﻴﻀﺤﻚ ﻭﻫﻮ ﻛﻴﺸﻮﻑ ﻓﺎﻟﺠﺴﺪ ﺩﻳﺎﻟﻲ ! ﻛﻨﻐﻄﻲ ﺭﺍﺳﻲ ﺑﺎﻟﻤﻠﺤﻒ ﻭﻛﻨﺘﻤﺨﺸﺶ ﻓﻴﻪ ﻭﺍﻧﺎ ﻣﺮﺗﺒﻜﺔ ،ﻫﺰﻳﺖ ﻋﻴﻨﻴﺎ ﻓﻴﻪ ﻛﻴﻘﻮﻝ ﺷﻲ ﺣﺎﺟﺔ ﺑﺸﻮﻳﺔ ﺑﺪﻭﻥ ﺍﺻﺪﺍﺭ ﺍﻱ ﺻﻮﺕ ﺭﻛﺰﺕ ﻣﻊ ﺣﺮﻛﺎﺓ ﺍﻟﺸﻔﺎﻩ : ﻛْــ .. ﻛْـ .. ﻛْﺮﻭﻓﻴﺘﺂﺁﺍ !!!!! ﻗﻠﺘﻬﺎ ﺑﺼﻮﺕ ﻣﺮﺗﺎﻓﻊ ﺣﺘﻰ ﺩﺍﺭ ﻓﻴﺎ ﺧﻮﻳﺎ : ﻣﺎﻟﻚ .. ؟ ﺣﺪﺭ ﺭﺍﺳﻮ ﺑﻘﺎ ﻛﻴﻀﺤﻚ ﺣﺘﻰ ﻭﻻ ﻭﺟﻬﻮ ﺣﻤﺮ ،،ﻛﻮﺛﺮ ﺭﺩﺍﺕ ﻟﺒﺎﻝ ﻭﻫﻲ ﺗﻘﻮﻝ ﻟﺨﻮﻳﺎ : ﺩﺍﺑﺎ ﻧﺠﻴﺒﻮﻩ ﻣﺎﻳﻜﻮﻥ ﻏﻴﺮ ﺧﺎﻃﺮ ﻟﻌﺮﺳﺎﻥ ! ﻗﻠﺖ ﻧﺒﺮﺩ ﺍﻟﺼﺒﺎﺡ ﻫﺬﺍ
ﺑﻘﺎ ﺍﻟﺼﺪﻯ ﺩﻳﺎﻝ ﻟﻜﺮﻭﭬﻴﺖ ﻓﻴﻨﻤﺎ ﻧﻤﺸﻲ ﺗﺎﺑﻌﻨﻲ ،ﺷﻨﻮ ﺯﻋﻤﺎ ﻫﺎﺩ ﻟﯖﻨﺲ ﻗﺎﻟﻬﺎ ﻟﻴﺎ ﻟﺤﻘﺎﺵ ﺍﻧﺎ ﺿﻌﻴﻔﺔ ﻭﺍﺧﺔ ﻭﺍﺧﺔ ﻣﻦ ﺑﻌﺪ ﻣﺎﺗﻐﺪﻳﻨﺎ ﺑﻘﻴﺖ ﻣﺠﻤﻌﺔ ﻣﻊ ﺍﻟﻨﺴﺎ ﻭﻛﻨﻬﺪﺭﻭ .. ﻗﻠﺖ ﻟﻴﻬﻢ ﺍﻧﺎ ﺻﺎﻓﻲ ﻋﻴﻴﺖ ﻧﻄﻠﻊ ﻧﺘﻜﻰ ﺷﻮﻳﺔ ﻓﻠﺒﻴﺖ ﻗﺘﻠﻨﻲ ﺍﻟﺼﻬﺪ ! ﻃﻠﻌﺖ ﻟﺒﻴﺖ ،ﻓﺎﺵ ﺣﻠﻴﺖ ﻟﺒﺎﺏ .. ﻟﻘﻴﺘﻮ ﻛﺎﻥ ﻛﻴﻬﺪﺭ ﻓﺎﻟﺘﻴﻠﻴﻔﻮﻥ،ﺷﺎﻓﻦﻱ ﻭﻗﻄﻊ : ﻣﺎﺑﻘﺎﺕ ﺑﻴﻨﺎﺗﻨﺎ ﻫﺪﺭﺓ ﺑﺴﻼﻣﺔ ! ﻭﻗﻔﺖ ﻋﻠﻴﻪ : ﻛﻴﻔﺎﺵ ﻣﺒﻘﺎﺕ ﺑﻴﻨﺎﺗﻜﻢ ﻫﺪﺭﺓ ﻣﻌﺎﻣﻦ ﻛﺘﻬﺪﺭ؟؟ ﺷﺎﻑ ﺑﻌﻴﺪ ﻋﻠﻰ ﻋﻴﻨﻴﺎ : ﻣﺎﺷﻲ ﺷﻐﻠﻚ،ﻭﻋﺎﻓﺎﻙ ﻟﻤﺎ ﻓﻮﺗﻴﻨﻲ ﻫﺎﺩ ﺍﻟﺴﺎﻋﺔ ! ﺷﺪﻳﺖ ﻟﻴﻪ ﻓﺤﻮﺍﻳﺠﻮ : ﺷﻜﻮﻥ ﻫﻴﺎ ! ﺑﺼﻮﺕ ﻣﺘﺮﺩﺩ ﺳﻮﻟﻨﻲ : ﺷـ .. ﺷﻜﻮﻥ ﻟﻲ ﻫﻴﺎ؟ ﺑﻌﺼﺐ ﺟﺎﻭﺑﺘﻮ : ﻟﻲ ﻛﺘﻬﺪﺭ ﻣﻌﺎﻫﺎ،ﻟﻲ ﻛﺘﻀﻞ ﺗﻜﺘﺐ ﻟﻴﻬﺎ ﻟﻤﻴﺴﺎﺟﺎﺕ .. ﻟﻲ ﻛﻞ ﺳﺎﻋﺔ ﻣﻘﺎﺑﻞ ﺍﻟﺘﻴﻠﻴﻔﻮﻥ ﺗﺴﻨﺎﻫﺎ ﺗﺠﺎﻭﺑﻚ ! ﻟﻲ ﺳﻤﻌﺖ ﺻﻮﺗﻬﺎ ﻓﺎﺵ ﺟﺎﻭﺑﺖ ﻋﻠﻰ ﺍﻟﺘﻴﻠﻴﻔﻮﻥ ﻧﻬﺎﺭ ﻋﺮﺳﻚ ﺍﺳﻲ ﻟﻌﺮﻳﺲ ﻛﻨﺘﺴﻨﺎﻩ ﻳﺠﺎﻭﺏ ﻭﺍﻧﺎ ﻛﻨﺮﺟﻒ ﺧﺎﻳﻔﺔ ﻳﻜﻮﻥ ﻟﻲ ﻓﺒﺎﻟﻲ ﺑﺼﺢ ! ﺑﻘﺎ ﻋﺎﻃﻴﻨﻲ ﺑﻈﻬﺮﻭ ﻭﺳﺎﻛﺖ .. ﺗﻐﺮﻏﺮﻭ ﻟﻴﺎ ﻋﻴﻨﻴﺎ ﺩﻳﻚ ﺍﻟﺴﺎﻋﺔ .. ﻃﻠﻘﺖ ﻣﻨﻮ ﻭﺩﺭﺕ ﺍﻳﺪﻱ ﻋﻠﻰ ﻓﻤﻲ ﺑﺎﺵ ﻧﻜﺘﻢ ﺻﻮﺕ ﻟﺒﻜﺎ ! ﺗﻤﺸﻴﺖ ﺑﻌﻴﺪ ﻋﻠﻴﻪ،ﻭﻗﻔﺖ ﺣﺪﺍ ﻣﺎﺭﻳﻮ ﺩﺭﺕ ﺭﺍﺳﻲ ﻛﻨﻘﻠﺐ ﻣﺎﺑﻴﻦ ﻟﺤﻮﺍﻳﺞ .. ﻭﻫﻮ ﺑﻘﺎ ﻭﺍﻗﻒ ﻓﺒﻼﺻﺘﻮ ! ﺩﺍﺭ ﻋﻨﺪﻱ : ﺣﻨﺎﻥ ! ﺑﻘﻴﺖ ﻛﻨﻘﻠﺐ ﻓﻮﺳﻂ ﻟﺤﻮﺍﻳﺞ .. ﻭﺩﺭﺕ ﺭﺍﺳﻲ ﻣﺴﻤﻌﺘﻮﺵ،ﺣﺴﻴﺖ ﺑﻴﻪ ﻭﻗﻒ ﻭﺭﺍﻳﺎ ﺩﺭﺕ ﻋﻨﺪﻭ ﻭﻋﻴﻨﻴﺎ ﻋﻠﻰ ﺍﻻﺭﺽ : ﺷﻨﻮ ! ﺧﺪﺍ ﺍﻟﻨﻔﺲ ﻭﺧﺮﺟﻮ : ﻣﺎﻛﺎﻳﻨﺶ ﻻﺵ ﺗﻔﻜﺮﻱ ﻓﺸﻲ ﺣﺎﺟﺔ ﻣﻜﻴﻨﺎﺵ ﺍﻧﺎ ﻏﻴﺮ ! ﺩﻓﻌﺘﻮ ﺑﺎﻳﺪﻳﺎ ﻋﻠﻰ ﺻﺪﺭﻭ ﺑﻠﻐﻮﺍﺕ ﻭﻟﺒﻜﺎ : ﻧﺘﺎ ﺷﻨﻮ .. ﻏﺘﺒﻘﺎ ﺗﻔﺮﺝ ! ﻓﻴﺎ ﻧﺘﺎ ﺷﻨﻮ ؟ ﺷﺪ ﻟﻲ ﺑﺎﻳﺪﻱ : ﻭﺗﻬﺪﻧﻲ ﻭﻣﺘﻐﻮﺗﻴﺶ ﺍﻧﺎ ﻏﻨﻘﻮﻟﻴﻚ ، ﻟﻤﺮﺍﺓ ﻟﻲ ﻛﻨﺖ ﻣﺰﻭﺝ ﻫﻲ ﻟﻲ ﻛﻨﺖ ﻛﻨﻬﺪﺭ ﻣﻌﺎﻫﺎ ! ﺑﻘﻴﺖ ﻣﺼﺪﻭﻣﺔ .. ﻛﻴـ .. ﻛﻴﻔﺎﺵ ؟ﻭﻋﻼﺵ ﺍﺵ ﺑﻴﻨﻚ ﻭﺑﻴﻨﻬﺎ؟ ! ﺟﺎﻭﺑﻨﻲ ﻭﻫﻮ ﻧﺎﺩﻡ ﻻﺵ ﻗﺎﻟﻲ : ﺍﻭﻭﻑ ،ﻣﺎﺑﻴﻨﺎﺗﻨﺎ ﻭﺍﻟﻮ،ﺑﻐﺎﺕ ﻧﺮﺟﻌﻮ ! ﻗﺮﺑﺖ ﻟﻴﻪ ﻟﺤﺘﻰ ﻟﻮﺟﻬﻮ ﻭﺍﻧﺎ ﻗﺮﺑﺖ ﻧﺘﺠﻨﻦ : ﻳﺎﻙ ﻣﺘﻔﺎﻫﻤﺘﻴﺶ ﻧﺘﺎ ﻭﻳﺎﻫﺎ . ﻭﺳﺎﻟﻴﺘﻮ ﻭﻛﻞ ﻭﺍﺣﺪ ﻓﻄﺮﻳﻘﻮ ﻋﻬﻼﺵ ﻛﺘﻬﻀﺮ ﻣﻌﺎﻫﺎ،ﺗﻤﻴﺖ ﻏﺎﺩﻳﺔ ﻭﻛﻨﻬﺞ،ﻫﺎﻧﺎ ﻏﺎﺩﻳﺔ ﻧﻬﻀﺮ ﻣﻊ ﻋﺎﺋﻠﺘﻚ ﺍﻳﻼ ﻣﻔﻀﺤﺘﻚ ﻣﻨﺘﺴﻤﺎﺵ ﺍﻧﺎ ﺣﻨﺎﻥ ! ﺻﺎﻓﻲ ﺣﺘﻰ ﻗﺮﺑﺖ ﻟﺒﺎﺏ ﺟﺮﻧﻲ : ﺍﺟﻲ ﻧﻬﻀﺮﻭ ! ﻛﻨﺪﻓﻊ ﻓﻴﻪ : ﺑﻌﺪ ﻣﻨﻲ .. ﺟﺮﻧﻲ : ﺟﻠﺴﻲ ! ﺟﻠﺴﺖ ﻭﺍﻧﺎ ﻣﻨﻔﺨﻔﺔ : ﻫﺎﻧﻲ ﺟﻠﺴﺖ ! ﺣﺪﺭ ﺭﺍﺳﻮ ﻭﻗﺎﻟﻲ : ﻫﺎﺩ ﻟﻬﺪﺭﺓ ﺗﺒﻘﻰ ﺑﻴﻨﺎﺗﻨﺎ،ﺭﺍﻩ ﻣﻔﺨﺒﺎﺭ ﺣﺘﻰ ﻭﺍﺣﺪ ! ﺷﻔﺖ ﻓﻴﻪ : ﻳﺎﻻﻩ ﻫﺪﺭ ﻏﻤﺾ ﻋﻴﻨﻴﻪ،ﻭﻛﺎﻥ ﻋﻠﻰ ﻗﻠﺒﻮ ﺣﺠﺮﺓ .. ﻋﻴﻨﻴﻪ ﺗﻐﺮﻏﺮﻭ ﻭﻫﻮ ﻛﻴﻬﻀﺮ : ﻟﻤﺮﺍﺓ ﻟﻲ ﻃﻠﻘﺘﻬﺎ ﻣﺎﻃﻠﻘﺘﻬﺎﺵ ﻟﺤﻘﺎﺵ ﻣﻜﻨﺎﺵ ﻣﻔﺎﻫﻤﻴﻦ،ﻟﺤﻘﺎﺵ ﺣﺼﻠﺘﻬﺎ ﻣﻊ ﺭﺍﺟﻞ ﺍﺧﺮ ! ﻭﺩﺍﺑﺎ ﻛﺘﻄﻠﺐ ﻣﻨﻲ ﺍﻟﺴﻤﺎﺣﺔ،ﻓﺎﺵ ﺳﻤﻌﺎﺗﻨﻲ ﺗﺰﻭﺟﺖ ﺑﻐﺎﺗﻨﻲ ﻧﺮﺟﻊ ﻟﻴﻬﺎ .. ﺧﺮﺟﺖ ﻋﻴﻨﻴﺎ ﻭﺩﺭﺕ ﺍﻳﺪﻳﺎ ﻋﻠﻰ ﻓﻤﻲ ﻣﻦ ﺍﻟﺼﺪﻣﺔ : ﺍﻭﻳﻠﻲ؟،؟؟؟؟؟ ﺣﺪﺭ ﺭﺍﺳﻮ ﻭﺑﻘﺎ ﻛﻴﺸﻮﻑ ﻓﺎﻻﺭﺽ ! ﺑﻘﻴﺖ ﻛﻨﺤﺎﻭﻝ ﻧﺴﺘﻮﻋﺐ ﻟﻬﺪﺭﺓ : ﺧﺎﻧﺘﻚ ﻭﻣﺎﺯﺍﻝ ﻛﺘﻬﺪﺭ ﻣﻌﺎﻫﺎ،ﻭﻋﻼﺵ ﻣﻘﻠﺘﻲ ﻟﺘﻮﺍﺣﺪ ﻫﺎﺩ ﻟﻬﺪﺭﺓ، ﻭﻋﻼﺵ ﻛﺘﺠﺎﻭﺑﻬﺎ ﺍﺻﻼ ﻓﺎﻟﺘﻴﻠﻴﻔﻮﻥ ! ﺳﺎ ' ﻑ ﻓﻴﺎ ﻭﻫﻮ ﻛﻴﻬﺪﺭ ﻏﻴﺮ ﺑﺰﺯ ﻭﻋﻴﻨﻴﻪ ﻓﻴﻬﻢ ﺍﻟﺪﻣﻮﻉ : ﻋﻼﻩ ﺳﺎﻫﻞ ﺗﻠﻘﺎﻱ ﻟﻲ ﻛﺘﺒﻐﻲ ﻛﻴﺨﻮﻧﻚ .. ﻭﺗﻨﺴﺎﻳﻪ ﺑﺒﺴﺎﻃﺔ ﻛﺎﻥ ﺣﺘﻰ ﺣﺎﺟﺔ ﻣﻮﻗﻌﺎﺕ .. ﺍﻧﺎ ﺑﺮﺍﺳﻲ ﺑﻜﻴﺖ،ﻣﻘﺪﺭﺗﺶ ﻧﺴﺘﺤﻤﻞ ﻟﻮﺿﻊ .. ﻳﺎﻻﻩ ﺑﻐﻴﺖ ﻧﻮﺍﺳﻴﻪ،ﻭﻧﻘﻮﻝ ﻟﻴﻪ ﺻﺎﻓﻲ ﻧﺒﺪﺍﻭ ﺻﻔﺤﺔ ﺟﺪﻳﺪﺓ ﻭﺩﺍﺑﺎ ﺗﻨﺴﺎ .. ﻭﻗﻒ ﻭﻗﺎﻟﻲ : ﺩﺍﺑﺎ ﻋﺮﻓﺘﻲ ﺍﺵ ﻛﺎﻳﻦ،ﻟﻲ ﺑﻐﻴﺘﻲ ﺩﻳﺮﻳﻪ ﺩﻳﺮﻳﻪ ! ﺭﺳﻢ ﺍﺑﺘﺴﺎﻣﺔ ﺣﺰﻳﻨﺔ ﻋﻠﻰ ﻭﺟﻬﻮ ﻭﺧﺮﺝ ﻋﻠﻰ ﺑﺮﺍ .. ﻭﻗﺒﻞ ﻣﻴﺨﺮﺝ : ﺭﺗﺎﺣﻲ ﺍﻛﺮﻭﻓﻴﺘﺎ ! ﺿﺤﻜﺖ ﻭﺍﻟﺪﻣﻮﻉ ﻓﻌﻴﻨﻲ ،،ﺍﺵ ﻧﺪﻳﺮ ﻳﺎ ﺭﺑﻲ ،ﻭﺍﺵ ﻫﺎﺩ ﺍﻟﺰﻫﺮ ،،ﻣﻘﺪﺭﺕ ﺣﺘﻰ ﻧﻌﺎﺗﺒﻮ ﻻﻧﻪ ﺧﺒﺎ ﻋﻠﻴﺎ ﻫﺎﺩﺷﻲ ﻧﻬﺎﺭ ﻟﻮﻝ،،ﺍﻻﻟﻢ ﻟﻲ ﺷﻔﺘﻮ ﻟﻴﻮﻡ ﻓﻌﻴﻨﻴﻪ ﺧﻼﻧﻲ ﻧﺮﺃﻑ ﺑﺤﺎﻟﻮ ...
ﺑﻘﻴﺖ ﺟﺎﻟﺴﺔ ﻛﻨﻔﻜﺮ ﻏﻴﺮ ﺑﻮﺣﺪﻱ .. ﻫﺪﺭﺕ ﻣﻊ ﻣﺎﻣﺎ،،ﻓﺎﺵ ﺳﻮﻻﺗﻨﻲ ﻭﺍﺵ ﺍﻣﻮﺭﻙ ﻣﺰﻳﺎﻥ ﻣﻊ ﺭﺍﺟﻠﻚ،ﻋﺠﺰﺕ ﻭﺍﻧﻬﻤﺮﺕ ﺑﺎﻟﺒﻜﺎ ... ﻗﺎﻟﺖ ﻟﻲ ﻳﺎﻙ ﻻﺑﺎﺱ،ﻣﻘﺪﺭﺗﺶ ﻧﻘﻮﻟﻴﻬﺎ ﺣﺘﻰ ﺣﺎﺟﺔ،ﺧﺒﻴﺖ ﻋﻠﻴﻬﺎ ﻛﻴﻔﻤﺎ ﻗﺮﺭﺕ ﻧﺨﺒﻲ ﻛﻤﻴﺔ ﺍﻻﻟﻢ ﻭﺍﻟﺤﺰﻥ ﻓﻘﻠﺒﻲ ﻣﻦ ﺍﻟﺼﺪﻣﺔ ﻟﻲ ﺗﻠﻘﻴﺘﻬﺎ ﻣﻦ ﻣﻨﺼﻒ،،ﻭﺧﺒﻴﺖ ﻋﻠﻴﻬﺎ ﻻﻧﻲ ﻋﺮﻓﺖ ﺍﻥ ﻟﻲ ﻭﻗﻊ ﻟﻴﻪ ﺩﻣﺮﻭ ﻭﻋﺪﺑﻮ ﻛﺜﺮ ﻣﺎﻳﻤﻜﻦ ﻟﻮﺍﺣﺪ ﻳﺘﺼﻮﺭ ! ﻃﻔﻴﺖ ﺍﻟﺘﻴﻠﻴﻔﻮﻥ ﻭﺍﻧﺎ ﻛﻨﺤﺲ ﺑﺮﺍﺳﻲ ﻣﺨﻨﻮﻗﺔ .. ﺗﻤﺸﻴﺖ ﺟﻴﻬﺔ ﺍﻟﺒﺎﻟﻜﻮﻥ ﺣﻠﻴﺖ ﺍﻟﺠﺎﺝ ﻭﻭﻗﻔﺖ ،ﺻﺮﻓﻘﻨﻲ ﺍﻟﺼﻬﺪ ﺣﺴﻴﺖ ﺑﺮﺍﺳﻲ ﻭﺍﻗﻔﺔ ﻓﻮﻕ ﺷﻲ ﻣﻘﻠﺔ ... ﻫﺮﺑﺖ ﻣﻦ ﺍﻟﺸﻤﺶ ،ﺳﺪﻳﺖ ﺍﻟﺸﺮﺟﻢ ﻭﻭﻗﻔﺖ ﻗﺪﺍﻡ ﻟﻤﺮﺍﻳﺔ ﻛﻨﻬﺪﺭ ﻣﻊ ﺭﺍﺳﻲ : ﺣﻨﺎﻥ ،ﺻﺒﺮﻱ ﻣﺎﺷﻲ ﻣﺸﻜﻞ،،ﺗﻘﺪﺭﻱ ﺗﻘﺪﺭﻱ .. ﺗﻘﺪﺭﻱ ﺗﻘﺮﺑﻲ ﻣﻨﻮ ﻭﺗﻌﺎﻭﻧﻴﻪ ﻳﻨﺴﺎ ،،ﻳﺎﻙ ﻧﺘﻲ ﻛﻨﺘﻲ ﺧﺪﺍﻣﺔ ﻣﺴﺘﺸﺎﺭﺓ ﻧﻔﺴﻴﺔ ﻓﻤﺪﺭﺳﺔ .. ﻭﻗﺪﺭﺗﻲ ﺗﻌﺎﻭﻧﻲ ﺷﺤﺎﻝ ﻣﻦ ﺗﻠﻤﻴﺬ ﻭﺗﻠﻤﻴﺬﺓ ،ﺗﻘﺪﺭﻱ ﺗﻌﺎﻭﻧﻴﻪ، ﻭﺍﺧﺔ ﻳﻜﻮﻥ ﻣﺼﻨﻮﻉ ﻣﻦ ﻟﺤﺪﻳﺪ .. ﻛﻴﺒﻘﻰ ﻋﻨﺪﻭ ﻗﻠﺐ .. ﻳﺎﻻﻩ ... ﻣﻦ ﺑﻌﺪ ﻫﺎﺩ ﺍﻟﺘﺸﺠﻴﻌﺎﺕ ﻛﺎﻣﻠﺔ ﻣﺸﻴﺖ ﻏﻴﺒﺖ ﻭﺍﺣﺪ ﺍﻟﺴﻮﻳﻌﺔ ... ! ﻓﻘﺖ ﻫﺎﻱ ﻫﺎﻱ .. ﻫﺎﺩﻱ 6 ﻟﻌﺸﻴﺔ ... ﺗﻠﺤﻔﺖ ﻭﻧﺰﻟﺖ ،ﺷﻤﻴﺖ ﺭﻳﺤﺖ ﺗﺎﻱ ﻣﻦ ﺍﻟﺪﺭﻭﺝ .. ﺍﻳﻪ ﻧﻌﺎﻡ ﺍﻻﻟﺔ ﻣﻌﻤﺮﻳﻦ ﺍﺗﺎﻱ ﺑﻼ ﺑﻴﺎ،ﺁﻧﺎ ﻳﺪﻭﺯ ﻋﻠﻴﺎ ﺍﺗﺎﻱ ! ﺷﺎﻑ ﻓﻴﺎ ﺧﻮﻳﺎ ﻭﻗﺎﻝ ﻟﻴﺎ ﺑﺸﻮﻳﺔ : ﺍﺗﺒﺘﻲ ﺷﻮﻳﺔ ﺭﺍﻩ ﺧﺎﻟﺘﻚ ﺷﻴﺒﺘﻴﻬﺎ،ﻭﻓﺮﺍﺳﻚ ﺭﺍﻩ ﻛﺘﻬﺪﺭ ﻣﻊ ﻟﻮﺍﻟﻴﺪﺓ ﻭﻛﺘﻌﺎﻭﺩ ﻟﻴﻬﺎ ﻛﻠﺸﻲ ! ﻣﺎﺟﻮﺑﺘﻮﺵ ﺧﻨﺰﺭﺕ ﻓﻴﻪ ﻭﻧﻀﺖ ﻣﻦ ﺣﺪﺍﻩ ﻭﯕﻠﺴﺖ ﺣﺪﺍ ﺍﻣﺒﺎﺭﻛﺔ،ﺗﻤﺪ ﻟﻴﺎ ﻭﺗﻌﻄﻴﻨﻲ ﻭﺍﻧﺎ ﻧﺎﻛﻞ ﻭﺍﻧﺎ ﻓﺮﺣﺎﻧﺔ ..! ﻛﻞ ﺳﺎﻋﺔ ﻛﻨﺸﻮﻑ ﻓﻤﻨﺼﻒ .. ﻛﻨﻠﻘﺎﻩ ﻛﻴﺸﻮﻑ ﻓﺠﻴﻬﺔ ﺍﺧﺮﻯ ﻭﺍﻧﺎ ﻧﻘﻮﻝ ﻟﻴﻬﻢ : ﻛﻮﻥ ﻏﻴﺮ ﺍ ﻣﻨﺼﻒ ﺗﻨﻀﻢ ﻟﻴﻨﺎ ﺍﻟﺸﻌﺮ ﺩﻳﻚ ﻟﻤﺮﺓ .. ﻛﻠﺸﻲ ﺷﺎﻑ ﻓﻴﻪ ،ﺟﺎﻭﺑﻮ ﺍﻟﺤﺎﺝ : ﺍﻳﻪ ﻧﻌﺎﻡ ﺍﺳﻴﺪﻱ ﻣﻊ ﻫﺎﺩ ﻟﺠﻮ ﺩﻳﺎﻝ ﻟﻌﺸﻴﺔ ﻏﻴﺮ ﺩﻳﺎﻝ ﺷﻲ ﻛﻼﻡ .. ﺷﺎﻑ ﻓﻴﺎ ﻭﻫﻮ ﻣﺎﺣﻤﻠﺶ : ﻻﻻ ﻫﺎﺩ ﺍﻟﻨﻬﺎﺭ ﻏﻴﺮ ﻋﺬﺭﻭﻧﻲ ! ﺑﻘﻴﺖ ﺍﻧﺎ ﻧﻘﺰ ﻋﻠﻴﻪ ﻭﻧﻄﻠﺐ ﻓﻴﻪ ،ﻭﻫﻮ ﺗﻘﻮﻝ ﻟﻴﻪ ﻟﺤﺎﺟﺔ : ﻟﻮﺍﻩ ﺍﻭﻟﺪﻱ ،ﻗﻮﻝ ﺷﻲ ﺣﺎﺟﺔ ﻣﻦ ﻋﻨﺪﻙ،،ﻭﻧﺘﺎ ﻣﻮﺍﻟﻒ ﺩﻳﻤﺎ ﺗﻤﺘﻌﻨﺎ ﺑﺰﻳﻦ ﻟﻜﻼﻡ ﻭﻓﺎﺵ ﺟﺎﺕ ﻻﻟﺔ ﺣﻨﺎﻥ ﻭﻟﻴﺘﻲ ﺷﺤﻴﺢ ! ﺑﺪﻳﺖ ﻧﺘﻐﺒﻦ ﻋﻠﻴﻪ : ﺍﻩ ﺍﻟﺤﺎﺟﺔ ﻣﻜﻴﺒﻐﻴﺶ ﻳﻬﺪﺭ ! ﺷﺎﻑ ﻓﻴﺎ ﻭﻗﺎﻟﻴﺎ : ﻣﻌﻨﺪﻱ ﻣﻨﻘﻮﻝ ﻳﺎﻻﻩ ﻏﻴﺒﺪﺍ ﻭﺍﻧﺎ ﻧﺪﻳﺮ ﺭﺍﺳﻲ ﻧﻌﺴﺖ ﻭﻏﻤﻀﺖ ﻋﻴﻨﻴﺎ .. ﺑﻐﻴﺖ ﻧﻀﺤﻚ ﻣﻌﺎﻩ ﺯﻋﻤﺎ ،ﻭﻫﻮ ﻳﻘﻮﻟﻴﻬﻢ : ﻟﻘﺼﻴﺪﺓﻋﻨﻮﺍﻧﻬﺎ ﻏﺮﻳﺐ ﻭﻟﻜﻦ ﻣﻌﻨﺎﻩ ﻋﻤﻴﻖ ،ﺳﻤﻴﺘﻬﺎ : ﻛﺮﻭﭬﻴﺘﺎ ! ﺣﻠﻴﺖ ﻋﻴﻨﻴﺎ ﻭﻛﻠﺸﻲ ﺑﺪﺍ ﻛﻴﻀﺢ ،ﺑﺪﻳﺖ ﺑﻐﻴﺖ ﻧﺒﻜﻲ ﺗﻔﻮ ﻭﻟﻜﻦ ﻏﻴﺮ ﺍﻻﺑﺘﺴﺎﻣﺔ ﻟﻲ ﺩﺍﺭﻫﺎ ﻓﺎﺵ ﺷﺎﻑ ﺭﺩﺓ ﻓﻌﻠﻲ ﻟﻮﻗﺖ ﻟﻲ ﺣﻠﻴﺖ ﻋﻴﻨﻴﺎ ﻭﺍﻧﺎ ﻣﺼﺪﻭﻣﺔ ﻣﻦ ﻟﻌﻨﻮﺍﻥ ﺧﻼﺗﻨﻲ ﻧﻘﻮﻝ ﺍﻟﻠﻪ ﻳﺴﺎﻣﺢ .. ﻛﻠﺸﻲ ﺳﻜﺖ ﻛﻴﺘﺴﻨﺎ ﻳﺴﻤﻊ
ﺗﺮﺑﻊ ﻭﺩﺍﺭ ﺍﻳﺪﻳﻪ ﻋﻠﻰ ﺭﻛﺎﺑﻴﻪ ﻭﻫﻮ ﻣﺘﺮﻓﻊ ﻓﺜﻮﺏ ﺍﻟﺪﺭﺍﻋﻴﺔ ﺑﺎﻟﻠﻮﻥ ﺍﻟﺰﺭﻕ ﺍﻟﻤﻠﻜﻲ : ﻳﺎ ﺑﺎﺳﻢ ﺍﻟﻠﻪ ﺍﻣﻢ ... ﺍﺵ ﻧﻘﻮﻝ ،ﻭﺍﻳﻼ ﻗﻠﺖ ﺍﺷﻤﻦ ﻛﻼﻡ ﻳﻠﻴﻖ ﺑﻴﻚ ﻳﺎ ﻟﻜﺮﻭﭬﻴﺘَﺔ ﺑﺮﺟﻴﻼﺗﻚ ﺍﻟﺮﻗﺎﻕ ﻛﺘْﺴﺎﺭﺍﻱ ﺑﻴﻬﻢ ﻣﻦ ﻫﻨﺎ .. ﻭﺩﻭﺧﺘﻴﻨﻲ ﺍﻟﻌﻔﺮﻳﺘَﺔ ﻭﺍﻣﺎ ﻓﺎﺵ ﺗْﻠﺤًﻒ ﺑﺜﻮﺑﻬﺎ ﺍﻻﺑﻴﺾ ﻭﺗﻮﻗﻒ ﻗﺪﺍﻣﻚ .. ﺗﻘﻮﻝ ﻏﻴﺮ ﻓْﺮﻳﺘَﺔ ﻭﻟﻤﺎ ﺗﻜﻮﻧﻲ ﻗﺪﺍﻣﻲ ﻭﺳﻂ ﺍﻟﺠﻤﺎﻋﺔ ﻛﺘﺒﺎﻧﻲ ﻛﻴﻠﻔَﺮْﺗﻴﺘَﺔ ﻭﻟﻜﻦ ﺍﻟﺼﻔﺎ ﻟﻲ ﻓﻘﻠﺒﻬﺎ ﻭﺍﻟﺮﻭﺡ ﺍﻟﻄﻴﺒﺔ ﻟﻲ ﺳﺎﻛﻨﺎﻫﺎ .. ﺗﺴﺘﺎﻫﻞ ﻋﻠﻴﻬﻢ ﺍﻟﻒ ﺗﺰﻏﺮﻳﺘَﺔ ﺑﻘﺎ ﻛﻠﺸﻲ ﻛﻴﻀﺤﻚ،ﻭﺣﺘﻰ ﺍﻧﺎ ﻣﻘﺪﺭﺗﺶ ﻧﻤﻨﻊ ﺭﺍﺳﻲ
ﺑﻘﻴﺖ ﻛﻨﺘﻔﺘﻒ ﻭﻫﻮ ﺷﺎﻧﻖ ﻋﻠﻴﺎ ﻣﻦ ﻇﻬﺮﻱ،ﻛﻨﻄﻠﺐ ﻭﻧﺰﺍﻭﯓ ﻭﻧﺤﻠﻒ ﻟﻴﻪ : ﻭﺍﻟﻠﻪ ﺣﺘﻰ ﺑﻐﻴﺖ ﻧﻀﺤﻚ ! ﺗﺤﻴﺪ ﻟﻲ ﻟﻤﻠﺤﻒ ﻟﻘﺎﻧﻲ ﻻﺑﺴﺔ ﻟﻴﻪ ﺗﻴﺸﺮﺕ ﺩﻳﺎﻟﻮ ﻣْﻤَﺮْﺣَﻪ ﻓﻴﻪ ! ﺗﺼﺪﻡ ﻭﺑﻐﺎ ﻳﺨﺮﺝ ﻟﻴﻪ ﻟﻌﻘﻞ : ﻻﺑﺴﺔ ﻟﻴﺎ ﺣﻮﺍﻳﺠﻲ؟ ﻧﺎﺭﻱ ﻭﺍﺵ .. ﻭﺍﺵ ﺗﻴﺸﺮﺕ ﺩﻳﺎﻟﻲ ﻫﺎﺩﺍ ! ﺑﺪﺍﻭ ﺭﺟﻠﻴﺎ ﻛﻴﺘﺮﻋﺪﻭ ﻭﻛﻨﺘﻔﺘﻒ ﻟﻴﻪ ﻣﻦ ﺑﻴﻦ ﺍﻳﺪﻳﻪ : ﻭﺍﻟﻠﻪ ﻣﻨﺒﻘﺎ ﻧﻌﺎﻭﺩ،، ﺷﺪﻧﻲ ﻭﺷﺎﻑ ﻓﻴﺎ : ﺑﻌﺪﺍ ﻫﺪﺭﻱ ﻭﺍﺵ ﻫﺪﺍ ﺗﻴﺸﺮﺕ ﺩﻳﺎﻟﻲ ﻭﻻ ﻻ . ﻣﻨﻴﻦ ﺟﺒﺘﻴﻪ ! ﺻﺎﻓﻲ ﺍﻧﺎ ﺑﺪﻳﺖ ﻛﻨﺒﻐﺒﻦ : ﺭﺍﻩ ﻟﺒﻮﺩﻳﺎﺕ ﻛﻴﺰﻣﺘﻮﻧﻲ ﻭﻛﻨﺤﺲ ﺑﺮﺍﺳﻲ ﻣﺨﻨﻮﻗﺔ،،ﻭﺍﻟﻠﻪ ﺣﺘﻰ ﻧﺼﺒﻨﻮ ﻟﻴﻚ ﻭﻧﺤﻄﻮ ﻟﻴﻚ ﻭﺍﺧﺮ ﻣﺮﺓ ﻧﻠﺒﺲ ﻟﻴﻚ ﺷﻲ ﺣﺎﺟﺔ ! ﺷﻔﺖ ﻟﻴﻪ ﻓﻨﻴﻔﻮ ﻭﺍﻧﺎ ﻧﻌﺎﻭﺩ ﻧﺒﺪﺍ ﻧﺒﻜﻲ ﺟﺮ ﻟﻲ ﺍﻳﺪﻱ : ﺍﺵ ﻫﺎﺩ ﻟﻤﺼﻴﺒﺔ ،ﺍﺵ ﺩﺍﻳﺮﺓ ﻓﻬﺎﺩ ﻟﻘﻄﻦ؟ !! ﺑﺪﻳﺖ ﻛﻨﺘﻤﺘﻢ : ﺟـ ... ﺟـ .. ﺁﭬـ .. ﻝ ﻃﻠﻖ ﻣﻨﻲ،ﯕﻠﺲ ﻻﺭﺽ ﻭﺷﺪ ﻓﺮﺍﺳﻮ ،،ﻭﺍﻧﺎ ﻭﺍﻗﻔﺔ ﻛﻨﻘﻔﻘﻒ ﻭﻛﻨﻄﻠﺐ ﻓﻴﻪ : ﻣﺘﻘﻮﻟﻬﺎ ﻟﺘﻮﺍﺣﺪ ﻭﺍﻟﻠﻪ ﺣﺘﻰ ﺑﻐﻴﺖ ﻧﻤﺴﺤﻬﺎ ﻭﻛﻮﺛﺮ ﻗـ .. ﺍﻟﺖ ﻟﻲ .. ﻧﺎﺽ ﻭﻫﻮ ﻏﻨﻔﺎﺟﺮ : ﻣﺎﻗﺪﺍﺗﻚ ﻟﻔﻀﻴﺤﺔ ﻟﻲ ﺩﺍﻳﺮﺍ ﻟﻲ ﻓﻮﺟﻬﻲ ﻧﻀﺘﻲ ﻛﺘﺴْﺘﻲ ﻓﺤﻮﺍﻳﺠﻲ ﻭﺗﻠﺒﺴﻲ ،ﺻﺎﻓﻲ ﺩﺍﺑﺎ ﺳﻜﺘﻲ،،ﺍﻭ ﻧﺘﻲ ﺭﺍﻩ ﺧﺎﺻﻚ !36 ﻣﺸﺎ ﻗﺪﺍﻡ ﻟﻤﺮﺍﻳﺔ ﻭﻛﻴﺸﻮﻑ ﻓﻠﻤﺼﻴﺒﺔ ﻟﻲ ﺩﺭﺕ ﻟﻴﻪ ﻓﻨﻴﻔﻮ .. ﻣﺎﺧﻼ ﻓﻴﺎ ﻏﻴﺮ ﻟﻲ ﻧﺴﺎ،ﻭﻛﻞ ﺳﺎﻋﺔ ﻛﻴﺠﻲ ﻟﻴﺎ ﺣﺪﺍ ﻭﺟﻬﻲ ﻭﺣﺘﻰ ﻛﻴﻬﺰ ﺍﻳﺪﻳﻪ ﻳﺒﻐﻲ ﻳﻌﻄﻴﻨﻲ ﻭﻛﻴﺠﻤﻌﻬﺎ : ﺩﺍﺑﺎ ﺍﺵ ﻏﻨﻀﺮﺏ ،ﻧﺨﺎﻑ ﻧﻔﻮﺕ ﻓﻴﻚ ﺷﻲ ﺩﻗﺔ ﻭﺗﻬﺮﺳﻲ ﻟﻴﺎ ﺑﻴﻦ ﺍﻳﺪﻳﺎ .. ﻭﺍﺵ ﺗﺴﻄﻴﺘﻲ ﻭﻻ ﺧﺮﺝ ﻟﻴﻚ ﻟﻌﻘﻞ .. ﺍﻧﺎ ﺷﺪﻳﺖ ﻻﺭﺽ ﻭﺣﺪﺭﺕ ﺭﺍﺳﻲ،ﻣﻘﺪﺭﺕ ﻧﺠﺎﻭﺑﻮ ﻋﻠﻰ ﺗﺎﺣﺎﺟﺔ ! ﻟﺒﺲ ﺣﻮﺍﻳﺠﻮ ﻭﺟﺒﺪ ﻭﺍﺣﺪ ﺍﻟﺸﺎﻝ ﺯﺭﻕ ،ﺩﺍﺭﻭ ﻟﺜﺎﻡ ﻋﻠﻰ ﻭﺟﻬﻮ ﻭﺧﺮﺝ ﺑﺪﻳﺖ ﻛﻨﻀﺮﺏ ﻓﺮﺍﺳﻲ ﻭﻛﻨﻌﺎﻳﺮ ﻓﺮﺍﺳﻲ : ﻫﺎﺩﻱ ﻫﻲ ﺍﻻﺧﺮﺓ ﻟﻴﺎ،ﻣﻴﻴﻤﺘﻲ ﺍﻳﻼ ﺳﺎﻗﻮ ﻟﺨﺒﺎﺭ،ﺷﺪﻳﺖ ﺍﻟﺘﻴﻠﻴﻔﻮﻥ ﻭﺑﻘﻴﺖ ﻛﻨﻜﺘﺐ ﻟﻴﻪ ﻓﻠﻤﻴﺴﺎﺟﺎﺕ ﻧﻄﻠﺐ ﻓﻴﻪ ﻣﻴﻘﻮﻟﻬﺎ ﻟﺤﺪ ! ﻣﺎﺟﻴﺖ ﻧﻘﺎﺩ ﺣﺎﻟﺘﻲ ﻟﻤﺒﻬﺪﻟﺔ ﺑﺎﺵ ﻧﺨﺮﺝ ﻣﻦ ﻟﺒﻴﺖ ﺣﺘﻰ ﺩﺧﻞ ﻭﻫﻮ ﺷﺎﺩ ﻓﻜﺮﺷﻮ ! ﺷﺪﻳﺖ ﻓﻴﻪ،ﻛﻨﺠﺮ ﻓﻴﻪ ﻣﻦ ﻛﺮﺷﻮ ﻭﻫﻮ ﻛﻴﻐﻮﺕ : ﻭﻃﻠﻘﻲ ﻣﻨﻲ ﺍﻟﻤﺼﻴﺒﺔ ﻛﺮﺷﻲ ﻛﻀﺮﻧﻲ ﻭﻧﺘﻲ ﻛﺘﺰﻳﺪﻱ ﻋﻠﻴﺎ ! ﺷﺪﻳﺖ ﻟﻴﻪ ﺑﺎﻳﺪﻳﻪ،ﺣﻴﺪ ﻟﺜﺎﻡ ﺭﻣﺎﻩ ﻭﺍﻧﺎ ﻧﻠﻘﺎ ﻭﺟﻬﻮ ﻭﻻ ﻛﻠﻮ ﺻﻔﺮ ﻭﻋﺮﻗﺎﻥ .. ﻭﻛﻞ ﺳﺎﻋﺔ ﻛﻴﺒﺪﺍ ﻳﺘﺒﻮًﻉ ﺻﺎﻓﻲ ﻣﻨﺼﻒ ﻣﺸﺎ ﻓﻴﻬﺎ،ﻣﺮﺽ ﻭﺷﺪ ﺍﻻﺭﺽ ،ﺷﺎﻑ ﻓﻴﺎ : ﻏﻨﻤﻮﺕ ﺭﻳﺤﺔ ﻟﺤﻨﺔ ﻓﻨﻴﻔﻲ،ﺍﺵ ﺩﺭﺕ ﻟﻴﻚ ؟ ﺍﺵ ﺑﻐﻴﺘﻲ ﻋﻨﺪﻱ .. ﺗﻠﻔﺖ ﻭﻣﺎﻋﺮﻓﺖ ﻣﻨﺪﻳﺮ .. ﻣﺸﻴﺖ ﻛﻨﺠﺮﻱ ﺟﺒﺖ ﺳﻄﻞ ﺣﻄﻴﺘﻮ ﻟﻴﻪ ﻋﻨﺪ ﺭﺍﺳﻮ . ﺷﺪ ﻓﺮﺍﺳﻮ ﻭﻛﺮﺷﻲ ﺻﺎﻓﻲ ﻣﺮﺿﺖ ،ﻭﻣﺮﺿﺘﻴﻨﻲ ﺍﻟﻤﺼﻴﺒﺔ،،ﺣﻨﺎﻥ ﺟﺒﺪﻱ ﻟﻴﺎ ﻓﻨﻴﺪﺓ ﺩﻳﺎﻝ ﺍﻟﺮﺍﺱ ﻧﺸﺮﺑﻬﺎ ﻭﻏﻴﻔﻮﺗﻨﻲ ﻟﺤﺎﻝ !
ﻧﺎ ﻓﺎﺵ ﺳﻤﻌﺘﻮ ﻧﻄﻖ ﺳﻤﻴﺘﻲ ﺑﻐﻴﺖ ﻧﻄﻴﺮ ﻣﻦ ﺑﻼﺻﺘﻲ : ﻧﻘﻠﺐ ﻫﻨﺎ ﻭﻟﻬﻴﻪ ﺟﺒﺪﺕ ﻟﻴﻪ ﺍﻟﺪﻭﺍ ،ﺷﺮﺑﻮ ﻭﻧﻌﺲ .. ﺑﻘﻴﺖ ﺟﺎﻟﺴﺔ ﺣﺪﺍﻩ ﺣﺘﻰ ﺩﺍﻩ ﺍﻟﻨﻌﺎﺱ ! ﺳﻤﻌﺖ ﻟﺤﺎﺟﺔ ﻛﺘﻌﻴﻂ ﻣﻦ ﻟﺘﺤﺖ : ﺍ ﺣﻨﺎﻥ ﺭﺍﻩ ﻓﺎﺕ ﻭﻗﺖ ﻟﻔﻄﻮﺭ ﻭﻧﺘﻮﻣﺎ ﺑﺎﻗﻲ ﻣﺒﻐﻴﺘﻮ ﺗﻬﺒﻄﻮ ﺗﻔﻄﺮﻭ ! ﻧﺰﻟﺖ ﻛﻨﺠﺮﻱ ﻋﻨﺪﻫﺎ ﻟﻘﻴﺘﻬﺎ ﺟﺎﻳﺔ ﻋﻨﺪﻧﺎ،ﻧﺎﺭﻱ ﻏﺘﺸﻮﻑ ﻭﻟﺪﻫﺎ ﻭﻧﻴﻔﻮ ﻓﻴﻪ ﻟﺤﻨﺔ ﻏﺘﻜﻔﺮ ﻋﻠﻴﺎ ﺑﺪﻳﺖ ﻛﻨﺪﻓﻊ ﻓﻴﻬﺎ : ﻟﺤﺎﺟﺔ ﻫﻪ ﻗﺎﻟﻴﺎ ﻣﻨﺼﻒ ﻧﺪﻱ ﻟﻴﻪ ﻟﻔﻄﻮﺭ ﻟﻠﺒﻴﺖ ! ﺷﺎﻓﺖ ﻓﻴﺎ ﻭﺑﺤﺎﻻ ﺍﻳﻼ ﻣﻌﺠﺒﻬﺎﺵ ﻟﺤﺎﻝ : ﻛﻴﻔﺎﺵ؟ﻣﺎﺑﺎﻏﻴﺶ ﻳﻔﻄﺮ ﻣﻌﺎﻧﺎ ﻭﻻ؟ﺣﻴﺪﻱ ﻧﺸﻮﻑ ﻣﺎﻟﻮ ! ﺟﺮﻳﺘﻬﺎ : ﺍﻭﻳﻠﻲ ﺭﺍﻩ ﺑﺎﻗﻲ ﻧﺎﻋﺲ ،،ﺭﺍﻩ ﻏﻴﺮ ﺑﻐﻴﻨﺎ ﻧﻔﻄﺮﻭ ﺑﺠﻮﺝ ﻭ .. ﺑﺪﺍﺕ ﻛﺘﻀﺤﻚ : ﺍﻳﻪ ﺑﺼﺤﺘﻜﻢ،ﺍﺟﻲ ﺩﻱ ﻟﻔﻄﻮﺭ ﺩﺧﻠﺖ ﻟﻌﻨﺪﻭ،ﺣﻄﻴﺖ ﻟﻔﻄﻮﺭ ﻋﻠﻰ ﺍﻻﺭﺽ : ﻣﻨﺼﻒ .. ﻟﻔﻄﻮﺭ ! ﺑﻘﻰ ﻣﺘﻜﻲ ﻋﻠﻰ ﻇﻬﺮﻭ ﻭﻣﻐﻤﺾ ﻋﻴﻨﻴﻪ : ﺍﻡ ! ﻳﺼﺤﺎﺑﻠﻲ ﻏﻴﻐﻴﺐ .. ﺩﺭﺕ ﻋﻨﺪﻭ ﻭﺍﻧﺎ ﻣﺨﻠﻮﻋﺔ : ﻣﻨﺼﻒ ،،ﺍﻭﻳﻠﻲ ... ﺣﻞ ﻋﻴﻨﻴﻪ ﻭﺭﻓﻊ ﻃﺮﻑ ﺣﺎﺟﺒﻮ .. ﺷﺎﻑ ﻓﻴﺎ :
ﺭﺍﻩ ﺍﻟﺮﻳﺤﺔ ﻛﺘﻤﺮﺿﻨﻲ ﻣﺎﺷﻲ ﻏﺘﻘﺘﻠﻨﻲ .. ﺣﻨﺎﻥ ! ﺑﻘﻴﺖ ﻓﺒﻼﺻﺘﻲ ﺑﺪﻭﻥ ﺣﺮﺍﻙ،،ﻣﻘﺪﺭﺗﺶ ﻧﺒﺮﺭ ﺭﺩﺓ ﻓﻌﻠﻲ .. ﺍﻃﺮﻗﺖ ﺑﺮﺍﺳﻲ : ﺍﻩ ؟ ﺑﺘﺎﺳﻢ : ﺍﻳﺪﻳﻚ ﻫﻪ ﻣﺎﻗﺪﻙ ﻫﺎﺩﺷﻲ ﻟﻲ ﺩﻳﺮﺍﻩ ﻟﻲ ﻓﻨﻴﻔﻲ ﺣﺎﻃﺔ ﺍﻳﺪﻳﻚ ﻋﻠﻰ ﻭﺟﻬﻲ ! ﻃﻠﻘﺖ ﻣﻨﻮ،ﻭﺭﺟﻌﺖ ﻟﺒﻼﺻﺘﻲ ﻋﻠﻰ ﺍﻻﺭﺽ ﺯﺣﻔﺎ ﺯﺣﻔﺎ ... ﻗﻠﺒﻲ ﻛﻴﻀﺮﺏ ﻭ ﻋﻴﻨﻲ ﻋﻠﻰ ﺍﻟﺼﻴﻨﻴﺔ : ﺗﻔﻄﺮ ﺩﺍﺑﺎ ! ﻧﺎﺽ ﺗﯖﻌﺪ ﻭﻗﺎﻟﻲ : ﺑﺎﺳﻢ ﺍﻟﻠﻪ ﺟﺎ ﺟﻠﺲ ﻗﺪﺍﻣﻲ ﻭﺍﻟﺼﻴﻨﻴﺔ ﺑﻴﻨﺎﺗﻨﺎ . ﻛﻨﻔﻄﺮﻭ ﻭﺍﻧﺎ ﺳﺎﻛﺘﺔ ﻭﺣﺎﺩﺭﺓ ﺭﺍﺳﻲ ... ﻭﺣﺘﻰ ﻫﻮ ﺳﺎﻛﺖ .. ﺑﻘﻴﺖ ﻛﻨﺪﻭﺭ ﻓﻌﻴﻨﻴﺎ .. ﺭﺩ ﻟﺒﺎﻝ ﻻﻳﺪﻱ ﻟﻲ ﻛﻴﺘﺮﻋﺪﻭ : ﻭﺯﻋﻤﺎ ﺭﺍﻙ ﺧﺎﻳﻔﺔ، ﺭﺍﻩ ﺍﻧﺎ ﻟﻲ ﻭﻟﻴﺖ ﻧﺨﺎﻑ ! ﺣﻄﻴﺖ ﻟﻜﺎﺱ ﻣﻦ ﺍﻳﺪﻱ ﻭﺍﻟﻠﻪ ﻣﻘﺼﺪﺕ ﻧﺎﺫﻳﻚ ﻭﺍﻟﻠﻪ ﻟﻌﻈﻴﻢ ﻧﺤﻠﻒ ﻭﻧﻌﺎﻭﺩ ! ﺿﺤﻚ ﻭﻗﺎﻟﻲ : ﻭﺍﻟﻠﻪ ﻟﻬﺎﺩﺷﻲ ﻟﻲ ﺩﺭﺗﻲ ﻟﻲ ﻓﻮﺟﻬﻲ ﻟﺤﺪ ﻻﻥ ﻣﺒﻐﺎﺵ ﻳﺪﺧﻞ ﻟﻲ ﻟﻌﻘﻞ،ﺩﺍﺑﺎ ﺍﻧﺎ ﻏﻨﺒﻘﺎ ﻛﻨﺪﻭﺭ ﺑﺎﻟﻠﺜﺎﻡ ﻭﻧﺒﻘﻰ ﺣﺎﺻﻞ ﻓﻬﺎﺩ ﻟﺒﻴﺖ ﻫﻨﺎ ﻣﻌﺎﻙ ! ﻣﻌﺎﻙ ﻛﻴﻔﺎﺵ ﻣﻌﺎﻙ .. ﻫﺬﺍ ﻣﺎﻟﻮ ﻃﻠﻊ ﻟﻲ ﺍﻟﺪﻡ ﻭﺍﻧﺎ ﻧﺪﻓﻊ ﺍﻟﺼﻴﻨﻴﺔ ﻓﺠﻴﻬﺘﻮ ﺣﺘﻰ ﺿﺮﺑﺎﺕ ﻟﻜﺎﺱ ﻟﻲ ﻛﺎﻥ ﺣﺎﻃﻮ ﻗﺪﺍﻣﻮ ﻏﻮﺕ : ﺁﻱ ﻫﺎﺩﺷﻲ ﺳﺨﻮﻥ ! ﻫﺰﻳﺖ ﺭﺍﺳﻲ .. ﻧﺎﺭﻱ ﻗﻠﺒﺖ ﻋﻠﻴﻪ ﻟﻜﺎﺱ ﺩﺭﺕ ﺍﻳﺪﻱ ﻋﻠﻰ ﻓﻤﻲ ﻣﺨﻠﻮﻋﺔ ﺑﺪﻳﺖ ﻛﻨﺘﻔﺘﻒ : .. ﻭﺍﺵ ﺳﺨـ .. ﻭﻥ ﺗﺤﺮﻗﺘﻲ ! ﻫﺰ ﻃﺮﺍﻑ ﺛﻮﺏ ﺍﻟﺪﺭﺍﻋﻴﺔ ﻭﻫﻲ ﻓﺎﺯﯕﺔ ﺑﺎﺗﺎﻱ : ﻭﺍﺵ ﻣﻴﻤﻜﻨﺶ ﺗﯖﻠﺴﻲ ﺑﻼ ﻣﺎﺩﻳﺮﻱ ﺣﺘﻰ ﻣﻮﺻﻴﺒﺔ .. ﻧﺎﺽ ﺑﻐﺎ ﻳﺒﺪﻝ ﺣﻮﺍﻳﺠﻮ .. ﻧﻀﺖ ﺍﻧﺎ ﻛﻨﺠﺮﻱ ﻏﺎﺩﻳﺔ ﻭﻧﺘﻌﻜﻞ ﻓﻠﻤﻠﺤﻒ ،ﺣﻴﺪﺗﻮ ﻟﺤﺘﻮ .. ﻭﺍﻗﻔﺔ ﻛﻨﻘﻠﺐ ﻓﺎﻟﺒﻼﻛﺎﺭ ﻋﻠﻰ ﻣﺎﻳﻠﺒﺲ ! ﺳﻤﻌﺘﻮ ﻛﻴﻀﺤﻚ : ﺣﻨﺎﻥ .. ﺍﻟﺸﻮﺭﻁ ﺣﺘﻰ ﻫﻮ؟ ! ﺑﻘﻴﺖ ﻣﺼﻤﺮﺓ ﻓﺒﻼﺻﺘﻲ .. ﻭﺍﻧﺎ ﻣﺨﻠﻮﻋﺔ ﺟﺮﻳﺖ ﻟﻤﻠﺤﻒ ﻭﻫﻮ ﻳﻨﻮﺽ ﺑﺎﻟﺰﺭﺑﺔ ﺧﺪﺍﻩ ﻟﻲ ﻭﺩﺍﺭﻭ ﻭﺭﺍ ﻇﻬﺮﻭ ! ﺩﺭﺕ ﻓﻴﻬﺎ ﺯﻋﻤﺎ ﻣﻜﻨﻀﺤﻜﺶ ﻭﺍﻧﺎ ﻻﺑﺴﺔ ﻟﻴﻪ ﺣﻮﺍﻳﺠﻮ : ﻭﺻﺎﻓﻲ ﺍﻟﻠﻪ ﻳﺮﺣﻢ ﺑﺎﻙ ﻋﻄﻴﻨﻲ ﻟﻤﻠﺤﻔﺔ ! ﺣﺘﻰ ﻫﻮ ﺟﻤﻊ ﺍﻟﻀﺤﻜﺔ : ﻻ ،ﺣﺘﻰ ﺗﺤﻄﻲ ﻟﻲ ﺣﻮﺍﻳﺠﻲ ﺑﻌﺪﺍ ! ﻭﻋﻼﺵ ﻟﺒﺴﺘﻴﻬﻮﻡ ! ﻗﻠﺒﺖ ﻋﻴﻨﻴﺎ : ﺑﻔﻒ .. ﺍﻟﺼﻬﺪ ﺑﻐﻴﺘﻴﻨﻲ ﻧﻠﺒﺲ ﺩﻭﻙ ﺍﻟﺒﻮﺩﻳﺎﺕ ﻭﺩﻭﻙ ﺍﻟﺴﺮﺍﻭﻝ ﺑﺰﺍﻑ ﺑﺰﺍﻑ ﻋﻠﻴﺎ .. ﺍﻟﺼﻬﺪ،ﻭﺑﺎﻟﻴﺰﺗﻲ ﻟﻲ ﻓﻴﻬﺎ ﺣﻮﺍﻳﺠﻲ ﻧﺴﺎﺗﻬﺎ ﻟﻲ ﻣﺎﻣﺎ،ﺗﺠﻲ ﻭﺗﺠﻴﺒﻬﻢ ﻟﻲ ! ﺑﻐﻴﺖ ﻧﺎﺧﺪﻭ ﻟﻴﻪ ﻟﻘﻴﺖ ﺭﺍﺳﻲ ﻣﻌﻨﻘﺎﻩ ،ﺣﺪﺭ ﺭﺍﺳﻮ ﺷﺎﻑ ﺍﻳﺪﻳﺎ ﻋﻠﻴﻪ،ﻫﺰ ﺭﺍﺳﻮ ﻭﺷﺎﻑ ﻓﻌﻴﻨﻴﺎ .. ﻗﻠﺒﻲ ﺑﻘﺎ ﻛﻴﻀﺮﺏ ﻏﺘﺠﻴﻨﻲ ﺳﻜﺘﺔ ﻗﻠﺒﻴﺔ،،ﻗﺮﺏ ﻟﻴﺎ ﺣﺘﻰ ﻭﻟﻴﺖ ﻛﻨﺘﻨﻔﺲ ﺑﺼﻌﻮﺑﺔ ﻫﺰﻳﺖ ﺭﺍﺳﻲ ﺷﻔﺖ ﻓﻴﻪ .. ﻓﻌﻴﻨﻴﻪ ﻭﺍﻧﺎ ﺳﺎﻛﺘﺔ ... ﻭﺍﺣﺪ ﺷﻮﻳﺔ ﻧﻔﺎﺟﺮﺕ ﺑﺎﻟﻀﺤﻚ ـ ﻫﻬﻪ ﻧﻴﻔﻚ ! ـﻮﺟﻬﻮ ﻭﻻ ﺣﻤﺮ : ﻛﻀﺤﻜﻲ ﻭﻓﺮﺣﺎﻧﺔ، ﺍﻳﻮﺍ ﺣﺘﻰ ﺍﻧﺎ ﻛﻴﺨﺎﺻﻨﻲ ﻧﺘﺎﻗﻢ : ﺷﺪﻧﻲ ﻭﯕﻤّﻄْﻨﻲ ﺑﺎﻟﻤﻠﺤﻔﺔ ! ﻭﺍﻧﺎ ﻛﻨﻐﻮﺕ ! ﺑﻐﻴﺘﻲ ﻟﻬﺒﺎﻝ ﺍﻧﺎ ﻛﺘﺮ ﻣﻨﻚ ! ﻳﺎﻻﻩ ﺯﻳﺪﻱ ! ﻫﺎﺩﺍ ﻫﻮ ﻟﺤﻞ ﻟﻮﺣﻴﺪ ﺑﺎﺵ ﺗﺸﺪﻱ ﻻﺭﺽ ! ﻭﺍﻧﺎ ﻛﻨﻀﺤﻚ ﻭﻛﻨﺘﺮﻛﻞ ﺣﺘﻰ ﺻﺎﻓﻲ ﻣﺒﻘﺎ ﻋﻨﺪﻱ ﺟﻬﺪ ! ﻭﻫﻮ ﻛﻴﻀﺤﻚ : ﺻﺎﻓﻲ ﺗﻘﺎﺩﺍﻭ ﻟﻴﻚ ،،ﻫﺰ ﺭﺍﺳﻮ ﻭﺷﺎﻑ ﻓﺸﻌﺮﻱ ! ﻣﻨﺼﻒ .. ﻣﺎﻟﻚ ! ـﺸﻲ ﺣﺎﺟﺔ ﻓﺸﻌﺮﻙ،ﺗﺒﺘﻲ ﻧﺸﻮﻑ ﻣﺪ ﺍﻳﺪﻳﻪ ﻭﺍﻧﺎ ﺑﺪﻳﺖ ﻛﻨﺘﺤﻴﺮ ﺍﻭﻳﻠﻲ ﺍﺵ ﻓﻴﺎ ،ﻃﻠﻘﺖ ﺷﻌﺮﻱ ﻭﺑﺪﻳﺖ ﻛﻨﺴﻮﺱ ﻫﺰﻳﺖ ﺷﻌﺮﻱ ؛ ﺻﺎﻓﻲ ؟ : .. ﺃﺍﻩ ..
ﺑﻘﺎ ﻭﺍﻗﻒ ﻭﻫﻮ ﻣﺼﺪﻭﻡ ،،ﻫﺰﻳﺖ ﺭﺍﺳﻲ ﻋﻨﺪ ﺭﺍﺳﻲ ﺷﻌﺮﻱ ﻏﻴﻬﺒﻂ ﻟﻜﻦ ﻣﺎﻳﻤﻜﻨﺶ ﻳﺸﺪ ﺍﻻﺭﺽ ﻣﻦ ﺑﻌﺪ ﺍﻟﺠﺪﺑﺔ ﻟﻲ ﺿﺮﺑﺖ،ﻃﻠﻊ ﻟﻠﺴﻤﺎ .. ﻭَﻗْﺘَﻬﺎ ﻛُﻨﺖُ ﺍﻋْﺘﻘِﺪُ ﺍﻧًﻪ ﺳُﺤﺮ ﺑِﺠَﻤَﺎﻟﻲ ... ﻟﻜﻦ ﻣﻦ ﺑﻌﺪ ﻣﺎﺷﻔﺖ ﺭﺍﺳﻲ ﻓﻠﻤﺮﺍﻳﺔ ﺗﺄﻛﺪﺕ ﺍﻧﻪ ﻛﺎﻥ ﻏﻴﺮ ﻣﺼﺪﻭﻡ .. ﻗﻠﺖ ﻟﻴﻪ ﻭﺍﻧﺎ ﻣﺴﺘﻐﺮﺑﺔ : ﻣﺎﻟﻚ؟ ﺑﺪﺍ ﻛﻴﺜﻠﻌﺜﻢ : ﻛـ .. ﻛـْ .. ﻫﺰﻳﺖ ﺻﻨﺪﺍﻟﺘﻲ : ﻭﺍﻟﻠﻪ ﻭﺗﺠﺒﺪ ﺣﺲ ﻟﻜﺮﻭﭬﻴﺖ ﻳﺤﺘﺎ ﻧﻘﺮ ﺑﻬﺎﺩﻱ ﻋﻠﻰ ﺍﻟﺮﺍﺱ ﺑﺎﺵ ﻧﻴﺪ ﺗﺸﺪ ﻻﺭﺽ ﺑﻤﺮﺓ ﻭﻧﺘﻬﻨﺎﻭ ﺟﻤﻴﻊ ! ﺑﺪﺍ ﻛﻴﺘﺒﻮﻫﻞ ﻋﻠﻴﺎ : ﺣﻨﺎﻥ،ﺭﺍﻩ ﺑﺪﺍﻭ ﻛﻴﻨﻮﺿﻮ ﻟﻴﻚ ﺩﻭﻙ ﺷﻌﻴﺮﺍﺕ ﺩﻳﺎﻝ ﻟﻜﺮﻭﻓﻴﺖ ﻓﺮﺍﺳﻚ ! ﻣﻌﺠﺒﻨﻴﺶ ﻟﺤﺎﻝ ﻭ ﺧﻨﺰﺭﺕ ﻓﻴﻪ : ﻫﺎﺩ ﺍﻟﻀﺤﻚ ﻣﻌﻨﺪﻳﺶ ﻣﻌﺎﻩ ﺻﺎﻓﻲ ﺍﻟﻠﻪ ﻳﺮﺣﻢ ﺑﺎﻙ .. ﺷﺎﻓﻨﻲ ﺗﻘﻠﻘﺖ ﻭﺟﻤﻌﺖ ﺍﻟﻀﺤﻜﺔ ﻭﻫﻮ ﻋﺎﺩ ﻣﺎﺯﺍﺩ ﻓﻴﻪ : ﻭﺻﺎﻓﻲ ﺍﻛﺮﻭﭬﻴﺘﺎ .. ﻭﺻﺎﻓﻲ .. ﻭﺣﺼﻞ ﻟﻴﺎ ﺍﻟﺸﺮﻑ ﻧﺸﻮﻑ ﺍﻟﻜﺮﻭﭬﻴﺖ ﻭﻫﻮ ﻣﻘﻠﻖ،ﻋﺮﻓﺘﻲ ﻏﻨﺘﺨﻠﻰ ﻋﻠﻰ ﻛﻠﺸﻲ ﻭﻧﺪﻳﺮ ﺩﺭﺍﺳﺔ ﻋﻠﻰ ﻟﻜﺮﻭﭬﻴﺖ ... ﻓﻴﻨﻤﺎ ﻧﺪﺧﻞ ﻟﺒﻴﺖ ﻳﺒﺪﺍ ﻳﺸﻌﺮ ﻋﻠﻴﺎ ﺑﻠﻜﺮﻭﭬﻴﺖ ﻧﻌﺲ ﻭﻧﺼﺒﺢ ﻋﻠﻴﻪ ﺣﺘﻰ ﺻﺎﻓﻲ ﻏﻨﻄﺮﻃﻖ .. ﺩﺧﻠﺖ ﻟﻌﺸﺎ : ﻣﻨﺼﻒ ﻳﺎﻻﻩ ﺑﺎﺵ ﺗﻌﺸﻰ .. ﻭﺍﻗﻒ ﻗﺪﺍﻡ ﻟﻤﺮﺍﻳﺔ ﻭﻫﻮ ﻛﻴﺸﻮﻑ ﻓﻨﻴﻔﻮ : ﺑﺪﺍ ﻛﻴﻤﺸﻲ ﻟﻲ ﻫﺎﺩﺷﻲ ﻣﻦ ﻧﻴﻔﻲ ﻳﺎﻙ .. ﻫﺎﺩﻳﻚ ﻟﺒﻮﻣﺎﺩﺍ ﻟﻲ ﻛﺘﻌﻄﻴﻨﻲ ﻛﺘﻐﻄﻲ ﻣﺰﻳﺎﻥ ﺍﻭﻑ " ﺑﻮﻣﺎﺩﺍ : " ﺭﺍ ﻣﺴﻤﻴﺘﻬﺎﺵ ﺑﻮﻣﺎﺩﺍ ﺳﻤﻴﺘﻮ ﻓﻮﻥ ﺩﻭﺗﺎﻥ .. ﻳﺎﻻﻩ ﺗﻌﺸﻰ ! ﺟﻠﺲ ﻗﺪﺍﻣﻲ : ﻭﺩﺍﺑﺎ ﺍﻧﺎ ﻋﻠﻰ ﺍﺧﺮ ﺍﻳﺎﻣﻲ ﻧﻮﻟﻲ ﻧﺪﻳﺮ ﻫﺎﺩ ﻟﻌﺠﺐ ﻟﻲ ﻛﺪﻳﺮﻱ ﺑﺎﺵ ﺗﺒﺎﻧﻲ ﺯﻭﻳﻨﺔ ،ﻭﺁﻧﺎ ﻣﻨﺼﻒ ﻋﻠﻰ ﺍﺧﺮ ﻳﺎﻣﻲ .. ﻛﻮﻥ ﻣﺪﺭﺗﻴﺶ ﻟﻴﻨﺎ ﺩﺍﺑﺎ ﻫﺎﺩ ﻟﺤﺎﻟﺔ ﻛﻮﺭﺍﻩ ﺩﺍﺑﺎ ﻟﺒﺎﺱ ﻋﻠﻴﻨﺎ ! ﺑﻘﻴﺖ ﺣﺎﺩﺭﺓ ﺭﺍﺳﻲ : ﺩﺑﺎ ﻏﺘﻨﺪﻣﻨﺎ،ﻗﻠﺖ ﻟﻴﻚ ﻛﻨﺖ ﻛﻨﻀﺤﻚ،ﻭﻛﻞ ﻧﻬﺎﺭ ﻧﻄﻠﺐ ﻣﻨﻚ ﺍﻟﺴﻤﺎﺣﺔ ﻭﻧﺘﺎ ﻛﺘﻘﻮﻝ ﻟﻴﺎ ﺻﺎﻓﻲ ﻣﺎﻛﺎﻳﻦ ﺑﺎﺱ،ﻭﻟﻜﻦ ﺩﻳﻤﺎ ﻛﺘﺮﺟﻊ ﺗﺠﺒﺪﻫﺎ ﺷﻨﻮ ﺻﻌﻴﺐ ﻋﻠﻴﻚ ﺗﺴﺎﻣﺢ ﻭﺗﻨﺴﻰ ؛؛ ﺩﻓﻌﻨﻲ : ﻣﻨﻀﺤﻜﻮﺵ ﺍﻭ، ﻧﺘﻲ ﺿﺤﻜﻲ ﻭﺣﻨﺎ ﻻ ،ﺑﺂﺍﺯ ﺷﻔﺖ ﻓﻴﻪ : ﺍﻳﻮﺍ ﺍﻟﻀﺤﻚ ﻓﻴﻪ ﻭﻓﻴﻪ .. ﻭﻧﺘﺎ ﺿﺤﻜﻚ ﻓﻴﻪ ﻟﻤﻌﺎﻧﻲ ﺑﻼ ﻗﻴﺎﺱ .. ﻭﺷﻨﺎﻫﻴﺎ ﺩﻳﻚ ﻟﻬﺪﺭﺓ ﺩﻳﺎﻝ " ﺑﺎﺵ ﺗﺒﺎﻧﻲ ﺯﻭﻳﻨﺔ " ﻣﺎﻟﻨﻲ ﺣﺴﻦ ﻣﻨﻚ،ﺣﻤﺪ ﺍﻟﻠﻪ ﻟﻲ ﻗﺒﻠﺖ ﻧﺘﺰﻭﺝ ﺑﻴﻚ ! ﺣﺪﺭ ﺭﺍﺳﻮ ﻋﻠﻰ ﻟﻌﺸﺎ ﻭﺑﺪﺍ ﻛﻴﻀﺤﻚ : ﻻ ﺯﻭﻳﻨﺔ ﺗﺒﺎﺭﻙ ﺍﻟﻠﻪ ﺍﻟﺸﻌﺮ ﻭﻻ ﻃﺎﻱ ﻣﻌﻨﺪﻱ ﻣﻨﻘﻮﻝ .. ﺗﻐﺮﻏﺮﻭ ﻟﻲ ﻋﻴﻨﻴﺎ ﻭﺍﻧﺎ ﺣﺎﺑﺴﺔ ﻟﺒﻜﻴﺔ : ﻭﺍﺵ ﻫﺎﺩﻱ ﻫﺪﺭﺓ ﺗﻘﻮﻟﻬﺎ ﻟﻤﺮﺗﻚ؟ ﻣﻬﺰﺵ ﻓﻴﺎ ﻋﻴﻨﻴﻪ : ﻫﺪﺭﺓ ﻋﺎﺩﻳﺔ ،ﺍﺵ ﺑﻐﻴﺘﻲ ﻧﻘﻮﻝ ﻟﻴﻚ ،،ﺧﻠﻴﻨﺎ ﻧﺘﻌﺸﺎﻭ ﻭﺑﻼﻣﺎ ﺗﺒﻘﺎﻱ ﺗﺠﺒﺪﻱ ﺍﻟﺼﺪﺍﻉ ﻣﻦ ﻭﺍﻟﻮ ﻻﻥ ﺍﺻﻼ ﻣﺎﻭﻗﻊ ﻭﺍﻟﻮ .. ﻧﺘﻲ ﻋﺰﻳﺰ ﻋﻠﻴﻚ ﺗﺸﺪﻱ ﻓﻠﺤﺎﺟﺔ ﻭﺗﻨﺪﻣﻲ ﺑﻨﺎﺩﻡ ﻋﻼﺵ ﻗﺎﻟﻬﺎ ﺑﻘﻴﺖ ﻛﻨﺸﻮﻑ ﻓﻴﻪ ﻭﻫﻮ ﺣﺎﺩﺭ ﺭﺍﺳﻮ ﻭﻛﻴﺘﻌﺸﺎ : ﻣﺮﺗﻚ ﺍﻻﻭﻟﻰ ... ﻛﻨﺘﻲ ﻛﺘﻬﺪﺭ ﻣﻌﺎﻫﺎ ﻫﺎﻛﺪﺍ ! ﻭﻗﻒ ﻋﻦ ﺍﻟﺤﺮﻛﺔ .. ﻏﻴﺮ ﺳﻤﻊ ﺣﺴﻬﺎ ﻭﻫﻮ ﻳﺠﻤﺪ ﻓﺒﻼﺻﺘﻮ .. ﻫﺰ ﻓﻴﺎ ﺭﺍﺳﻮ ﻭﻫﻮ ﻛﻴﺪﻳﺮ ﻓﻴﺎ ﻭﺍﺣﺪ ﺍﻟﺸﻮﻓﺔ ﺧﺎﻳﺒﺔ : ﻣﺎﻟﻚ ﺩﺍﺑﺎ؟ ﺑﻌﻨﺎﺩ ﺟﺎﻭﺑﺘﻮ : ﻫﺎﺩﺷﻲ ﻋﻼﺵ .. ﻗﺎﻃﻌﻨﻲ : ﺳﺪﻱ ﻋﻠﻴﺎ ﻫﺎﺩ ﻟﻬﺪﺭﺓ ﻭﺍﺧﺮ ﻣﺮﺓ ﺗﺠﺒﺪﻳﻬﺎ ! ﺟﻤﻌﺖ ﻗﻠﻮﻋﻲ ﻭﺧﺮﺟﺖ ﻣﻦ ﻟﺒﻴﺖ ،ﺧﻠﻴﺘﻮ ﻳﺘﻌﺸﺎ ﺑﻮﺣﺪﻭ ﺗﻤﺎ .. ﻣﺒﻘﻴﺘﺶ ﻛﻨﻬﺪﺭﻭ،ﻗﻠﻴﻞ ﻓﺎﺵ ﻛﻨﻬﺪﺭﻭ ﻏﻴﺮ ﺍﻳﻼ ﺑﻐﺎ ﻧﺠﻴﺐ ﻟﻴﻪ ﺷﻲ ﺣﺎﺟﺔ ﻭﻻ ﻛﺎﻥ ﻣﺤﺘﺎﺝ ﻟﺸﻲ ﺣﺎﺟﺔ .
ﻛﻨﻀﺤﻚ ﻭﻛﻨﺒﻴﻦ ﻟﻴﻬﺎ ﺑﻠﻲ ﻣﺎﻭﺍﻗﻊ ﻭﺍﻟﻮ ﺑﻴﻨﻲ ﻭﺑﻴﻦ ﻣﻨﺼﻒ : ﻣﺎﻣﺎ ﻣﻦ ﺟﻴﺘﻲ ﻭﻧﺘﻲ ﻛﺘﺴﻮﻟﻴﻨﻲ ﻭﺍﻧﺎ ﻛﻨﻘﻮﻟﻴﻚ ﺍﻟﺤﻤﺪ ﻟﻠﻪ،ﻛﻮﺛﺮ ﻭﻟﺤﺎﺟﺔ ﻣﺎﻣﺨﻠﻴﻴﻨﻲ ﻣﺤﺘﺎﺟﺔ ﻟﺤﺘﻰ ﺣﺎﺟﺔ،ﻭﺍﻣﺒﺎﺭﻛﺔ ﺩﺍﻳﺮﺍﻧﻲ ﻛﻴﻒ ﺑﻨﺘﻬﺎ .. ﺑﻘﺎﺕ ﻛﺘﺸﻮﻑ ﻓﻴﺎ
ﻭﻣﺎﻋﺮﻓﺖ ﻓﺎﺵ ﻛﺘﻔﻜﺮ : ﻭﺭﺍﺟﻠﻚ؟ ﻳﺎﻛﻤﺎ ﺩﺍﺭ ﻟﻴﻚ ﺷﻲ ﺣﺎﺟﺔ ﻭﻻ ﻋﻤﻞ ﺷﻲ ﺣﺎﺟﺔ؟ ﻏﻴﺮ ﻋﺎﻭﺩﻱ ﻟﻠﻴﺎ ! ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ ﻭﺍﻧﺎ ﻛﻨﻄﻠﺐ ﻓﻴﻬﺎ : ﻭﻣﺎﻣﺎ ﻭﻋﺎﻓﺎﻙ ﻭﻣﺎﻛﻴﻨﺔ ﺣﺘﻰ ﺣﺎﺟﺔ ﻣﻦ ﻫﺎﺩﺷﻲ ،ﻣﻨﺼﻒ ﻛﻴﻌﺎﻣﻠﻨﻲ ﻋﺎﺩﻱ ﻭﻋﺎﺋﻠﺘﻮ ﺍﻟﻠﻪ ﻳﻌﻤﺮﻫﺎ ﺩﺍﺭ، ﺷﻔﺖ ﻣﺎﻣﺎ ﺷﺎﺩﺓ ﻓﻴﺎ ﻭﻣﻐﻄﻠﻘﺶ ﻣﻨﻲ ﺣﺘﻰ ﻧﯖﺮ ﻗﻠﺖ ﻟﻴﻬﺎ : ﻓﺎﻟﺼﺮﺍﺣﺔ ﻟﺤﺎﺟﺔ ﻟﻮﺣﻴﺪﺓ ﻟﻲ ﻣﻜﻨﻘﺪﺭﺵ ﻋﻠﻴﻬﺎ ﻫﻲ ﺍﻟﺼﻬﺪ ﻛﻞ ﻧﻬﺎﺭ ﻛﻨﺸﻜﻲ ﻋﻠﻴﻪ ﻭﻣﻘﺪﺭﺵ ﻳﺠﻴﺐ ﻟﻲ ﻟﻜﻠﻴﻤﺎﺗﻴﺰﻭﺭ " ﺍﻟﻤﺒﺮﺩ" ﻭﻋﻨﺪﻭ ﻟﻔﻠﻮﺱ ﻛﻮﻥ ﻣﻌﻨﺪﻭﺵ ﻧﻘﻮﻟﻮ ﻣﺎﺷﻲ ﻣﺸﻜﻞ .. ﻭﻟﻜﻦ ﻫﻮ ﻣﺎﺑﺎﻏﻴﺶ ﻳﺸﺮﻳﻪ .. ﻣﺎﻣﺎ ﺑﺪﺍﺕ ﻛﺘﻀﺤﻚ ﻣﻦ ﺍﻟﺴﺒﺐ : ﻭﺻﺎﻓﻲ ﺻﺎﻓﻲ ﺩﺁﺑﺎ ﻳﺠﻴﺒﻮ ﻟﻴﻚ ﻭﺻﺒﺮﻱ .. ﺩﺧﻞ ﻣﻨﺼﻒ ﻭﺳﻤﻌﻨﻲ ﻭﺍﻧﺎ ﻛﻨﺘﺸﻜﻰ ﻟﻤﺎﻣﺎ ﺑﺎﻟﺼﻬﺪ،ﺳﻠﻢ ﻋﻠﻰ ﻣﺎﻣﺎ .. ﺩﻭﺭﺕ ﻭﺟﻬﻲ ﻭﻗﻠﺖ ﻟﻤﺎﻣﺎ : .. ﻭﻳﺎﻻﻩ ﻧﯖﻠﺴﻮ ﻣﻊ ﺍﻟﻨﺎﺱ ﺷﻮﻳﺔ ! ﻧﺰﻟﻨﺎ ﻟﺘﺤﺖ ، ﻣﻜﻨﺸﻮﻓﺶ ﻓﺠﻴﻬﺘﻮ،ﺍﻳﻼ ﺷﻔﺖ ﻓﻴﻪ ﻏﻴﺮ ﺑﺎﺵ ﻧﻌﺮﻑ ﻭﺍﺵ ﻛﻴﺸﻮﻑ ﻓﻴﺎ ﻭﻻ ﻻ .. ﺩﻏﻴﺎ ﺩﺍﺯ ﺷﻬﺮ ﻣﺎﻣﺎ ﻗﺎﻟﺖ ﻟﻲ ﺧﺎﺻﻨﻲ ﻧﺮﺟﻊ ،ﺑﺎﺵ ﻳﺎﻻﻩ ﻧﺸﻮﻑ ﺷﻨﻮ ﻧﻮﺟﺪ ﻟﺨﻄﺒﺔ ﺧﻮﻙ .. ﺗﺒﻌﺘﻬﻢ ﺣﺘﺎﻝ ﻟﺒﺎﺏ ﻭﺍﻧﺎ ﻛﻨﺒﻜﻲ ،ﻋﻨﻘﻨﻲ ﺧﻮﻳﺎ ﻭﺍﻧﺎ ﻛﻨﻄﻠﺐ ﻓﻴﻪ ﻳﺒﻘﺎ ﻣﻌﺎﻳﺎ ﻫﻮ ﻭﻣﺎﻣﺎ ﻗﺎﻟﺖ ﻟﻲ ﻣﺎﻣﺎ : ﻻ ﺍﺑﻨﺘﻲ ﻫﺎﻧﺘﻲ ﻣﻊ ﻋﺎﺋﻠﺘﻚ ﻭﺭﺍﺟﻠﻚ ﻣﻬﻠﻲ ﻓﻴﻚ : ﻭﺧﻮﻙ ﻋﻨﺪﻭ ﺧﺪﻣﺘﻮ،ﺟﻴﻮ ﻭﺣﻨﺎ ﻧﺠﻴﻮ ﻋﻨﺪﻛﻢ ! ﺑﺪﺍﺕ ﻛﺘﻀﺤﻚ ﻟﺤﺎﺟﺔ ﻭﻗﺎﻟﺖ ﻟﻴﻬﺎ : ﻣﺮﺣﺒﺎ ! ﻣﻨﺼﻒ ﻛﺎﻥ ﻭﺍﻗﻒ ﻭﺭﺍﻳﺎ ﻭﻫﻮ ﻛﻴﺸﻮﻑ ﻓﻴﺎ ﻭﺍﻧﺎ ﻛﻨﺘﻮﺍﺩﻉ ﻣﻊ ﻣﺎﻣﺎ ﻭﺧﻮﻳﺎ .. ﻛﻮﺛﺮ ﻃﻠﺒﺎﺗﻨﻲ ﻟﻌﺸﻴﺔ ﻧﻤﺸﻲ ﻣﻌﺎﻫﺎ ﺗﻘﺪﺍ ﺷﻲ ﺣﺎﺟﺔ،ﺑﻘﻴﻨﺎ ﻛﻨﺪﻭﺭﻭ ﻓﺪﻳﻚ ﺍﻟﺸﻤﺶ ﺣﺘﻰ ﺻﺎﻓﻲ ﻏﻨﻐﻴﺐ ،ﺭﺟﻌﺖ ﻟﻠﺪﺍﺭ ﻭﺍﻧﺎ ﺳﺨﻔﺎﻧﺔ ﺩﺧﻠﺖ ﻟﺒﻴﺖ ﻟﻘﻴﺘﻮ ﻣﺒﺮﺩ .. ﺑﺪﻳﺖ ﻛﻨﺪﻭﺭ ﻭﺍﻧﺎ ﻛﻨﻘﻠﺐ ﻋﻠﻰ ﻣﺼﺪﺭ ﻟﺒﺮﺩ : ﺁ ﻫﺎ ﻟﻜﻠﻴﻤﺎﺗﻴﺰﻭﺭ !!!! ﺑﺪﻳﺖ ﻛﻨﻘﺰ ﻭﺍﻧﺎ ﻓﺮﺣﺎﻧﺔ ! ﺩﺧﻞ ﻣﻨﺼﻒ ﻟﻘﺎﻧﻲ ﻓﺮﺣﺎﻧﺔ ﻭﻭﺍﻗﻔﺔ ﻗﺪﺍﻡ ﻟﻜﻠﻴﻤﺎ ﻛﻨﺘﺒﺮﺩ ﻣﻊ ﺭﺍﺳﺎﺗﻲ ! ﺳﻤﻌﺖ ﺣﺲ ﺧﻄﻮﺍﺗﻮ .. ﺭﺟﻌﺖ ﻟﻠﻮﺭ ،ﺗﺴﺎﻃﺤﺖ ﻣﻌﺎﻩ ﻛﻨﺖ ﻏﻨﻄﻴﺢ ﺷﺪﻧﻲ ﻭﺟﺮﻧﻲ ﻋﻨﺪﻭ : ﺣﻨﺎﻥ .. ﺟﺮﻳﺖ ﺍﻳﺪﻳﺎ ﻋﻨﺪﻱ ﻭﻣﺸﻴﺖ ﻛﻨﻘﺎﺩ ﺑﻼﺻﺘﻲ ﻧﺘﻜﺎ ﻓﻴﻬﺎ ! ﺑﻘﺎ ﻭﺍﻗﻒ ﻭﻫﻮ ﻛﻴﺸﻮﻑ ﻓﻴﺎ .. : ﻋﻠﻰ ﺍﻻﻗﻞ ﻗﻮﻟﻲ ﺍﻟﺴﻼﻡ ! ﺟﺎﻭﺑﺘﻮ : ﺍﻟﺴﻼﻡ .. ﻭﺷﻜﺮﺍ ﻋﻠﻰ ﺍﻟﻤﺒﺮﺩ،ﺍﻟﺤﻤﺪ ﻟﻠﻪ ﻗﻠﺒﻚ ﺗﺤﺮﻛﺎﺕ ﻓﻴﻪ ﺷﻮﻳﺔ ﺍﻟﺮﺣﻤﺔ ﻭﺟﺒﺘﻴﻪ .. ! ﺣﻴﺪﺕ ﻟﻤﻠﺤﻔﺔ ﻭﺗﻼﺣﻴﺖ ﻓﻮﻕ ﺍﻟﻨﺎﻣﻮﺳﻴﺔ : ﺍﻟﻠﻪ ... ﻏﻤﻀﺖ ﻋﻴﻨﻴﺎ ﻭﺗﺮﺧﻴﺖ ﺟﺎ ﺟﻠﺲ ﺣﺪﺍﻳﺎ،ﺣﺪﺭ ﺭﺍﺳﻮ ﻭﺍﻧﺎ ﻛﻨﺤﻞ ﻋﻴﻨﻴﺎ ﺑﺸﻮﻳﺔ ﻧﺸﻮﻓﻮ : ﻣﻘﺼﺪﺗﺶ ﻧﻘﻮﻝ ﻟﻴﻚ ﺷﻲ ﺣﺎﺟﺔ ﻟﻲ ﺗﺠﺮﺣﻚ،ﺍﻳﻼ ﻣﻜﻴﻌﺠﺒﻜﺶ ﺍﻟﻀﺤﻚ ﺻﺎﻓﻲ ﻣﻨﺒﻘﺎﺵ ﻧﻀﺤﻚ .. ﻭﻋﻨﺪﻙ ﻟﺤﻖ ﻣﻜﻨﻘﺪﺭﺵ ﻧﻨﺴﻰ .. ﻛﻨﺴﺎﻣﺢ ﻭﻟﻜﻦ ﻣﻜﻨﻘﺪﺭﺵ ﻧﻨﺴﻰ .. ﻭﻟﻜﻦ ﻏﻨﺤﺎﻭﻝ ﻧﺒﺪﻝ ﻫﺎﺩ ﺍﻟﻘﻀﻴﺔ ﻟﻲ ﻓﻴﺎ،ﻟﺤﻘﺎﺵ ﻣﻜﺘﻌﺠﺒﻨﻴﺶ ﻭﺍﻧﺎ ﻟﻮﻝ ﻟﻲ ﻛﻨﺘﺄﺫﻯ ﻣﻨﻬﺎ ! ﺑﻐﺎ ﻳﻨﻮﺽ ﻭﺍﻧﺎ ﻧﺸﺪ ﻟﻴﻪ ﺑﺎﻳﺪﻳﻪ ..
ﺷﺪﻳﺖ ﻟﻴﻪ ﺑﺎﻳﺪﻱ .. : ﻣﻨﺼﻒ .. ﺷﺎﻑ ﻓﻴﺎ : ﺍﻩ ! ﻭﻋﻠﻰ ﻭﺟﻬﻲ ﺍﺑﺘﺴﺎﻣﺔ ﺑﺴﻴﻄﺔ : ﻋﻠﻰ ﺍﻟﻜﻠﻴﻤﺎﺗﻴﺰﻭﺭ .. ﺵ ﻛﺮﺍ ! ﺑﺘﺎﺳﻢ ﻟﻲ،ﺭﺧﻴﺖ ﺍﻳﺪﻱ ﻭﻫﻮ ﺳﺤﺐ ﺍﻳﺪﻳﻪ ﻟﻌﻨﺪﻭ ﺧﺮﺝ ﻣﻦ ﻟﺒﻴﺖ ! ﺑﻘﻴﺖ ﻣﺘﻜﻴﺔ ﻛﻨﺘﺒﺮﺩ ﻭﻛﻨﻔﻜﺮ .. ﻣﺒﻐﺎﺵ ﻳﺪﻳﻨﻲ ﺍﻟﻨﻌﺎﺱ،ﺑﻘﻴﺖ ﻛﻨﺮﺩﺩ ﺍﺳﻢ ﻣﻨﺼﻒ .. ﻗﻠﺖ ﺳﻤﻴﺘﻮ ﺑﯖﺎﻉ ﺍﻻﺻﻮﺍﺕ ﺣﺘﻰ ﻣﻦ ﺻﻮﺕ ﻟﺤﺎﺟﺔ ﻗﻠﺪﺗﻮ ﺑﻠﻜﻨﺘﻬﺎ ﺍﻟﺼﺤﺮﺍﻭﻳﺔ .. ﻧﺰﻟﺖ ﻟﺘﺤﺖ ،ﻗﺎﻟﺖ ﻟﻲ ﻛﻮﺛﺮ ﻣﻨﺼﻒ ﺧﺮﺝ ﻣﻊ ﺻﺎﺣﺒﻮ،،ﻣﺸﺎﻭ ﻳﺸﻮﻓﻮ " ﻭﺍﻟﻲ ﺍﻟﺠﻬﺔ " ﻋﻠﻰ ﻗﺒﻞ ﺷﻲ ﺧﺪﻣﺔ .. ﺑﻘﻴﺖ ﻛﻨﺴﻮﻟﻬﺎ ﻋﻠﻴﻪ ﻓﺎﺵ ﻛﺎﻥ ﺻﻐﻴﺮ،ﻗﺎﻟﺖ ﻟﻴﻚ ﻛﺎﻥ ﻛﻴﻘﺮﺍ ﻣﺰﻳﺎﻥ .. ﻭﻣﻜﺎﻧﺶ ﻛﻴﻬﺪﺭ ﺑﺰﺍﻑ ﻭﻣﻜﻴﻀﺤﻜﺶ ﺩﻳﻤﺎ،،ﻟﻴﻜﻴﺸﻮﻓﻮ ﻣﻦ ﺑﻌﻴﺪ ﻛﻴﻘﻮﻝ ﻋﻠﻴﻪ ﻗﺎﺻﺢ ﻭﺻﻌﻴﺐ .. ﻭﻟﻜﻦ .. ﻳﺎ ﻻﻩ ﺑﻐﺎﺕ ﺗﻜﻤﻞ ﻭﻫﻲ ﺗﻌﻴﻂ ﻟﻴﻬﺎ ﺍﻣﺒﺎﺭﻛﺔ ﺗﺠﻴﺐ ﻟﺤﻮﺍﻳﺞ ﻣﻦ ﺍﻟﺴﻄﺢ ﻭﺍﻧﺎ ﺑﻘﻴﺖ ﻓﺒﻼﺻﺘﻲ ﺑﻐﻴﺖ ﻧﻤﻮﺕ ﻭﻧﻌﺮﻑ ﻭﺍﺵ ﻛﺎﻳﻦ ﻣﻦ ﻭﺭﺍ ﺩﻳﻚ " ﻭﻟﻜﻦ " ﻭﻟﻜﻦ ﺍﺵ ﺍﻋﺒﺎﺩ ﺍﻟﻠﻪ .. ﻧﻀﺖ ﻭﺑﻘﻴﺖ ﺗﺎﺑﻌﺎﻫﺎ : ﻭﻃﻠﻘﻴﻨﺎ ﺍ ﻛﻮﺛﺮ .. ﻭﻟﻜﻦ ﺍﺵ ! ﻓﺎﺵ ﺷﺎﻓﺘﻨﻲ ﻻﺻﻘﺎﻫﺎ ﻣﺒﻐﺎﺗﺶ ﺗﻬﺪﺭ ﻛﺘﻀﺤﻚ ﻭﻫﻲ ﻛﺘﺠﺎﻭﺑﻨﻲ ﺑﺰﺯ : ﻭﻟﻜﻦ ﻭﺍﻟﻮ ! ﺳﺪﻱ ﻣﻌﺎﻙ ﻟﺒﺎﺏ ﺩﻳﺎﻝ ﺍﻟﺴﻄﺢ ﺍ ﺣﻨﺎﻥ ﻭﻧﻘﻮﻝ ﻟﻴﻚ ! ﺳﺨﻔﺎﺗﻨﻲ ﻏﻴﺮ ﺑﻠﻬﺪﺭﺓ ﻭﻭﺍﻟﻮ ﻣﺒﻐﺎﺗﺶ ﺗﻬﺪﺭ،ﻟﺒﺎﺏ ﻣﻌﻘﻠﺘﺶ ﻋﻠﻴﻪ ﺳﺪﻳﺘﻮ .. ﻧﺎﺯﻟﺔ ﻭﺭﺍﻫﺎ ﻭﻛﻨﺘﺤﻠﻒ ﻋﻠﻴﻬﺎ : ﻭﻋﻘﻠﻲ ﺍ ﻛﻮﺛﺮ،ﺣﺘﻰ ﺍﻧﺎ ﻭﺍﻟﻠﻪ ﻟﻌﺎﻭﺩﺕ ﻟﻴﻚ ﻋﻠﻰ ﺧﻮﻳﺎ ﺍﻟﺘﻬﺎﻣﻲ ! ﺑﻘﺎﺕ ﻛﺘﺒﻌﻜﻚ : ﻻ ﺧﻮﻙ ﻣﻌﺎﻭﺩ ﻟﻴﺎ ﻛﻠﺸﻲ ﻫﻬﻪ ﻳﺎﻻﻩ ﻃﻮﻱ ﻣﻌﺎﻳﺎ ﻟﺤﻮﺍﻳﺞ ﻭﻧﻘﻮﻝ ﻟﻴﻚ ! ﺑﺪﻳﺖ ﻛﻨﺘﻐﺪﺩ ﻓﺨﺎﻃﺮﻱ ،ﻫﺎﺩﺍﻙ ﻟﺒﺮﻭﺍﻝ ﺩﻳﺎﻝ ﺧﻮﻳﺎ ﻟﻤﺒﻬْﺒَﻞْ ﺳﺎﻳﺮ ﻭﻳﺒﺮﻭﻝ،ﻣﺎﻛﻴﺸﺪﺵ ﺩﺍﻙ ﻟﻔﻢ ﻋﻨﺪﻭ ﺩﺭﺕ ﻋﻨﺪﻫﺎ : ﻳﺎﻻﻩ ﺯﻳﺪﻱ ﻃﻮﻳﻨﺎ ﻟﺤﻮﺍﻳﺞ،ﺳﻴﻘﻨﺎ ﻭﻃﻴﺒﻨﺎ ﻭﯕﺪﺩﻧﺎ ﻭﺧﺠﻨﺎ ﺳﺮﺣﻨﺎ ﻭﺭﺟﻌﻨﺎ ﻭﻓﺎﻻﺧﻴﺮ ﻗﺎﻟﺖ ﻟﻴﺎ : ﻧﺴﻴﺖ ! ﻣﺎﺟﺎﻭﺑﺘﻬﺎﺵ ﺣﺪﺭﺕ ﺭﺍﺳﻲ ﻭﻃﻠﻌﺖ ﻟﺒﻴﺖ .. ﻃﻼﺕ ﻋﻠﻴﺎ ﻣﻦ ﺍﻟﺪﺭﻭﺝ : ﺣﻨﺎﻥ ! ﺩﺭﺕ ﺷﻔﺖ ﻓﻴﻬﺎ : ﻧﻌﻢ ﺍﻛﻮﻛﻮ ! ﻏﻤﺰﺍﺗﻨﻲ ﻭﻗﺎﻟﺖ ﻟﻲ : ﺧﻠﻴﻚ ﺗﻜﺘﺎﺷﻔﻴﻪ ﻫﻬﻪ ﻧﻜﺘﺎﺷﻔﻮ ! ﺟﺎﻭﺑﺘﻬﺎ : ﺍﺟﻲ ﺍﻻﺧﺖ ﻋﻨﺪﻱ ﻣﻌﺎﻙ ﺷﻲ ﻫﺪﺭﺓ،ﺗﺤﻨﻴﺖ ﻳﺎﻻﻩ ﺣﻴﺪﺕ ﺻﻨﺪﺍﻟﺘﻲ ﺑﺎﺵ ﻧﺼﻴﻔﻄﻬﺎ ﻟﻴﻬﺎ ﻟﻠﺮﺍﺱ ﻫﺮﺑﺎﺕ ﻭﻫﻲ ﻛﺘﻀﺤﻚ ! ﻃﻠﻌﺖ ﻟﻠﺒﻴﺖ ﻭﺗﻜﻴﺖ ﻭﺍﻧﺎ ﻛﻨﻔﻜﺮ .. ﺑﺼﺢ ﻫﻮ ﻓﺸﻜﻞ،ﺑﻌﺾ ﻟﻤﺮﺍﺕ ﻛﻨﺤﺲ ﺑﻴﻪ ﻣﺼﻨﻮﻉ ﻣﻦ ﻟﻤﻌﺪﻥ،ﻭﺑﻌﺾ ﻟﻤﺮﺍﺕ ﻛﻨﺤﺲ ﺑﻴﻪ ﺿﺮﻳﻒ ﺑﺰﺍﻑ .. ﻭﻓﺎﺵ ﻛﻴﻀﺤﻚ .. ﻧﺎﺭﻱ ﻫﻬﻪ ﻏﻄﻴﺖ ﻭﺟﻬﻲ ﻭﺑﺪﻳﺖ ﻛﻨﺘﻜﻮﺭ ﻓﻮﻕ ﻟﻔﺮﺍﺵ ﻭﺍﻧﺎ ﺣﺸﻤﺎﻧﺔ ﻭﻛﻨﻀﺤﻚ ! ﺩﺧﻞ ﻣﻨﺼﻒ ﻭﻟﻘﺎﻧﻲ ﻛﻨﺘﻜﻮّﺭ ﻭﺍﻳﺪﻱ ﻋﻠﻰ ﻭﺟﻬﻲ ،ﺩﺧﻤﻞ ﻛﻴﺠﺮﻱ : ﺣﻨﺎﻥ؟؟ ﻛﺘﻮﺟﻌﻲ؟ ﺳﻤﻌﺘﻮ ﻭﺍﻧﺎ ﻋﻨﺪ ﺭﺍﺳﻲ ﻛﻨﺘﺨﺎﻳﻞ،ﺣﺘﻰ ﺣﺴﻴﺖ ﺑﺎﻳﺪﻳﻪ ﻋﻠﻰ ﻇﻬﺮﻱ ﻭﻫﻮ ﻛﻴﺴﻮﻟﻨﻲ : ﻣﺎﻟﻚ؟؟ ﻫﻨﺎ ﻏﻨﺘﺤﻮﻝ ﻝ " ﺣﻨﺎﻥ ﺍﻟﺬﻛﻴﺔ " ﻭﻧﺴﺘﻐﻞ ﺍﻟﻤﻮﻗﻒ ﻭﻧﺰﻳﺪ ﻧﺘﺒﻮﺣﻂ : ﻳﺎ ﺭﺑﻲ ... ﻣﻨﺼﻒ ! ﺗﻠﻒ ﻭﻭﺑﺪﺍ ﻛﻴﺘﻔﺘﻒ : ﺷﻨﻮ؟ ﻳﺎﻛﻤﺎ ﻛﻠﻴﺘﻲ ﺷﻲ ﺣﺎﺟﺔ ﻣﺎﻫﻴﺎﺵ ! ﻭﻻ ﻳﺎﻛﻤﺎ ... ﺷﻔﺖ ﻓﻴﻪ ﻭﺍﻧﺎ ﻛﻨﺘﻤﺴﻜﻦ : ﺍﻩ ... ﻓﺮﺡ ﻭﺑﺪﺍ ﻛﻴﻀﺤﻚ : ﺍﻩ؟ ﻫﻲ ﺣﺎﻣﻠﺔ
ﺟﻤﻌﺖ ﻟﺠﻠﺴﺔ ﻭﺍﻧﺎ ﻣﻨﺪﺍﻣﺠﺔ : ﺯﻋﻤﺎ؟ ﺑﻘﺎ ﻛﻴﺸﻮﻑ ﻭﻫﻮ
ﺍﺵ ﻧﺪﻳﺮ ﻳﺎ ﺭﺍﺑﻲ ﺍﺵ ﻧﺪﻳﺮ ،ﻭﻓﻴﻦ ﻣﺸﺎ ﻫﺬﺍ .. ﺑﻘﻴﺖ ﻛﻨﺘﺎﺻﻞ ﺑﻴﻪ ﻣﻜﻴﺠﺎﻭﺑﺶ،ﻛﻴﺼﻮﻧﻲ ﻭﻟﻜﻦ ﻣﺎﻛﻴﺠﺎﻭﺏ، .. ﺍﻟﻠﻲﻝ 12 ﺩﻳﺎﻝ ﺍﻟﻠﻴﻞ ،ﺍﻧﺎ ﺻﺎﻓﻲ ﺑﻘﻴﺖ ﻏﻴﺮ ﻭﺍﻗﻔﺔ ﺑﺎﻟﺒﺎﻟﻜﻮﻥ ﻫﺎﺯﺓ ﺍﻟﺘﻴﻠﻴﻔﻮﻥ ﻧﻌﻴﻂ ﻭﻧﺒﻜﻲ ﻭﻧﺘﻨﺨﺼﺺ : ﺁﻳﻪ ،ﺍﻳﻪ ﺩﺭﺗﻬﺎ ﻟﺮﺍﺳﻲ .. ﻭﺍﺵ ﻧﻌﻴﻂ ﻟﻤﺎﻣﺎ ﻧﺎﺭﻱ ﻏﺘﺠﻲ ﺗﻘﺘﻠﻨﻲ ﺑﺎﻳﺪﻳﻬﺎ ،،ﻧﻌﻴﻂ ﻟﻠﺘﻬﺎﻣﻲ ،،ﻏﻴﺸﺒﻊ ﻓﻴﺎ ﻣﻌﻴﺎﺭ ،،ﺷﻔﺖ ﺣﺘﺎ ﻋﻴﻴﺖ ﻭﺍﺳﺘﻐﻠﻴﺖ ﺍﻟﺤﺎﺟﺔ .. ﻛﺘﺒﺖ ﻟﻴﻪ ﻣﺴﺎﺝ : ﻟﺤﺎﺟﺔ ﻋﺮﻓﺎﺕ ﺑﻠﻲ ﺧﺮﺟﺘﻲ ﻣﻦ ﺍﻟﺪﺍﺭ ﻗﺒﻴﻠﺔ ﻭﺑﺎﻗﻲ ﻣﺨﺮﺟﺘﻲ ﻭﺩﺍﺑﺎ ﺭﺍﻫﺎ ﻋﻴﺎﻧﺔ،ﺭﺍﻩ ﻋﻴﻄﻨﺎ ﻟْﺄﻭﻣْﺒﻴﻠﻨْﺲْ ! ﺑﻐﻴﺘﻲ ﺗﺠﻲ ﺗﺸﻮﻑ ﻣُﻚ ﻗﺒﻞ ﻣﻴﺪﻭﻫﺎ ﺭﺍﻩ ﻭﺍﻗﻴﻼ ﻛﻮﻣﺔ،ﻣﺎﺑﻐﻴﺘﻴﺶ ﺷﻐﻠﻚ ﻫﺎﺩﺍﻙ ! ﺟﺎ ﻳﺠﺮﻱ .. ﻣﺎﺩﺍﺯﺕ ﺣﺘﻰ ﺭﺑﻊ ﺳﺎﻋﺔ ﺑﺎﻧﺖ ﻟﻴﺎ ﺍﻟﻄﻮﻣﻮﺑﻴﻞ ﻟﺘﺤﺖ ﻧﺰﻟﺖ ﻛﻨﺠﺮﻱ ﺣﻠﻴﺖ ﻟﺒﺎﺏ ﺑﺸﻮﻳﺔ ﻣﻊ ﺍﻟﺘﻠﻔﺔ ﺟﺮﻳﺖ ﻟﻴﻪ ﺍﻳﺪﻳﻪ ﻭﻫﻮ ﺗﺎﺑﻌﻨﻲ ﻛﻴﻠﻬﺒﻴﻞ ﻓﻜﺮﻧﻲ ﻏﻴﺮ ﻓﺨﻮﻳﺎ ﻣﻮﻻﻱ ﺍﻟﺘﻬﺎﻣﻲ ،ﺩﺧﻠﺘﻮ ﻭﻫﻮ ﻣﺼﺪﻭﻡ : ﺩﺍﻭﻫﺎ؟ ﺟﺮﻳﺘﻮ ﻭﻫﻮ ﻛﻴﻨﻬﺞ : ﻭﻏﺎ ﺯﻳﺪ ! ﻧﻄﺮ ﺍﻳﺪﻳﻪ : ﻓﻴﻦ ﻟﻮﺍﻟﻴﺪﺓ،ﻓﻴﻦ ﻟﺤﺎﺟﺔ؟؟ ﺷﺪﻳﺖ ﻟﻴﻪ ﺑﺎﻳﺪﻳﻪ ﻭﻛﻨﻬﺪﺃ ﻓﻴﻪ : ﻻﺑﺎﺱ ﺭﺁﻫﺎ ﻧﺎﻋﺴﺔ ﻭﻛﺘﺸﺨﺮ ﺗﻠﻔﺖ ﻟﺠﻴﻬﺔ ﺑﻴﺘﻬﺎ .. ﻭﺷﻮﻳﺔ ﻣﻐﻴﺒﻜﻲ : ﻛﺘﻜﺬﺑﻲ،ﺩﺍﻭﻫﺎ ؟ ﻗﻮﻟﻲ ﺍﺵ ﻭﻗﻊ ،ﺟﺒﺪ ﺍﻟﺘﻴﻠﻴﻔﻮﻥ ﺑﻐﺎ ﻳﻌﻴﻂ ﻟﻜﻮﺛﺮ .. ﺣﻴﺪﺗﻮ ﻟﻴﻪ ﻭﻫﻮ ﻳﻐﻮﺕ ﻋﻠﻴﺎ ! ﺗﺸﻌﻠﻮ ﺍﻟﻀﻮﺍﻭ ،ﺍﻩ ﻟﺤﺎﺟﺔ؟ ﻧﺘﻲ ﻫﻨﺎ؟ ﺍﻧﺎ ﻳﺴﺤﺎﺑﻠﻲ ﻧﺎﻋﺴﺔ ﻓﻠﺒﻴﺖ .. ﻣﺸﻰ ﺗﻼﺡ ﻋﻨﺪﻫﺎ ﺑﺎﺱ ﻟﻴﻬﺎ ﺭﺍﺳﻬﺎ ﻛﻴﻌﻨﻘﻬﺎ : ﺗﺨﻠﻌﺖ ﻋﻠﻴﻚ ! ﺩﺍﺭ ﻋﻨﺪﻱ ﻭﺩﺍﺭ ﻓﻴﺎ ﻭﺍﺣﺪ ﺍﻟﺸﻮﻓﺔ،ﺍﻧﺎ ﻟﻲ ﻛﺎﻧﻮ ﻏﻴﺠﻴﺒﻮ ﻟﻴﺎ ﺍﻻﺳﻌﺎﻑ ! ﻧﻬﺾ ﻓﻴﺎ : ﺍﺟﻲ ﻟﻬﻨﺎ . ﻣﻘﺪﺭﺗﺶ ﻧﺘﻤﻠْﻤَﻞْ ﻣﻦ ﺑﻼﺻﺘﻲ .. ﺑﺪﻳﺖ ﻛﻨﺘﺮﻋﺪ ﻋﺎﻭﺩ ﻧﻬﺾ ﻓﻴﺎ : ﺯﻳﺪﻱ ﻟﻬﻨﺎ ! ﺟﺎﻳﺔ ﻭﻛﻨﺨﻄﻮﻱ ﻭﺍﻧﺎ ﺧﺎﻳﻔﺔ .. ﻭﺣﺎﺩﺭﺓ ﺭﺍﺳﻲ ،ﺷﺎﺭ ﻟﻲ ﺑﻌﻴﻨﻴﻪ ﺑﺎﺵ ﻧﺠﻠﺲ ﺣﺪﺍ ﻟﺤﺎﺟﺔ ! ﯕﻠﺴﺖ ﺣﺪﺍﻫﺎ ﻭﺍﻧﺎ ﻧﻘﻮﻝ ﻟﻴﻬﺎ ﺑﺸﻮﻳﺔ : ﻳﺎﻙ ﺍﻟﺤﺎﺟﺔ ﺟﺎﻟﺴﺔ ﻓﺎﻟﻈﻼﻡ ﻭﻣﺎﺩﺭﺗﻲ ﻻ ﺣﺲ ﻻ ﺻﻮﺕ ﻭﻛﻮﻥ ﺩﺭﺗﻲ ﻏﻴﺮ ﻣﻮﺗﺔ ﺣﻤﺎﺭ ﻭﻋﺘﻘﺘﻴﻨﻲ ! ﻣﻌﺮﻓﺖ ﻭﺍﺣﺪ ﺍﻟﺘﺼﺮﻓﻴﻘﺔ ﻣﻨﻴﻦ ﺟﺎﺗﻨﻲ،ﺣﺘﻰ ﺗﻼﺣﻴﺖ ﻟﺠﻴﻬﺔ ﺍﻻﺧﺮﻯ ﻣﻊ ﺍﻧﺎ ﺧﻔﻴﻔﺔ .. ﻭﻛﺎﻧﺖ ﻫﺎﺩﻳﻚ ﺍﻭﻝ ﻣﺮﺓ ﻣﻨﺼﻒ ﻛﻴﻬﺰ ﻋﻠﻴﺎ ﺍﻳﺪﻳﻪ .. ﺟﻤﺪﺕ ﻓﺒﻼﺻﺘﻲ ﺑﻜﺜﺮﺓ ﺍﻟﺮﻋﺐ،ﺣﺘﻰ ﻟﻬﺪﺭﺓ ﺑﺎﺵ ﻧﻬﺪﺭ ﻭﻧﻐﻮﺕ ﻣﺒﻐﺎﺗﺶ ﺗﺨﺮﺝ .. ﺑﻘﻴﺖ ﺣﺎﺩﺭﺓ ﺭﺍﺳﻲ ﻭﻛﻨﺒﻜﻲ ! ﺟﺎﺣﺘﻰ ﻟﻌﻨﺪ ﻭﺟﻬﻲ : ﻧﺘﻲ ﺧﺎﺹ ﻟﻲ ﻳْﺪْﺭﻳﺴِﻴﻚ .. ﻋﻠﻲﺍ ﺑﻠﻴﻤﻴﻦ ﻭﻧﻌﺎﻭﺩ ﻧﺴﻤﻌﻚ
ﻛﺘﻘﻮﻟﻲ ﺑﺤﺎﻝ ﻫﺎﺩ ﻟﻬﺪﺭﺓ ﻳﺎﺣﺘﻰ ﻧﺼﻴﻔﻄﻚ ﻟﺪﺍﺭﻛﻢ ! ﺧﺎﺻﻤﺎﺕ ﻋﻠﻴﻪ ﻟﺤﺎﺟﺔ ﻭﻛﻮﺛﺮ ﻛﺘﺴﻜﺖ ﻓﻴﺎ ﻣﻦ ﻟﺒﻜﺎ ﻭﺍﻣﺒﺎﺭﻛﺔ ﺗﺨﺎﺻﻢ .. ﺑﻘﺎ ﻛﻴﺼﺎﻟﺤﻮ ﻓﻴﻨﺎ .. ﻗﻠﺖ ﻟﻴﻪ ﺳﻤﺢ ﻟﻴﺎ ،ﻭﺟﻬﻮ ﻟﻬﻴﻪ ﻗﺎﻟﻲ : ﺍﻟﻠﻪ ﻳﺴﺎﻣﺢ ! ﻗﺎﻟﺖ ﻟﻴﻨﺎ ﻟﺤﺎﺟﺔ ﻭﻧﻮﺿﻮ ﺗﻨﻌﺴﻮ،ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ ،ﻭﻃﻠﻌﺖ ﻟﺒﻴﺖ،ﺳﺎﺑﻘﺎﻩ ﻭﻛﻨﻀﺮﺏ ﺑﺮﺟﻠﻴﺎ ﻭﻛﻨﺘﻨﻔﺦ ﻃﻠﻌﺖ ﻟﺒﻴﺖ ﻭﺑﺪﻳﺖ ﻛﻨﺠﻤﻊ ﻟﺤﻮﺍﻳﺞ،ﺗﺒﻌﻨﻲ ﻟﻘﺎﻧﻲ ﻛﻨﺠﻤﻊ .. ﻟﻲ ﺟﻤﻌﺘﻬﺎ ﻭﺩﺭﺗﻬﺎ ﻓﺎﻟﺼﺎﻙ ﻛﻴﺤﻴﺪﻫﺎ ﻟﻴﺎ : ﺩﻭﺯﻱ ﺗﺠﻠﺴﻲ ! ﻣﻜﻨﺠﺎﻭﺑﺶ ،ﺑﻘﻴﺖ ﺑﺪﻭﻥ ﻣﻠﻞ ﺍﻭ ﺗﻌﺐ ﻛﻨﻬﺰ ﺣﻮﺍﻳﺠﻲ ﻭﻛﻨﻌﺎﻭﺩ ﻧﺠﻤﻊ،ﻭﻫﻮ ﺑﺪﻭﻥ ﺗﻮﻗﻒ ﻟﻲ ﺟﻤﻌﺘﻬﺎ ﻛﻴﻌﺎﻭﺩ ﻳﻠﻮﺣﻬﺎ ﻓﻠﻤﺎﺭﻳﻮ ! ﺣﺘﻰ ﻃﻠﻊ ﻟﻴﺎ ﺍﻟﺪﻡ : ﻧﺘﺎ ﻣﺎﺷﻲ ﺑﻨﺎﺩﻡ ،ﺑﻌﺪ ﻣﻨﻲ ! ﺷﺪﻧﻲ ﻣﻦ ﺩﺭﺍﻋﻲ : ﺭﺍﻩ ﻧﺘﻲ ﻟﻲ ﻣﺎﺷﻲ ﺑﻨﺎﺩﻡ ... ﻫﺪﺭﺗﻚ ﺩﺍﻳﺮﺓ ﻛﻴﻒ ﺍﻟﺴﻢ .. ﻋﻤﺮ ﺷﻲ ﺣﺪ ﺗﺠﺮﺃ ﻋﻠﻴﺎ،ﺣﺘﻰ ﻟﻴﻚ ﻧﺘﻲ،ﺗﻄﺎﻭﻟﺘﻲ ﻭﺯﺩﺗﻲ ﻓﻴﻪ،ﻭﻟﻜﻦ ﻋﻠﻴﺎ ﺍﻟﻠﻮﻡ ﺍﻧﺎ .. ﺍﻧﺎ ﻟﻲ ﺧﻠﻴﺘﻚ ﺗﻮﺻﻠﻲ ﻟﻬﺎﺩﺷﻲ،ﻭﻣﺎﻝ ﺍﻟﻨﻬﺎﺭ ﺍﻟﻠﻮﻝ ﻳﻤﻮﺕ ﺍﻟﻤﺶ .. ﻃﻠﻖ ﻣﻨﻲ ﻭﺑﻌﺪ ﻭﻫﻮ ﻛﻴﺘﻨﻔﺲ ﺑﺸﺪﺓ ﺑﻘﻮﺓ ﺍﻟﻐﻀﺐ ،ﻫﺰ ﺍﻳﺪﻳﻪ ﻭﻗﺎﻟﻲ : ﺣﺘﻰ ﺩﺍﺑﺎ ﻣﺎﻓﺎﺗﺶ ﻟﻔﻮﺕ ! ﺣﺘﻰ ﻫﺰﻳﺖ ﺍﻳﺪﻳﺎ : ﻧﻴﺖ ﺑﺎﻗﻲ ﻣﺎﻓﺎﺗﺶ ﻟﻔﻮﺕ،ﻭﻟﻴﻮﻣﺎ ﻏﻨﻔﺮﯕﻌﻮ ﻫﺎﺩ ﺍﻟﺮﻣﺎﻧﺔ،ﻛﺘﻀﺤﻚ ﻋﻠﻴﺎ،ﻭﻛﺘﻜﻨﻲ ﻋﻠﻴﺎ ﻓﺎﺵ ﺳﻤﻌﻨﻲ ﻗﻠﺖ ﻟﻴﻪ ﻛﺘﻜﻨﻲ ﻋﻠﻴﺎ ﻭﺗﻌﻤﺪﺕ ﻣﻨﻘﻮﻟﺶ " ﻛﺮﻭﭬﻴﺘﺔ " ﺿﺪ ﻓﻴﺎ ﻗﺎﻟﻲ : ﺍﻩ ﻛﺮﻭﭬﻴﺘﺔ ،ﺯﻳﺪﻱ .. ﺍﺵ ﺑﺎﻗﻲ ﺛﺎﻧﻲ ! ﺑﺪﻳﺖ ﻛﻨﺒﻜﻲ : ﻳﺎ ﻟﺤﯖﺎﺭ ﻳﺎ ﺍﻟﻈﺎﻟﻢ ﺍﻟﻠﻪ ﻳﺎﺧﺪ ﻓﻴﻚ ﻟﺤﻖ .. ﺷﻔﺘﻲ ﻧﺘﺎ ﻣﺎﻋﻴﻨﻴﻜﺶ ﻓﻴﺎ،ﻣﺎﺑﺎﻏﻴﻨﻴﺶ .. ﻭﺍﻳﻼ ﻣﺎﺑﺎﻏﻴﻨﻴﺶ ﻗﻮﻟﻬﺎ ﺑﺎﺵ ﺗﺒﻘﺎ ﺩﻳﺮ ﻟﻲ ﻫﺎﺩ ﻟﺤﺎﻟﺔ ﺭﺍﻩ ﻭﺍﻟﻠﻪ ﻣﻨﺴﻜﺖ ﻟﻴﻚ ! ﻭﻣﺪﻳﺖ ﻟﻴﻪ ﻭﺟﻬﻲ ،ﻧﺘﺎ ﺑﺎﻏﻲ ﻏﻴﺮ ﺿﺮﺑﻨﻲ،ﻳﺎﻻﻩ ﺿﺮﺑﻨﻲ ﺑﺎﺵ ﻳﺨﺮﺝ ﺩﺍﻙ ﻟﺤﻘﺪ ﻟﻲ ﻓﻘﻠﺒﻚ .. ﺟﻤﻊ ﻟﻮﻗﻔﺔ ﻭﻗﺮﺏ ﻟﻲ : ﻛﺘﺪﻋﻲ ﻓﻴﺎ،ﺯﻋﻤﺎ ﻧﺘﻲ ﻣﺎﺩﺍﻳﺮﺓ ﻭﺍﻟﻮ،ﻛﺘﻔﺎﻳﻠﻲ ﻋﻠﻰ ﻟﻮﺍﻟﻴﺪﺓ .. ﻭﻛﺪﻳﺮﻱ ﺷﻲ ﺣﻮﺍﻳﺞ ﻣﺒﺮﻫﺸﻴﻦ .. ﻭﻣﻐﺘﺴﻚﺗﻴﺶ ﻟﻴﺎ ﺍﺵ ﻏﺪﻳﺮﻱ ﯕﺎﻉ .. ﻫﺰﻳﺖ ﻓﻴﻪ ﻋﻴﻨﻴﺎ : ﻫﺎﻧﺎ ﻏﻨﻮﺭﻳﻚ ﺍﺵ ﻏﻨﺪﻳﺮ ﺑﻘﻴﺖ ﻛﻨﻀﺮﺏ ﻓﻴﻪ ،ﺟﻤﻊ ﻟﻲ ﺍﻳﺪﻳﺎ ﺣﺘﻰ ﻣﺒﻘﻴﺘﺶ ﻛﻨﻘﺪﺭ ﻧﺘﺤﺮﻙ .. ﻃﻠﻘﻨﻲ ﻳﺎ ﻟﺤﯖﺎﺭ ﻳﺎ ﻟﻐﺪﺍﺭ .. ﺑﻘﺎ ﺷﺎﺩﻧﻲ : ﻻ ﺣﺘﻰ ﻧﺘﻔﺎﻫﻤﻮ ﺑﻌﺪﺍ .. ﺷﻜﻮﻥ ﻗﺎﻟﻴﻚ ﻣﺎﻋﻴﻨﻴﺶ ﻓﻴﻚ ﻭﻣﺎﺑﺎﻏﻴﻜﺶ؟ ! .. ﺭﺟﻠﻲ ﺑﺪﺍﻭ ﻛﻴﺘﺮﻋﺪﻭ ﻭﻗﻠﺒﻲ ﺻﺎﻓﻲ ﻣﺒﻘﻴﺘﺶ ﻛﻨﺤﺲ ﺑﻴﻪ ﻛﻴﻀﺮﺏ .. ﺣﺴﻴﺖ ﺑﻴﻪ ﻭﻗﻒ .. ﺗﺰﻧﯖﺖ ﻭﻣﻘﺪﺭﺗﺶ ﻧﺸﻮﻑ ﻓﻴﻪ ! ﻋﺎﻕ ﺑﻴﺎ ﺿﺮﺑﻨﻲ ﺍﻟﻀﻮ ﻗﺎﻟﻲ : ﻳﺎﻻﻩ ﻫﺪﺭﻱ .. ﺑﺪﻳﺖ ﻛﻨﺘﻠﻌﺜﻢ : ﻧـ .. ﺗـ .. ﻧﺘـ .. ﺍ .. ﺩﻓﻌﻨﻲ ﻭﺟﺮﻧﻲ : ﻏﺘﻬﺪﺭﻱ ﻭﻻ ﺍﺷﺒﻐﻴﺘﻲ ! ﻏﻤﻀﺖ ﻋﻴﻨﻴﺎ ﻭﻗﻠﺘﻬﺎ ﻓﻜﻠﻤﺔ ﻭﺣﺪﺓ : ﻧﺘـﺂ ﻳﺎ ﺍﻟﺤﯖﺎﺭ ﻳﺎ ﻟﺒﺎﻏﻴﺔ ﻳﺎ ﺍﻟﻈﺎﻟﻢ ! ﻃﻠﻖ ﻣﻨﻲ ،ﺩﺍﺭ ﺑﻘﺎ ﻛﻴﻀﺤﻚ ﺣﺘﻰ ﺟﻤﻊ ﺍﻟﻀﺤﻜﺔ : ﻭﺍﻟﻠﻪ ﻭﻣﺎﻛﺎﻧﻮ ﻋﻴﻨﻴﻚ ﻛﻴﺸﺒﻬﻮ ﻟﻜﺮﻭﭬﻴﺖ ﻛﻮﻥ ﻟﺤﺘﻚ ﻣﻦ ﻫﺎﺩ ﻟﺒﺎﻟﻜﻮﻥ !
ﺘﺎﺳﻤﺖ ﺍﺑﺘﺴﺎﻣﺔ ﺑﺴﻴﻄﺔ ﺣﺪﺭﺕ ﺭﺍﺳﻲ . ﻋﻄﻴﺘﻮ ﺑﻈﻬﺮﻱ ﻭﺻﻮﺕ ﺿﺤﻜﺎﺗﻮ ﻛﺘﻼﺣﻘﻨﻲ،ﻛﺘﺨﺘﺮﻕ ﻣﺴﺎﻣﻌﻲ ﻛﺘﻮﺻﻞ ﻟﻠﻘﻠﺒﻲ ﻭﻛﺘﺂﺫﻳﻪ .. ﺧﺮﺟﺖ ﻣﻦ ﻟﺒﻴﺖ ﻭﺍﻧﺎ ﻛﻨﻘﻨﻊ ﺭﺍﺳﻲ ﺑﻠﻲ ﻫﺎﺩﻱ ﻫﻲ ﺣﻴﺎﺗﻲ،ﺍﻟﺮﺍﺟﻞ ﻟﻲ ﻗﺒﻠﺖ ﺍﻧﻨﻲ ﻧﺘﺰﻭﺟﻮ ﺑﺎﻟﺮﻏﻢ ﻣﻦ ﺍﻧﻪ ﻣﻄﻠﻖ،ﻭﺑﺎﻗﻲ ﻋﺎﻳﻨﺶ ﻓﻘﻠﺒﻮ ﺟﺰﺀ ﻣﻦ ﻣﺎﺿﻴﻪ .. ﺍﻟﺮﺟﻞ ﻟﻲ ﻇﻨﻴﺖ ﺍﻧﻪ ﻏﻴﻌﻮﺿﻨﻲ ﻏﻴﺎﺏ ﺍﻻﺏ .. ﺣﺘﻰ ﺣﺎﺟﺔ ﻣﻦ ﻫﺎﺩ ﺍﻟﻈﻨﻮﻥ ﻟﻲ ﺧﺒﻴﺘﻬﺎ ﻓﺎﻟﺪﺍﺧﻞ ﺩﻳﺎﻟﻲ ﻣﻜﺎﻧﺖ ﻓﻤﺤﻠﻬﺎ .. ﺍﻟﻨﻈﺮﺓ ﻟﻲ ﻛﻴﻠﻤﺤﻨﻲ ﺑﻴﻬﺎ،ﻭﺍﻟﺰﺍﻭﻳﺔ ﻟﻲ ﻛﻴﺸﻮﻓﻨﻲ ﻣﻨﻬﺎ ﻣﻜﺘﻌﺪﺍﺵ : ﻣﺮﺃﺓ ﻋﻠﻰ ﻗﺒﻞ ﺍﻟﺪﺭﺍﺭﻱ ﻭ ﻛﺮﻭﭬﻴﺘﺔ ! ﻭﺍﻧﺎ ﻛﻨﺸﻮﻓﻔﻮ ﻗﺪﺍﻣﻲ ﻛﻨﻀﺤﻚ ﻓﺨﺎﻃﺮﻱ .. ﻛﻨﻘﻨﻊ ﻧﻔﺴﻲ ﻭﻛﻨﺒﻘﺎ ﻧﻘﻮﻝ ﻣﻊ ﺭﺍﺳﻲ : ﺣﻨﺎﻥ ﺍﻳﻤﻜﻦ ﻫﺬﺍ ﻫﻮ ﺯﻫﺮﻙ،ﻫﺎﺩﺷﻲ ﻟﻲ ﺑﻐﺎ ﻟﻴﻚ ﺍﻟﻠﻪ،،ﺣﻤﺪﻱ ﺍﻟﻠﻪ ﻭﺷﻜﺮﻳﻪ .. ﻧﺘﻲ ﻟﻘﻴﺘﻲ ﺭﺍﺟﻞ .. ﺭﺍﺟﻞ ﻟﻲ ﺷﺎﻓﺘﻮ ﺗﺤﺴﺪﻙ ﻋﻠﻴﻪ .. ﻛﻨﻌﺎﻭﺩ ﻧﻀﺤﻚ ﻋﻠﻰ ﺭﺍﺳﻲ ... ﻟﻮ ﻋﺎﺷﺖ ﻣﻌﺎﻩ ﻣﻮﺣﺎﻝ ﻭﺍﺵ ﺗﺤﺴﺪﻧﻲ ﻋﻠﻴﻪ ... ﺗﺤﺴﺪﻧﻲ ﻋﻠﻰ ﺷﺨﺺ ﻛﻴﺒﻐﻴﻨﻲ ،،ﻧﻈﺮﺗﻮ ﻟﻴﺎ ﻛﺘﻌﺪﻯ ﺍﻟﺤﺪﻭﺩ .. ﺷﺨﺺ ﻳﺤﺴﺴﻨﻲ ﺍﻧﻨﻲ ﻣﺎﺷﻲ ﻣﺠﺮﺩ ﺷﻲﺀ ﻟﻤﻸ ﺍﻟﻔﺮﺍﻍ !.. ﻃﻮﻳﺖ ﻣﺸﺎﻋﺮﻱ ﻭﺧﺒﻴﺘﻬﺎ ﻋﻠﻰ ﺭﻑ ﺧﻴﺒﺎﺕ ﺍﻻﻟﻢ .. ﻣﻘﺪﺭﺗﺶ ﻧﺸﻜﻲ ﻻﻣﻲ .. ﻭ ﺍﺵ ﻧﻘﻮﻝ ﻟﻴﻬﺎ .. ﻧﻘﻮﻝ ﻟﻴﻬﺎ ﺍﻧﻨﻲ ﻛﻨﺖ ﻛﻨﺤﻠﻢ ﺍﻧﻨﻲ ﻧﻌﻴﺶ ﻗﺼﺔ،،ﻣﻊ ﺍﻟﺮﺍﺟﻞ ﻟﻲ ﺗﺴﻨﻴﺘﻮ ﻃﻮﻳﻼ ﻳﺠﻲ ،،ﻭﻧﻬﺎﺭ ﺟﺎ ﺣﻠﻤﻲ ﺿﺮﺏ ﻋﺮﺽ ﺍﻟﺤﺎﺋﻂ ﺍﻭ ﻻﺧﻲ ﺍﻟﺘﻬﺎﻣﻲ ﻟﻲ ﻣﺒﻘﺎ ﻭﺍﻟﻮ ﻟﺨﻄﺒﺔ ﺩﻳﺎﻟﻮ ﻫﻮ ﻛﻮﺛﺮ .. ﻧﺼﺪﻋﻬﻢ ﺑﺮﺍﺳﻲ .. ﺍﻳﻤﻜﻦ ﻏﻴﺠﻴﻬﻢ ﻛﻼﻣﻲ ﺗﺎﻓﻪ .. ﻭﻛﻴﺸﺒﻪ ﻟﻴﺎ . ﻛﻨﻔﻴﻖ ﺍﻟﺼﺒﺎﺡ .. ﻛﻨﻌﺎﻭﻥ ﻓﻠﻔﻄﻮﺭ .. ﻛﻨﻔﻄﺮ ﻛﻨﻮﺟﺪ ﻟﻤﻨﺼﻒ ﺣﻮﺍﻳﺠﻮ،،ﻳﻤﺸﻲ ﻟﺨﺪﻣﺔ .. ﻧﻌﺎﻭﻥ ﻓﺸﻐﺎﻝ ﺍﻟﺪﺍﺭ .. ﻭﻟﻐﺪﺍ ،،ﻭﻧﻮﺟﺪ ﻣﻊ ﻛﻮﺛﺮ ﻟﻠﺨﻄﺒﺔ .. ﻛﻨﺖ ﻛﻨﺸﻮﻓﻬﺎ ﻭﻫﻲ ﻓﺮﺣﺎﻧﺔ .. ﻣﻌﺮﻓﺘﺶ ﻧﻮﺻﻒ .. ﺍﻳﻤﻜﻦ ﻛﻨﺖ ﻛﻨﺤﺴﺪﻫﺎ،،ﻣﺎﺷﻲ ﺣﺴﺪ ،،ﺍﻧﺎ ﺑﺎﻏﻴﺔ ﻟﻴﻬﺎ ﻟﺨﻴﺮ ﻭﻓﺮﺣﺎﻧﺔ ﻟﻴﻬﺎ،ﻭﻟﻜﻦ .. ﻣﻜﺮﻫﺘﺶ .. ﺣﺘﻰ ﺍﻧﺎ .. ﻧﺘﻠﻘﻰ ﻧﻔﺲ ﺍﻟﻤﻌﺎﻣﻠﺔ ﻣﻦ ﻣﻨﺼﻒ ! ﻭﻓﻜﻞ ﻋﺸﻴﺔ ﻛﻨﻄﻠﻊ ﻟﺒﻴﺘﻲ،ﻛﻨﻔﺘﺢ ﺍﻟﺒﺎﺏ ﺩﻳﺎﻝ ﺍﻟﺒﺎﻟﻜﻮﻥ .. ﻛﻨﻬﺰ " ﻟْﻤَﺤْﺒَﻖْ " ﻛﻨﺠﺒﺪ ﻣﺬﻛﺮﺗﻲ، ﻛﻨﻔﺮﺵ ﻭﻧﺠﻠﺲ،،ﻛﻨﺘﻜﻰ ﻋﻠﻴﻪ ﻭﻓﺎﻳﺪﻱ ﻗﻠﻢ .. ﻛﻨﻜﺘﺐ ﻟﻲ ﺟﺎ ﻟﻲ ﻓﺒﺎﻟﻲ،،ﻟﻲ ﻣﻘﺪﺭﺗﺶ ﻧﻘﻮﻟﻮ ﻟﺤﺘﻰ ﻭﺍﺣﺪ،،ﺍﻱ ﺣﺎﺟﺔ ﺿﺮﺍﺗﻨﻲ .. ﺑﻌﺾ ﻟﻤﺮﺍﺕ ﺑﻼ ﻣﻨﻜﺘﺐ .. ﺩﻣﻌﺎﺕ ﻣﻦ ﻋﻴﻨﻲ ﻛﻄﻴﺢ ﻋﻠﻰ ﻭﺭﻗﺎﺕ ﺍﻟﻜﺘﺎﺏ .. ﺑﻼﻣﻨﻜﺖﺏ .. ﻃﺒﻌﺔ ﺍﻟﺪﻣﻮﻉ ﻋﻠﻰ ﻟﻮﺭﻗﺔ ﻛﺎﻧﺖ ﻛﺎﻓﻴﺔ ﻛﺘﻌﺒﺮ ﺍﺫﺍ ﻣﺎ ﺧﺎﻧﻨﻲ ﺍﻟﺘﻌﺒﻴﺮ .. ﻛﻨﺴﺪ ﻝ ﻛﺘﺎﺏ ،،ﻛﻨﺮﺟﻌﻮ ﻟﺒﻼﺻﺘﻮ ﺗﺤﺖ ﻟﻤﺤﺒﻖ ﻟﻜﺒﻴﺮ : ﻧﺘﺎ ﺑﻘﺎ ﻫﻨﺎ .. ﺑﻘﺎ ﻣﺨﺒﻲ ﻭﻳﺎﻙ ﺗﺒﺎﻥ ﻟﺸﻲ ﺣﺪ ﻭﻻ ﻃﻴﺢ ﻣﺎﺑﻴﻦ ﺍﻻﻳﺪﻱ ﺍﻟﺸﺮﻳﺮﺓ ﻫﻪ ! ﺩﺧﻞ ﻣﻨﺼﻒ ﻭﻟﻘﺎﻧﻲ ﻛﻨﻬﺪﺭ ﻣﻊ ﻟﻜﺘﺎﺏ .. ﺷﺎﻑ ﻓﻴﺎ : ﻣﻌﺎﻣﻦ ﻛﻨﺘﻲ ﻛﺘﻬﺪﺭﻱ ! ﺭﺗﺎﺑﻜﺖ ﻭﺑﻌﺪﺕ ﻋﻠﻰ ﻟﺒﺎﻟﻜﻮﻥ : ﻣﻊ ﺣﺘﻰ ﻭﺍﺣﺪ ! ﺟﺎ ﻭﻋﻼﻣﺎﺕ ﻟﻐﻀﺐ ﻋﻠﻰ ﻭﺟﻬﻮ ،ﺩﻓﻌﻨﻲ ﻭﺧﺮﺝ ﻟﺒﺎﻟﻜﻮﻥ : ﺣﻴﺪﻱ .. ﻧﺸﻮﻑ ،ﺧﺮﺝ ﻋﻨﺪﻱ ﻭﻛﻴﻬﻤﺲ ﺑﻜﻼﻡ ﺳﻤﻌﺘﻮ : " ﻟﻐﺪﺍﺭﺓ ﻛﻠﻜﻢ ﺑﺤﺎﻝ ﺑﺤﺎﻝ !" ﺩﻓﻌﻨﻲ ﺑﺎﻳﺪﻳﻪ،،ﺧﺮﺝ ﻟﻠﺒﺎﻟﻜﻮﻥ ﺗﻠﻔﺖ ﻋﻠﻰ ﺍﻟﻴﻤﻦ ﻭﺍﻟﻠﻴﺴﺮ ﻭﻃﻞ ﻣﻦ ﻟﻔﻮﻕ .. ﻣﻠﻘﺎ ﺣﺘﻰ ﺣﺎﺟﺔ ﺍﻭ ﺑﺎﻻﺣﺮﻯ ﻣﺎﻟﻘﺎ ﺣﺘﻰ ﻭﺍﺣﺪ ﻭﻛﺎﻧﺖ ﻫﺎﺩﻱ ﻫﻲ ﺍﻭﻝ ﻣﺮﺓ ﻛﻨﺸﻮﻑ ﻧﻈﺮﺓ ﺍﻟﺸﻚ ﻓﻌﻴﻨﻴﻦ ﻣﻨﺼﻒ ! ﺭﺟﻌﺖ ﻟﻠﻮﺭ .. ﻋﻴﻨﻲ ﺩﻣﻌﻮ .. ﺩﺍﺭ ﻋﻨﺪﻱ ﺷﺎﻑ ﻓﻴﺎ ،،ﻗﺮﺏ ﻟﻴﺎ ﺣﺘﻰ ﻟﻌﻨﺪﻱ .. ﻫﺰﻳﺖ ﺍﻳﺪﻱ ﻛﻨﻤﺴﺢ ﺩﻣﻮﻋﻲ ،،ﻣﺪ ﺍﻳﺪﻳﻪ ﺷﺪ ﻟﻲ ﺑﺎﻳﺪﻱ .. ﺗﺒﺪﻝ
ﺻﻮﺗﻮ ،،ﻫﺪﺭ ﻣﻌﺎﻳﺎ ﺑﺮﻓﻖ : ﺳﻤﺤﻴﻠﻲ ! ﺑﻌﺪﺕ ﻋﻠﻴﻪ ﻭﻋﻴﻨﻲ ﻏﺎﺭﻗﻴﻦ ﺑﺎﻟﺪﻣﻮﻉ ﻭﻭﺟﻬﻲ ﻏﻴﻨﻔﺎﺟﺮ ،،ﺧﺮﺟﺖ ﻣﻦ ﻟﺒﻴﺖ ﻭﻃﻠﻌﺖ ﻟﻠﺴﻄﺢ ،، ﻛﺎﻥ ﻣﻨﺼﻒ ﻓﺎﻫﻢ ﺍﻧﻪ ﻛﻴﻘﺴﻰ ﻋﻠﻴﺎ .. ﻛﺎﻥ ﻋﺎﺭﻑ ﺑﺎﺵ ﻛﻨﺤﺲ .. ﻛﺎﻥ ﻛﻴﺘﺄﻟﻢ ﻓﺎﺵ ﻛﻨﻘﻮﻝ ﻟﻴﻪ ﻗﻠﺒﻚ ﻣﺎﻓﻴﻪ ﺭﺣﻤﺔ !! ﺍﻟﺴﺒﺐ ﺍﻟﻮﺣﻴﺪ ﻟﻲ ﺧﻼﻧﻲ ﻧﺴﻤﻲ ﻣﻨﺼﻒ ﻓﺎﻭﻝ ﺻﻔﺤﺔ ﻣﻦ ﻣﺬﻛﺮﺍﺗﻲ ﺑﺎﻟﺮﺟﻞ ﺍﻟﺤﺪﻳﺪﻱ .. ﻧﺰﻟﺖ ﻣﻦ ﺍﻟﺴﻄﺢ ﺩﺧﻠﺖ ﻟﻠﺒﻴﺖ .. ﻟﻘﻴﺘﻮ ﺟﺎﻟﺲ ﺑﻮﺣﺪﻭ .. ﺑﺤﺎﻻ ﻛﺎﻥ ﻛﻴﺒﻜﻲ ! ﺩﺧﻠﺖ ﻫﺰ ﻓﻴﺎ ﺭﺍﺳﻮ : ﺍﺟﻲ ﻧﻬﺪﺭ ﻣﻌﺎﻙ ! ﺗﺮﺩﺩﺕ ﻓﺎﻻﻭﻝ .. ﻭﻟﻜﻦ ﺩﺧﻠﺖ ﻭﺟﻠﺴﺖ ﺣﺪﺍﻩ ! ﺣﺎﺩﺭﺓ ﺭﺍﺳﻲ ﺍﻻﺭﺽ ،،ﺩﺍﺭ ﻋﻨﺪﻱ ﺑﻘﺎ ﻛﻴﺸﻮﻑ ﻓﻴﺎ .. ﻛﻨﺤﺲ ﺑﻨﻈﺮﺍﺗﻮ ﻛﺘﺮﺍﻗﺐ ﻛﻞ ﺟﺰﺀ ﻣﻨﻲ
ﻣﻨﻲ ... ﻫﺰ ﺍﻳﺪﻳﻪ ﺑﻼ ﺷﻌﻮﺭ ﺗﺴﺎﺧﺮﺕ ﻭﺑﻌﺪﺕ ﻋﻠﻴﻪ ! ﺑﻘﺎ ﺟﺎﻣﺪ ﻓﺒﻼﺻﺘﻮ ﻓﺎﺵ ﺩﺭﺕ ﻫﺎﺩ ﺭﺩﺓ ﻟﻔﻌﻞ،،ﺣﺲ ﺑﺨﻮﻓﻲ ﻣﻨﻮ،،ﻣﺴﺢ ﺑﺎﻳﺪﻳﻪ ﻭﺟﻬﻮ ﻛﺎﻧﻪ ﻛﻴﺰﻭﻝ ﻣﻼﻣﺢ ﺍﻟﺤﺰﻥ ﻭﻛﻴﻤﺴﺢ ﻋﻠﻰ ﻋﻴﻨﻴﻪ ﺑﺮﻳﻖ ﺍﻟﺪﻣﻮﻉ ! ﺑﻘﻴﺖ ﻛﻨﺘﺴﻨﺎﻩ ﻳﻬﺪﺭ ... ﻣﺎﻗﺎﻟﻲ ﺣﺘﻰ ﻛﻠﻤﺔ،،ﻧﻀﺖ ﻣﻦ ﺣﺪﺍﻩ ﻭﺑﺪﻳﺖ ﻛﻨﻘﺎﺩ ﻓﻠﺒﻴﺖ ﻛﺎﻥ ﺣﺘﻰ ﺣﺎﺟﺔ ﻣﻜﺎﻳﻨﺔ .. ﻭﻫﻮ ﺑﻘﺎ ﻓﺒﻼﺻﺘﻮ ﺑﺪﻭﻥ ﺣﺮﺍﻙ ! ﺣﻠﻴﺖ ﻋﻴﻨﻴﺎ ﻟﻘﻴﺖ ﻟﻔﻄﻮﺭ ﻋﻨﺪﻱ ﺭﺍﺳﻲ .. ﻭﻭﺭﻗﺔ ﻣﻜﺘﻮﺏ ﻓﻴﻬﺎ ﺷﻲ ﺣﺎﺟﺔ ﺣﻠﻴﺘﻬﺎ "" ﺍﻟﺒﺪﺍﻳﺎﺕ ﺍﻟﺰﻭﻳﻨﺔ ﻛﺘﺒﺪﺍ ﻣﻊ ﺻﺒﺎﺡ ﺯﻭﻳﻦ ﻭﻭﺟﻪ ﺟﻤﻴﻞ .. ﺻﺒﺎﺡ ﻟﺨﻴﺮ ﺣﻨﺎﻥ " ﻟﺤﺖ ﻟﻮﺭﻗﺔ ﻭﺿﺤﻜﺖ ﻭﺍﺣﺪ ﺍﻟﻀﺤﻜﺔ ﺍﻳﻤﻜﻦ ﺍﻟﺪﺍﺭ ﺗﺰﻋﺰﻋﺎﺕ ﻣﻦ ﺑﻼﺻﺘﻬﺎ،ﻋﻄﻴﺖ ﺑﻈﻬﺮﻱ ﻟﺪﺍﻛﺸﻲ ﻛﺎﻣﻞ ﻟﺤﺖ ﻟﻮﺭﻗﺔ ﻭﺭﺟﻌﺖ ﺗﻐﻄﻴﺖ ﻣﺰﻳﺎﻥ ﻭﻏﻤﻀﺖ ﻋﻴﻨﻴﺎ ﻭﺍﻧﺎ ﻛﻨﻔﺮﻧﺲ ! ﻭﻧﻌﺴﺖ ﻧﻴﺖ .. ﺳﻤﻌﺖ ﺍﻟﺪﻗﺎﻥ .. ﻣﺎﻓﻴﺎﺵ ﻟﻲ ﻳﻨﻮﺽ : ﻛﻮﺛﺮ ﺩﺧﻠﻲ ! ﺳﻤﻌﺖ ﻟﺤﺲ ﻟﺨﻄﻮﺍﺕ ... ﻛﻴﻘﺮﺑﻮ ﻟﻌﻨﺪﻱ ﻭﺍﻧﺎ ﻣﺨﺸﻴﺔ ﺗﺤﺖ ﻟﻤﺎﻧﻄﺔ : ﻛﻮﺛﺮ ﺣﻠﻤﺖ ﻭﺍﺣﺪ ﻟﺤﻠﻤﺔ ،،ﻧﻔﻴﻖ ﻭﻓﻜﺮﻳﻨﻲ ﻧﻌﺎﻭﺩﻫﺎ ﻟﻴﻚ ﻭﺍﻟﻠﻪ ﺣﺘﻰ ﺿﺤﻜﻲ ! ﻣﺎﺟﺎﻭﺑﺎﺗﺶ ﻛﻮﺛﺮ :.. ﺩﻭﺭﺕ ﺭﺍﺳﻲ ﻟﺠﻴﻬﺔ ﻟﺒﺎﺏ ﻛﻴﺒﺎﻥ ﻟﻲ ﻣﻨﺼﻒ ﻭﺍﻗﻒ ﻋﻨﺪ ﺭﺍﺳﻲ ﻛﻴﺸﻮﻑ ﻓﺎﻻﺭﺽ ﻋﻨﺪ ﺭﺟﻠﻴﻪ ﻭﻟﻔﻄﻮﺭ ﺑﺎﻗﻲ ﻛﻴﻔﻤﺎ ﻫﻮ !!.. ﺑﻘﻴﺖ ﻛﻨﺪﻭﺭ ﻓﻌﻴﻨﻴﺎ .. ﺷﻔﺖ ﻓﻠﻤﯖﺎﻧﺔ 10:30 ،،ﺭﺟﻌﺖ ﺷﻔﺖ ﻓﻤﻨﺼﻒ .. ﺷﺎﻑ ﻓﻴﺎ ﺑﻴﺄﺱ ﻭﺧﺮﺝ ! ﺃﻧﺎ ﺑﻌﺪﺍ ﻣﻌﻘﻠﺘﺶ ﻋﻠﻴﻪ ﺧﺮﺝ ﻭﺁﻧﺎ ﻧﻮﺽ ﻟﺼﻴﻨﻴﺔ ،ﺟﺮﻳﺘﻬﺎ ﻗﺪﺍﻣﻲ : ﻣﻐﺎﺗﻜﻮﻥ ﻏﻴﺮ ﻛﻮﻛﻮ ﻫﻲ ﻟﻲ ﺟﺎﺑﺖ ﻟﻲ ﻟﻔﻄﻮﺭ ﺣﻘﺎﺵ ﻣﻨﻀﺘﺶ ﻧﻔﻄﺮ،،ﺍﺭﺍ ﺑﺮﻉ ﻭﺑﺪﻳﺖ ﻛﻨﻔﻄﺮ ﻋﻠﻰ ﺍﻻﻗﻞ ﺣﺎﺟﺔ ﻣﻦ ﻟﺤﻠﻤﺔ ﺻﺪﻗﺎﺕ .. ﻓﻄﺮﺕ ﺣﺘﻰ ﺷﺒﻌﺖ ،،ﻳﺎﻻﻩ ﻏﻨﻮﺽ ﻛﺘﺒﺎﻥ ﻟﻲ ﻟﻮﺭﻗﺔ ﻣﻠﻴﻮﺣﺔ،،ﻣﺪﻳﺖ ﺍﻳﺪﻳﺎ ﻭﺍﻧﺎ ﻛﻨﻘﻮﻝ : ﻳﺎﺭﺑﻲ ﺗﺤﻘﻖ ﻟﺤﻠﻤﺔ،،ﻫﺰﻳﺘﻬﺎ ﻭﻋﺎﻭﺩﺕ ﻗﺮﻳﺘﻬﺎ .. ﺑﻘﻴﺖ ﻛﻨﺪﻭﺭ ﻭﺍﻧﺎ ﻓﺮﺣﺎﻧﺔ .. ﻗﺮﻳﺘﻬﺎ ﻟﻜﻮﺛﺮ ﻗﺎﻟﺖ ﻟﻲ : ﻣﻨﺼﻒ ﻓﺎﻕ ﺍﻟﺼﺒﺎﺡ ،،ﻭﻗﺎﻟﻲ ﻧﻮﺟﺪ ﻟﻴﻚ ﻟﻔﻄﻮﺭ ﻭﻫﻮ ﻟﻲ ﻃﻠﻌﻮ ﻟﻌﻨﺪﻙ ! ﺑﻘﻴﺖ ﻛﻨﻘﺰ ﻭﺍﻧﺎ ﻓﺮﺣﺎﻧﺔ : ﺣﻠﻔﻲ ﺣﻠﻔﻲ ! ﺩﻳﻚ ﻟﻮﺭﻗﺔ ﻣﺤﻴﺪﺗﻬﺎﺵ ﻣﻦ ﺍﻳﺪﻱ .. ﻛﻨﻘﺮﺍﻫﺎ ﻭﻧﻌﺎﻭﺩﻫﺎ ﻭﻧﺘﺄﻣﻞ ﻓﻴﻬﺎ .. ﻭﺍﻧﺎ ﻛﻨﺘﺴﻨﺎﻩ ﻳﺮﺟﻊ ﻓﻠﻌﺸﻴﺔ
ﺑﻘﻴﺖ ﻛﻨﺪﻭﺭ ﻭﻓﺮﺣﺎﻧﺔ ﺑﻠﻮﺭﻗﺔ .. ﻛﻞ ﺳﺎﻋﺔ ﻧﺠﺒﺪﻫﺎ ﻭﻧﺸﻮﻑ ﻓﻴﻬﺎ .. ﻭﻧﺤﺎﻭﻝ ﻧﻠﻘﻰ ﺍﺟﻮﺑﺔ ﻻﺳﺌﻠﺘﻲ : ﻋﻼﺵ ﺩﺍﺭ ﻫﺎﻛﺪﺍ ! ﻋﻼﺵ ﺟﺎﺏ ﻟﻲ ﻟﻔﻄﻮﺭ ﻟﻌﻨﺪﻱ .. ﻭﻋﻼﺵ ﺭﺟﻊ ﻓﺎﻟﺼﺒﺎﺡ ﻭﻣﺸﻰ ﻭﻫﻮ ﻣﻘﻠﻖ ! ﻭﻋﻼﺵ ﺩﺍﺑﺎ ﺗﻌﻄﻞ ! ﺩﺧﻠﺖ ﻟﻨﺒﻴﺖ ﻫﺰﻳﺖ ﺍﻟﺘﻴﻠﻴﻔﻮﻥ ﻭﻣﺸﻴﺖ ﺟﻠﺴﺖ ﻓﺎﻟﺒﺎﻟﻜﻮﻥ .. ﻏﻨﻜﺖﺏ ﻟﻴﻪ ﻣﻴﺴﺎﺝ .. ﺍﺵ ﻏﻨﻜﺘﺐ ﻟﻴﻪ .. ﻛﺘﺒﺖ : ﻓﻴﻨﻚ ؟ ﻣﺤﻴﺘﻬﺎ ﻻﻻ ﻫﺎﺩﺍ ﻣﻴﺴﺎﺝ ﻫﺪﺍ ! ﻏﻴﺘﺨﻠﻊ،،ﻭﺗﻔﻜﺮﺕ ﻧﻬﺎﺭ ﻛﺘﺒﺖ ﻟﻴﻪ ﻟﺤﺎﺟﺔ ﻣﺮﻳﻀﺔ ﻭﺟﺎ ﻣﺨﻠﻮﻉ ! ﻏﻨﻜﺘﺐ ﻟﻴﻪ .. ﺍﻩ ﺑﻌﺪﺍ : ﺍﻟﺴﻼﻡ .. ﻛﻴﺪﺯ ﺍﻟﻨﻬﺎﺭ، ﻋﻼﺵ ﺑﺎﻗﻲ ﻣﺠﻴﺘﻲ ﻟﺪﺍﺭ ﺑﺪﻳﺖ ﻛﻨﺘﺴﻄﺎ ﻭﺍﻧﺎ ﻧﻘﻮﻝ ﻧﻜﺘﺐ ﺣﺪﺍﻫﺎ " ﺗﻮﺣﺸﺘﻚ ﺍَﺳَﻨْﻔﻮﺭْ ﺩﻳﺎﻟﻲ " ﻳﺎﻻﻩ ﺑﻐﻴﺖ ﻧﻤﺤﻴﻬﺎ ﻣﺎﻋﺮﻓﺘﺶ ﻛﻴﻔﺎﺵ ﺩﺍﺭ ﺣﺘﻰ ﺗﺴﻴﻔﻂ ،،ﺑﻐﻴﺖ ﺗﺸﻖ ﺍﻻﺭﺽ ﻭﻧﺘﺨﺸﻰ ﻓﻴﻬﺎ ﻓﺪﻳﻚ ﺍﻟﻠﺤﻈﺔ .. ﺑﻘﻴﺖ ﻛﻨﻘﺰ : ﻧﺎﺭﻱ ﺍﺵ ﺩﺭﺕ ﻭﻳﻠﻲ ﻭﻳﻠﻲ .. ﻃﻔﻴﺖ ﺍﻟﺘﻴﻠﻴﻔﻮﻥ ﻭﺣﻴﺪﺕ ﻟﻴﻪ ﻟﺒﺎﺗﺮﻱ .. ﺷﻮﻳﺔ ﻣﻐﻨﺒﺪﺍ ﻧﺒﻜﻲ ! ﻣﻘﺪﺭﺗﺶ ﻧﺸﺪ ﺍﻳﺪﻱ ﻋﺎﻭﺩﺕ ﺷﻌﻠﺖ ﺍﻟﺘﻴﻠﻴﻔﻮﻥ ،،ﻣﺸﻴﺖ ﻛﻨﺠﺮﻱ ﻛﻨﻘﻠﺐ .. ﺍﻟﻠﻪ ﻟﺤﻤﺪ ﻟﻠﻪ ﻣﻄﻠﻌﺶ ﻟﻴﺎ ﻣﻘﺮﻱ .. ﺑﺎﻗﻲ ﻣﻘﺮﺍﻫﺶ،ﺑﻘﻴﺖ ﺟﺎﻟﺴﺔ ﻓﻠﺒﺎﻛﻮﻥ ﻛﻨﻨﺘﺴﻨﺎﻩ ﻳﺠﻲ .. ﻭﻧﺸﻮﻑ ﻛﻴﻒ ﻧﺪﻳﺮ ﺣﺘﻰ ﻧﻤﺤﻲ ﻟﻤﻴﺴﺎﺝ ﻣﻦ ﺗﻠﻴﻔﻮﻧﻮ ﻭﻫﺎﺩﺷﻲ ﺍﻳﻶ ﻣﻘﺮﺍﻫﺶ ﻓﻬﺎﺩ ﺍﻻﺛﻨﺎﺀ ﻫﺰﻳﺖ ﻟﻤﺤﺒﻖ،ﺟﺒﺪﺕ ﺍﻟﻤﺬﻛﺮﺓ ﻭﻛﺘﺒﺖ ﻓﻴﻬﺎ ﺑﺎﺵ ﺣﺴﻴﺖ ﻫﺎﺩ ﺍﻟﻨﻬﺎﺭ .. '' ﻟﻴﻮﻡ ﺗﺤﻘﻖ ﺣﻠﻢ ﺩﻳﺎﻟﻲ،ﻟﺤﻠﻢ ﺩﻳﺎﻝ ﺍﻧﻨﻲ ﻧﻔﻴﻖ ﻭﻧﻠﻘﻰ ﻟﻔﻄﻮﺭ .. ﻭﺍﻧﻨﻲ ﻧﻠﻘﻰ ﻫﺎﺩ ﻟﻮﺭﻗﺔ ﺍﻛﺜﺮ ﻣﻦ ﺣﻠﻢ .. ﻭﻟﻜﻦ ﻏﻨﺘﺠﺮﺃ ﻟﻴﻮﻡ ﺍﻳﻼ ﺣﻠﻤﺖ ﺍﻧﻪ ﻳﺠﺎﻭﺑﻨﻲ ﻋﻠﻰ ﻟﻤﺴﺎﺝ ﻟﻲ ﻛﺘﺒﺖ ﻟﻴﻪ ﻋﺘﺎﺭﻓﺖ ﻟﻴﻪ ﺍﻧﻨﻲ ﺗﻮﺣﺸﺘﻮ .. ﻭﻗﻠﺖ ﻟﻴﻪ " ﺗﻮﺣﺸﺘﻚ ﺍﺳﻨﻔﻮﺭ ﺩﻳﺎﻟﻲ " .. ﺍﻳﺠﺎﻭﺑﻨﻲ ﻭﻳﻘﻮﻟﻲ ﺗﻮﺣﺸﺘﻚ .. ﺣﺘﻰ ﺃﻧﺎ ! ﻭﻻ ﺑﺮﺍﻛﺔ ﻋﻠﻴﺎ ﻏﻴﺮ ﻟﻔﻄﻮﺭ ﺣﺘﻰ ﻫﻮ ﻣﺰﻳﺎﻥ ﻭﻣﺎﻛﺮﺗﺶ ﻧﻠﻘﻰ ﻟﻮﺭﺩ ﺣﺘﻰ ﻫﻮ ﻫﻪ ﺍﻟﻨﻌﻴﻢ '' ﺳﻤﻌﺖ ﺻﻮﺕ ﺍﻟﻄﻮﻣﻮﺑﻴﻞ ﺭﺟﻌﺖ ﻟﻜﺘﺎﺏ ﺑﺎﻟﺰﺭﺑﺔ ﻟﺒﻼﺻﺘﻮ .. ﻭﻧﻀﺖ ﻟﺒﺴﺖ ﻟﻤﻠﺤﻔﺔ ﻭﻧﺰﻟﺖ ﻛﻨﺠﺮﻱ ﻟﻌﻨﺪ ﻟﺒﺎﺏ ! ﻛﻴﻒ ﺩﺧﻞ ﻗﻠﺖ ﻟﻴﻪ : ﻋﻄﻴﻨﻲ ﻧﻬﺪﺭ ﻣﻊ ﻣﺎﻣﺎ ! ﺑﻘﺎ ﻣﺴﻤﺮ ﻛﻴﺸﻮﻑ ﻓﻴﺎ .. ﺟﺮﻧﻲ ﻣﻦ ﺍﻳﺪﻱ ﻭﺩﺧﻠﻨﻲ ﻟﺒﻴﺖ : ﺣﻨﺎﻥ .. ﻭﺍﺵ ﺧﺎﺻﻚ ﺷﻲ ﺣﺎﺟﺔ ! ﻣﻔﻬﻤﺖ ﻭﺍﻟﻮ .. ﻭﻟﻜﻦ ﺍﻧﺎ ﻟﻲ ﻛﻴﻬﻤﻨﻲ ﻫﻮ ﻧﺎﺧﺪ ﺍﻟﺘﻴﻠﻴﻔﻮﻥ ﻓﺎﻳﺪﻱ .. ﻭﻏﻴﺮ ﺍﻳﻄﻴﺢ ﺑﻴﻦ ﺍﻳﺪﻱ ﻧﻄﻮﻋﻮ ﻣﻦ ﺍﻟﺒﺎﻟﻜﻮﻥ ﻭﻧﻐﺒﺮ ﻟﻴﻪ ﺍﻻﺛﺮ ! ﺍﻩ ﺍﻟﺘﻴﻠﻴﻔﻮﻥ ﻧﺴﻴﺘﻮ ﻓﻠﺒﻴﺖ .. ﺍﻟﺘﻴﻠﻴﻔﻮﻥ ﻛﺎﻥ ﻣﻌﺎﻳﺎ ﻓﻠﺒﻴﺖ؟ ﻃﻠﻊ ﻟﻲ ﺍﻟﺪﻡ ! ﻣﺪ ﻟﻲ ﺍﻟﺘﻴﻠﻴﻔﻮﻥ ﻭﻋﺎﻭﺩ ﺭﺟﻌﻮ ﻟﻌﻨﺪﻭ : ﻣﺸﺎﻛﻠﻨﺎ ﻧﺤﻠﻮﻫﻮﻡ ﺑﻴﻨﺎﺗﻨﺎ ﺑﻼ ﻣﺘﺸﻄﻨﻲ ﻣﺎﻣﺎﻙ ،،ﻭﺍﻧﺎ ﻧﺪﻳﺮ ﻓﺠﻬﺪﻱ ﺑﺎﺵ ﺗﻜﻮﻧﻲ ﻣﺮﺗﺎﺣﺔ ﻫﻨﺎ .. ﻋﻘﻠﻲ ﻣﺎﻛﺎﻧﺶ ﻣﻌﺎﻳﺎ ﻓﺎﺵ ﻗﺎﻝ " ﻭﺍﻧﺎ ﻧﺪﻳﺮ ﻣﺎﻓﺠﻬﺪﻱ ".. ﻭﺍﻧﺎ ﻧﺪﻳﺮ ﻣﺎﻓﺠﻬﺪﻱ ﺑﺎﺵ ﻳﻄﻴﺢ ﺍﻟﺘﻴﻠﻴﻔﻮﻥ ﺑﻴﻦ ﺍﻳﺪﻳﺎ ! ﻳﺎﻻﻩ ﻏﻴﻌﻄﻴﻨﻲ ﺍﻟﺘﻴﻠﻴﻔﻮﻥ ﻭﻫﻮ ﻳﻌﺎﻭﺩ ﻳﺮﺟﻌﻮ : ﻳﺎﻙ ﻋﻨﺪﻙ ﺍﻟﺼﻮﻟﺪ ﻓﺎﻟﺘﻴﻠﻴﻔﻮﻥ ﻭﻣﺪﺧﻞ ﻟﻴﻚ ﺍﻟﻨﻤﺮﺓ ﺩﻳﺎﻝ ﻟﻮﺍﻟﻴﺪﺓ ﻋﻨﺪﻙ ﻑ ﺍﻻﺗﺼﺎﻻﺕ ﺑﻼ ﺣﺪﻭﺩ ! ﺑﺪﻳﺖ ﻛﻨﺘﻔﺘﻒ .. ﺻﻔﺎﺭﻳﺖ ﻭﺧﻀﺎﺭﻳﺖ ﻭﻣﻌﺮﻓﺖ ﺍﺷﻨﻲ ﺣﺠﺔ ﻧﻘﻮﻟﻬﺎ ﻟﻴﻪ : ﺁﻩ ﻻ،ﺗﻴﻠﻴﻔﻮﻧﻲ ﻣﻌﺮﻓﺖ ﻓﻴﻦ ﻣﺸﺎ ﻟﻴﺎ ! ﺩﻭﺯ ﺍﻻﺗﺼﺎﻝ،ﻋﻄﺎﻧﻲ ﺍﻟﺘﻴﻠﻴﻔﻮﻥ : ﻫﺎﻫﻮ ﻛﻴﺼﻮﻧﻲ .. ،،ﺷﺪﻳﺘﻮ ﺑﻴﻦ ﺍﻳﺪﻳﺎ ﻭﺷﺤﺂﺍﻝ ﻓﺮﺣﺖ ! ﺷﺎﻓﻨﻲ ﻛﻨﻀﺤﻚ .. ﺩﺍﺭ ﺿﺤﻜﺔ ﺣﺰﻳﻨﺔ :.. ﻫﻮ ﻣﺎﻟﻮ ! ﻣﺎﺷﻲ ﻣﻬﻢ ﻣﺎﻟﻮ .. ﻛﻨﻬﺪﺭ ﻣﻊ ﻣﺎﻣﺎ ﻭﻫﻮ ﻣﺎﺯﺍﻝ ﻓﻠﺒﻴﺖ ﻛﻴﺒﺪﻝ ﺣﻮﺍﻳﺠﻮ .. ﻃﻮﻟﺖ ﻟﻬﺪﺭﺓ ﻭﺍﻧﺎ ﻛﻨﺘﺴﻨﺎﻩ ﺍﻳﻤﺘﺎ ﻳﺨﺮﺝ ﻣﻦ ﻟﺒﻴﺖ ﺑﺎﺵ ﻧْﻔَﺎﺭَﺩْ ﺑﺎﻟﺘﻴﻠﻴﻔﻮﻥ ! ﻣﺎﻣﺎ ﻋﻴﺎﺕ ﺑﻠﻬﺪﺭﺓ : ﻳﺎﻻﻩ ﺍﺑﻨﺘﻲ ﺭﺍﻩ ﺿﺮﺍﺗﻨﻲ ﻭﺩﻧﻲ ﻭﺍﻳﺪﻱ ﻣﻦ ﺍﻟﺼﺒﺎﺡ
ﺑﺎﻟﺘﻴﻠﻴﻔﻮﻥ ! ﻣﺎﻣﺎ ﻋﻴﺎﺕ ﺑﻠﻬﺪﺭﺓ : ﻳﺎﻻﻩ ﺍﺑﻨﺘﻲ ﺭﺍﻩ ﺿﺮﺍﺗﻨﻲ ﻭﺩﻧﻲ ﻭﺍﻳﺪﻱ ﻣﻦ ﺍﻟﺼﺒﺎﺡ ﻭﺍﻧﺎ ﺷﺎﺩﺓ ﻫﺎﺩ ﻟﻤﺸﻘﻮﻑ ! ﻭﺍﻧﺎ ﺷﺎﺩﺍﻫﺎ ﺑﻠﻬﺪﺭﺓ ﻟﺨﺎﻭﻳﺔ .. ﺑﺪﻳﺖ ﻛﻨﺘﺴﻠﻞ ﻭﻣﻨﺼﻒ ﺣﺎﺿﻴﻨﻲ .. ﻭﻛﻴﺸﻮﻑ ﻓﻴﺎ ﻣﺨﻠﻴﺖ ﻣﺎﺩﺭﺕ ﺑﺎﺵ ﻧﺨﺮﺟﻮ ﻭﻻ ﻧﺨﺮﺝ ﻣﻦ ﻟﺒﻴﺖ : ﺟﺎ ﺣﺘﺎﻟﺤﺪﺍﻳﺎ ﻭﻗﺎﻟﻲ ﺑﺸﻮﻳﺔ : ﺍﻳﻼ ﺑﺎﻏﻴﺔ ﺗﺸﻜﻲ ﻟﻴﻬﺎ ﻣﻨﻲ .. ﺧﻮﺩﻱ ﺭﺍﺣﺘﻚ،ﻣﺘﺤﺘﺎﺟﻴﺶ ﺗﺤﺸﻤﻲ ﻣﻨﻲ ،ﺍﻧﺎ ﻏﻨﺨﺮﺝ ،ﻫﺪﺭﻱ ﻋﻠﻰ ﺭﺍﺣﺘﻚ ! ﺑﻘﻴﺖ ﻛﻨﺸﻮﻑ ﻭﺍﻧﺎ ﺷﺎﺩﺓ ﺍﻟﺘﻴﻠﻴﻔﻮﻥ ﻭﻫﻮ ﺧﺎﺭﺝ : ﻫﺎﺩﺍ ﻣﺎﻟﻮ ﺑﻮﺣﺪﻭ ﺷﻜﻮﻥ ﻫﺪﺭ ﻣﻌﺎﻩ .. ﺑﻠﺤﻖ ﻣﺰﻳﺎﻥ ﺧﻠﻴﻪ ! ﺧﺮﺝ ﻭﻣﺸﻴﺖ ﻛﻨﺠﺮﻱ ﻫﻬﻪ ﻟﺤﻤﺪ ﻟﻠﻪ ﻣﻘﺮﺍﺵ ﻟﻤﻴﺴﺎﺝ ﻣﺤﻴﺖ ﻟﻤﺴﺎﺝ ﺣﻄﻴﺖ ﺍﻟﺘﻴﻠﻴﻔﻮﻥ ﻭﺗﻼﺣﻴﺖ ﻓﻮﻕ ﺍﻟﻨﺎﻣﻮﺳﻴﺔ .. ﺷﻨﻮ ﻛﺎﻥ ﻏﻴﻮﻗﻊ ﻟﻮ ﻗﺮﺍ ﻟﻤﻴﺴﺎﺝ ! ﺩﺧﻞ : ﺳﺎﻟﻴﺘﻲ؟ ﺩﺭﺕ ﻋﻨﺪﻭ ﻭﺍﻧﺎ ﻛﻨﻀﺤﻚ : ﺍﻩ ﺷﻜﺮﺍ !! ﻣﻨﺼﻒ .. ﺷﺎﻑ ﻓﻴﺎ ﻭﻫﻮ ﺑﺎﻏﻲ ﻳﻌﺮﻑ ﺷﻨﻮ ﺑﻐﻴﺖ ﻧﻘﻮﻝ ﻟﻴﻪ : ﺍﻩ؟ ﻧﻌﺎﻡ؟ ﺑﺘﺎﺳﻤﺖ : ﻋﺎﻓﺎﻙ ﺗﻘﺪﺭ ﺗﺨﺪﻡ ﻣﻌﺎﻙ ﻟﻜﻠﻴﻤﺎﺗﻴﺰﻭﺭ،،ﻣﻊ ﺣﻠﻴﺖ ﻟﺒﺎﻟﻜﻮﻥ ﻭﻋﺎﻭﺩ ﺩﺧﻞ ﺍﻟﺼﻌﺪ ! ﻣﺸﺎ ﻭﻫﻮ ﻓﺮﺣﺎﻥ .. ﺑﻐﺎ ﻳﺴﺪ ﻟﺒﺎﺏ،ﺑﻘﺎ ﻭﺍﻗﻒ ﻓﺒﻼﺻﺘﻮ ،ﺑﺎﻧﺖ ﻟﻴﻪ ﻟﻮﺭﻗﺔ ﻟﻲ ﻛﺘﺐ ﻟﻲ ﺍﻟﺼﺒﺎﺡ ﻣﺠﺮﺗﻠﺔ ﺑﻜﺜﺮﺓ ﻣﺎﻛﻨﺖ ﻫﺎﺯﺍﻫﺎ ﻓﺎﻳﺪﻳﺎ ﻭﻛﻨﺪﻭﺭ ﺑﻴﻬﺎ .. ﻭﻣﺮﻣﻴﺔ ﺑﺮﺍ ﻋﻠﻰ ﺍﻻﺭﺽ ! ﻫﺰﻫﺎ ﺳﺪ ﻟﺒﺎﺏ ﺩﻳﺎﻝ ﺍﻟﺒﺎﻟﻜﻮﻥ ﻭﻫﻮ ﻋﺎﻃﻴﻨﻲ ﺑﺎﻟﻈﻬﺮ : ﻣﻘﺪﺭﺗﻴﺶ ﺗﻘﺪﺭﻱ ﻫﺎﺩ ﻟﻮﺭﻗﺔ .. ﻧﻬﺎﺭ ﻛﺎﻣﻞ ﻭﺍﻧﺎ ﻛﻨﺘﺴﻨﺎ ﺭﺩﺓ ﻓﻌﻞ ﻣﻌﻨﺪﻙ،ﺷﺎﻑ ﻓﻠﻮﺭﻗﺔ ﺿﺤﻚ ﺑﺎﺳﺘﻬﺰﺍﺀ ﺩﺍﺭﻫﺎ ﻓﺠﻴﺒﻮ ﻭﻣﺸﺎ ﺧﺪﻡ ﻟﻜﻠﻴﻢ ﻭﺟﺒﺪ ﺷﻲ ﻛﺘﺎﺏ ﻛﻴﻘﻠﺐ ﻓﻴﻪ ! ﻳﺎﻻﻩ ﺑﻐﻴﺖ ﻧﻬﻀﺮ ﺳﻜﺘﻨﻲ : ﺻﺎﻓﻲ ﻣﺎﻛﺎﻳﻦ ﺑﺎﺱ .. ﻣﺎﺷﻲ ﻣﺸﻜﻞ ﻣﻦ ﺣﻘﻚ ! ﺷﻨﻮ ﻟﻲ ﻣﻦ ﺣﻘﻲ .. ﺟﺎﻭﺑﺘﻮ ﻭﺍﻧﺎ ﻣﺎﻓﺎﻫﻤﺔ ﻭﺍﻟﻮ : ﻣﺎﻟﻚ ؟؟ﺍﺵ ﻛﺎﻳﻦ؟؟ ! ﺩﺍﺭ ﻓﻴﺎ : ﻫﺎﺩ ﺍﻟﺴﺎﻋﺔ ﺑﻐﻴﺖ ﻧﺠﻠﺲ ﻭﻣﻨﺴﻤﻊ ﺣﺘﻰ ﺻﻮﺕ .. ﻫﺎ ﺍﺵ ﻛﺎﻳﻦ ! ﻧﻀﺖ ﻭﺟﺮﻳﺖ ﻣﻠﺤﻒ ﻭﺭﺍﻳﺎ : ﺣﺘﻰ ﺍﻧﺎ ﻏﻨﺨﻠﻴﻚ ﻋﻠﻰ ﺧﺎﻃﺮﻙ ! ﺧﺮﺟﺖ ﻟﺘﺤﺖ،ﺟﻠﺴﺖ ﻣﻊ ﻛﻮﺛﺮ ﺳﻮﻻﺗﻨﻲ : ﻣﺎﻟﻚ ! ﻣﻘﻠﺖ ﻟﻴﻬﺎ ﻭﺍﻟﻮ .. ﻻﻧﻲ ﺍﺻﻼ ﻣﺎﻓﺎﻫﻤﺔ ﻭﺍﻟﻮ .. ﺩﻳﻚ ﺍﻟﻠﻴﻠﺔ ﺑﺖ ﻣﻊ ﻛﻮﺛﺮ ﻛﻨﺘﻔﺮﺟﻮ ﺍﻧﺎ ﻭﻳﺎﻫﺎ .. ﻭﻛﻨﺠﻤﻌﻮ !! ﺳﻬﺮﻧﺎ ﺣﺘﺎﻝ ﺍﻟﺼﺒﺎﺡ ... ﺍﻟﻨﻬﺎﺭ ﺩﺍﺯ ﻋﻨﺪﻧﺎ ﻣﯖﻠﻮﺏ ﺯﺍﺋﺪ ﺍﻟﯖﻠﺒﺔ ﺩﻳﺎﻝ ﺍﻟﺼﻬﺪ ﺗﺴﺎﻻﻭ ﻟﻴﻨﺎ ! ﻣﻨﺼﻒ ﻣﺒﻘﻴﺘﺶ ﻓﻬﻤﺘﻮ ﻣﺮﺓ ﻛﻴﺘﻌﺎﻣﻞ ﻣﺰﻳﺎﻥ ﻭﻓﻨﻔﺲ ﺍﻟﻮﻗﺖ ﻛﻴﺘﻘﻠﺐ .. ﺍﺧﺮ ﻣﺮﺓ ﻗﺎﻟﻲ ﺑﻐﻴﺖ ﻧﺠﻠﺲ ﻭﻣﻨﺼﻤﻊ ﺣﺘﻰ ﺻﻮﺕ ! ﻭﻏﻴﺮ ﻭﺭﺍﻫﺎ ﺭﺟﻊ ﻛﻴﻬﺪﺭ ﻣﻌﺎﻳﺎ ﻛﻨﻀﺤﻜﻮ ﻭﻧﺘﻌﺎﻭﺩﻭ !.. ﻣﻦ ﺑﻌﺪﻫﺎ ﺏ ﺳﻴﻤﺎﻧﺔ ﻓﻘﺖ .. ﺍﻭﻭﻩ ﻻ ﻻ ﻫﺎﺩ ﻟﻤﺮﺓ ﺍﻛﻴﻴﺪ ﻛﻨﺤﻠﻢ ﻣﺎﻛﺎﻳﻨﺶ ﻟﻤﺰﺍﺡ ! ﻟﻔﻄﻮﺭ ﻭﻟﻮﺭﺩ !! ﻫﺎﺩ ﻟﻤﺮﺓ ﻣﻐﻨﺮﺟﻌﺶ ﻧﺘﻐﻄﻰ ﻣﺰﻳﺎﻥ ﻭﻧﻌﺎﻭﺩ ﻧﻌﺲ،ﻏﻨﻌﻴﺶ ﻟﺤﻠﻤﺔ ﺍﻭ ﻟﻮﺭﺩ ﻟﺤﻤﺮ ﻣﻊ ﺻﻴﻨﻴﺔ ﻟﻔﻄﻮﺭ ﻭﻛﺮﻭﺍﺻﺔ ﻫﺎﻱ ﻫﺎﻱ ! ﺩﺭﺕ ﻟﻮﺭﺩ ﻓﺸﻌﺮﻱ .. ﺍﻟﻠﻪ ﺍﻛﺒﺮ ﺍﻟﻰ ﺍﻟﺠﻬﺂﺍﺩ ... ﺑﺎﺳﻢ ﺍﻟﻠﻪ ﻛﻨﻔﻄﺮ ﻭﺍﻧﺎ ﻓﺮﺣﺎﻧﺔ .. ﺟﻤﻌﺖ ﺩﺍﻛﺸﻲ ﻭﻟﻮﺭﺩ ﺩﺭﺗﻮ ﻓﻮﺍﺣﺪ ﻟﻔﺎﺯ ﻟﺤﺖ ﻣﻌﺎﻩ ﻃﺮﻑ ﺩﻳﺎﻝ ﺍﻟﺴﻜﺮ ﻭﻟﻤﺎ ﺑﺎﺵ ﻳﺒﻘﻰ ﺍﻃﻮﻝ ﻣﺪﺓ ﻣﻤﻜﻨﺔ .. ﻧﺰﻟﺖ ﺍﻟﺼﻴﻨﻴﺔ ﻟﻠﻜﻮﺯﻳﻨﺔ ﻟﺘﺤﺖ ﻭﻛﻨﻬﺪﺭ ﻣﻊ ﺭﺍﺳﻲ : ﻫﺎﺩ ﺍﻻﺣﻼﻡ ﻋﻨﺪﻱ ﺳﺎﻫﻠﻴﻦ ﺩﻏﻴﺎ ﻛﻴﺘﺤﻘﻘﻮ .. ﻋﻼﺵ ﻛﻨﻔﻜﺮ ﺑﺰﺍﻑ ﻟﻤﻬﻢ ﺟﺎﺏ ﻟﻲ ﻟﻮﺭﺩ ﺳﻌﺪﺁﺍﺗﻲ ! ﻧﺰﻟﺖ ﻭﺑﻘﻴﺖ ﻛﻨﺒﺎﻥ ﻋﻠﻰ ﻛﻮﺛﺮ .. ﻭﻛﻨﻔﻮﺡ ﻋﻠﻴﻬﺎ ﺣﺘﻰ ﺿﺮﻫﺎ ﺭﺍﺳﻬﺎ ! ﻭﻟﻴﺖ ﻛﻨﺤﺲ ﺑﺎﻟﻨﻬﺎﺭ ﻃﻮﻳﻞ ﻃﻮﻳﻞ ﺑﻼ ﻗﻴﺎﺱ ! .. ﻣﻌﺮﻓﺘﺶ ﻋﻼﺵ ﻣﻨﺼﻒ ﻣﺎﺑﻘﺎﺵ ﻛﻴﺘﻐﺪﺍ ﻣﻌﺎﻧﺎ ﺑﺴﺒﺐ ﻣﺸﺎﻏﻞ ﻟﺨﺪﻣﺔ،ﻭﺧﺎﺻﺔ ﺍﻧﻪ ﺧﺪﺍﻡ ﻓﻤﺠﻠﺲ ﺍﻟﺒﻠﺪﻳﺔ .. ﺍﻟﻄﺮﻳﻖ ﺑﻌﻴﺪﺓ ﻋﻠﻴﻪ ﻭﺍﻻﺗﺨﺎﺑﺎﺕ ﻗﺮﺑﻮ ! ﻛﻞ ﻣﺮﺓ ﻧﺠﺒﺪ ﺍﻟﺘﻴﻠﻴﻔﻮﻥ ﻧﺒﻐﻲ ﻧﻜﺘﺐ ﻟﻴﻪ ﺗﻨﺰﻝ ﻋﻠﻴﺎ ﻟﺤﺎﺟﺔ ﺑﺸﻲ ﻣﻬﻤﺔ ﻣﻦ ﺣﻴﺚ ﻻ ﺍﺩﺭﻱ .. ﺣﺘﻰ ﻛﻨﺒﺪﺍ ﻭﻛﻨﻤﺤﻲ ! ﺑﻘﻴﺖ ﻧﺪﻭﺭ ﻋﻠﻰ ﻣﺴﺎﺝ .. ﻣﻴﺴﺎﺝ ﻭﺍﺣﺪ ﻣﻦ ﺍﻟﺼﺒﺎﺡ ،،ﻣﻜﺘﺒﺘﻮﺵ،ﺩﺧﻠﺖ ﻟﺒﻴﺖ ﻭﺳﺪﻳﺖ ﻋﻠﻴﺎ ﺍﺷﻨﻮ ﻧﻜﺘﺐ ﺩﺍﺑﺎ !! ﺑﻘﻴﺖ ﻛﻨﻜﺘﺐ ﻭﻧﻤﺴﺢ ﻭﻧﻘﺎﺩ ﻣﻦ ﻫﻨﺎ ﺣﺘﻰ ﻋﻔﺎ ﻋﻠﻴﺎ ﺍﻟﻠﻪ ﻭﻛﺘﺒﺖ : ﺍﻟﺴﻼﻡ ﻻﺑﺎﺱ ! ﺷﻜﺮﺍ ﻋﻠﻰ ﻟﻮﺭﺩ ﻋﺠﺒﻨﻲ ﺑﺰﺍﻑ ﺩﺭﺗﻮ ﻓﻠﭭﺎﺯ ﺟﺎ ﺯﻭﻳﻦ .. ﺍﻳﻤﺘﺎ ﺗﺠﻲ ﺑﺎﺵ ﺗﺸﻮﻓﻮ " ﻫﺎﻫﻮ ﻣﻴﺴﺎﺝ ﻣﻘﺎﺩ ﻗﻠﺖ ﻟﻴﻪ ﺑﻄﺮﻳﻘﺔ ﻏﻴﺮ ﻣﺒﺎﺷﺮﺓ " ﺍﻧﺎ ﻓﻲ ﺍﻧﺘﻈﺎﺭﻙ ﺧﻠﻴﻚ " ﻣﺎﻣﻌﻴﻘﺶ،،ﺳﻴﻔﻄﻮ ﻭﻗﻠﺒﻲ ﺑﺪﺍ ﻛﻴﻀﺮﺏ .. ﻭﻛﻨﺘﺴﻨﺎ ﺍﻳﻤﺘﺎ ﻳﺠﺎﻭﺏ .. ﻣﺎﺑﻘﺎﺵ ﺑﺰﺍﻑ ﺩﻳﺎﻝ ﻟﻮﻗﺖ ﺑﺎﺵ ﻭﺻﻠﻨﻲ ﻟﻤﻴﺴﺎﺝ،ﺗﻮﺗﺮﺕ ﻗﺒﻞ ﻣﻨﺠﺎﻭﺏ .. ﻳﺎ ﺑﺎﺳﻢ ﺍﻟﻠﻪ ﺗﻮﻛﻠﺖ ﻋﻠﻰ ﺍﻟﻠﻪ ﻻ ﺍﻟﻪ ﺍﻻ ﺍﻟﻠﻪ " ﻫﻪ ﻋﺠﺒﻚ، ﺣﺘﺎ ﺃﻧﺎ .. ﺍﻳﻤﺘﺎ ﻧﺠﻲ .. ﺑﺎﺵ ﻧﺸﻮﻓﻚ " ﺑﻘﻴﺖ ﺷﺎﺩﺓ ﺍﻟﺘﻴﻠﻴﻔﻮﻥ ﻭﺣﺎﻟﺔ ﻓﻮﻣﻲ .. ﺣﺘﻰ ﻫﻮ ﺑﻄﺮﻳﻘﺔ ﻏﻴﺮ ﻣﺒﺎﺷﺮﺓ .. ﻗﺎﻝ ﻧﻔﺲ ﻟﻲ ﺑﻐﻴﺖ ﻧﻘﻮﻟﻮ .. ﻏﻨﻴﺖ ﯕﺎﻉ ﺍﻻﻏﺎﻧﻲ .. ﻭﻧﻘﺰﺕ ﻓﯖﺎﻉ ﺍﻻﺭﺟﺎﺀ ! ﻭﺍﻧﺎ ﻛﻨﻐﻮﺕ : ﺍﻳﻤﺘﺎ ﻧﺠﻲ ﺑﺎﺵ ﻧﺸﻮﻓﻚ ﻭﺍﻳﻤﺘﺎ ﻧﺠﻲ ﺑﺎﺵ ﻧﺸﻮﻓﻚ
ﻣﺬﻛﺮﺍﺗﻲ ﻳﺎ ﻣﺬﻛﺮﺍﺗﻲ ... ﻋﻨﺪﻱ ﺣﺪﺱ ﺍﻥ ﻣﻨﺼﻒ ﻣﻌﺠﺐ،ﻟﻴﻮﻡ ﺟﺎﺏ ﻟﻲ ﻟﻮﺭﺩ ﻭﻗﺎﻟﻲ " ﺍﻳﻤﺘﻰ ﻧﺠﻲ ﺑﺎﺵ ﻧﺸﻮﻓﻚ " ﻭﺍﻟﻠﻪ ﻣﻜﺮﻫﺖ ﻛﻞ ﺻﺒﺎﺡ ﻧﻠﻘﻰ ﺑﺎﻗﺔ ﻭﺭﺩ ﻭﺣﺪﺍﻫﺎ ﺭﺳﺎﻟﺔ ﻓﻴﻬﺎ ﺷﻲ ﺷﻌﺮ ﻣﺒﺮﻉ .. ﺣﺘﻰ ﺍﻧﺎ ﻛﻨﺤﺲ ﺑﻘﻠﺒﻲ ﻛﻴﻀﺮﺏ ﻛﺜﺮ ﻣﻦ ﺍﻱ ﻭﻗﺖ ﺍﺧﺮ ﻭﻫﻮ ﻗﺮﻳﺐ ﻣﻨﻲ .. ﻭﻟﻜﻦ ﻛﻨﺘﻤﻨﻰ ﺍﻧﻪ ﻳﻜﻮﻥ ﻳﺒﻐﻴﻨﻲ ﻛﺜﺮ ﻣﻨﻲ ... ﻭﻟﺤﺎﺳﺔ ﺍﻟﺴﺎﺩﺳﺔ ﺩﻳﺎﻟﻲ ﻛﺘﻘﻮﻟﻲ ﺑﻠﻲ ﻫﺎﺩ ﻟﺤﻠﻢ ﻏﺎﺩﻱ ﺗﺎﻫﻮ ﻓﺎﻟﻄﺮﻳﻖ .. ﻭﺑﻠﻲ ﻏﻨﺒﻘﺎ ﻧﻜﺘﺐ ﻓﻴﻚ ﻏﻴﺮ ﻟﺤﻮﺍﻳﺞ ﺍﻟﺰﻭﻳﻨﺔ ﺍﻥ ﺷﺎﺀ ﺍﻟﻠﻪ " ﺭﺟﻌﺖ ﻟﻜﺘﺎﺏ ﻟﺒﻼﺳﺘﻮ ﻭﺍﻧﺎ ﻛﻨﺴﻤﻊ ﺻﻮﺕ ﻛﻮﺛﺮ ﻛﺘﻌﻴﻂ ﻭﻫﻲ ﻃﺎﻟﻌﺔ ﻓﺎﻟﺪﺭﻭﺝ ! ﺩﺧﻼﺕ ﻭﺷﺎﻓﺖ ﻟﻮﺭﺩ : ﻫﺎﻱ ﻫﺎﻱ ﺍﻟﻨﺎﺱ ﺩﻳﺎﻝ ﻟﻮﺭﺩ .. ﺑﻼﻣﺎﻧﺠﺎﻭﺏ .. ﻭﻗﻔﺖ ﻗﺪﺍﻡ ﻟﻔﺎﺯ ﻛﻨﺸﻮﻑ ﻓﻠﻮﺭﺩ ﻭﻛﻨﺒﺘﺎﺳﻢ،ﻫﺰﻳﺖ ﻭﺭﺩﺓ ﻭﺩﺭﺗﻬﺎ ﻓﺸﻌﺮﻱ .. ﻭﺃﻧﺎ ﻭﺳﻂ ﺟﻮ ﺍﻟﺴﻌﺎﺩﺓ ﻟﻲ ﺧﻠﻘﺎﺗﻬﺎ ﺑﻀﻊ ﻭﺭﺩﺍﺕ ﻣﻦ ﻋﻨﺪ ﻣﻨﺼﻒ .. ﻛﺘﺒﺎﻥ ﻟﻲ ﻳﺪ ﺗَﺘَﺴَﻠًﻞْ ﻟﺠﻴﻬﺖ ﻟﭭﺎﺯ ﻧﺤﻮ ﺍﻟﻮﺭﺩ ! ﻃﺮﺕ ﻣﻦ ﺑﻼﺻﺘﻲ ﻧﺰﻟﺖ ﻋﻠﻴﻬﺎ ﺑﻮﺍﺣﺪ ﻟﻘﺮﺻﺔ : ﺟﻤﻌﻲ ﺍﻳﺪﻳﻚ ! ﻏﻮﺗﺎﺕ ﻛﻮﺛﺮ : ﺁﻱ ،ﺭﺍﻩ ﺑﻐﻴﺖ ﻧﺎﺧﺪ ﻏﻴﺮ ﻭﺣﻴﺪﺓ .. ﺣﻤﺎﻗﻴﺘﻲ ! ﺷﺪﻳﺖ ﻟﻔﺎﺯ ﺑﻴﻦ ﺍﻳﺪﻳﺎ ﻭﺍﻟﻠﻪ ﻭﻣﺎﺗﺠﻤﻌﻲ ﺍﻳﺪﻳﻚ ﺣﺘﻰ ﻣﻴﻌﺠﺒﻚ ﻟﺤﺎﻝ،ﻗﻮﻟﻴﻬﺎ ﻟﺨﻄﻴﺒﻚ ﻳﺠﻴﺒﻮ ﻟﻴﻚ ﻭﻧﺘﻲ ﺑﺎﻏﻴﺔ ﺗﻜًﺎﻱ ﻋﻠﻰ ﺣﺎﺟﺘﻲ ! ﺑﻘﺎﺕ ﻛﺘﻀﺤﻚ : ﺍﻳﻮﺍ ﺍﻧﺎ ﺿﺪ ﻓﻴﻚ ﻏﻨﺎﺧﺪ ﻭﺣﺪﺓ ﺍﺭﻱ ﻫﻨﺎ ! ﺑﻘﻴﺖ ﻣﻀﺎﺭﺑﺔ ﻣﻌﺎﻫﺎ،ﻃﻴﺮﺍﺕ ﻟﻲ ﻟﻮﺭﺩﺓ ﻣﻦ ﺷﻌﺮﻱ ﻃﻠﻘﺖ ﻟﻔﺎﺯ ﻃﺎﺡ ﻟﻼﺭﺽ ﻭﺗﻬﺮﺱ . ﺑﻘﺎﺕ ﻛﻮﺛﺮ ﺟﺎﻣﺪﺓ ﻓﺒﻼﺻﺘﻬﺎ ﻭﺑﺼﻮﺕ ﻓﻴﻪ ﺧﻮﻑ ﻛﻄﻠﺐ ﻣﻨﻲ ﺍﻟﺴﻤﺎﺣﺔ : ﻭﺍﻟﻠﻪ ﻣﻘﺼﺪﺕ .. ﺣﻨﺎﻥ ﺳﻤﺤﻲ ﻟﻴﺎ ! ﺟﺎﺗﻨﻲ ﻟﺒﻜﻴﺔ ﻭﺗﻐﺮﻏﺮﻭ ﻟﻲ ﻋﻴﻨﻲ : ﺻﺎﻓﻲ ﺟﻴﺒﻲ ﺷﻲ ﺣﺎﺟﺔ ﻧﺠﻤﻊ ﻓﻴﻬﺎ ﻫﺎﺩﺷﻲ ! ﺑﻘﺎﺕ ﻭﺍﻗﻔﺔ ﻓﺒﻼﺻﺘﻬﺎ : ﺑﻐﻴﺖ ﻏﻴﺮ ﻧﻀﺤﻚ ﻣﻌﺎﻙ .. ﻗﺎﻃﻌﺘﻬﺎ ﺑﻨﺒﺮﺓ ﻏﻀﺐ : ﺻﺎﻓﻲ ﻣﻮﻗﻊ ﻭﺍﻟﻮ ! ﻫﺒﻄﺎﺕ ﻛﻮﺛﺮ ﻭﻫﻲ ﻛﺘﻠﻮﻡ ﺭﺍﺳﻬﺎ ﻭﺍﻧﺎ ﺑﻘﻴﺖ ﻓﻠﺒﻴﺖ ﻭﺍﻗﻔﺔ ﻭﻛﻨﺸﻮﻑ ﻓﺎﻟﻮﺭﺩ ﻋﻠﻰ ﺍﻻﺭﺽ : ﺗﺤﻨﻴﺖ ﻛﻨﺠﻤﻊ ﻓﻴﻪ .. ﺩﺧﻞ ﻓﺪﻳﻚ ﺍﻟﻠﺤﻈﺔ ﻣﻨﺼﻒ ﻟﻘﺎﻧﻲ ﻣﺤﻨﻴﺔ ﻛﻨﺠﻤﻊ ﺩﻳﻚ ﺍﻟﺮﻭﻳﻨﺔ ﺟﺎ ﻋﻨﺪﻱ ﺑﺎﻟﺰﺭﺑﺔ : ﺍﺵ ﻛﺪﻳﺮﻱ،ﺍﺵ ﻭﺍﻗﻊ؟ ﺷﻔﺖ ﻓﻴﻪ : ﻭﺍﻟﻮ ﻛﻨﺖ ﺑﻐﻴﺖ ﻧﻬﺰ ﻟﻔﺎﺯ ﻧﺠﻴﺒﻮ ﻭﻧﺤﻄﻮ ﻫﻨﺎ ﻭﻃﺎﺡ ﻟﻴﺎ ﻫﺎﻧﺎ ﻏﻨﺠﻤﻌﻮ ﻭﻧﻌﺎﻭﺩ ﻧﻘﺎﺩﻭ ! ﻧﻮﺿﻨﻲ : ﺻﺎﻓﻲ ﺍﻧﺎ ﻏﻨﺠﻤﻊ ﻫﺎﺩﺷﻲ،ﺳﻴﺮﻱ ﺟﻠﺴﻲ ! ﺑﻼﻣﻨﺠﺎﻭﺏ ﺑﻘﻴﺖ ﻓﺒﻼﺻﺘﻲ ﻛﻨﺠﻤﻊ : ﺻﺎﻓﻲ ﺍ ﻣﻨﺼﻒ،ﺍﻧﺎ ﻏﻨﺠﻤﻊ ﻧﺘﺎ ﺟﺎﻱ ﻋﻴﺎﻥ ﺳﻴﺮ ﺑﺪﻝ ﺣﻮﺍﻳﺠﻚ ﻭﺭﺗﺎﺡ ،ﻧﺠﻤﻊ ﻫﺎﺩﺷﻲ ﻭﻧﻮﺟﺪ ﻟﻴﻚ ﻣﺎﻛﻠﺘﻚ ! ﺗﺤْﻨَﺎ ﻟﻌﻨﺪﻱ : ﻧﺘﻲ ﺭﺍﺳﻚ ﻗﺎﺳﺢ ،ﻫﺰﻧﻲ ﻭﺣﻄﻨﻲ ﻓﻮﻕ ﺍﻟﻨﺎﻣﻮﺳﻴﺔ .. ﺟﺎﺏ ﻭﺭﺩﺓ ﻭﺟﺎ ﻋﻨﺪﻱ،ﺟﻠﺲ ﻗﺪﺍﻣﻲ ﻭ ﺩﺍﺭﻫﺎ ﻟﻲ ﻓﺸﻌﺮﻱ ﺑﺘﺎﺳﻢ .. : ﻭﺻﻠﻨﻲ ﻟﻤﻴﺴﺎﺝ ! ﺑﺪﻳﺖ ﻛﻨﺪﻭﺭ ﻓﻌﻴﻨﻴﺎ ﺍﻳﻨﺎ ﻣﻴﺴﺎﺝ ؟ ﺍﻭﻳﻠﻲ ﻟﻤﻴﺴﺎﺝ " ﺍﻳﻤﺘﺎ ﻧﺠﻲ ﻭﻧﺸﻮﻓﻚ " ﺗﺰﻧﯖﺖ ﻭﺣﺪﺭﺕ ﺭﺍﺳﻲ ﻫﺰ ﻟﻲ ﺭﺍﺳﻲ ﺑﺎﻳﺪﻳﻪ : ﺟﻴﺖ ﺑﺎﺵ ﻧﺸﻮﻓﻜﻢ ! ﺷﻜﻮﻥ ﺣﻨﺎ .. ﺳﻮﻟﺘﻮ ﻭﺍﻧﺎ ﻓﻲ ﺣﻴﺮﺓ ﻣﻦ ﺍﻣﺮﻱ : ﻛﻴﻔﺎﺵ ؟ ! ﺑﻘﺎ ﻛﻴﻀﺤﻚ : ﻟﻮﺭﺩ .. ! ﺑﻘﻴﺖ ﻛﻨﺘﺴﻨﺎﻩ ﻳﻜﻤﻞ : ﻭ .. ؟ﺩﻭﺯ ﺍﻳﺪﻳﻪ ﻋﻠﻰ ﺷﻌﺮﻱ : ﻭﻧﺘﻲ !.. ﺑﻘﻴﺖ ﻓﺒﻼﺻﺘﻲ ﺣﺸﻤﺎﻧﺔ ﻭﻓﺮﺣﺎﻧﺔ،ﺣﺪﺭﺕ ﺭﺍﺳﻲ .. ﻣﻘﺪﺭﺗﺶ ﻧﺒﻘﺎ ﻧﺸﻮﻑ ﻓﻴﻪ
ﻘﻴﺖ ﻓﺒﻼﺻﺘﻲ ﺣﺸﻤﺎﻧﺔ ﻭﻓﺮﺣﺎﻧﺔ،ﺣﺪﺭﺕ ﺭﺍﺳﻲ .. ﻣﻘﺪﺭﺗﺶ ﻧﺒﻘﺎ ﻧﺸﻮﻑ ﻓﻴﻪ .. ﻣﺪ ﺍﻳﺪﻳﻪ ﻭﺭﻓﻊ ﻟﻲ ﺭﺍﺳﻲ : ﻭﻧﺸﻮﻑ ﺣﺘﻰ ﻃﻴﺒﺘﻚ ﻭﻇﺮﺍﻓﺘﻚ .. ﺷﺪ ﻟﻲ ﺑﺎﻳﺪﻱ : ﻛﻮﺛﺮ ﻗﺎﻟﺖ ﻟﻲ ﺗﻬﺮﺱ ﻟﭭﺎﺯ ﺑﺴﺒﺎﺑﻬﺎ،،ﺑﺎﺱ ﻟﻲ ﻋﻠﻰ ﺭﺍﺳﻲ ﻭﻧﺎﺽ ﻛﻴﺠﻤﻊ ! ﺑﻘﻴﺖ ﻣﺒﻴﺸﻴﺔ ﻓﺒﻼﺻﺘﻲ ﺩﺍﺭ ﻋﻨﺪﻱ ﻛﻴﻀﺤﻚ : ﻛﺮﻭﭬﻴﺘﺎ ﻧﻮﺿﻲ ﺟﻴﺒﻲ ﻓﺎﺯ ﻣﻦ ﻟﺘﺤﺖ ﺭﺍﻩ ﻛﺎﻳﻦ ﻭﺍﺣﺪ ﻓﻜﻮﺯﻳﻨﺔ ! ﺑﻘﻴﺖ ﻓﺒﻼﺻﺘﻲ ﻭﻫﻮ ﻛﻴﻌﻴﻂ .. ﻧﺰﻟﺖ ﻟﻠﻜﻮﺯﻳﻨﺔ ﺑﻼ ﻋﻘﻞ ﻭﻃﻠﻌﺖ ﻟﻠﺒﻴﺖ ﺑﻼ ﻋﻘﻞ ﺗﻌﺸﻴﺖ ﺑﻼ ﻋﻘﻞ ﻭﻧﻌﺴﺖ ﺑﻼ ﻋﻘﻞ ! ﻭﻟﻜﻦ ﻓﺎﺵ ﻓﻘﺖ .. ﺣﻤﺎﻗﻴﺖ ﺩﻳﺎﻝ ﺑﺼﺢ .. ﻣﻠﻲ ﻟﻘﻴﺖ ﻭﺭﻗﺔ .. ﺍﻧﺎ ﺩﺍﺑﺎ ﻧﻔﻄﺮ ﺑﻠﻜﻮﺍﻏﻂ .. ﻓﻴﻦ ﻟﻔﻄﻮﺭ ﻓﻴﻦ ﻛﺮﻭﺍﺻﺔ ﻭﻓﻴﻦ ﺍﺗﺎﻱ .. ﻓﻴﻦ ﻟْﻘَﺲْ ... ﺣﻠﻴﺘﻬﺎ : '' ﺻﺒﺎﺡ ﻟﺨﻴﺮ ﺍﻛـْ .. ﻛْـﺮﭬﻴـ .. ﻛﻨﻀﺤﻚ ﻣﻌﺎﻙ ﺑﻐﻴﺖ ﻧﻘﻮﻝ ﺻﺒﺎﺡ ﻟﺨﻴﺮ ﺍ ﻛﺮﻭﭬﻴﺘﺎ ﺩﻳﺎﻟﻲ ﻫﻪ ﻣﻠﻘﻴﺘﺶ ﺑﺎﺵ ﻧﻌﺒﺮ ﻭﻟﻜﻦ ﻧﻘﺪﺭ ﻧﻌﺒﺮ ﻟﻴﻚ ﺑﻜﻠﻤﺎﺕ ﺍﺧﺮﻯ .. ﺍﻟﻠﻴﻞ ﻛﺎﻣﻞ ﻭﺍﻧﺎ ﻛﻨﻔﻜﺮ .. ﻭﻟﻜﻦ ﻛﺘﺒﺖ ﺑﺎﻟﺰﺭﺑﺔ ﻛﺎﻥ ﺧﺎﺻﻨﻲ ﻧﺨﺮﺝ ﺑﻜﺮﻱ .. ﺣَﻠّﻔْﺘﻚِ ﺑﺎﻟﺬﻱ ﺧﻠﻘﻚِ ﻭﺧﻠﻘﻨﻲ ﻣﺎﺫﺍ ﺗﻤﻠﻜﻴﻦْ؟ ﺑﻮﺟﻪ ﺑﺮﻳﺊ ﻭﺑﺤﻨﺎﻥٍ ﺩﻗﺎﺕ ﻗﻠﺒﻲ .. ﺗَﺼْﻄﺎﺩﻳﻦ
ﺻﺒﺎﺡ ﻟﺨﻴﺮ ﺍﻛـْ .. ﻛْـﺮﭬﻴـ .. ﻛﻨﻀﺤﻚ ﻣﻌﺎﻙ ﺑﻐﻴﺖ ﻧﻘﻮﻝ ﺻﺒﺎﺡ ﻟﺨﻴﺮ ﺍ ﻛﺮﻭﭬﻴﺘﺎ ﺩﻳﺎﻟﻲ ﻫﻪ ﻣﻠﻘﻴﺘﺶ ﺑﺎﺵ ﻧﻌﺒﺮ ﻭﻟﻜﻦ ﻧﻘﺪﺭ ﻧﻌﺒﺮ ﻟﻴﻚ ﺑﻜﻠﻤﺎﺕ ﺍﺧﺮﻯ .. ﺍﻟﻠﻴﻞ ﻛﺎﻣﻞ ﻭﺍﻧﺎ ﻛﻨﻔﻜﺮ .. ﻭﻟﻜﻦ ﻛﺘﺒﺖ ﺑﺎﻟﺰﺭﺑﺔ ﻛﺎﻥ ﺧﺎﺻﻨﻲ ﻧﺨﺮﺝ ﺑﻜﺮﻱ .. ﺣَﻠّﻔْﺘﻚِ ﺑﺎﻟﺬﻱ ﺧﻠﻘﻚِ ﻭﺧﻠﻘﻨﻲ ﻣﺎﺫﺍ ﺗﻤﻠﻜﻴﻦْ؟ ﺑﻮﺟﻪ ﺑﺮﻳﺊ ﻭﺑﺤﻨﺎﻥٍ ﺩﻗﺎﺕ ﻗﻠﺒﻲ .. ﺗَﺼْﻄﺎﺩﻳﻦ ﺑﺠﻤﺎﻝ ﺍﺣﺘﺎﺭ ﻓﻴﻪ ﺷﻴﺌﺎ ﻣﻨﻲ ﺗﺴﺮﻗﻴﻦ ﺳﺎﻇﻞ ﺍﻧﺎﺩﻳﻚ ﻛﺮﻭﭬﻴﺘﺎ ﻭ ﺍﺟﻤﻞ ﺍﻟﻜﺮﻭﭬﻴﺘﺎﺕ ﻓﻲ ﻋﻴﻨﻲ ﺳﺘﻈﻠﻴﻦ ﻟﻢ ﺁﺗﻴﻚ ﺑﻮﺭﺩ ﺍﻟﻴﻮﻡ .. ﻫﻞ ﻣﻨﻲ ﺳﺘﻨﺰﻋﺠﻴﻦ ! ﺻﺒﺎﺣﻚ ﻭﺭﺩ ﻭﻳﺎﺳﻤﻴﻦ '' ﺑﻘﻴﺖ ﺷﺎﺩﺓ ﻟﻮﺭﻗﺔ ﻛﻨﺸﻮﻑ ﻓﻴﻬﺎ،ﻧﻘﺮﺍﻫﺎ ﻭﻧﻌﺎﻭﺩﻫﺎ .. ﻫﺎﺩﺍ ﺍﻟﺨﻴﺎﻝ ﺍﻟﻌﻠﻤﻲ .. ﻻﻭﻝ ﻣﺮﺓ ﻣﻜﻨﺘﻌﺼﺒﺶ ﻣﻦ " ﻛﺮﻭﭬﻴﺘﺔ " .. ﻫﺎﺩﺷﻲ ﺑﺰﺍﻑ ﻋﻠﻰ ﻣﻨﺼﻒ ،ﺁﻭ ﻭﺍﺧﺔ ﻧﻜﻮﻥ ﻣﻄﻴﺮﺓ ﻟﻴﻪ ﻟﻌﻘﻞ ! ﻧﻀﺖ ﻛﻨﺠﺮﻱ ﻟﻠﻤﺬﻛﺮﺓ ... ﻫﺰﻳﺘﻬﺎ ﺍﺟﻲ ﻟﻬﻨﺎ ﻗﻄﻌﺖ ﺷﻌﺮﺓ ﻭﺩﺭﺗﻬﺎ ﻓﺎﺧﺮ ﻭﺭﻗﺔ ﻛﺘﺒﺘﻬﺎ ﻭﺳﺪﻳﺖ ﻟﻜﺘﺎﺏ .. ﺍﻟﻨﻬﺎﺭ ﻛﺎﻣﻞ ﻭﺍﻧﺎ ﻛﻨﺘﺴﻨﺎ ﺍﻳﻤﺘﺎ ﻳﺮﺟﻊ .. ﻭﻛﻞ ﺳﺎﻋﺔ ﻧﻘﻮﻝ ﻳﺎ ﺭﺑﻲ ﻣﻴﻜﻮﻧﺶ ﻟﻲ ﻛﻨﻔﻜﺮ ﻓﻴﻪ ﻫﻮ ﻟﻲ ﻛﺎﻳﻦ ﻭﻣﺎﻳﻜﻮﻧﺶ ﻛﻴﻘﺮﺍ ﻟﻤﺬﻛﺮﺓ ﺩﻳﺎﻟﻲ ! ﻣﻮﺻﻠﺖ ﺍﻟﺴﺘﺔ ﺩﻳﺎﻝ ﻟﻌﺸﻴﺔ ﺣﺘﻰ ﻛﻨﺖ ﻏﻨﺤﻤﺎﻕ .. ﻫﺎﻫﻮ ﺩﺧﻞ ،،ﺟﺎﻱ ﻛﻴﺸﻮﻑ ﻓﻴﺎ ﻭﻛﻴﻀﺤﻚ ،ﺳﻠﻢ ﻋﻠﻰ ﻟﺤﺎﺟﺔ ﺑﺎﺱ ﻟﻴﻬﺎ ﻋﻠﻰ ﺭﺍﺳﻬﺎ،ﻭﺍﻧﺎ ﻋﻄﺎﻧﻲ ﻟﻤﺤﻔﻈﺔ ﺩﻳﺎﻝ ﻟﺒﻴﺴﻲ ﻃﻠﻌﺘﻬﺎ ﻟﺒﻴﺖ ﻭﻭﺟﺪﺕ ﻟﻴﻪ ﺣﻮﺍﻳﺠﻮ ﻳﺒﺪﻝ ! ﺑﻘﻴﺖ ﻛﻨﺘﺴﻨﺎﻩ ﻳﻄﻠﻊ ﻭﺍﻧﺎ ﻛﻨﺪﻭﺭ ﻓﻠﺒﻴﺖ ﺍﻟﻠﻴﻠﺔ ﻟﻴﻠﺘﻚ ﺍ ﻣﻨﺼﻒ ﺍﻳﻼ ﻛﻨﺘﻲ ﻛﺘﻘﺮﺍ ﻟﻴﺎ ﺷﻐﻠﻲ .. ﺳﻤﻌﺖ ﺧﻄﻮﺍﺗﻮ ﺣﺪﺍ ﻟﺒﺎﺏ ﺷﺪﻳﺖ ﺍﻻﺭﺽ ﻭﺩﺭﺕ ﺭﺍﺳﻲ ﻛﻨﻄﻮﻱ ﻓﺸﻲ ﺣﻮﺍﻳﺞ ﻛﺎﻧﻮ ﻣﻠﻴﻮﺣﻴﻦ ﺗﻤﺎ ! ﺩﺧﻞ ﻛﻴﻔﺮﻧﺲ : ﻭﻛﺎﻳﻦ ﻟﻴﻮﻡ ﺍﻟﺼﻬﺪ ! ﻧﺎﺭﻱ ﻣﻜﻨﺤﻤﻠﺶ ﻧﺴﻤﻊ ﻛﻠﻤﺔ ﺍﻟﺼﻬﺪ ،ﺩﺭﺕ ﺑﻘﻴﺖ ﺣﺎﺩﺭﺓ ﺭﺍﺳﻲ ﻋﻠﻰ ﻟﺤﻮﺍﻳﺞ : ﻣﺎﺣﺴﻴﺖ ﺑﻮﺍﻟﻮ،ﻟﺠﻮ ﺩﻳﻤﺎ ﻫﺎﻛﺪﺍ ! ﺗﻢ ﺟﺎﻱ ﻓﺠﻴﻬﺘﻲ .. ﺑﺪﺍﻭ ﺍﻳﺪﻱ ﻛﻴﺘﻔﺘﻔﻮ .. ﻭﺍﺧﺔ ﺩﺍﺑﺔ ﻃﺎﻟﻊ ﻟﻲ ﺍﻟﺪﻡ ﻭﺧﺎﻳﻔﺔ ﻟﻴﻜﻮﻥ.. ﺑﺪﺍﻭ ﺍﻳﺪﻱ ﻛﻴﺘﻔﺘﻔﻮ .. ﻭﺍﺧﺔ ﺩﺍﺑﺔ ﻃﺎﻟﻊ ﻟﻲ ﺍﻟﺪﻡ ﻭﺧﺎﻳﻔﺔ ﻟﻴﻜﻮﻥ ﻫﺎﺩﺷﻲ ﻛﺎﻣﻞ ﺗﺤﻘﻴﻖ ﻻﺣﻼﻣﻲ ﻟﻲ ﻛﻨﻜﺘﺒﻬﻮﻡ ﻭﻫﻮ ﻛﻴﻘﺮﺍﻫﻢ ﻛﻠﻤﺎ ﻛﻨﺸﻮﻑ ﻓﻌﻴﻨﻴﻪ ﻛﻨﺘﻮﺗﺮ ﻭﻛﻠﻤﺎ ﻛﻴﻘﺮﺏ ﻟﻴﺎ ﻛﻨﺤﺲ ﺑﺪﻗﺎﺕ ﻗﻠﺒﻲ ﻛﺘﺴﺎﺭﻉ ﺑﺸﻜﻞ ﺧﺎﺭﺝ ﻋﻦ ﺍﻟﻄﺒﻴﻌﻲ .. ﺗﺤﺪﺭ ﻋﻨﺪﻱ ﻭﺩﺍﺭ ﺍﻳﺪﻳﻪ ﻋﻠﻰ ﺍﻟﻨﺎﻣﻮﺳﻴﺔ .. ﻣﻘﺪﺭﺗﺶ ﻧﺘﺤﺮﻙ ﻭﺑﻘﻴﺖ ﻛﻨﺪﻭﺭ ﻓﻌﻴﻨﻴﺎ : ﻣـ .. ﻣﻨﺼـ .. ﻑ ! ﺭﻓﻊ ﺣﺠﺒﺎﻧﻮ ،ﺑﺜﻘﺔ ﺑﺎﻟﻨﻔﺲ ﻭﺑﺪﻭﻥ ﻛﻠﻤﺎﺕ : ﺍﻡْ ! ﺑﻘﻴﺖ ﻛﻨﺜﻠﻌﺜﻢ : ﺍﺵ .. ﺍﺵ ﻛـ .. ﻛﺪﻳﺮ ! .. ﺭﺟﻌﺖ ﺑﺮﺍﺳﻲ ﻟﻠﻮﺭ .. ﻭﻫﻮ ﺑﻀﺤﻜﺔ ﺟﻨﺐ ﻭﺑﻨﺒﺮﺓ ﺻﻮﺕ ﻫﺎﺩﺋﺔ : ﺍﺵ ﻛﻨﺪﻳﺮ .. ﻣﻜﻨﺪﻳﺮ ﻭﺍﻟﻮ ! ﺣﺴﻴﺖ ﺑﻘﻠﺒﻲ ﻏﻴﻨﻔﺎﺟﺮ ﻓﺪﻳﻚ ﺍﻟﻮﻗﺖ ﻳﺎﻻﻩ ﻛﻨﻔﻜﺮ ﻓﺸﻲ ﺣﺎﺟﺔ ﻧﻘﻮﻟﻬﺎ ﺯﺍﺩ ﻗﺮﺏ ﻟﻴﺎ ﻭﻫﻤﺲ ﻟﻲ ﻓﻮﺩﻧﻲ : ﺑﻐﻴﺖ ﻧﻬﺰ ﺣﻮﺍﻳﺠﻲ .. ﺟﺎﻟﺴﺔ ﻋﻠﻴﻬﻢ ! ﺩﺭﺕ ﺑﺎﻟﺰﺭﺑﺔ ﺷﻔﺖ ﺍﻳﺪﻳﻪ ﻣﺤﻄﻮﻃﻴﻦ ﻋﻠﻰ ﺣﻮﺍﻳﺠﻮ ؛ﻫﺰﻳﺖ ﻓﻴﻪ ﺭﺍﺳﻲ : ﺍﻩ ﻣﺮﺩﻳﺘﺶ ﻟﺒﺎﻝ ! ﻳﺎﻻﻩ ﺑﻐﻴﺖ ﻧﻮﺽ ﻭﻫﻮ ﻳﻬﺰﻧﻲ .. ﺑﻘﻴﺖ ﻣﺼﺪﻭﻣﺔ .. ﻭﺗﻢ ﻏﺎﺩﻱ ﺑﻴﺎ ﻟﺠﻴﻬﺔ ﻟﺒﺎﻟﻜﻮﻥ : ﻟﻴﻮﻡ ﻧﻄﻮﻋﻚ ﻟﻴﻮﻡ ﻧﺸﻮﻑ ﻭﺍﺵ ﻟﻜﺮﻭﭬﻴﺖ ﻛﻴﻘﺪﺭ ﻳﻄﻴﺮ ﻭﻻ ﻻ ! ﺍﻳﺴﺤﺎﺑﻠﻲ ﻛﻴﻀﺤﻚ ﻭﻟﻜﻦ ﻓﺎﺵ ﻭﻗﻒ ﻭﺑﺪﺍ ﻛﻴﻬﺪﺩ ﺑﻠﻲ ﻏﻴﻠﻮﺣﻨﻲ ﺗﺨﻠﻌﺖ .. ﺑﺪﻳﺖ ﻛﻨﺘﺮﻛﻞ ﻭﻛﻨﻐﻮﺕ : ﻧﺰﻟﻨﻲ ﺍﻟﻤﺴﻄﻲ .. ﻏﺘﻘﺘﻠﻨﻲ ﺑﺎﻏﻲ ﺗﺼﻔﻴﻬﺎ ﻟﻴﺎ .. ﻭﺗﻌﻠﻘﺖ ﻓﻴﻪ ﺑﻘﻴﺖ ﻛﻨﺘﺮﻛﻞ ﻭﻧﺠﺪﺏ ﺣﺘﻰ ﻫﻮ ﺑﺮﺍﺳﻮ ﺗﺨﻠﻊ ﻧﺰﻟﻨﻲ : ﻫﺎﻧﺘﻲ ﺭﺍﻩ ﻏﻴﺮ ﻛﻨﻀﺤﻚ ﻣﻌﺎﻙ ﻣﺎﻟﻨﻲ ﻣﺴﻄﻲ ﻧﺪﻳﺮﻫﺎ ﺑﺼﺢ ! ﺟﻤﻌﺖ ﺷﻌﺮﻱ ﻭﺑﺪﻳﺖ ﻛﻨﻘﺎﺩ ﻓﺤﻮﺍﻳﺠﻲ : ﺷﻮﻑ ﺍﻟﻠﻪ ﻳﺮﺣﻢ ﺑﺎﻙ ﺍﺧﺮ ﻣﺮﺓ ﺩﻳﺮ ﻣﻌﺂﻳﺎ ﻫﺎﺩ ﺍﻟﻀﺤﻚ،ﻭﻛﻮﻥ ﺯﻟﻘﺖ ﻭﻃﺤﺖ ﺩﻳﺎﻝ ﺑﺼﺢ ! ﺧﻼﻧﻲ ﻛﻨﻬﺪﺭ ﻭﻧﻐﻮﺕ ﻭﻫﻮ ﻣﺸﺎ ﻫﺰ ﺣﻮﺍﻳﺠﻮ : ﻛﻤﺸﺘﻴﻬﻢ ﺩﺍﺑﺎ ﺧﺎﺻﻨﻲ ﻧﺼﻠﺤﻬﻢ ! ﺯﺩﺕ ﻛﻌﻴﺖ : ﻭﺍﺵ ﺍﻧﺎ ﻛﻨﻬﺪﺭ ﻣﻌﺎﻙ ﻭﻧﺘﺎ ﻛﺘﻔﻼ ! ﺩﺍﺭ ﻋﻨﺪﻱ ﻭﻫﻮ ﻣﻌﺼﺐ : ﺍﺵ * ﺑﻐﻴﺘﻲ ﻧﺪﻳﺮ ﻛﻨﻀﺤﻚ ﻣﻌﺎﻙ ﻛﺘﻘﻠﺒﻴﻬﺎ ﻣﻀﺎﺭﺑﺔ،ﻛﻨﺪﻳﺮ ﻟﻴﻚ ﺣﻮﺍﻳﺞ ﺯﻭﻳﻨﻴﻦ ﻳﻌﺠﺒﻮﻙ ﻛﺘﻌﺎﻣﻠﻲ ﺑﺒﺮﻭﺩﺓ .. ﻛﻨﺒﻐﻲ ﻧﻬﺪﺭ ﻣﻌﺎﻙ ﻛﺘﺒﺪﺍﻱ ﺗﻨﻮﺍﻱ ﺑﻘﻴﺖ ﺳﺎﻛﺘﺔ ﻭﻛﻨﺪﻳﺮ ﺍﻋﺎﺩﺓ ﺍﻟﺘﻔﻜﻴﺮ : ﻓﻴﻦ ﻋﻤﺮﻧﻲ ﺗﻌﺎﻣﻠﺖ ﻣﻌﺎﻙ ﺑﺒﺮﻭﺩﺓ،؟
ﺷﺎﻑ ﻓﻴﺎ ﺑﻴﺄﺱ : ﻧﻬﺎﺭ ﻛﺘﺒﺖ ﻟﻴﻚ ﺍﻭﻝ ﻣﺮﺓ ﻟﺤﺘﻲ ﻟﻮﺭﻗﺔ .. ﻭﻟﻴﻮﻣﺎ ﺣﺘﺎ ﻫﻮ ﻧﻬﺎﺭ ﻛﺎﻣﻞ ﻣﻴﺴﺎﺝ ﻣﻘﺪﺭﺗﻲ ﺗﻜﺘﺒﻴﻪ .. ﻭﻻ ﻣﺎﻣﺴﺎﻟﻴﺎﺵ !! ﻳﺎﻻﻩ ﺑﻐﻴﺖ ﻧﻬﺪﺭ ﺟﺮ ﺣﻮﺍﻳﺠﻲ ﻭﺧﺮﺝ .. ﺑﻘﻴﺖ ﻭﺍﻗﻔﺔ .. ﻭﻛﻨﻔﻜﺮ .. ﻭﺍﻗﻴﻼ ﻇﻠﻤﺘﻮ ﻣﻮﺣﺎﻝ ﻭﺍﺵ ﻛﻴﻘﺮﺍ ﺍﻟﻤﺬﻛﺮﺓ ﻛﻮﻥ ﻗﺮﺍﻫﺎ ﻛﻮﻥ ﻋﺮﻑ ﺍﻥ ﺍﻱ ﺣﺎﺟﺔ ﻛﻴﺪﻳﺮﻫﺎ ﻟﻲ ﻛﺘﻌﻨﻲ ﻟﻴﺎ ﺑﺰﺍﻑ ﺩﻳﺎﻝ ﻟﺤﻮﺍﻳﺞ .. ﺑﻘﻴﺖ ﺗﺎﺑﻌﺎﻩ .. ﺑﻐﻴﺖ ﻏﻴﺮ ﻧﻬﺪﺭ ﻣﻌﺎﻩ ﻣﻜﻴﻌﻄﻴﻨﻴﺶ ﻭﻗﺖ .. ﻭﺣﺘﻰ ﻓﺎﺵ ﺑﻐﺎ ﻳﻨﻌﺲ ﻋﻄﺎﻧﻲ ﺑﻈﻬﺮﻭ ... ﻓﻘﺖ ﺍﻟﺼﺒﺎﺡ ﻭﺍﻧﺎ ﻣﻐﻮﺑﺸﺔ ﻟﻲ ﻫﺪﺭ ﻣﻌﺎﻳﺎ ﻧﺸﻌﻞ ﻓﻴﻪ .. ﺟﺒﺪﺕ ﻟﻜﺘﺎﺏ ﻧﺎﻭﻳﺔ ﻧﺤﺮﻗﻮ ﻳﺎﻻﻩ ﺣﻠﻴﺘﻮ ﻣﻠﻘﻴﺘﺶ ﺍﻟﺸﻌﺮﺓ ﻟﻲ ﻋﻠﻤﺘﻮ ﺑﻴﻬﺎ .. ﺻﺎﻓﻲ ﻣﻨﺼﻒ ﻛﻴﻘﺮﺍ ﻫﺎﺩﺷﻲ ﻛﺎﻣﻞ .. ﺍﻳﻮﺍ ﻛﻨﺤﻠﻢ .. ﻧﺤﻠﻢ ﻭﻧﻄﻠﺐ ﺷﻲ ﺣﺎﺟﺔ ﻛﺒﻴﺮﺓ ﻧﻴﺖ .. ﻋﻤﺮﺕ ﺩﻳﻚ ﻟﻮﺭﻗﺔ ﻣﺰﻳﺎﻥ ﻭﺣﻄﻴﺘﻮ ﻓﺒﻼﺻﺘﻮ،ﻭﻓﺎﺵ ﺭﺟﻊ ﺑﻘﻴﺖ ﺭﺍﺩﺓ ﻣﻌﺎﻩ ﻟﺒﺎﻝ ! ﺩﺧﻞ ﻟﻠﺒﻴﺖ ﻟﻘﺎﻧﻲ ﻛﻨﺘﺴﻨﺎﻩ .. ﻣﺸﺎ ﻟﺒﺎﻟﻜﻮﻥ ﻭﺟﻠﺲ ﺷﺤﺎﻝ ﻭﻫﻮ ﺟﺎﻟﺲ ﻛﻴﺘﺴﻨﺎﻧﻲ ﻧﺨﺮﺝ ﻭﺍﻧﺎ ﻣﺒﻐﻴﺘﺶ ﻧﺨﺮﺝ ،ﺣﺘﻰ ﻋﻴﺎ ،، ﻧﻀﺖ ﻭﻫﻮ ﻳﻬﺰ ﺭﺍﺳﻮ : ﻓﻴﻦ ﻏﺎﺩﻳﺔ ! ﺿﺤﻜﺖ : ﻧﻤﺸﻲ ﻋﻨﺪ ﻛﻮﺛﺮ ! ﺧﺮﺟﺖ ﻛﻨﺠﺮ ﻓﺮﺟﻠﻲ،ﺣﻠﻴﺖ ﻟﺒﺎﺏ ﺧﺮﺟﺖ ﻭﻋﺎﻭﺕ ﺩﺧﻠﺖ ﻭﺍﻧﺎ ﻛﻨﺘﺴﻠﺖ ،ﺳﺪﻳﺖ ﻟﺒﺎﺏ،ﺑﺎﻥ ﻟﻲ ﻧﺎﺽ ﻛﻴﺠﺮﻱ ﻟﻠﻤﺤﺒﻖ ﻭﺟﺎﺑﺪ ﻟﻜﺘﺎﺏ ﻭﻣﺮﺑﻊ ﻓﺎﻻﺭﺽ ﻭﻛﻴﻘﺮﺍ : ﺍﻳﻮﺍ ﻧﺸﻮﻓﻮ ﺍﺵ ﻛﺎﺗﺒﺔ ﺣﻨﺎﻥ ﻟﻴﻮﻭﻡ ﻭﻛﻴﻀﺤﻚ ! ﻛﺘﻀﺤﻚ ﻋﻠﻴﺎ ﻭﺍﺧﺔ .. ﺑﺪﺍ ﻛﻴﻘﺮﺍ : "" ﺍﻧﺎ ﺑﻘﺎ ﻓﻴﺎ ﻟﺤﺎﻝ ﺑﺰﺍﻑ .. ﻣﻨﺼﻒ ﺩﻳﻤﺎ ﻛﻴﻬﺪﺭ ﻣﻌﺎﻳﺎ ﺧﺎﻳﺐ .. ﻣﻜﺮﻫﺘﺶ ﻳﺸﺮﻱ ﻟﻴﺎ ﺷﻲ ﺳﺮﺗﻠﺔ ﺩﻳﺎﻝ ﺍﻟﺪﻫﺐ ﻭﺷﻲ ﻣﻀﻤﺔ ﻭﺷﻲ ﺑﺎﺭﻃﻤﺔ ﻓﺎﻟﺠﺪﻳﺪﺓ ﻭﻳﻜﺘﺒﻬﺎ ﻓﺴﻤﻴﺘﻲ ﻭﺩﻳﺮ ﻟﻴﺎ ﺣﺘﻰ ﺍﻧﺎ ﻃﻮﻣﻮﺑﻴﻞ،،،ﻣﻌﺮﻓﺖﺵ ﻭﻟﻜﻦ ﺍﻳﻼ ﻣﺎﺩﺍﺭﺵ ﻫﺎﺩﺷﻲ .. ﺍﻧﺎ ﻣﻤﻜﻦ ﻧﻄﻠﺐ ﺍﻟﻄﻼﻕ ﻻﻥ ﯕﺎﻉ ﺍﻟﺮﺟﺎﻝ ﻟﻲ ﻛﻴﺒﻐﻴﻮ ﻋﻴﺎﻻﺗﻬﻢ ﻛﻴﺘﻬﻼﻭ ﻓﻴﻬﻢ ﻭﻫﻮ ﻣﻜﻴﺘﻬﻼﺵ ﻓﻴﺎ "" ﺳﺪ ﻟﻜﺘﺎﺏ ﻭﻻﺣﻮ ﻭﻫﻮ ﻣﺼﺪﻭﻡ ﻳﺎﻻﻩ ﺑﻐﻴﺖ ﻧﻘﺰ ﻋﻠﻴﻪ،ﻋﺎﻭﺩ ﺷﺪ ﻟﻜﺘﺎﺏ ﻭﻛﺘﺐ ﺷﻲ ﺣﺎﺟﺔ ﻓﻴﻪ ! ﺗﺴﻨﻴﺘﻮ ﺣﺘﻰ ﺭﺟﻌﻮ ﻟﺒﻼﺻﺘﻮ .. ﻳﺎﻻﻩ ﺧﺮﺝ ﻣﻦ ﻟﺒﺎﻟﻜﻮﻥ ﺩﺍﺭ ﻟﻘﺎﻧﻲ ﻣﺘﻜﻴﺔ ﻋﻠﻰ ﻟﺤﻴﻂ ﻭﻣﺮﺑﻌﺔ ﺍﻳﺪﻳﺎ ﻭﻛﻨﺸﻮﻑ ﻓﻴﻪ : ﻛﺘﻌﺎﻣﻠﻲ ﺑﺒﺮﻭﺩﺓ ﻭﻧﺘﺎ ﻛﺘﻘﺮﺍ ﻛﻠﺸﻲ ! ﻣﻦ ﺍﻟﺼﺪﻣﺔ ﺩﻳﺎﻟﻮ ﻣﻠﻘﺎ ﻣﻴﻘﻮﻝ ﺑﺪﺍ ﻛﻴﻀﺤﻚ ﺗﻰ ﻭﺟﻬﻮ ﻭﻻ ﺣﻤﺮ ... ﻭﺍﻧﺎ ﺗﺎﺑﻌﺎﻩ ﻣﺤﺸﻤﺘﻴﺶ ! ﺟﺒﺪ ﺧﺪﻣﺘﻮ ﻭﺑﺪﺍ ﻛﻴﻘﻠﺐ ﻓﻠﻮﺭﺍﻕ ﻭﺑﺎﻗﻲ ﺷﺎﺩ ﺍﻟﻀﺤﻜﺔ .. ﻭﺍﻧﺎ ﺗﻐﺮﻏﺮﻭ ﻟﻲ ﻋﻴﻨﻴﺎ : ﻫﻲ ﻛﻠﺸﻲ ﻛﺎﻥ ﻛﺪﻭﺏ .. ﻳﻠﻜﺪﺍﺏ ﻳﻠﻤﻨﺎﻓﻖ ،،ﻭﻛﺘﻘﻠﺐ ﻟﻲ ﻓﻤﺴﺎﺋﻠﻲ ﻟﺨﺎﺻﺔ ! ﻻﺡ ﻟﻮﺭﺍﻕ ﻣﻦ ﺍﻳﺪﻳﻪ ﻭﺟﺮﻧﻲ ﻟﻌﻨﺪﻭ : ﻣﻜﺪﺑﺘﺶ ﻋﻠﻴﻚ ﻗﻠﺘﻲ ﺑﻐﻴﺘﻲ ﻟﻮﺭﺩ ﺟﺒﺘﻮ ﻟﻴﻚ،ﺑﻐﻴﺘﻲ ﺷﻌﺮ ﻛﺘﺒﺘﻮ ﻟﻴﻚ . ﺷﻨﺎﻫﻴﺔ؟ﻣﺴﻤﻴﺎﻧﻲ ﺍﻟﺮﺟﻞ ﺍﻟﺤﺪﻳﺪﻱ ! ﻫﻪ ﻣﻦ ﻧﻴﺘﻚ .!! ﻭﻟﻜﻦ ﺭﺍﻙ ﺻﺪﻣﺘﻴﻨﻲ .. ﻣﻴﺴﺤﺎﺑﻠﻠﻴﺶ ﻧﺘﻲ ﺳﺎﻫﻠﺔ ،،ﻏﻴﺮ ﻟﻮﺭﺩ ﻭﺷﻲ ﻛﻠﻴﻤﺎﺕ ﺍﺵ ﺩﺍﺭﻭ ﻓﻴﻚ ﻭﻛﻮﻥ .
ﻗﺎﻃﻌﺘﻮ ﻭﺍﻧﺎ ﺣﺎﺩﺭﺓ ﺭﺍﺳﻲ ﻭﺑﺼﻮﺕ ﻓﻴﻪ ﻟﺒﻜﺎ : ﻭﺑﻐﻴﺘﻚ ﺗﺒﻐﻴﻨﻲ .. ﻋﻨﺪﻙ ﻟﺤﻖ ﺳﺎﻫﻠﺔ ﺑﻌﺪﺕ ﻋﻠﻴﻪ ﻭﺑﻐﻴﺖ ﻧﺨﺮﺝ ،ﺷﺪﻟﻲ ﺑﺎﻳﺪﻱ : ﻭﺧﻠﻴﻨﻲ ﻧﻜﻤﻞ .. ﻭﺩﻳﻚ ﺍﻟﺴﺎﻋﺔ .. ﺟﺮﻳﺖ ﺍﻳﺪﻱ ﻭﺩﻓﻌﺘﻮ : ﺑﻌﺪ ﻣﻨﻲ ﻣﺘﻘﺮﺑﺶ ﻟﻴﺎ،،ﻫﻮ ﻛﺎﻥ ﻣﺼﺮ ﻳﺸﺪﻧﻲ ﺑﺎﻥ ﻟﻲ ﻛﺎﺱ ﻟﻤﺎ ﻫﺰﻳﺘﻮ ﺧﻮﻳﺘﻮ ﻋﻠﻴﻪ ! ﺣﺪﺭ ﺭﺍﺳﻮ ﻛﻴﺸﻮﻑ ﻓﺤﺎﻟﺘﻮ .. ﺗﺨﻠﻌﺖ ﻭﺑﺪﻳﺖ ﻛﻨﺮﺟﻊ ﺑﺎﻟﻠﻮﺭ،ﻫﺰ ﻗﺮﻋﺔ ﻟﻤﺎ ﻭﺧﻮﺍﻫﺎ ﻋﻠﻴﺎ ﻛﺎﻣﻠﺔ .. ﻫﺰﻳﺖ ﻓﻴﻪ ﻋﻴﻨﻴﺎ : ﻧﺎﺭﻱ ﻓﺰﯕﺘﻲ ﻟﻴﺎ ﺣﻮﺍﻳﺠﻲ .. ﻫﺰﻳﺖ ﺍﻳﺪﻱ ﻭﻋﻄﻴﺘﻮ ﺿﺮﺑﺔ ﻟﻠﺮﺍﺱ ! ﺷﺪ ﻓﺮﺍﺳﻮ : ﻛﻀﺮﺑﻲ؟ ﺍﺟﻲ ﻟﻬﻨﺎ ،،ﺍﻳﻼ ﺧﻠﻴﺖ ﻓﻴﻚ ﺷﻲ ﻋﻈﻢ ﺻﺤﻴﺢ ﻣﻨﺘﺴﻤﺎﺵ ! ﺣﻠﻴﺖ ﻟﺒﺎﺏ ﻭﻃﻠﻌﺖ ﻛﻨﺠﺮﻱ ﻟﻠﺴﻄﺢ ،ﻛﻨﺠﺮﻱ ﻭﻣﺨﻠﻮﻋﺔ ﻭﻗﻠﺒﻲ ﻛﻴﺘﺴﺎﺑﻖ ﻣﻌﺎﻳﺎ .. ﻭﻫﻮ ﺗﺎﺑﻌﻨﻲ ﻭﻛﻴﺘﺤﻠﻒ ﻋﻠﻴﺎ ! ﻃﻠﻌﺖ ﻟﻠﺴﻄﺢ ﻭﺳﺪﻳﺖ ﻟﺒﺎﺏ ﻋﻠﻴﺎ ،ﻭﻫﻮ ﻛﻴﺪﻕ : ﺣﻠﻲ .. ﺣﻠﻲ ﻣﻐﻨﺪﻳﺮ ﻟﻴﻚ ﻭﺍﻟﻮ ﻏﺎﺩﻱ ﻏﻴﺮ ﻧﻬﻀﺮ ﻣﻌﺎﻙ ! ﺑﻘﻴﺖ ﻛﻨﻌﻮﺝ ﻓﻴﻪ ﻣﻦ ﻭﺭﺍ ﻟﺒﺎﺏ ﺣﺘﻰ ﻃﻠﻊ ﻟﻴﻪ ﺍﻟﺪﻡ : ﻣﺒﻐﻴﺘﻴﺶ ﺗﺤﻠﻲ ﻋﻠﻰ ﺧﺎﻃﺮﺓ ... ﻭﺳﻤﻌﺘﻮ ﻫﺎﺑﻂ ﻣﻊ ﺍﻟﺪﺭﻭﺝ ! ﺳﻠﺖ ﻋﻠﻰ ﺍﻻﺭﺽ ﻭﺗﻜﻴﺖ ﻋﻠﻰ ﻟﺒﺎﺏ ﻭﺍﻧﺎ ﻛﻨﻬﺞ ﻭﻛﻨﻀﺤﻚ : ﺍﻳﻮﺍ ﺗﻌﻠﻢ ﺗﻠﻌﺐ ﻣﻊ ﻟﻲ ﻛﺒﺮ ﻣﻨﻚ ! ﺳﻤﻌﺖ ﺷﻲ ﺣﺪ ﻃﺎﻟﻊ ﻟﻠﺪﺭﻭﺝ،ﻗﻄﻌﺖ ﻟﺤﺲ ﻭﺳﻤﻌﺖ ﺍﻟﺴﺎﺭﻭﺕ ﻛﻴﺪﻭﺭ ﻓﻠﺒﺎﺏ : ﺍﻳﻮﺍ ﺑﻘﺎﻱ ﻫﻨﺎ ﻣﻐﻨﺤﻞ ﻟﻴﻚ ﺣﺘﻰ ﺗﺴﺘﺴﻠﻤﻲ ﻫﻪ ﺑﻘﻴﺖ ﻛﻨﺪﻕ : ﺣﻞ ﻟﺒﺎﺏ ! ﻗﺮﺏ ﺣﺪﺍ ﻟﺒﺎﺏ ﻭﻗﺎﻟﻲ : ﺍﻳﻼ ﺣﻠﻴﺖ ﻏﺘﺤﻠﻲ ﻟﺒﺎﺏ ﻭﻏﺘﺴﺘﺴﻠﻤﻲ ﻭﺗﻌﺘﺎﺫﺭﻱ؟؟ ﺩﺭﺕ ﻭﺍﺣﺪ ﺍﻟﻀﺤﻜﺔ : ﺷﻨﺎﻫﻲ ؟ ﺯﻭﻳﻨﺔ ﻋﻨﺪﻙ ﻫﺎﺩﻱ ﺍ ﺑًﺎ ﻣﻨﺼﻒ .. ﻫﺎﺩﺷﻲ ﻟﻲ ﺑﻘﺎ ! ﺳﺪ ﻋﻠﻴﺎ ﺣﺴﻦ ! ﻗﺎﻟﻴﺎ : " ﺑًﺎ ﻣﻨﺼﻒ ؟ " ﻧﺘﻲ ﺑﻨﺘﻲ ﻟﻴﺎ ﻋﺎﺟﺒﻚ ﻟﺤﺎﻝ ﺍﻳﻮﺍ ﺧﻠﻴﻚ ،،ﺭﺍﻙ ﻣﺤﺘﺎﺟﺔ ﺗﺒﻘﺎﻱ ﺑﻮﺣﺪﻙ،ﻳﺎﻛﻤﺎ ﻧﺠﻴﺐ ﻟﻴﻚ ﻟﻤﺬﻛﺮﺓ ﺗﻜﺘﺒﻲ ﻓﻴﻬﺎ " ﻣﻨﺼﻒ ﺣﻞ ﻟﻴﺎ ﻟﺒﺎﺏ " !! ﺿﺮﺑﺖ ﻓﻠﺒﺎﺏ ﺑﺎﻟﺠﻬﺪ : ﺍﻟﻠﻬﻢ ﻧﺒﻘﺎ ﻫﻨﺎ ﻭﻻ ﻧﺠﻠﺲ ﻣﻌﺎﻙ ! ﻛﻴﻒ ﻗﻠﺘﻬﺎ ﻟﻴﻪ،ﺗﻘﻄﻊ ﺣﺴﻮ .. ﺩﺭﺕ ﻭﺩﻧﻲ ﻋﻠﻰ ﻟﺒﺎﺏ ﺳﻤﻌﺖ ﺻﻮﺕ ﺧﻄﻮﺍﺗﻮ ﻭﻫﻮ ﻧﺎﺯﻝ ﻣﻦ ﺍﻟﺪﺭﻭﺝ ! ﻧﺎﺭﻱ ﻭﺍﻟﻠﻪ ﺍﻳﻼ ﻣﺸﺎ .. ﺑﻘﻴﺖ ﻓﺪﺍﻙ ﺍﻟﺴﻄﺢ ﻛﻨﺘﺒﺮﺩ ﻣﺸﻴﺖ ﻟﻠﺒﻴﺖ ﻟﻲ ﻛﺎﻥ ﺗﻤﺎ ﺑﻐﻴﺖ ﻧﺤﻠﻮ ﻟﻘﻴﺘﻮ ﻣﺴﺪﻭﺩ .. ﻋﻠﻰ ﺯﻫﺮ ﻋﻨﺪﻱ .. ﺑﻘﻴﺖ ﻛﻨﺘﺒﺮﺩ ﺗﻤﺎ ﺣﺘﻰ ﻧﺸﻔﻮ ﻋﻠﻴﺎ ﺣﻮﺍﻳﺠﻲ .. ﺑﻘﻴﺖ ﻛﻨﺘﺴﻨﺎ ﺯﻋﻤﺎ ﻳﻠﻌﻦ ﺍﻟﺸﻴﻄﺎﻥ ﻭﻳﺠﻲ ﻳﺤﻞ ﻋﻠﻴﺎ،ﻭﻟﻜﻦ ﻣﺎﺟﺎﺵ،ﻭﻧﻴﺖ ﻭﺍﺧﺔ ﻳﺠﻲ ﻭﺍﻟﻠﻪ ﻟﻨﺰﻟﺖ ﻟﻴﻪ ! ﺗﻜﻮﺭﺕ ﻓﻠﻤﻠﺤﻔﺔ ﻭﻧﻌﺴﺖ .. ﻧﺎﺭﻱ 6 ﺍﻟﺼﺒﺎﺡ ﻭﺍﻟﺸﻤﺶ ﻛﺘﺸﻮﻁ ﻓﻴﺎ .. ﻧﻀﺖ ﻧﻘﻠﺐ ﻋﻠﻰ ﺷﻲ ﺿﻠﻴﻠﺔ ﻧﺠﻠﺲ ﻓﻴﻬﺎ ﻭﻧﻜﻤﻞ ﻓﻴﻬﺎ ﻧﻌﺎﺳﻲ .. ﻭﺍﻟﻮ ﻣﺎﻛﺎﻳﻦ ﻏﻴﺮ ﺍﻟﺸﻤﻮﺷﺎﺕ ... ﻭﻟﺒﻴﺖ ﻣﺴﺪﻭﺩ ،،ﺟﺎﺗﻨﻲ ﻟﺒﻜﻴﺔ،،ﺗﻔﻜﺮﺕ ﻣﺎﻣﺎ ﻭﺑﺎﺑﺎ ﻭﺧﻮﻳﺎ .. ﺑﻘﺎ ﻓﻴﺎ ﻟﺤﺎﻝ .. ﻛﻨﺘﺴﻨﻰ ﺷﻲ ﺣﺪ ﻳﺤﻞ ﻋﻠﻴﺎ .. ﻭﻫﻮ ﻧﺴﺎﻧﻲ ؟ ﻭﻻ ﺧﻼﻧﻲ ﻫﻨﺎ ،،ﻏﻴﻜﻮﻥ ﺩﺍﺭﻫﺎ ﺑﻠﻌﺎﻧﻲ...
ﻣﻮﺻﻼﺕ 12 ﺩﻳﺎﻝ ﺍﻟﻨﻬﺎﺭ ﺣﺘﻰ ﻭﻟﻴﺖ ﻛﻨﻬﻠﻮﺱ .. ﺷﺤﻔﺖ ﺑﺤﺎﻻ ﻛﻨﺖ ﻏﺎﺩﻳﺔ ﻓﺎﻟﺼﺤﺮﺍ .. ﻓﻴﺎ ﺍﻟﺠﻮﻉ ﻭﻟﻌﻄﺶ .. ﺑﺪﺍﺕ ﻛﺘﺒﺎﻥ ﻟﻲ ﺍﻟﻀﺒﺎﺑﺔ ! ﺑﺪﻳﺖ ﻛﻨﻔﻴﻖ ،،ﺍﻧﺎ ﻓﻠﺒﻴﺖ ﺣﻠﻴﺖ ﻋﻴﻨﻴﺎ ﺷﻮﻳﺔ ﻟﻘﻴﺖ ﻣﻨﺼﻒ ﺷﺎﺩ ﻟﻲ ﻓﺎﻳﺪﻱ ﺳﻤﺤﻲ ﻟﻴﺎ .. ﻏﻤﻀﺖ ﻋﻴﻨﻴﺎ ﻭﺩﺭﺕ ﺭﺍﺳﻲ ﻧﺎﻋﺴﺔ ﻭﺍﻧﺎ ﻛﻨﺴﻤﻊ ﻟﻴﻪ ﺍﺵ ﻛﻴﻘﻮﻝ : ﺳﻤﺤﻲ ﻟﻴﺎ .. ﻋﺎﺭﻑ ﺭﺍﺳﻲ ﻣﻤﺰﻳﺎﻧﺶ ﻭﻧﺘﻲ ﺗﺴﺘﺎﻫﻠﻲ ﺣﺴﻦ ﻣﻨﻲ،،ﻧﺘﻲ ﻭﻟﻴﺘﻲ ﺣﻴﺎﺗﻲ ... ﻭﺍﻟﻠﻪ ﻟﻌﻈﻴﻢ ﺍﻳﻼ ﻛﻨﺒﻐﻴﻚ .. ﺭﺍﻩ ﺍﻧﺎ ﻟﻲ ﻣﻨﻲ ﻟﻤﺸﻜﻞ ﻣﻜﻨﻘﺪﺭﺵ ﻧﻌﺘﺎﺭﻑ ﻛﻨﺘﻤﻨﻰ ﺗﻜﻮﻧﻲ ﺗﺴﻤﻌﻴﻨﻲ .. ﻭﺍﻧﺎ ﻣﻐﻤﻀﺔ ﻋﻴﻨﻴﺎ ﺑﺘﺎﺳﻤﺖ ﺑﺪﻭﻥ ﺷﻌﻮﺭ .. ﻭﻓﺎﺵ ﻋﻨﻘﻨﻲ ﻫﺰﻳﺖ ﺍﻳﺪﻱ ﻭﻋﻨﻘﺘﻮ ! ﺷﺎﻑ ﻓﻴﺎ ﻭﻫﻮ ﻣﺨﻠﻮﻉ ﻋﻠﻴﺎ : ﻓﻘﺘﻲ ؟ ! ﺑﺪﻳﺖ ﻛﻨﻀﺤﻚ : ﻻ ﺑﺎﻗﻴﺔ ﻧﺎﻋﺴﺔ ! ﻗﺎﻟﻲ : ﻛﻨﻬﺪﺭ ﻣﻌﺎﻙ ﺑﺼﺢ .. ﻳﺎﻻﻩ ﻓﻘﺘﻲ؟ﺑﺎﺵ ﻛﺘﺤﺴﻲ؟ ﺑﺪﻳﺖ ﻛﻨﺘﯖﻌﺪ : ﻣﺰﻳﺎﻥ ﻟﺤﻤﺪ ﻟﻠﻪ .. ﻳﺎﻻﻩ ﺩﺍﺑﺎ ﻓﻘﺖ،ﺍﺵ ﻭﻗﻊ ! ﺗﻐﺮﻏﺮﻭ ﻟﻴﻪ ﻋﻴﻨﻴﻪ : ﺳﻤﺤﻲ ﻟﻴﺎ،ﺳﻤﺤﻲ ﻟﻴﺎ .. ﻋﻄﻴﺖ ﺍﻟﺴﺎﺭﻭﺕ ﻟﻜﻮﺛﺮ ﻭﻗﻠﺖ ﻟﻴﻬﺎ ﺗﺠﻴﺐ ﻟﺤﻮﺍﻳﺞ ﻣﻦ ﺍﻟﺴﻄﺢ ﺑﺎﺵ ﺗﺤﻞ ﻭﻧﺘﻲ ﺗﻨﺰﻟﻲ .. ﺍﻟﻠﻴﻞ ﻛﺎﻣﻞ ﺑﺎﻳﺖ ﻓﺎﻳﻖ ﻋﻨﺪ ﺑﺎﻟﻲ ﻧﺰﻟﺘﻲ ﻭﺑﺘﻲ ﻣﻊ ﻛﻮﺗﺮ ! ﻋـ .. ﻋﻼﺵ ﻛﻀﺤﻜﻲ؟ ﺑﺘﺎﺳﻤﺖ : ﻭﻋﻼﺵ ﻣﺤﻠﻴﺘﻴﺶ ﻟﻲ ﻧﺘﺎ ! ﻋﻼﺵ ﻣﺸﻴﺘﻲ ﻟﻌﻨﺪ ﻛﻮﺛﺮ ،،ﻫﺎﻫﻲ ﻧﺴﺎﺕ ﻭﺍﻧﺎ ﺑﻘﻴﺖ ﺑﺎﻳﺘﺔ ﻓﺎﻟﺴﻄﺢ ! ﺷﺪ ﻟﻲ ﺑﺎﻳﺪﻱ : ﻻﻻ ﻋﺎﻓﺎﻙ .. ﺳﻤﺤﻲ ﻟﻲ،ﻭﺍﻟﻠﻪ ﻣﻘﺼﺪﺕ ! ﺭﺟﻌﺖ ﺗﻜﻴﺖ : ﻣﺎﻛﺎﻳﻦ ﻣﺸﻜﻞ،ﺻﻌﻴﺐ ﻋﻠﻰ ﺍﻟﺮﺟﻞ ﺍﻟﺤﺪﻳﺪﻱ ﻳﺮﺟﻊ ﻓﻜﻠﻤﺘﻮ ﻭﻟﻜﻦ ﻓﺎﻻﺧﻴﺮ ﻋﺘﺎﺫﺭﺗﻲ ﻟﻴﺎ .. ﻧﺘﺎ ﺑﻬﺎﺩ ﺍﻟﺴﻬﻮﻟﺔ .. ﯕﻠﺒﺎﺗﻨﻲ ﺍﻟﺸﻤﺶ ﻭﻛﻠﻚ ﺑﺪﻳﺘﻲ ﻛﺘﺮﻋﺪ ! ﻭﺟﻬﻮ ﻭﻻ ﺣﻤﺮ .. ﻭﺑﺪﺍ ﻛﺪﻳﺮ ﻋﻠﻰ ﻭﺟﻬﻮ ﻟﺒﺮﺩ : ﺍﻭﻑ ﻛﺎﻳﻦ ﺍﻟﺼﻬﺪ .. ﻧﺨﺪﻡ ﻟﻜﻠﻴﻤﺎﺗﻴﺰﻭﺭ ! ﻳﺎﻻﻩ ﻏﻴﻨﻮﺽ ﻭﺍﻧﺎ ﻧﺸﺪ ﻟﻴﻪ ﺑﺎﻳﺪﻳﻪ، ﺣﺪﺭ ﻋﻴﻨﻴﻪ ﻋﻠﻰ ﺍﻳﺪﻱ : ﺣﻨﺎﻥ .. ﺷﻔﺖ ﻓﻌﻴﻨﻴﻪ : ﺑﻐﻴﺖ ﻧﻘﻮﻝ ﻟﻴﻚ ﺷﻲ ﺣﺎﺟﺔ ! ﺩﺍﺭ ﺍﻳﺪﻳﻪ ﺑﺠﻮﺝ ﻋﻠﻰ ﺍﻳﺪﻱ : ﺍﻟﻄﻼﻕ ﻻ ! ﺑﺪﻳﺖ ﻛﻨﻀﺤﻚ : ﻻ ﻫﻬﻪ ﺷﻌﺮ .. ﺟﺎﻟﻲ ﺩﺍﺑﺎ ﻓﺒﺎﻟﻲ ﺣﺘﻰ ﺍﻧﺎ ﻛﻨﻌﺮﻑ ﻧﻌﺒﺮ .. ﺷﺎﻑ ﻓﻴﺎ : ﻫﻴﺎ ﻧﻮﺽ ﺻﺎﻓﻲ .. ﺧﻨﺰﺭﺕ ﻓﻴﻬﺎ ﻭﻫﻮ ﻳﻘﻮﻟﻲ : ﻛﻨﻀﺤﻚ ﻣﻌﺎﻙ .. ﻛﻨﺴﻤﻊ ﺍﺣﻢ ،ﻳﺎﻻﻩ ﺳﻤﻊ
ﺷﺎﻑ ﻓﻴﺎ : ﻫﻴﺎ ﻧﻮﺽ ﺻﺎﻓﻲ .. ﺧﻨﺰﺭﺕ ﻓﻴﻬﺎ ﻭﻫﻮ ﻳﻘﻮﻟﻲ : ﻛﻨﻀﺤﻚ ﻣﻌﺎﻙ .. ﻛﻨﺴﻤﻊ ﺍﺣﻢ ،ﻳﺎﻻﻩ ﺳﻤﻊ : ﺃﻧﺖ ﻣﻨﺼﻔـــﻲ ﻭﻳــﺎﺀ ﺍﻟﻨّﺴﺐ ﺇﻟﻲً ﺗُﻨﺴــﺐُ ﻭﺣﺮﻭﻑ ﺍﺳﻤﻲ ﺑﻌﺪ ﺣﺮﻭﻑ ﺍﺳﻤﻚ ﺗُﻜﺘﺐُ ﻣﺸﺎﻋﺮﻙ ﺍﻟﻲّ ﻓﻲ ﻣَﺤﻞ ﺣُﺐ ﻣﺮﻓﻮﻉ ﻋﻠﻰ ﻋﺮﺵ ﻗﻠﺒﻲ ﺗُﻨﺼًﺐُ ﺍﺳﺘﻨﻈﺮ ﺍﻟﻲ ﻫﻜﺬﺍ ﻻ ﺗﻬﺮﺏ ﻓﺪﻗﺎﺕ ﺍﻟﻘﻠﺐ ﻻ ﺗُﻜﺬًﺏُ ﺳﻤﻌﺘﻚ ﻓﻲ ﺍﻋﺘﺮﺍﻓﻚ ﻭﺍﻧﺖ ﻟﻲ ﺑﻬﺎ ﺗﺘﺤﺪﺙُ ﻧﺎﺋﻤﺔ ﺗﻘﻮﻝ ﺍﻧﻚ ﺗﺤﺒﻨﻲ ﻭﻣﺴﺘﻴﻘﻈﺔ ﺗﺘﺮﺩﺩُ ﻻ ﺗﺨﻒ ﻣﻨﻲ ﻓﺄﻧﺎ ﻻ ﺃﺧﻠﻊ ﻭﻻ ﺍﺿﺮﺏُ ! ﻭﻏﻴﺮ ﻫﺪﺭ ﻣﺮﻳﻀﻨﺎ ﻣﻌﻨﺪﻭ ﺑﺎﺱ ! ﺑﻘﺎ ﻣﺒﻮﺷﻲ .. ﻛﻴﺸﻮﻑ ﻭﻣﺎﻋﺎﺭﻑ ﻣﺎﻳﻘﺪﻡ ﻭﻻ ﻣﻴﺄﺧﺮ : ﺳﻤﻌﺘﻴﻨﻲ ! ﺿﺤﻜﺖ : ﺳﻤﻌﺘﻚ،،ﺭﺍﻩ
ﻣﺎﻓﻴﺎ ﻭﺍﻟﻮ،ﻳﺎﻻﻩ ﻗﻮﻝ ﺑﺎﺳﻢ ﺍﻟﻠﻪ ﻭﺗﻮﻛﻞ ﻋﻠﻰ ﺍﻟﻠﻪ ! ﻃﻠﻖ ﻣﻦ ﺍﻳﺪﻱ ﻭﻧﺎﺽ : ﻣﻦ ﻧﻴﺘﻚ .. ﻛﻨﻬﺪﺭ ﻣﻌﺎﻙ ﻭﻧﺘﺎ ﻋﺎﻃﻴﻨﻲ ﺑﺎﻟﻈﻬﺮ !.. ﻣﺸﺎ ﺟﺎﺏ ﻟﻜﺘﺎﺏ ﻭﺣﻄﻮ ﻟﻲ ﻗﺪﺍﻣﻲ .. ﺷﻔﺖ ﻓﻴﻪ : ﻣﺎﻟﻮ ﻫﺬﺍ .. ﻣﻨﺼﻒ ﻋﺎﻓﺎﻙ ﻟﻤﺮﺓ ﻓﺤﻴﺎﺗﻚ ﻣﺘﺤﺎﻭﻟﺶ ﺗﻬﺮﺏ ،ﺻﺎﻓﻲ ﺭﺍﻩ ﺳﻤﻌﺘﻚ .. ﻣﺎﻓﻴﻬﺎ ﻭﺍﻟﻮ ! ﺣﻄﻮ ﻟﻴﺎ ﻭﻗﺎﻟﻲ : ﻭﺣﻠﻴﻪ ﻭﺷﻮﻓﻲ ﺍﺧﺮ ﻭﺭﻗﺔ ! ﺣﻠﻴﺘﻮﻟﻘﻴﺖ ﺟﻮﺝ ﻭﺭﺍﻕ ﻣﻠﺼﻘﻴﻦ ﻣﻊ ﺑﻌﻀﻬﻢ .. ﻗﺎﻟﻲ ﺣﻠﻴﻬﻮﻡ ﺣﻠﻴﺘﻬﻢ .. ﻭﺟﺒﺪﺕ ﺍﺧﺮ ﻭﺭﻗﺔ : ﺗﻐﺮﻏﺮﻭ ﻟﻠﻲ ﻋﻴﻨﻴﺎ ﻓﺎﺵ ﻟﻘﻴﺘﻮ ﻛﺎﺗﺐ ﻟﻲ : ﺍﺣﺒﻚ ﺍﻛﺮﻭﭬﻴﺘﺎ ! ﺷﺎﻑ ﻓﻴﺎ ﻭﻗﺎﻟﻲ : ﻛﺘﺒﺘﻬﺎ ﺑﺎﺵ ﻓﺎﺵ ﺗﻮﺻﻠﻲ ﻻﺧﺮ ﻭﺭڨ ﺗﻠﻘﺎﻳﻨﻲ ﻛﺎﺗﺒﻬﺎ ﻟﻴﻚ ! ﻫﺰﻳﺖ ﻟﻜﺘﺎﺏ ﻭﻋﻄﻴﺖ ﻟﻴﻪ ﻟﻠﺮﺍﺱ : ﻣﺤﺸﻤﺘﻴﺶ .. ﺍﻩ ﻇﻬﺮﻱ ﻣﻴﻤﺘﻲ ﻋﻠﻰ ﻫﺬﺍ ،ﻭﺍﺵ ﺁﻧﺎ ﻏﻨﺒﻘﺎ ﻧﻜﺘﺐ ﻭﻧﻜﺘﺐ ﻭﻧﻜﺘﺐ ﺍﺟﺎﻣﺎﻭﺻﻠﻨﻲ ﻟﻬﻨﺎ ﻭﻣﻠﺼﻘﻬﻢ ﺑﺎﺵ ﺍﻧﺎ ﻣﺎﻧﺪﻱ ﻣﻨﺠﻴﺐ .. ﻭﻓﻌﻮﺽ ﺗﻀﻴﻊ ﻟﻮﻗﺖ .. ﻛﺘﺐ ﻭﻟﺼﻖ ﺟﻲ ﻭﻗﻮﻟﻬﺎ ﻟﻲ .. ﻭﺍﺟﻲ ﻣﻨﻴﻦ ﺟﺎﺗﻚ ﺍﻟﻠﺼﻘﺔ؟ ﻫﺰ ﺣﺎﺟﺒﻮ ﻟﻠﺴﻤﺎ : ﻣﺎﻧﻌﺮﻑ ﻟﻘﻴﺘﻬﺎ ﻓﻠﻜﻮﺍﻓﻮﺯ ﺩﻳﺎﻝ ﺩﺍﻛﺸﻲ ﺩﻳﺎﻟﻚ ! ﺷﺪﻳﺖ ﻓﺮﺍﺳﻲ : ﺍﻟﻠﺼﻘﺔ ﺩﻳﺎﻝ ﺍﻟﺸْﻔﺎﺭ ! ﻧﻮﺽ ﻣﻦ ﺣﺪﺍﻳﺎ .. ﺑﺪﺍ ﻛﻴﻀﺤﻚ : ﻋﻼﻩ ﻟﻜﺮﻭﭬﻴﺖ ﻣﻌﻨﺪﻭﺵ ﺍﻟﺸﻔﺎﺭ ﻫﻪ ﻛﻴﻠﺼﻘﻬﻮﻡ ﻫﻬﻬﻪ ﺑﻘﺎ ﻛﻴﻀﺤﻚ ﺧﻠﻴﺘﻮ ﻛﻴﻀﺤﻚ ﻛﻴﻠﻬﺒﻴﻞ ﻭﺍﻧﺎ ﻧﻘﻮﻝ ﻟﻴﻪ : ﺍﻟﻠﺼﻘﺔ ﺩﻳﺎﻝ ﺧﺘﻚ ﻛﻮﺛﺮ ! ﺟﻤﻊ ﺍﻟﻀﺤﻜﺔ : ﺩﻳﺎﻝ ﻛﻮﺛﺮ؟ ﻭﻣﻊ ﺫﻟﻚ ﻫﻬﻪ ﺍﺵ ﻛﻴﺪﻳﺮ ﻋﻨﺪﻙ ﺩﻭﻱ؟ ﻣﺘﺤﺘﺎﺟﻴﺶ ﺭﺍﻙ ﺯﻭﻳﻴﻨﺔ ! ﺣﺪﺭﺕ ﺭﺍﺳﻲ ﻭﺍﻧﺎ ﺣﺸﻤﺎﻧﺔ : ﺷﻜﺮﺍ ! ﺩﺍﺭ ﺍﻳﺪﻳﻪ ﻋﻠﻰ ﺧﺪﻭ ﻭﺑﻘﺎ ﻛﻴﺸﻮﻑ ﻓﻴﺎ ﺗﻨﻬﺪ ﻭﻗﺎﻟﻲ : ﻟﻘﺪ ﻭﻗﻌﺖ ﻓﻲ ﺣﺐ ﻛﺮﻭﭬﻴﺘﺔ .. ﻭﻫﻜﺬﺍ ﺑﺪﺍﺕ ﻗﺼﺔ ﺍﺧﺮﻯ .. ﻓﻌﻨﺪ ﺍﻟﻨﻬﺎﻳﺎﺕ ﻫﻨﺎﻙ ﺍﻣﻞ ﻻﺟﻤﻞ ﺍﻟﺒﺪﺍﻳﺎﺕ
ﺍﻟﻨﻬــــﺎﻳﺔ