قصة الصدمة

مرحبا انا سميتي يونس 22 سنة كنقرا ف الجامعة، عندي صديق واحد ومقرب ليا بزاف، سميتو " عادل" انا وياه كتر من خوت، من الصف الاول د الابتدائي حنا مجموعين، وحتى عائلتي وعائلتو اصدقاء ديما كاينة صلة الرحم بيناتنا. عادل ولد الناس الصلاة والعبادة و القراية وهو الوحيد عند الوالدين ديالو، حيت ماماه (خالتي خديجة) كان عندها مشكل صحي مقاداش تولد و الله عطاها غي عادل ولكن ماشاء الله كانت راضية عليه بزاف. و خالي عبد الله (الاب د عادل) كان تاجر كبير الله عطا ليه الخير كانو عايشين بخير الحمد لله و خالي عبد الله هو شريك د بابا ف الخدمة متفاهمين وديما يد وحدة فالفرح والقرح. فدار عادل كتعيش معاهوم (لمياء) هي ختو بالتبني ملي خالتي خديجة مقداتش تولد كتر تبنات لمياء ملي كان عندها 4 سنين من بعد ما ماتو والديها ف حادثة سير. نوصف ليكوم لمياء : ما طويلة ما قصيرة ، و لكن غليظة بزاف حيت عطاها غي الماكلة حتى خير ماخسها حيت كيعاملوها خير معاملة، الله عطاااها الزين اي واحد يقدر يبغيها من خلال جمالها، ولكن بيني وبينكوم قلبي عمروا رتاح ليها علاش معرفتش احساس من عند الله...

نقوليكوم واحد السر ...نقوليكوم واحد السر : لمياء كانت كتحماق على عادل، ديما تابعاه وكتقولها هالو مباشرة...لمياء : عادل أ عادل مالك مكتفهمنيش انا راني كنبغيك، كنحماق عليك، كنشوفك غي انت فهاد الدنيا، عطينا فرصة متأكد انك تبغيني وترتاح ليا.عادل: اش هاد الهدرة أ لمياء ياك حنا خوت ولا لا تربينا مجوعين من صغر، كيفاش خوت يبغيو بعضياتهوم.لمياء: متضحكش على راسك اعادل بصح تربينا ف دار وحدة ولكن حنا ماشي خوت ، وانا ماما خديجة ملي جابتني عندكوم كان فعمري 4 سنين، يعني مرضعاتنيش باش انا نكون ختك.عادل : لمياء الف مرة كنقوليك انت ختي ختي وعمر هادشي اتبدل ، وحاولي تنساي هادشي وانت مازال صغيرة دابا اجيبليك الله ما حسن.لمياء : انا بغيتك انت وعمرني نستسلم حتى نكسبك.عادل : انا نمشي لافاك بسلامة.شتوو هاد لمياء منوياش تخلي عادل فراحتو، هو كيحاول يتجنبها باي طريقة ولكن هي لاصقة فيه، وعادل كيقولي راها صغيرة دابا دير عقلها...مهم لمياء فعمرها 20 سنة وعادل 22 بحالي . و الوالدين د عادل عارفين مشاعر لمياء ولكن هما عمرهوم مدخلوا بيناتهوم، كيخليوهوم هما يتفاهمو .عادل : الو يونس شتك غبرتي، وفين اصاحبي ؟انا : والله غي معا النعاس، منهار سالينا الامتحانات وانا ناعس عوضت شهرين د السهر والمراجعة




عادل : هههه اوا براكا من نعاس، واصلا رانا محتفلناش بالنجاح ديالنا، شنو رايك نخرجوا نفوجوا شوية.انا : ويييي فكرة زوينة ، ولكن فين؟ واش القهوة ديال ديما ؟عادل: الا اصاحبي ديك القهوة كتفكرني ف الاجواء د الدراسة، خلينا نبدلو شوية، شنو رايك نمشيو لشي قهوة شعبية انا مليت من القهاوي د الناس المرفحين كيجيني الملل .انا : هي لولا، ولكن عارف شي قهوة بالضبط.عادل : لا ولكن نقلبو عطا الله الخير.انا : واخاا اوا الا راك واجد واحد الساعة دوز عليا.عادل : هي هاديك اصاحبي، نتلاقاو.واحد الساعة و نسمع صوت د سيارة عادل، انا ننزل : اهلا بصاحبي ل عزيز ، هاي هاي على الزين جيتي غزال جاني الحسد ههههعادل : هههه ربي خليك، اوا زعما مشيت وشريت لباس جديد، را ديك القراية كانت خارجا علينا كنا كنبانو كي لمسطيين.انا : لا لا هدر على راسك اما خوك ديما زاز .عادل : ياااك العفريت ههههانا : اودي غي كندحكو اصاحبي لعزيز.اوا خرجنا انا نركب مع عادل وتحركنا، ماقلتش ليكوم صاحبي عادل را ماشي نمرة واحد غي ف العقل، حتى الزين، بنات لافاك كيحماقوا عليه، هما لي طيطلبو النمرة والفيس وداكشي..سنبقى معاسنبقىولكن هو مكيديها ف حتى وحدة ديما داخل سوق راسوا...عادل : شنو رايك اسي يونس نوقفوا هنايا ، بانتلي ديك القهوة كيما بغينا...انا : وي نوقفوا هنايا.صاحبي عادل متواضع بزاااف واخا لاباس عليه ديما كيتصرف عادي، و مكيبغيش يمشي لبلايص لي ف الموووستوى، غي ايام الامتحانات ، حيت كيكون فيها الهدوء وكنقدروا نركزوا ماشي بحال البلايص الشعبية الحركة والصدع بزاف.دخلنا ديك القهوة وحنا مع الباب نشمو ريحت الدخان و...عادل : لا لا اصاحبي نرجعوا نقلبوا على بلاصة خرى معاجبنيش لحال من الدخلة لولا.انا: اوا خليك ا صاحبي انا باغا نبقى ، ياك انت قلتي نبدلو لجو.عادل : شتك حماقيتي ، قلنا نبدلو الجو ماشي نكفسوه.انا : واخا واخا الشيخ ديالنا ههههعادل : تحرك تحرك دابا نتفاهم معاك هههركبنا وبدينا ندورو ، كل ما لقينا شي قهوة نقولو نزلوا كيقولي لا لا نقلبوا على وحدة خرى، و سبحاااان الله معارفش بلي كان كيقلب على القدر ديالو، مكانش عارف بلي كيقلب على القهوة لي تغير لو حياتو. عادل: مممم نوقفو هنايا، بانتلي ديك القهوة زوينة.انا : اسيدي غي وقف من صبح وحنا كندورو....




من صبح وحنا كندورو سخفتييينا اصاحبي.عادل: اوا مزيان تبارك الله جالس ف سيارة ومتكي مع راسك وسخفان، وشنو نقولو على الناس لي مساكن ديما غادين راجعين على رجليهوم.انا : واخا اسي الشيخ ، سمحلينا ههههكنقوليه سي الشيخ، حيت ديما كيعطيني ف الفتاوى ههه.النادل : مرحبا بيكوم ، تشربوا شي حاجة ؟عادل : جيبلي كاس د القهوة بالحليب.انا : بحالوا اخويا.النادل : هي لولا.كانت قهوة شعبية ، طلقوا واحد الاغنية د ام كلثوم، فيها ناس كيبانوا على قد حالهوم، وحتى القهوة كانت عادية من ناحية الديكور، لكراسى بالوان مختالفة ، وبانو مكيديروش شي حاجة غي القهوة واتاي.شوية وحنا جالسين ، بغيت نمشي ل الدوش ، انا نسول واحد على بلاصتو، ورالي وانا نمشي ، وانا باغا نحل الباب وانا نسمع شي صوت لداخل...خلييييييني علييييك ، بعد مني بعد منييي...عادل : يونس التيلي ديالك خليتيه على الطابلة ورا ماماك كتصوني ليك.انا : عادل صاحبي كنسمع شي غوات هنا لداخل.عادل : شنو مفهمتش ؟خلييييييييني خلييييييييني .هو عادل اخرج عينو وبلا مايقول اي حرفسنبقى معاسنبقىبلا مايقول اي حرف مشا احل الباب. لقاه مسدود وهو ارجع اللور جا كيجري وهو يدخل فيه وحلوا.كانو تماك جوج واحد راجل شارف 50 سنة هكاك، واحد البنت صغيرة ، كيما فهمت كان باغي يتعدى عليها، ولكن شنو جابها تماك ، ولا شنو علاقتهوم بعضياتهوم مافهمت والو.عادل: بعد عليها اولد الحرااااام.عادل جبد داك الراجل من فوق البنت وبقا نازل عليه بالضرب، عمرني شفت عادل معصب هكاك، حيت هو بطبيعتو شخص هادئ.انا : عادل عادل خليه دابا تقتلواااعادل : بعد منيييي هاد نهار نعلمو كيفاش افكر يقرب ل بنات الناس.هما شوية ادخلو عنا واحد الجوج من هادوك لي بانو لي خدامين ف القهوة، واحد منهوم هو النادل لي ستقبلنا.واحد شد ف عادل واحد فيا خرجونا ورماونا برااا وفهادشي كولو عادل مسكتش بدا كيغوت ندمك اولد الحرااام ندمك ندمك.انا : اوييييلي اصاحبي اش جابنا هنايا، واش هادشي درتي لينا.عادل : كيفاش واش كتهدر بصح ؟ قول الحمد لله حيت جينا هنايا واش كنتي باغي بنت الناس تمشي فيها ولا شنو بغيتينا نسكتوا على الظلم ، را هادش يقدر يوقع لختنا ولا الام ديالنا ولا ...انا : صافي اصاحبي عندك الحق غي لي بغيت نقول




لي بغيت نقول حنا معرفناش اش كاين بيناتهوم ، شنو الا كانت مراتو.عادل : شنوووو مراتو والله اصاحبي الا لا حول ولا قوة الا بالله هادشي لي نقولك.انا : ماديرش عليا اصاحبي راني مخلوع كنت خايف تقتلو ونمشيو فيها.عادل : اه اه لوكان قتلتو هادو مخسهومش اعيشو ، البنت كتغوت و هو ، وي البنت البنت فيراها ؟ فين مشات ؟ واش بنت صغيرة ولا مرا كبيرة ، انا مشفتهاش .انا : انا شفتها اخويا كانت بنت صغيرة وكانت غارقة ف الدموع وباينة فيها مخلوعة ومصدومة.عادل : فيراهاا ملي خرجونا مكانتش تما.انا : والله اصاحبي مارديت البال، يمكن خرجات و منتبهتش ، را كنت غي مركز معاك.عادل : وشنو الا مازال راها لداخل، ومازال حابسينها ، وناوي يتعدى عليها .انا : لا لا كندن هربات.عادل مشى كيجري ل قهوة مشيت تابعو وهو يتلقى ليه واحد من هادوك لي خدامين .النادل : مالك انت عاود يا الله خرج من هنا والله نجبد عليك.عادل : فيرا البنت فيراها ؟ (كيقولها وهو معصب بزاااااااااااف)النادل : مكاين بو بنت مشات وسير حتى انت ، وقولي مالك مدافع عليها هاكا، راها غي بنت الزنقة ، وديماوديما راها مع المعلم ديالنا، ومع الف بحالو را غي يمكن متهلاش فيها هاد نهار.مشا عادل اجبد عليه وانا نشدو و نجبدو عندي...انا : عادل عادل مالك اصاحبي سمعتي را قالك بلي عندها علاقة مع معلم ديالهوم (يعني داك الشارف هو مول القهوة). يعني داكشي بيناتهوم ، وباينة هاديك من دوك النوع...عادل : سكت اصاحبي بلا متعصبني واش تقيتيييه.انا : وانت اصاحبي واش عارف ديك البنت ، بخلاصة حنا معارفين والوا وانت درتي لي عليك يا الله بينا.جريتو وركبتو ف السيارة وانا لي فكرت نسوق حيت كان معصب... يا الله كي تحركنا وحنا نفوتو ديك القهوة غي شوية وحنا نلقاو واحد التجمع وسط الطريق، بحال شي حادثة، الناس مجموعين...انا : خالتي خالتي ممكن تبعدي شوية من الطريق باش ندوزولمرا : وا مزيان تبارك الله ، مكتحشمش البنت سخفانة وحنا كنودو فيها وانت باغي دوز، لوكان فيك الخير تقول لينا نديها ل سبيطار.عادل حل الباب ونزل وانا نتبعو...انا : عادل عادل هادي هي بنت القهوةعادل : شنو عفاكوم عفاكوم ديرو لي طريق انا نديها ل سبيطار، هزها عادل وحطها اللور ، و قالي ركب دغيا اصاحبي ركبت القدام




ركبت القدام وهو لي بغا يسوق شدينا طريق بسرعة ل سبيطار، ما وصلنا حتى كان قلبي غيوقف من كتر ماكان كيجري. دخلوا البنت ل غرفة وحنا بقينا براانا: عادل يا الله نمشيو ، ثافي راها ف ايدي امينة يتهلاو فيها .عادل : الا انا مانمشي حتى نطمأن عليها.انا : لا لا اصاحبي، بنتي لي فشييي شكل هاد نهار ، ياك ما سي عادل ملي كان كيدابز ف الدوش طاح ليه قلبو وخداتو البنت هههههعادل : بااااز اولدي دابا لي دير الخير تفسروها عليه معوجة.انا : اوا الخير درناه جبناها لسبيطار، اوا شنو من بعد ههههه.عادل : تسكتنى اصاحبي ، كدوي من الخاوي، انا اصلا راني مشفتهاش ف الوجه، ومعرفتش قصتها، بنادم بغا يدير الخير.انا : وي اصاحبي مايدوم غير الخير، حتى انا والله مركزت فيها، الا شتها فشي بلاصة منعقلهاش . ولكن قولي كيف جاتك ملي هزيتيها ياك ما تقيلة ؟عادل : سكتنا المسخوط ونود جيب لي شي قرعة د لما.انا : حاااضر يا سوبر مان هههههجبت لما ل عادل وهو يخرج طبيب ...عادل : دكتور ياك لاباسطبيب : اش نقوليكوم البنت راها عيانة ومرخية بانتلي مكاتكلش ومكتهلاش ف صحتها، واش عندها شي مشكل ؟ وشنو كتجيو ليها.انا : ا ا ا هادي هادي بنت عمنا .طبيب : اوا را تبات هنايا هاد نهار، وشدو هاد الورقة سيرو جيبوا ليها هاد الدوا. وبقاو تردوا ليها البال كتر. عادل : واخا انا نمشي نجيبوا.بقيت نستنى ف عادل حتى جا وانا نقوليه : رانا تاكدنا بلي فاقت، وجبنا ليها دوا ، اوا يا الله نمشيو.عادل: شوف اصاحبي انا ماناويش نمشي منهنا حتى نشوفها ونهدر معاها باش نفهم كولشي، والا كان داك المسخوط لي بغا يتعدى عليها يقدر يمسها مرا خرى بالسوء خسنا نوقفوا معاها و نمشيو الامن.انا : اويييييلي اش دانا لشي امن ، لا لا اخويا دابا تلصق فينا حنايا وتتاهمنا بشي حاجة.عادل : اسيدي سير، انا ندخل عندها.انا : عادل عادل.عادل دخل، ملقيت ما ندير غير نتبعو...لقينا البنت ناعسة وهو يقول عادل : السلام عليكم، كيبقيتي ؟وصلات دقيقة الحسم، هي تنوووود ، اوييييلي كي درنا حتى منتبهناش لهاد الزين، كيف كيف، شنو نقوليكوم جمال لا يوصف صلى وسلام على رسول الله.عادل : شتك بحال خايفة، متخافيش حنا منأديوكش.وهي تدوي ، شكون انتما؟




انا : الله الله درنا فيك الخير ونكرتينا.عادل : يوننننننس اوااا اش هاد الهدرة.انا : اوا كتقولك شكون، شتي ابنتي را هدا لي كان غيمشي فيها فديك القهوة.وهي تبدا تبكي تبكي.عادل: شوف ا يونس الا نطقتي بشي كلمة نتقلق منك.انا : اسيدي انا ساكت .عادل : شوفي اختي انا نعاودليك ( وهو يقوليها انه مشينا لديك القهوة. ..مهم حتى مرحلة انه لقيناها سخفانة). عادل: وحنا دابا اختي غي بغينا نسولوك زاش محتاجة اي مساعدة نعاونوك، والا كنتي باغا تبلغي بداك المعتدي حنا مستعدين نشهدو معاك.انا : اشنووووعادل : يوووونس اوا دوينا، و اسيدي انا نشهد انت ماشتي ما سمعتي.انا : اوا هكاك انا الأمن كنخاف منهوم.وهي ديك البنت تبتاسم ، ضحكات عليا ، اوااااه على إبتسامة ، تجننننننن.هي : انا كنشكركوم بزاف على كولشي، عمر ماوقف معايا حد كيما درتوا، ولكن مناوياش نبلغ بيه.عادل : علاش خايفة منو؟ نوقف معاك اختي والله.هي : لا اخويا كنخاف غي من الله، ولكن الا جيت نبلغ بالناس لي ضروني، لائحة عامرة.عادل : كيفاش اختي؟هي : انا مولفة هادشي.انا : اويييلي وكتقوليها بوجهك حمر، هي بصح داكشي لي قال النادل د القهوة ، انتي متخصصة ف الافعال الشيطانية...قبل ما نكمل الهدرة ، انا نحس بواحد التصرفيقة...اواااه شكون هادي؟ ياك لاباس ا لالة؟ ياك مامريضة ؟ شكون انتي بالسلامة لي تحطي عليا يديك...وهي تجاوب... انا صاحبت هاد الدرية لي وصفتيها بالمتخصصة بالأفعال الشيطانية يا لحمار يا الشيطان د بصح يا الخانز يا....انا: اوا اوا حتارمي راسك، هي لي دوات على راسها...قبل ما نكمل الهدرة وهي تهدر البنت لولا : رجاء رجاء خليه اصاحبتي.رجاء : امل ختيييي كيبقيتي ملي سمعت من الجيران انك سخفتي جيت كنجري وسبحان الله قلت تكوني هنايا حيت هدا هو سبيطار لي قريب من البلاصة لي طحتي فيها.امل : انا بخير الحمد لله .رجاء : شكون هادو ؟امل : ممكن تخليوني مع صاحبتي شوية ؟عادل : اكيد اخوتاتي خودو راحتكمانا : اه نخليوك وبلا رجعة ، ما دير خير ما يطرا باس.وحنا نخرجوا برا البيت.عادل : مالك اصاحبي ادابك قلال هاد نهارانا : مالك انت لي باقي لاصق فيا فهاد بنت الزنقة.عادل : يونننننس ، زعما راك واعي وقاري ، كيفاش توصف بنت مكتعرفهاش هاكا ؟ راه هذا قدف ...




راه هذا قذف يعاقب عليه الشرع والقانون.انا : وهي لي دوات على راسها سمعتيها.عادل : سبحان الله كتفسر كي بغيتي.انا: اوا شتيها، قاتليك متبلغش ، وصحابتها جات، اوا يا الله.عادل : لا نشوفو لول واش خصاهوم شي حاجة، بانو ليا دراوشانا : اووووف حصلا واشمن حصلة ، ساعة في الجحيم اصاحبي.عادل : معلش ساعة ف الجحيم ف الدنيا، و ساعة ف الجنة ف الآخرة.ملي قالي هاد الهدرة تبلوكيت، وحشمت من راسي ، وقررت نبدل تفكيري ونعاونو لبنت الا كانت فعلا درويشة، والله يحفظ خويا عادل لي عطا ليه الله قلب يوسع لجميع محتاجين الدنيا، كنا ف الايتدائي لي سلف منو شي حاجة اقوليه خليها عندك انا عندي زيادة، وهو ف الصراحة معندوش كيمشي يشري واحد جديد .شوية وهي تخرج رجاء...وكانو عينيها عامرين دموع.عادل : ختي مالك ؟ ياك ماواقعة شي حاجة ل امل؟رجاء : واقع ليها بزاااف لخويا اخويا بزاف...عادل: كيفاش اختي ؟ ومتحسبيناش فضوليين، را ربي شاهد بغينا ليكوم غي الخير.رجاء: ربي خليك اخويا، وانا نعاودليكوم غي باش متضنوهاش ممربياش واصلا را صاحبك ضان هادشي.انا : لا اناااا...رجاء : شوف اخويا هاد البنت راها صاحبتي وجارتي باباها الله ارحموا و اوسع عليه، ماماها تزوجات وهي البنت الوحيدة من عمي ادريس الله ارحموا (اب امل) ملي تزوجات ماماها تقلبات حياة هاد البنت وهادشي من وهي ف سن 5 سنوات ودابا عندها 16سنة، راجل ماماها صدق ولد حرام تعدى عليها وهي ف سن 5 سنوات و هي كانت مافاهمة والوا ، وكان كل مرة كيمشي ليها كي شي وحش وكيتكرفس عليها، الام ديالها كانت كتمشي تخدم ما فخبارها والو، حيت امل مكانتش فاهمة الوضعية، نهار كبرات وعاقت ، وقفاتو عند حدو ولكن هو قلب عليها كولشي كدبها، قال لمراتو يعني ام امل بلي بنتك كتحرش بيا، امل قالت هادشي مكاينش و كدوووب را من صغري كيتعدى عليا، را شرفي مشا، ونقدو نمشيو لطبيب و نتأكدو اماما، ولكن راجل ماماها قال بلي اكيد دارت شي فضيحة برا وباغا تلصقها فيا، ولكن للاسف امها فضلات تصدق راجلها وترمي بنتها لشارع، وهي شهور كتعيش ف الشارع، كانت كتخدم ف الديور كتصبن و كتسيق وتبات فالشارع حتى قدات انه تكري دار، وهاد الدار جات حدانا وتماك تعرفت عليها، اما القهوة، امل خدامة تماك كتصيق ف المراحيض وداك ولد حرام ديما كيتحرش بيها وكيعرض عليها لفلوس باش دير معاه المنكر، ملي لقاها بنت الناس بغا اهجم عليها ، وانا نصحتها تبعد من تماك ولكن كانت صابرة باش تجيب الماكلة وعمرها نوات الامر يوصل انه افكر اتعدى عليها.اما ماماها جابت ولاد جداد وراها عايشة مرفحة وراجلها،




بينما بنتها ديما جيعانة لا ماكلة لا لباس. وشوفو نتمنى متقولو والو ليها، حيت متبغيش ، وانا قلت هادشي حيت منقبلش حد ياخد عليها فكرة ناقصة، حيت شريفة بزاف شريفة ، وهي تشوف فيا وتقول : اه شريفة اوجه البغل ا النحس كي دير توصفها هكاك كيدرتي كيدرتي...را سنوات وهي بوحدها وعمرها دارت غلط...انا الصراحة تبلوكييييت بقات فيااا بزاف بزاف ورجاء كانت كتهدر وكتبكي، اوااه كاين شي ام تخلى علىبنتها و تفضل راجلها...رجاء: شكرا على كولشي، وانا نمشي عندها ونبات معاها، ودابا تقدروا تمشيو وسمحولينا على العذاب.انا: لا لا اختي بالعكس سمحيلينا ولا بالأحرى سمحي ليا انا حيت متصرفتش مزيان، أما خويا عادل را دار الواجب وبزاف . ولكن فيرا عادل...؟ كان هنا فوقاش تحرك؟رجاء : بانلي تأثر من قصة امل ويا الله كي نساحب انت كنتي كتهدر ومرديتيش ليه البال.انا: عادل مالك اصاحبي هنا بوحدك ؟ عادل،،، عادل شوف فياا واش كتبكي؟؟؟ عادل : يا الله نمشيو.ركبنا انا لي سقت السيارة، عادل طريق كامل مهدرش، وانا عرفتوا تأثر بزاف وعرفت كان كيبكي حيت قلبوا حنين بزاف.عادل: يونس رجع ل مستشفى رجع. ..!!!انا : شنو وعلااش ؟عادل : اوا رجع اصاحبي ولا نزل نسوق.انا واخا واخارجاء : رجعتوااا؟عادل: اه حيت نسيت نقوليك عطيني باش نتواصل معاكوم.و فهاد اللحظة امل كانت ناعسة، وبحالي تماما حتى رجاء حسات بلي عادل تعلق بزاف بقصة امل ولا ف الحقيقة بامل شخصيا.رجاء : واخا هاك سجل حيت امل معندهاش التيلي.عادل : واخا، وهادي نمرتي ملي تعرفي فوقاش تخرجوا صيفطي لي مسج انا نجي نوصلكوم.رجاء : واخا اخويا ربي خليك.مشينا طريق كاملة و عادل ساهي، وانا مهدرتش عندوا وصلنا ل داري نزلت وهو ينزل باش اسوق سيارتوا ودعتوا ومشا وكانوا عينيه كولهوم حزن.عادل: الو يونس را صيفطاطلي رجاء مسج واحد ساعة اخرجوا، باغا نقولك واش تمشي معايا نوصلوهوم.انا: واخاا اخويا انا موجود.مشينا دخلنا لبيت لقينا أمل ف حلة آخرى، كانت مدوشة، ولابسة لباس اخر، كانت رائعة صراحةً، ووجها كولو براااءة ماشي بحال صاحبتها لي فجنبها قافزة مع راسها...امل : جيتو اخوتي، تعدبتو معايا حشمت منكوم والله.عادل : لا حشومة، جينا بخاطرنا، ومادرتي علينا بو بزز.امل : ربي حفظك اخويا.اوا خرجنا من سبيطار و رجاء شادة ف ام ركبوا لور وانا




وانا لقدام وعادل هو الشيفور هه.رجاء: صافي وصلنا هنايا فين كارية امل.نزلنا وصراحة عمرني توقعت نشوف لي شتو قلبي تقطع الف مرة، كارية ف براكة مبهدلة وصغيرة مهم حالة مزرية لابعد درجة، شفت ف عادل كانت الصدمة باينا فيه فوجهو.امل: مرحبا بيكوم.عادل: ترحب بيك الجنة اختي .امل: رجاء جيبيلهوم شي حاجة يشربوها.عادل : لا والله والوا اختي مرة اخرى، ربي حفظك.رجاء: يا الله ا امل تكاي شوية.مولات الدار: اهلا بالأميرة فين كنتي بالسلامة، وفين فلوسي د الكرا؟رجاء : نقصي من صوتك البنت مريضة ودابا تعطيك فلوسك بحال عندك هنا فيلا راها غي براكةمولات الدار: اوا الا معجبكش الحال قولي لصاحبتك تخوي الدار وترجع لزناقي منين جات.حسيت بعادل تعصب بحال كان باغي قول شي حاجة، وانا نشيد فيدو قتليه مسك راسك غي بالإشارة وهو يفهمني.خرجات مول الدار وهو يتبعها.عادل: خالتي مشحال كتسالي ل أمل؟مولات الدار : شهر د الكرا يعني 150 درهم.عادل : هاكي 150 ديالك.رجع عادل وانا فهمت بلي خلص لكرا وهو يقول : مهم اختي رجاء حنا غاديين اي حاجة نمرتك عندي.رجاء : شكرا اخويا ربي خليك.خرجنا وهي توري لينا دارها، كانت قريبة من امل، حتى هما مفحالهومش، ولكن مقارنة مع امل كيبانو مرفحين.رجاء: هادي دارنا ، ومكرهتش ندي امل تعيش معايا، ولكن بحكم الضروف مقاداش، حيت الواليد قاسح وميبغيش.عادل: معلش اختي، هادي الدنيا، ماعندك ماديري، و متخسريش علاقتك مع باباك، غي بقاي طلي عليها.رجاء : اكيد انا ديما كنطل عليها، وحقي ف الماكلة ديما كقسوم معاها.عادل : ربي خليك وان شاء الله ف المستقبل تلقاوني ديما حداكوم، وقبل ما نسا راني عطيت 150 درهم لمولات الدار، وماشي كنقول هادشي باش تشكريني، إنما خفت تخبي عليكوم وتبغي 150 خرا.انا: اويلي اصاحبي مالك عطيتي غي 150 درهم، كنتي تخلص ليها شي 3 ولا 4 د شهورا لي جايين.رجاء : اويلي لا لا شكرا اخوتي خيركوم عمرنا نساوه.عادل: خلصت غي شهر، حيت شهر الجاي تكون فدارها ان شاء الله.انا و رجاء : شنوووعادل : يا الله نمشيو، ختي رجاء بلا مانوصيك ، في امان الله.صافي فهمت كولشي، عادل عينو على أمل، ااه بغاها، ولكن بينو وبينكوم حسيت قلبي غا يخرج عرفتوا علاش ؟ماشي غيرة كي تقدروا تفهموا انما خوف ...




خفت على خويا عادل، كيفاش يبغي وحدة مكيعرفهاش، وحدة مقطوعة من شجرة، وحدة مكنعرفوش ماضيها، واش داكشي لي قالت رجاء حقيقي، منكدبش عليكوم خفت على خويا عادل خويا ل حنين لي مبغيتش قلبوا يتكسر، وكيفاش تكون فدارها، اواااه واش ناوي زواج، اش هاد السرعة، مالوا هدا،،، مشينا ف طريق، عادل باين فيه سرحان، غارق ف تفكيروا، انا منطقتش حتى كلمة، توادعنا كل واحد مشا لداروا. و في الغد مشيت عندوا لدار...عادل: اهلا خويا يونس، لاباس عليك ؟انا : لاباس اخويا ، انا جيت باغي نهدر معاك واحد الموضوع.عادل : اه الله يسمعنا خبار الخيرانا : املعادل: مالها ياك ما وقعات ليها شي حاجة (كيقولها بعد ما ناض وقف وكولو خلعة)انا : لا لا اصاحبي ماوقع والواعادل : الحمد لله خلعتيني، اوا اش كاين مال امل؟انا : بغيت نسولك علاش البارح قولتي شهر الجاي تكون فدارهاعادل: الصمتانا : بان لي بحال تعلقتي بيهاعادل: اه اخويا تعلقت بيها بزافانا : اواااه يوماين باش عرفتيها، وتعلقتي بيها، وفكرتي حتى ف الزواج ، ياك راك لاباس اخوياعادل: شكون جبد سيرة الزواجانا : جبدتيها انت، اه انت لي قلتي شهر جاي تكون ف دارها...شوف اخويا عرفتك تاثرتي بقصتها، انت قلبك حنين بزاف ولكن مخسش الشفقة تخليك تسرع را هادشي ماشي ضحكعادل: انا اخويا ما شافقش عليها، انا كنبغيهاانا: في ذهووووووول اويلي ياك مابخراتليك ؟عادل : شد على كرشو بالضحك، اويلي خسارة فيك اصاحبي القراية لي قريتي...انا : كيفاش باغيها انت يوماين هادي...عادل: يوماين يوماين ، ااه يا الله كي عرفتها، و بغيتها من اول نضرة، ولا نقولك قلبي تعلق بيها قبل مانشوفها اصلاانا : اواااااااه لا لا سخان عليك الحال وبديتي كتخرفعادل : انت لي كتخرف انا كنبغيها، وشي يامات نخليها تنسى لي طرا لها ونصارحهاانا : خويا عادل متسرعش ، تقدر تبقى ديما فجنبها، ديما تعاونها ، ولكن ماشي كزوجة ، كصديقة كاخت ، عرفتك باغي تحميها ولكن زواج ماشي حل.عادل: اخويا انا بعقلي وعارف بلي قاد نوقف معاها كصديقة كاخت، ولكن انا راني كنبغيها اخويا عمرني ماحسيت بهادشي ، انا ملي سمعت صوتها كتغوت ف الدوش معرفت علاش قلبي ناض من بلاصتو بحال شرفي لي تماك بحال حاجة كتخصني ، منقدرش نفهمك، واصلا مفهمتش راسي باش نفهمك،،،




لي عارف هو كنبغيها وبلا ماتسولني حيت مانعرفش نجاوب كتر.انا: مصدووووووم اويلي بنات لافاك كولهوم ب لي ستايل ديالهوم والماكياج و ... بغيتي وحدة اول مرة شتيها كانت حالتها حااااالة.عادل : اوا القدر والنصيب اخويا دابا تبغي وتفهم.انا: ولكن اخويا حنا مكنعرفوش ماضيها، واول مرة شفناها شتي براسك الوضعية.عادل: اوا ياك عرفنا قصتها اصاحبيانا: وشنو لي ضمن ليك داكشي حقيقي ، اصلا هي ماقالت والو صاحبتها لي دوات.عادل: مادام الله علق قلبي بيها هي داكشي صحيح حيت الله ميجيبليش حاجة خايبة.انا : ونعم بالله، ولكن حتى ديك الحقيقة را صعيبة اصلا، راها مرا ماشي بنت و راجل ماماها شبع فيها.عادل : يونااااااااااااااس وزن هدرتك.انا : مالي قلت حاجة مكيناشعادل: شوف اخر مرة تعاود على لسانك هادشي ، وهادشي ابقا سر بيناتنا، مبغيتش عائلتي تسيق خبار.انا : وانت هانية عندك واخا ماكانتش لول ليكعادل : انا بغيتها وهي مضلومة وبريئة ونديها رغم كل شيء، عرفتك باغي لي الخير ؛ ولكن هاد المرة متجبدش لي الموضوع حيت تايق ف امل تايق بلي هي شريفة بزااااف .عادل طلب مني منجبدش الموضوع ولكن انا بقيت مشطون بزاف عادل ديما شخص واعي ف تصروفاتو ولكن هاد المرة حسيت بيه طايش كندير معاه وهو باغيها وشنو الا كانت بنت كتستاحق واش انا دابا كنوقف فطريق سعادة ديالها. حتى انا بقيت ما فاهم والو وقررت انه مندخلش واصلا انا لي كان عندي قلتوا ل صاحبي و هو طلب مني منجبدش الموضوع.عادل بدا كل مرة كيصوني لي وكنمشيو عند امل ورجاء ، كنا كنتلاقاو برا حيت عادل مكيبغيش يمشي لدارها حيت هو كيعرف الأصول والصواب.عادل كان كيتعامل معاها بادب و أخلاق، حتى حس بيها نسات شوية لي طرا لها وهو قرر اصارحها، وفهادشي كولو كنت كنلاحظ بلي امل حتى هي كتحس بشي حاجة من جيهت عادل، وانا بديت كنرتاح ليها حيت بانتلي بنت الناس و مربية والدنيا لي قسات عليها و مخسنيش ناخد عليها فكرة خايبة انطلاقا من افعال داك الوحش لي تزوجاتو ماماها. واحد المرة عادل تاصل برجاء بحال ديما حيت امل مكانش عندها التيلي و طلب منها دوز ليه امال يهدر معاها، طلبات منو يستنى 10 دقايق و يعاود باش تمشي ليها لدارها وهكاك دار حتى هدر مع امل وطلب منها يتلاقاو حدا الكورنيش لي كنا كنمشيو عندو ديما ب ربعة ولكن هاد المرة بغاها بوحدها الراس ف الراس باس يصارحها، وهادشي من بعد ما داز شهر من نهار عرفناها.




عادل: السلام امل لاباس سمحي لي مدزت عندك ل الدار باش ناخدك وقلت تجي بوحدك هنايا غي باش ميشوفوكش الجيران وياخدو شي فكرةامل: اه بصح اخويا وانت ديما مصواب ربي حفظك.عادل : امل بغيت نهدر معاك فواحد الموضوع.امل: اه اخويا مرحبا.عادل : انا ما عنديش مع دخول والخروج ف الهدرة، انا نقوليك لي كاين ونتمنى ماتحسبينيش غلاط، حيت داز عليك بزاف وشتي ناس موسخين ، ولكن شوفي ا امل انا باغيك ف المعقول، انا باغي تتزوج بيك.امل: في صمت.عادل: عندك تضني انه كنضحك عليك، وشوفي ا امل الا وافقتي را مباشرة نعرفك بعائلتي، باش متقوليش هدا غي كيتفلا..امل: (كتبكي ومبغاتش تحبس)عادل: امل مالكي، ياك ما قلقتك ياك ما هدتري ما عجباتكش.امل: لا اخويا ما قلتي غي الخير ولكن انا را منقدرش نتزوج بيكعادل: مصدووووووم علاش ا امل علاشامل: راك شتي حالتي ماعندي حد مقطوعة من شجرة .... (قبل ما تكمل وقفها عادل)عادل: امل انا هادشي عارفو كولشي شتو بعينيا وانا مكيهكنيش هادشي.امل: عادل انت را كتشفق عليا وبحكم قلبك حنين و كبير..وبحكم قلبك حنين وكبير باغي تعاوني ولكن دابا تلقى راسك درتي غلاط حيت الشفقة حاجة والزواح حاجة. امل: لا لا امل انا والله ماشافق عليك، بصح وضعيتك حزناتني ولكن ماشي هدا هو الدافع لي خلاني نعرض الزواج.امل : وشنو هو السبب؟عادل: الحب ا امل الحب.امل: (انهارت بالبكاء)عادل: مالك ا امل انا والله الا بغيتك من نهار الاول والله مكانتفلا و لا غنضرك ف شي حاجة.امل : عارفة ولكن انت معارفش الماضي ديالي.عادل: الماضي نسايه ا امل وخليهامل: منقدرش ا عادل و كاينة حاجة مهمة خسك تعرفها انا را ملي كنت صغيرة (وهو يقاطعها عادل).عادل: واش راجل ماماكامل: في ذهووووووولعادل: رجاء قالت لينا كولشي ف المستشفى وانا عارف شنو وقعليك وشنو داز عليك و دابا بغيتك تنساي كولشي ، مهم انا نخليك تفكري و ف الليل نتاصل بيك، وهاك خلي عندك هاد التيلي باش نعرفك جوابك.عادل صارح امل وخلاها تفكر على راحتها..و انتما اكيد كتسولوا فين عرفت الحوار لي داز بيناتهوم، خوكوم فضولي ههه شوية من عادل شوية من رجاء لي كانت كتعاود ليها امل وهاكا عرفت لي طرا هههعادل ف الليل تاصل بامل...




الوا امل انا عادل.امل: مرحبا عادل لاباس عليك؟عادل: الحمد لله ا امل اوا وش فكرتي ف داكشي لي قلت وا ف صبح.امل: اه فكرت، وغنجاوبك ف كلمة وحدة.عادل: (قلبوا كان قريب يوقف حيت ف بالو الكلمة هي لا) اه قولي ا امل.امل: كنبغيك أ عادل.عادل شداتو الفرحة من الساس ل الراس خخ وكان قريب يطير، مهم لالة امل وافقات، وفصبح عادل صارح ماماه و باباه لي طااارو من الفرحة، حيت كانو باغينو اتزوج باش اشوفو ولادو، مهم هو لي قاليهوم على امل انه معندها حد حاجة خرى ماعاود والو، وهنا نعاود نجبد لمياء خت عادل بالتبني لي كانت كتحماق عليه، اكيد حاولات تبدل ليه رايو وتخليه يتراجع بكات و تفقسات ولكن ف الاخير الاستسلام كان الحل الوحيد لي حداها امام حب عادل الكبير ل امل لي تحدا كولشي، عادل جاب امل لدار وعرفها على العائلة وتافقو اديروا العقد والحفلة من بعد اسبوع، وفهاد الوقت طلبوا من امل تبقا معاهوم ف الدار وخصوا ليها واحد البيت باش توجد راسها وتكون قريبة من (خالتي خديجة) باش يمشيو اتقداو لي خسهوم حيت سيمانة دغيا طير ومازال تحضيرات مهمة كتستنى.نهار قبل العرس، عادل كان جالس ف الصالون وني تدخل عندو امل وتشد ليه ف يديه.امل: عادل غدا زواجنا، غدا نكون مراتك وو حدة من هادووحدة من هاد العائلة، عادل انا كنبغيك بزاف عمرني ما حسيت بالامان معا شي حد كي حسيتو معاك، عادل انا عمر ماكان عندي حد باستثناء صاحبتي لي لا حول ولا قوة لها بحالي بحالها، عادل بابا مات وانا صغيرة، ماما رماتني وانا صغيرة، عادل انا نعست ف الشارع بزاف، كليت من الازبال د الناس بزاف، مشحال تشردت مشحال مشيت نخدم ف البيوت كنتلقا الضرب والتحرش وكا نهرب، مشحال وانا كيتلقاو لي فطريق كيسرقولي 2 دراهم لي كسبت من بعد نهار كامل ديال تمارا، عادل انا تكرفست ف حياتي، ودابا كيبانلي بلي غنلقى معاك الحنان و الراحة، عادل عندك تخليني نتولف عليك ونتولف على الحنان ديالك وترميني، عادل عندك تخلى عليا عندك تخليني عندك عندك حيت كنحلف ليك غنموت.عادل بدا كيبكي مع امل لي شبعات بكا وهو يعنقها بواحد القوة يقوليها : شتي شي نهار حد كيتخلا على قلبوا وروحوا عقلوا انت راكي قلبي وعقلي وروحي.شيخ عادل نسا الفتاوى وعنق ل لالة امل هههه معلش كولشي مباح ف الحب والحرب خخخخ.اوا داز الاسبوع و وصل نهار العقد العرس فرحة كبيرة وحفلة رائعة امل جات غزالة و عادل كذلك، دازت الحفلة مزيان وكل واحد كشا لداروا ولعرسان دياولنا دخلوا لبيتهوم ، عادل شد يد امل واعدها بلي يحافظ عليها و خليها أسعد وحدة وينسيها فلي فات ، بغا يقرب منها وهي تغوت و دفعوا...




عادل: امل مالك ؟امل : بعد مني خليني كتفكرني فداك الوحش ملي كان كيقرب مني .عادل : سمحيلي ا امل والله ماتحصابلي هادشي ، وكوني مرتاحة منجبرك على والوا وانا الراحة ديالك فوق كولشي، وهي تجي عندو تجري تعنقوا وهو يقوليها : متبكيش را دموعك اغلى ماعندي وانا را ماندير حتى خطوة بدون رضاك.انا عرفت هادشي كولو من عادل ولكن اكيد ماشي فديك الفترة حيت عادل اخر واحد اخرج اسرار علاقتوا مع مراتو ولكن الضروف لي غتخليه يدوي فيما بعد.صافي عادل خلا امل فراحتها ومن بعد اسبوع عاد تقربات منوا من بعد ماحسات ب الامن و نسات داك الوحش د راجل ماماها.كولشي كان بخير الزوجين ف قمة السعادة، الوالدين د عادل كانوا راضيين على عروستهوم، ولمياء فهمات امر الواقع وقرات انه تكون اخت لامل وانها دير علاقة طيبة معاها.من بعد 3 شهور د الزواج عادل ومن بعد ما دوزنا امتحانات اخر سداسي عدنا ف لافاك نجحنا وخدينا اجازة و على ما يجيب الله شي وضيفة قررنا نديرو انا وياه شي مشروع مشترك، حلينا واحد السيبير وكانت الامور مزيانة. حتى انه مبقيناش نفكروا ف الوظيفة هه القناعة كنز لا يفنى ههههمرات سنة على الزواج، امل جابت واحد بيبي كيحمق سماوه ( أيمن) عادل كان فرحان به بزاف ، وكان كل مرة كيقولي اوا تحرك اصاحبي ودبر على شي عروسة نفرحوا معاك هعهه.واحد مرة كنت مع عادل ف السيبير وهي تصوني ليه امل عادل: الو امولتيامل: وهي كتبكيييي عادل ايمن مريض سخانة طالعا ليه و وجهو صفر و شي حاجة بيضاء كتسيلو من فموعادل مشا كيجري طاااير ل الدار حتى انه مقالي شنو كاين مشيت انا تابعو حتى وصلت عليهوم لقيتهوم خارجين ايمن هازو باباه عاد فهمت بلي ايمن مريض داوه ل سبيطار وانا نمشي تابعهوم ومعايا لمياء لي اصرت تمشي ومتبقاش ف الدار.لمياء : يونس مخسناش نمشيو لاي طبيب را حالتو صعيبة (كتهدر وغارقة ف دموع أيمن عزيز ليها بزاف)انا : وفين نمشيولمياء : تمشيو عند الدكتور*** را هو لي يفهم ليه، متخصص و الناس كاملين كيمدحوه.تاصلت بعادل لي كان سابقني وقلت ليه على فكرة لمياء و وافق عليها ومشينا عند الدكتور ***الدكتور: ايمن راه مريض ، والسبب ان المعدة ديالو ناشفاا حيت حنا كيكون عدنا فيها الما وهو والوا ماعندوش داكشي قلال ليه بزاف، وخس ف اقرب واحد نديروا عملية لشي حد قريب ليه ونخرجوا منوا شوية من داك الما ونزيدوه ل الولد، العملية راها بسيطة ل طرفين




سواء الولد ولا لي يتبرع ليه، وانا كنشوف بلي اكثر واحد اقد اعونوا هو باباه حيت داكشي مطابق مابين الاب والابن ( الصراحة انا مفهمتش داكشي مزيان لي فهمت انه عادل خس ادير عمليه باش اعتق ولدو.عادل : واخا ا دكتور نبداو دابا.وفهاد الحالة امل الحالة ديالها تزيد تكرفس، راجلها وولدها خطرة وحدة ، المهم داكشي بالنسبة لعادل كان ساهل نص ساعة هما اخرجوه وهو كان بخير حس شوية بالوجع ولكن العملية كانت بسيطة، امل ملي شافت عادل بخير عاد رتاحت شويه على امل انه حتى ايمن اولي بخير.جلسنا ف الصالون وكنستناو طبيب لي مشا كيتصفح مدى تطابق المكون د عادل مع ايمن وهنا كانت الصدمة.دكتور : سمحوا لي ولكن حنا مكنلعبوش هنايا قلنا خس اب د الطفل هو لي دير العمليةعادل: اوا انا باباهدكتور : ميمكنش النتيجة كانت سلبية 100% ولا علاقة.كلنا بقينا مصدومين.عادل: اكيد كاين شي غلاط راه ولدي كيفاش النتيجة سلبية.الدكتور: نهدرو فهادشي من بعد المهم دابا كنا بغينا نعطيو مكون طبيعي لايمن ولكن ملي والو نعطيوه داكشي اصطناعي واخا الطبيعي حسن ماعدنا مانديروا ونتمناو يستاجب لينا.حنا نسينا مسألة النتيجة السلبية، وبقينا كنفكروا غي فبقينا نفكروا غي ف ايمن لي ساعة وهو ف العملية، حيت كامت شوية قاسحة على دعادل لي كان كيتوجع مرة مرة وامل حداه كلها خوف والم.دكتور: الحمد لله العملية سلات، والمعدة د ايمن ستاجبات.انا: الله اكبر الحمد لله الحمد لله.عادل وامل عنقوا ف بعضياتهوم، ولمياء بدات كتقفز من الفرحة.الدكتور دابا تقدروا تشوفوه ولكن ابقا تحت العناية ديالنا 3 ايام.دازت 3 الايام ايمن رجع ل الدار، و الوالدين د عادل مافخبارهوم والوا حيت مشاو البادية ومبغاش يشطنهوم حتى رجع لدار عاد تاصل بيهوم.مرة كنت جالس ف الدار وهي تصوني لي لمياء.انا: الوا لمياء كيدايرا لاباس، كولشي بخير؟لمياء : الحمد لله ا اخويا، يونس باغا نقولك واحد الحاجة.انا : وي تفضلي..لمياء: انا مازالا كنفكر ف الهدرة د الدكتور مبغاتش تمحالي من البال.انا: انا هدرة؟لمياء: مسألة النتيجة السلبية، را هادشي مايمكنش را كيما فهمت منوا خس النتيجة دالاب طابق مع الابن.انا: اوا اكيد مادام هاكا داروا شي غلاط.لمياء: منكدبش عليك انا ممرتاحاش باغا نسول داك الدكتور، واش تمشي معايا.




انا: اويلي واش شاكة ف شي حاجة.لمياء: وي شاكة انه يقدر مايكونش ولد خويا عادل.انا: اويلي استغفر الله اس هاد الهدرة، عندك اسمعك شي حد والله حتى تمشي فيها، خاصة عادل، وانا ندير راسي ماسمعت والوالمياء: يونس فكر بالمنطق علاش زعما النتيجة سلبية علاش، مادام غي خطء يا الله نتاكدو ونعيشو بلا شك.انا : شوفي ا لمياء را عادل سمع هدرت الطبيب لوكان شي حاجة كان يمشي هو يسولو.لمياء: خليك انا نمشي بوحدي.الدكتور: مرحبا تفضلي.لمياء: انا عمت ايمن، وجيت نسول على قبل ديك النتيجة السلبية زاش غي خطء ولا ؟؟الدكتور: انا نقدر نقولك واحد الحاجة المختبر ديالنا عندو مصداقية ف كل حاجة ونتيجة، وهادشي لي نقد نقولك حيت كندن هاد المسألة كتخص الوالدين د ايمن.تاصلات بيا لمياء وقاتلي هادشي، وهنا بدا الشك كيدخلي ل الراس، اويلي واس تقدر ديرها امل ، تقدر تخون عادل، افكا عديدة طرحتها فرايي مرا كنايدها مرة كنستبعدها...حتى تاصلات بيا لمياء وقالتي انها كتفكر دير تحاليل وتشوف لي كاين، والصراحة باش تتخلص من شكوكي وافقت نمشي معاها فالوقت للي عادل مافراسو والوا ومسألة النتيجة السلبية مادارهاش فبالو اصلا.لمياء قدرات تجيب شعرى من عادل وأيمن مشينا درنا تحاليل ف سرية لي خرجات من بعد 3 ايام، اه خرجاتاه خرجات وياريتها ماخرجات ...لا علاقة ما بين ايمن و عادل، اه عادل ماشي الاب د ايمن.اذاا امل مكانتش بريئة بالعكس خرجات وحده حقيرة داكشي لي روات رجاء كولو كدوب، راجل ماماها ماصدقش وحش، هي لي وحش طمعات ف راجل ماماها، هدرة د النادل خرجات صحيحة، كانت على علاقة مع الشارف غي مطهلاش فيها داك نهار، اذا امل صدقات خبيثة، خائنة ، و بخلاصة صدقات " عاااااااهرة"الولد جابتو من بعد الزواج، اووف نقولو كدبات قبل زواج وقالت بلي هي ضحية، اذا من بعد الزواج علاش ستامرات ف الحقارة ديالها، خانت خويا عادل من بعد الزواج، خانتو فالوقت لي كانت كطلب تمشي تقدا و تساارا ، كانت كتمشي عند المحيط ديالها، اوووف واقيلا كانت كدوز على 10 ف نهار وترجع لخويا عادل لي نية وبغاها وداها رغم انه مكانتش مرااا...ااااه يا عادل ااااه انا نصحتك اخويااا نصحتك ديتي عاهرة اوفف خويا عادل اووووف كيفاش نقولهاليك كيفاش كيفاش اخويا لحنين كيفاش .كنقول هادشي بصوت عالي ولمياء واقفة حدايا كتبكي وحنا عند باب المختبر ، نوداتني لمياء من بعد ما طحت الارض من الصدمة حنا ندورو ونلقاوه حدانا اه عادل سمعنا انا ولمياء كنهدروا ف التيلي وتبعنا، وسمعني ملي كنت كنتحسر بصوت عالي، خويا عادل فهم كولشي بقاااا مصدوم مصدووووووم بزاف وهو يجري عند سيارتو ومشا بيها، تبعتو انا ولمياء حدايا وانا ف بالي غادي لشي




فبالي غادي لشي بلاصة مجهولة قلبي كان غيوقف من خوفي على خويا، لمياء بلا مانوصف ليكوم حالها، ولكن لي لاحظت هو انه شاد طريق لدارو وهنا تبدل افكاري، اويلي غادي مصدوم عندها دابا يقتلها وهو ماشي ف واعيوا، لا لا منسمحش هادش يوقع، ماتستاهلش خويا يوسخ يدو بدمها ويضيع حياتو على قبلها.دخل عادل لدار وحنا نتبعوه مشا دخل عليها البيت وهي كانت لابسة غي حوايج لداخل وهي يجرها من شعرها و يرميها برا البيت.امل : عادل اويلي اش كدير ، بدات باغي تستر راسها، وهو ينطق عادل: باغا تسطري راسك العاهرة، ااااه رجال كولهوم شافو لحمك و شبعو منك ودابا باغا تسطري راسك، وهو يمزق ليها حوايجها ل فوق حتى مابقات لابسة والوا، وانا ندور وجهي.عادل: مالك ايونس كدور وجهك مالك شوف فيها شوووف راها عاهرة، بنت الزنقة، محشمتيش الكلبة تخونيني من بعد زواجنا ولكن باينة فيك مولفة لفلوس د العهر والفسوق.امل : (كتمثل بلي راها مصدمة) مالك اش وقع اااشعادل: هز من يدي يدي نتائج د المختبر ورماهوم عليها.امل قراتهوم وهي تصدم مالقات ما تقول.عادل: قولي قولي شكون باباه؟ مول القهوة، ولا حد اخر ولا ههههه (كيضحك) اكيد معرفتيهش حيت بحالك من هدا لهدا الموسخااااااااااا كنتي كنشبعي فرجال وكتجي عنديوكتجي عندي وانا فبالي مشيتي تقداي ولا عند صاحبتك بنت الزنقة بحالك.امل : عادل اش هاد الهدرة، هدا را ولدك اش كتقول.عادل: سكتيييييييييي هو شدها من شعرها ومشا كيجر فيها ما لابسة والو من الفوق غي لتحت لابسة واحد الشورط قصير وهو يخرجها يرميها براا الدار، و الجيران كولهوم كيشوفو وكيفمضو عينيهم من هول لي شافوه ف امل كانت عريانة.هي تجي وحدة من جيران تلبس ليها واحد لعباية وهو يغوت عادل: بقات فييييييك بقات فيك العاهرة، سمعوني كولكوم هادي راها عاهرة كدير تجارة فلحمها، انا ملي تزوجتها كانت مراا تحصابلي ضحية اغتصاب مي صدقات زانية درجو اولى، وهو ادخل الدار جاب معاه ايمن فلحظة خفت لايدير ليه شي حاجة حيت كان معصب، وانا ناخدو منو حطيتوا حدا ديك العاهرة لي كانت مصدومة حيت عمرها نوات تفضح. شديت عادل ودخلناه انا ولمياء لدار ووالديه كانو مازال ف البادية.مشا كيجري كيهرس ف حوايج امل، وكيرمي ف حوايجها وكيغوت وفجاة انهار ل ارض و طلبت من لمياء لي كانت منهارة تخرج وتخليني معاه مشيت عندوا هبطت حتى انا جلست حداه وعنقتوا..انا: صافي اخويا صافي متستاهلش اخويا تبكي على قبلها (عمرني مابكيت كي بكيت داك نهار هو يبكي وانا نبكي) بين راسو قاصح ولكن فداخلوا ضعيييف، تصدم تصدم.عادل : علاش اخويا علاش، بغيتها حماقيت عليها درتها







فبالي غادي لشي بلاصة مجهولة قلبي كان غيوقف من خوفي على خويا، لمياء بلا مانوصف ليكوم حالها، ولكن لي لاحظت هو انه شاد طريق لدارو وهنا تبدل افكاري، اويلي غادي مصدوم عندها دابا يقتلها وهو ماشي ف واعيوا، لا لا منسمحش هادش يوقع، ماتستاهلش خويا يوسخ يدو بدمها ويضيع حياتو على قبلها.دخل عادل لدار وحنا نتبعوه مشا دخل عليها البيت وهي كانت لابسة غي حوايج لداخل وهي يجرها من شعرها و يرميها برا البيت.امل : عادل اويلي اش كدير ، بدات باغي تستر راسها، وهو ينطق عادل: باغا تسطري راسك العاهرة، ااااه رجال كولهوم شافو لحمك و شبعو منك ودابا باغا تسطري راسك، وهو يمزق ليها حوايجها ل فوق حتى مابقات لابسة والوا، وانا ندور وجهي.عادل: مالك ايونس كدور وجهك مالك شوف فيها شوووف راها عاهرة، بنت الزنقة، محشمتيش الكلبة تخونيني من بعد زواجنا ولكن باينة فيك مولفة لفلوس د العهر والفسوق.امل : (كتمثل بلي راها مصدمة) مالك اش وقع اااشعادل: هز من يدي يدي نتائج د المختبر ورماهوم عليها.امل قراتهوم وهي تصدم مالقات ما تقول.عادل: قولي قولي شكون باباه؟ مول القهوة، ولا حد اخر ولا ههههه (كيضحك) اكيد معرفتيهش حيت بحالك من هدا لهدا الموسخااااااااااا كنتي كنشبعي فرجال وكتجي عنديوكتجي عندي وانا فبالي مشيتي تقداي ولا عند صاحبتك بنت الزنقة بحالك.امل : عادل اش هاد الهدرة، هدا را ولدك اش كتقول.عادل: سكتيييييييييي هو شدها من شعرها ومشا كيجر فيها ما لابسة والو من الفوق غي لتحت لابسة واحد الشورط قصير وهو يخرجها يرميها براا الدار، و الجيران كولهوم كيشوفو وكيفمضو عينيهم من هول لي شافوه ف امل كانت عريانة.هي تجي وحدة من جيران تلبس ليها واحد لعباية وهو يغوت عادل: بقات فييييييك بقات فيك العاهرة، سمعوني كولكوم هادي راها عاهرة كدير تجارة فلحمها، انا ملي تزوجتها كانت مراا تحصابلي ضحية اغتصاب مي صدقات زانية درجو اولى، وهو ادخل الدار جاب معاه ايمن فلحظة خفت لايدير ليه شي حاجة حيت كان معصب، وانا ناخدو منو حطيتوا حدا ديك العاهرة لي كانت مصدومة حيت عمرها نوات تفضح. شديت عادل ودخلناه انا ولمياء لدار ووالديه كانو مازال ف البادية.مشا كيجري كيهرس ف حوايج امل، وكيرمي ف حوايجها وكيغوت وفجاة انهار ل ارض و طلبت من لمياء لي كانت منهارة تخرج وتخليني معاه مشيت عندوا هبطت حتى انا جلست حداه وعنقتوا..انا: صافي اخويا صافي متستاهلش اخويا تبكي على قبلها (عمرني مابكيت كي بكيت داك نهار هو يبكي وانا نبكي) بين راسو قاصح ولكن فداخلوا ضعيييف، تصدم تصدم.عادل : علاش اخويا علاش، بغيتها حماقيت عليها درتها






ماماه: اه اولدي كنسمعوك.عادل : (ناد وشد فيد لمياء) باغا نتزوج لمياء.الكل في ذهووووووول.ماماه: وااااا فرحتي وسعدي بوليداتي يو يو يو يو يويلمياء كانت مصدومة واكيد صدمة فرح هه وانا صراحة كنت غنطييييير بالفرحة فرحت ليه فرحت وبزاف.باباه: الله يا ولدي ربي حفظك ملي رجعتي لينا الابتسامة.ماماه: اوا اولدي فوقاش ناويين تزوجواباباه: اوا صبري را مازال ماسمعنا رد البنت، شنو قلتي ا بنتي؟لمياء (حشمانة) موافقة.ماماه : صلا و سلام على رسول الله.عادل : منا 3 ايام خس نديروا كولشي.ماماه: هي لولااااا.فرحت ل عادل اكيد فكر بزاف خلال 3 شهور لي فاتت وعرف بلي لمياء هي لي تصلاح ليه، وانا فغيابو شفت مشحال كتبغيه، اه لمياء تستااااهل، مكنتش كنرتاح ليها ف الاول ولكن دابااا كنرتاح ليها وبغيتها تكون لخويا عادل.بدينا كنوجدو عادل بان فيه نسااا كولشي وانا اكيد عمرني فكرت نجبد ليه حس د هاديك لي مكتسواش، دازت 3 ايام دارو العقد وحفلة صغيرة وداز كولشي بخير على خير.عادل ولمياء تزوجوا بداو حياة جديدة كلها فرح و نسيان للماضي، عادل كانت كترجع ليه الابتسامة نهار بعد نهار، مرات 2 سنوات على زواجهوم و 3 سنوات على الزواج الاول، عادل ف عمروا 25 بحالي، و لمياء 23، كانو بيخير غي الاشكال لي كاين هو انه الله مجابش ليهوم وليدات، مشاو لطبيب، لمياء لي كان عندها مشكل، ولكن عادل عمروا ماقال ليها شي حاجة بالعكس كان كيقول ليها انت تكفيني، الصراحة منقولش ليكوم بلي عادل ولا كيبغي لمياء ولكن حس بقيمتها، بينما هي كانت غااارقة فيه هه هه.نسيت ما قلت ليكوم حتى انا هادي 3 شهور تزوجت هه الله يبارك فيكوم، شكرا شكرا هه، سميتها مريم، كانت كتجي ل سبير كتكونيكطا مع خوتها لي فرنسا، وقلبي وقلبها يتكونيكطاو ههه، وراها حاملة بشي يونس صغير ولا مريامة صغيورة هههمهم خليوكوم مني، واحد المرة كان عادل عازمنا نتغداو عندوا انا ومريم مشينا، رحبوااا بينا هو و لمياء و والديه لي الله اعمرها دار.جلسنا كنقصروا بيناتنا وشوية كنسمعو صوني د الدار، اش نقوليكوم اش اش نعاود ليكوم وصافيمشا الاب د عادل حل الباب وهو نسمعوا شي اصوات داخلين لدار والاب د عادل كيغوت افين غاديين فييين؟دخلوا علينا كانو جوج، طوال عراااض ، لابسين كولشي كحل، انا درت فيها رجولة ، امالكوم ياك لاباس واش السيبة هااادي؟




وهو يشوف فيا واحد بتخنزيرة الله يحفظ، وهو يجبد واحد لاكارط " البولييييس "اويلي انا نرجع ل بلاصتي خوكوم كيخااف من الامن.فنظاركوم عند من جااا البوليس، شنو بغاااو ؟عادل: اش كاين ، اش كيدير البوليس عدنا .الوليسي: واش لمياء ال*** ساكنا هنايا ؟عادل : اه هي مراتي ، علاش كتسولوا عليها؟البولسي : فين هي بالضيط ؟لمياء (ترجف) : انا هيالوليسي : تفضلي معايالمياء : عادل عادل قوليوم اخليونيعادل : اش واقع شرحوا لينا بعدا اش كاين؟البوليسي : تبعنا المركز تفهم كولشي.داو لمياء ركبوها ف سيارة ديالهوم ومشاو ، وحنا مشينا موراهوم يعني انا وعادل والاب دعادل، بينما مريم بقات مع خالتي خديجة ف الدار، مشينا حنا مافاهمين والوا ولكن كنقولو اكيد كاين سوء تفاهم اش يبغيو هما من لمياء لي اصلا مكتخرجش من الدار.وصلنا دخولها الاستجواب وحنا ساعة كنستناو برا، وعادل كان متوتر وخايف بزاف، كانت اول مرة كنشوفو مقلق هاكا على لمياء وانا مرة مرة كنقوليه شي كلمة كنهدنو بيها اما باباه كان غي جالس كيستنى يشوف القدر شنو مخبي ليه هاد المرة. انا كانت عندي ثقة كاملة انه يقولو لنا بلي سوء تفاهم ، ولكن الصدمة راها جايا ف طريق لي غتعوجع كل ما تصلح.البوليسي خرج من الغرفة ونجريو عندواعادل : فيرا مراتي اش واقع ، فهموناالبوليسي: مراتك تبقا عدنا هنايا اسي عادل ...




عادل : كيفاش علاش شنو دارت فهومممناالبوليسي: واخا انا نقولك هاد الايام جاتنا شكاية مجهولة كتقول بلي واحد الممرضة ف المستشفى*** كتقوم بتبديل الأولاد لي كيتزادواعادل: واش علاقة د لمياء بهادشي ؟ اه تحصابليكوم ممرضة ؟ هههه لا اشاف غي غلطواالبوليسي: لا ماشي هاكا، حنا لقينا القبض على الممرضة، وجبرناها تعتارف بكل العمليات لي دارت، وتجبد الناس لي تورطات معاهوم، ومن بين الاسماء لي جبدات اسم مراتك.عادل: اشنووو مفهمت والو كيفاشالبوليسي : بتاريخ *** والمستشفى*** وفالغرفة رقم 15 ولدات واحد السيدة سميتها امل*** واحد البنت، و مراتك تافقات مع الممرضة انه تبدل ليها بنتها بولد ناس اخرين، يعني تهز البنت وتحط الولد، على اساس انه هي ولدات ولد، وهادشي لي طرا المسمات ب امل دات ولد غيرها وبنتها داوها ناس اخرين.شنو نقوليكوم لنا طحت فالارض من الصدمة اما عادل لصق ف الحيط بااغي يستوعب كيفاش هادشي كيفاش يعني ايمن مكانش ولد حتى امل يعني مدارت والو يعني... وهو مشا يجري دخل الغرفة د الاستجواب وشد ف لمياء كيقوليها اش هادشي كيفاش فهميني و محابسش من الدموع اما انا كنت مازال جالس فالارض ماقديتش نوض، الاب دعادل والبوليسي كيشدو فيه وهو كيغوت شرحلييييييييييي را غنتصتااااااااا وهي تهدرلمياء : اه اه انا بدلت بنتك بولد ناس اخرين درت هادشي باش نبعدك على امل حيت كنت ناوية ندير شي خطة لي نخليك تكتاشف بلي ايمن ماشي ولدك وهاكا تخلا على امل، ولكن بالصدفة ايمن مرض و طرا لي طرا وانا ستغليت داكشي لصالحي ولعبت ف عقل يونس باش نديروا التحاليل، بصح ايمن مكانش ولدك ولكن راه مكانش حتى ولد امل اما بنتكوم راها عند ناس اخرين، امل مخانتكش ، وداك نهار ملي جريتي عندها كانت باغا تصارحك بواحد الحاجة، لي كانت قلتهالي غير انا وكنت متاكد نهار تعرف تزيد تمسك بيها، كانت غاتقولك بلي هي مريضة بالسرطان.اه كانت مريضة فالاول قلت بلي تهنيت منها مادام مريضة غتموت تموت ، ولكن فكرت لقيت انك متخليهاش تموت انك تعالجها لهدا قررت نجبد قصة د ايمن هاكا تجري عليها ومع المدة واخا كتاشفتي الحقيقة غتكون هي ماتت حيت ماعندها باش تعالج.اه داك " الثدي" لي خليتيه مسرحية ل الناس وعريتي عليه، وصفتيه ب الفسق كان مريض، وهي كانت يا الله يوماين كي عرفات ، و قالت تصارحك و عاقلا داك نهار انها قالت لي الحمد لله عندي عادل انا متاكدة انه يوقف معايا حتى نبرا قالت هادشي وهي كلها دموع ، قاتلي مشا بابا مشات ماما ولكن عندي عادل.انا كنعتارف ليك حيت دابا كولشي ولا مفضوح، انا ماندمنش على والو انت لي رفضتيني وختاريتيها، وداباا غي ترحم عليها حيت اكيد امل " الله يرحمها".




فهاد اللحظة عادل تصدم ف بلاصتو وهو يمشي برا كيجري ، نط تابعو واخا والله ماكنت قاد نتحرك من الصدمة لي كليت ،انا : عادل فين غاديي عادل عادل ...كنتبعوا هو غادي فالشارع كيجري، معرفت فين و شوية بدا اي واحد تلاقا بيه كيوقفوا كيسولو واش شتي امل، الناس شي كيشوف فيه ، شي كيهرب منوا انا تابعو كنجري موراه، شويه هو بدا كيغوت باعلا صوت فوسط الشارع اماااااال امااااال طيجري كيغوت امااال امااااال وصلت عندو شديتو بعدتوا على طريق شديت فوجهو حطيت عيني فعينو و قلت ليه : عادل رجوع الله كولشي عندوا حل دابا نلقاوها اكيد ماماتتش اكيد عايشة.عادل : قاتلي اخويا قاتلي عندك شي نهار تسمح فيااا، قلتلي قاتهاااالي اخويا قاتلي نموووووت بلا بيك، رميتها بيدي اخوياااا ل شارع رميتهاااا ، سنوات كتقاااوم كتحافظ على شرفها جيت اناااا لي بغاتني و دارتني مأمن عندها وشوهتهااا اناااا اخويا انااا خليتها على كل سااان انااا لي بغاتني ودارت فيا ثقتها عريتها وجريت عليهاااا... امااااال فين مشيتييييي فيييين اماااااال عندك تكوني خليتيني عندك تكونيييييي رحلتي على الدنياااا امااااال سمحي لي ا امااااال قاتلي قاتلي عندك تخلا علياااا رميتها ودري صغير برااا تاهمتهاااا ف شرااافهااا، شكيت فيها، امااال حبيبتي امااال يا القلب الطيب فين مشيتي ، رميتك ل وحوش الدنيا بيدي صغيرة و مفاهما والوا رميييتك بيدي اماااااااال اماااال ( ف هاد اللحظة نشفولي دموع والناسوالناس لي دايرين بينا كولشي كايبكي واخا معرفينش القصة.وهو شويه ينقص عادل من صوتو بدا كيهدر بشوية بحال راه فعالم اخر بحال داروا ليه التنويم، بحال معرفتش شنو حتى وليت خايف لا يتصطا لي ف البلاصة.عادل: كانت كل ليلة كدخل ف حضني و كتمسك يدي بقوة كانت كتقولي عمرني ما نعست فحضن بابا ولا ماما دابا انت كنعوض فيك كولشي، كانت حنونة لواحد الدرجة متصورهاش كانت بريئة كتشوفني قدوة ليها، كانت الا شداتني الكحة كتبدا تبكي من خوفها عليا، كانت اي حاجة جبتها لدار كتقولي عمرني ماكليتها انا كنت ديما كنفطر ونتغدى ونتعشى على الما والخبز، كانت مكتعرف والوا مافاهمة والوا فالدنيا غير انها كلها ظلم وقسوة، كانت كتقولي انت انت هو حياتي هو المامن ديالي عندك تسمح فيااا واعدتها عمرني نخليها ولكن شنو درت جردتها من لباسها و رميتها برااا فالوقت لي كانت كتستنى نوقف معاها بسباب مراضها، جريت عليها عريانة جيعانة مريضة ومعاها طري صغير بلا ماتفهم القصة و مشات كلها براءة بلي داك ولدها وانا باباه و مفاهما والو.انا : عادل مالك شتك كتهدر بلا ما كتشعر واش انت معايا؟؟عادل: امااال راها ف الفردوس الاعلى، مشااات ماشافت والوا، امال الله يرحمها اماال الله يرحمها.انا: عادل عاااادل رجع لوعيك واخا حنا تخلينا عليها اكيد الله كان عارفها مضلومة




اكيد الله متخلاش عليها.عادل: امااال مشات مشات ...و فجأة يسخف لي بين يديا ديتوا لمستشفى وتاصلت بعائلتو، طبيب قالينا خسنا نديوه لاقرب طبيب نفسي باش يتعالج قبل مايتزاد عليها لحال حيت كلا ضربة قوية قد تؤدي به الى الجنون.ديناه لاقرب عيادة نفسية، عادل فاق ولكن غي عينيه لي فاقو اما هو فعالم اخر معارف لا ماماه لا باباه معارف والوا كيردد عبارة واحدة امل مشات امل مشات وهنايا قررت نقلب على امل لي صراحة خايف بزاف انها تكون غادرات الدنيابديت كنقلب ومعرفت منين نبداا، فكرت ف البراكة لي كانت كرايا فيها وف صاحبتها رجاء مشيت ملقيتش البراكة تحيدات من بلاصتها، مشيت لدار رجاء قالو لي هادي شحال باش تحولو وحتى حد ماعارف عليها شي حاجة. تلفت معرفت منين نبدا ولا منين نسالي.شوية وهو كيتاصلوا بيا البوليس انا نمشي عندهوم كنجري.البوليسي: را تعرفنا على العائلة لي ربات بنتكم وهما راهوم هنايا كايقلبوا على ولدهوم ايمن ولي سمعنا انه موجود فواحد الخيرية وسط المدينة.حسيت بالفرحة حيت اكيد امل راها معاه مشيت تماك مع البوليس و الوالدين الحقيقيين د ايمن، استقبلتنا المديرة وهي تحكي لينا قصة ايمن وقالت لينا بانه لقاتو حدا باب الخيرية ومعاه ورقة فيه الاسم د الام ديالو لي هي امل*** ومعاه واحد الرسالة لي كتبات ف الغلاف ديالها انه نعطيوها ل ايمن يقراها ملي نكبر...انا طلبت يعطيوني الرسالة وخليتها عندي جابوا ايمن غير شتو تفكرت نهاؤ هزيتو من يد عادل و حطيتو حدا ماماه خداوه عائلتوا فجو كله حزن وهنايا تاصلوا بالخدامة ديالهوم لي جابت ليهوم " اية" بنت عادل و امل.اسم على مسمى ايه ف الجمال شديتها وانا كنرجف سبحان الله نسخه د امل عينيها ابتسامتها وحتى البراءة ديالها، ودعوها العائلة لي تبناوها بكل حزن وتافقوا معايا انه يبقاو ازوروها




و جاوبت باكيد حيت حتى حنا خسنا نبقاو نشوفو ايمن، مهم تكلفت بكولشي وهما كانو عارفين وضعية عادل وبلي انا اقرب صديق ليه لهدا سلمو لي البنت بكل ثقة. الفرحة والحزن ف نفس الوقت لقيت اية بنت عادل و امل ولكن ملقيتش الام ديالها. فكرت انه نكشي لمستشفى و ندي معايا ل باباها لي اكيد غيفيق من بعد مايشوفها.دخلت عليه كيما خليتو لقيتو كيشوف ف الحيط و كيردد امل مشات امل مشات، قربوا مني والديه وانا نمد ليهوم اية وقلت: ها هي بنت عادل و امل. بداو كيبكيو باعلى حرقة وانا معاهوم مقدوش المسوها من كثرة البكا، وهو نشوف عادل جاي العندي وعينيه على بنتوا، هزها ف يدو جلس ف الارض و خداها ف حضنوا ، وبدا كيقوليها : امل رجعتي امل امل انتي ممشيتيش امل حياتي...كانت لقطة مقطعة للقلب بدات ماماه كتبكي باعلى صوت ولدي تصطااا ولدي تصطااا خرجها راجلها برا وانا ننزل عند عادل.انا: عادل خويا هادي اية بنتك .عادل : (كيضحك) اه اية ايةمهم الولد كيضيع بن يدينا، خديت منو البنت وهو ماصدر حتى ردة فعل بقا كيكرر كلمة (اية اية) مشيت عطيتها ل جداتها وقلت ليهوم على موضوع الرسالة لي خلات امل مع ايمن وطلبات اسلمو هالوا ملي يكبر. طلبوا مني نحلها وانا نلقا فيها 2 اغلفة اخرى صغار ، وحدة فيها (الى ايمن) وحدة ( الى عادل).حلينا هاديك د ايمن وانا نلقا فيها :ولدي ايمن هاد الرسالة مني انا ماماك، كتبتهالك باش تقراها وتعرف بلي انت ماشي ولد حرام ولا ولد الزنقة، انت راك جيتي من بعد علاقة راضي عليها الله سبحانه وتعالى، لهدا عيش حياتك مرفوع الراس، متحشم من والوا كون راجل كون شريف ، نوصيك بتلاتة د الحاجات لولا : نهار تكبر وياك تكون سبب ف تعاسة شي واحد بغي الناس بغي مراتك بغي ولادك وجيب رزقك من الحلال.ثاني حاجة : بغيتك تقلب على باباك لي فارقتنا معاه الضروف ولي هو الإنسان الوحيد لي لقيت فيه الحنان، قلب عليه تسامح معاه وبغيه وقدروا وحتارموا وعطيه الغلاف التاني لي فهاد الرسالة (حطاتلوا المعلومات د عادل)ثالث حاجة : انا اولدي خليتك حيت عارفة مغاديش نعيش بزاف حيت مريضة بمرض لا دواء له، وحطيتك هنايا باش تعيش و تنعس وتقرا والحاجة الثالثة لي نوصيك عليها هي متنسانيش ف الدعاء ترحم عليا اولدي.اااه اختي امل رسالتك قتلاتنا و دبحاتنااا، كتباتها وفبالها ايمن ولدها، فبالها ايمن يبقى ديما ق الخيرية، فينك اختي فين ، فالسما ولا فالارض فييينك فين ؟؟؟بديت كنقلب عليها ف اي بلاصة والمشكل حتى تصويرة ديالها ماكاينة كولشي ترمى ف الزبل ملي كنا كنحاولو نسيو عادل فيها، اي بلاصة طاحت فيها عينيا كندخل ليها تقدر تكون خدامة فشي وحدى منها، وفكل مرة كنقول




شنو الا كانت مشات من الدنيا، وهو الاحتمال الاكبر، حيت خلات ولدها ف الخيرية حيا كانت كتموت اذا لوكان برات وتشافات كانت ترجع تاخدوا وانا عارفها متقدرش تسمح فولدها.نهار كامل وانا كندور وحتى البوليس طلبت اعاونوني ف البحث، اما عادل نفس الحالة، صدمة نفسية كبيرة تعرض لهاا وكيبانلي الدوا ديالو الوحيد اشوف امل حداه.الوالدين ديالوا كانو ديما ف جنبوا، كيبقاو معاه ف الوقت لي انا كنقلب على امل .واحد المرة وانا كندور وهو يتاصل بيا البوليسي لي كان متاثر من القصة بزاف و كيعاوني من كل قلبوا ولي كان كيتعامل معايا كاخ ماشي غي بوليسي داير خدمتوا.قالي : الو يونس اجي عدنا دابا لقينا امل.شنو نقوليكوم فرحة لا تتصور مشيت طاااااير عندهوم وانا ندخل المكتب ديالو : ختي امل فيراك امل امل.البوليسي : تهدن اخويا يونس مراهاش هنايا يا الله نمشيو عندها.انا : فيراها، كيدايرا، معامن راها ...البوليسي : غي صبر دابا تفهم كولشي . ركبت مع ف السيارة ومشينا وانا كولي شوق فوقاش نوصل نلقا امل ونجيبها لراجلها وبنتها هاكا كولشي يتصلاح واكيد امل غتنسا قلبها حنين وطيب .وصلناا اه وصلنا نزلني البوليسي ووداني لعندها: ها هي امل ا يونس ها هي ، ولكن قبل ما تقول اي حاجة قول : السلام عليكم يا اهل القبور انتم السابقون و نحن ا للاحقون.شفت امل حدايا امل تحت تراب امل مدفونة امل قتلها المرض امل لي ماتت بوحدها وقت كانت كتموت حنا كنا كنحتفلوا بعرس راجلها وهاديك لي كانت سبابها. لا لا كنا كلنا سبابها ااااه يا امل اااه مشيتي اختي ماشفتي والوا ف الدنيا مشيتي عند باباك لي تحرمتي منوا مشيتي عند الله لي غ يعوضك بخيروا ورحمتوا ، الله يرحمك اختي الله يرحمك.البوليسي : الله يعظم الاجر غي لي بغيتك تعرف انها ماماتتش بالمرض، ماتت بحادثة سير بسباب واحد الطوبيس لي تقلب وكانت فيه هي وصاحبتها امل تحرقات كولها، وصاحبتها الوحيدة لي قدات تعرف عليها وعطات الاسم ديالها، وهي كتب ليها الله النجاة وماوقع ليها والوا.مشيت صارحت الوالدين د عادل ب موت امل اكيد تحرقوا وقلبهوم تشواا تافقنا مانقولو والو لعادل حتى يولي بخير.عادل خرجناه من سبيطار وطبيب دار معانا يبقا يجي عندو لدار ، حالتو مازالا هكاك كيقول غي امل مشات وكل مرة كنعطيو ليه اية مرة كيتجاوب معاها مرة لا.شوية بشوية مع الدوا والرقية الشرعية بدا كيرجع لوعيوا ملي تفكر اش طرا قتانع بلي امل عايشة و قرر يخرج اقلب عليها ومايستسلمش ولكن كيفاش نقولوا لو بلي ماتت بلي هي فعلا مشات، كاينوض ف الصبح يخرج اقلب عليها ومايرجع حتى نص د الليل ، حاولنا نمنعوه والو و فنفس فالوقت صعيبة




فنفس الوقت صعيبة الحقيقة، صعيبة نقولو ليه امل ماتت ، خفنا هاد المرة يتسطا نيشان.واحد المرة كي ديما غادي صبح بكري اقلب عليها، حاولات ماماه تمنعو والوا مسمعش عندها وني تصارحوا.ماماه: امل ماااااتت مشات اولدي مشااااات واش كتقلب على حاجة مكيناش امل مشات.عادل: بعصبية سكتييييسييسيييييييي امل عايشة امل متخلينيش امل عايشة عايشةانا : ( فدوك الايام كنت كنبات معاهوم باش اي طارئ نكون حدا عادل) : خويا عادل تهدن عفااااك تهدن.عادل : امااااال عايشاااااا بعدو مني امال عايشة (كيقولها ودموع شلال).ماماه: صافي اولدي رجع لعقلك، ها يونس اقولك كولشي..الصراحة كنت رافض فكرة نقوليه، خايف عليه، ولكن لقيت بلي ضروري ما نصارحوا حيت ضروري شي نهار خسو يستسلم ل الحقيقة المرة وميبقاش تايه ف الشوارع بلا جدوى. شديتلوا ف يدو قتليه يا الله تشوف امل وديتوا لقبرها.عادل: امل حبيبتي شتي لقيتك راكي ناعسة هنايا يا الله نمشيو لدارنا يا الله احبيبة يا الله.هبط بواحد التصرفيقة على عادل وطلبت منو يرجع لوعيواا ويستسلم للواقع .انا : عادل خويا عفاااك رجع قوي كيف ديما را الحياة هي هادي الله مجمعكومش هنايا اجمعكوم ف الجنة .انا : خويا عادل عارف هادشي صعيب عليك، الدنيا قسات عليكوم بزاف ولكن را القدر هو المتحكم وارادة الله هادي هيا، امل مشات ولكن خلات ليك امل صغيرة خلات ليك اية لي نسخة منها، وحتى ايمن كيبقى ولدكوم الثاني، باراكا اعادل باراكا، وخود هاد الرسالة خلاتها امل مع ايمن وطلبات منو يعطيها لك نهار يكبر.شد الرسالة و بدا يقراها :امل : عادل انا امل عقلتي عليا، امل لي عتقتيها من الشارع وخليتيها تحس بلي عندها مكانة درتي منها زوجة وعروسة، عادل عارف فهاد الوقت لي كتقرا فيه هاد الرسالة انك عرفتي بلي انا عمرني خنتك، حيت الحق ديما كيبان وعارف انك معدب وضميرك كيأنبك، ولكن لا اعادل لا انا عمرني محقدت عليك، بالعكس خيرك نهزو معايا لقبري خيرك عمرني نساه.عادل انا عمرني كدبت عليك، عمرني خنتك، بغيتك ونبقا ديما نبغيك، فالوقيتة لي تقرا فيها الرسالة يكون المرض داني من هاد الدنيا، عندك تنساني من الدعاء عندك عندك...تهلا فراسك متبكيش علياا ضروف لي فرقاتنا عيش حياتك وخليني ديما ف بالك ونتلاقاو ان شاء الله ف الجنة. امل .اكيد رسالة امل خلات جرح كبير ف قلب عادل رغم انها نوات منها تخفف عليه، عادل لي بقا أيام بلا ماكلة بلا نعاس، عادل لي نسا




عادل لي نسا راسو وهمل حياتو، اغلب الليالي كان كيباتها عند قبر امل الله يرحمها، كان نهار كامل جالس حداها كيدوي معاها، حاول كتر من مرة يلتاحق بيها ويقتل راسو، لكن القدر بغاه يبقا عايش ...عادل كان هامل بنتوا وهامل كولشي فهاد الدنيا ، حتى قرر نهار انه يبدا حياتو من جديد انفد وصية امل ويتهلا فراسو، حاول بجهد انه يزيد القدام، وحنا اكيد وقفنا معاه، بدا يتهلا ف بنتوا لي كانت كتكبر وتزيد تشبه ف امل الله يرحمها...دازت سنة على الاحداث ، عادل اليوم فعمروا 26 سنة واية 3 سنوات، اية لي بدات تولف مع باباها، ولي كانت مرة مرة كيجيو عندها والديها لي تبناوها، وكانو كيجيبوا ايمن، اااه يا ايمن قسينا عليك حتى انت، خرجناك بلا رحمة، حسبناك ولد حرام ، وصدقتي ولد عااائلة.ضهر واحد concour د التمريض ، وقررنا ندوزوه انا وعادل، كيما قلت ليكوم ف بداية القصة حنا قرينا ف لافاك، وبالمناسبة قرينا فكلية الطب والصيديلة . دوزنا المباراة مع المشاكل لي عشنا كانت اول مباراة كندوزوها. ردوا علينا ف غضون شهر عادل تبارك الله عليه نجح، اما خوكوم هه قالو ليه سير فحالك انت براسك خس لي داويك تزيد داوي الناس هههانا متسوقتش عندي السبير ديالي وصاحبي الله يخليه لي تنازل لي على الحصة ديالو من بعد ما نجح.عادل عينوه بمدينة غير مدينتنا، عينوه فواحد مركز جديد دشنو الملك كيتعالجوا فيه الناس لي فقدوا الذاكرة.عادل جمع حوايجوا وسافر هو وبنتوا ووالديه، اما انا بقا فيا الحال بزاف حيت صاحبي غيبعد عليا، ولكن اش نديروا الوظيفة هي هادي وتافقنا انه نزوروا بعضياتنا فكل فرصة.انا: اوا اصاحبي عندك تمشي داوي لي فقدوا الذاكرة وتصدق فاقدها حتى انت وتنسانا.عادل: هههه كتخرف اصاحبي شكون ينساك شكون، غنتوحشك بزاف انت وولدي ايمن.انا: حتى انا اصاحبي ولكن مرة مرة نجي عندك ونجيب معايا ايمن.عادل : ان شاء الله .مشا عادل وعائلتوا لمدينة جديدة لي مبعيداش بزاف باش يلتاحق بالخدمة .مدير المركز: مرحبا بسي عادل ، مبروك الوظيفةعادل : الله يبارك فيك ا دكتورالمدير: نتمنى تلقا راحتك معانا ، ودابا يا الله ندير بيك شي جولة ف المركز ونعرفك بالمصالح لي كاينة.كيما عاودلي عادل دار بيه المدير جولة فالمركز لي كان فيه كولشي جديد ولي يا الله كي دشن.ملي سالاو الجولة رجعوا المكتب.المدير : من بعد ماشتي المركز دابا نحدد ليك الخدمة ديالك بالضبط ولي هي انك تكلف بالمريضة لي فغرفة 27 وانك تحاول معاها ترجع ذاكرتها، واكيد هادشي تحت الشروط لي فالملف لي غنعطيك .عادل : واخا ا دكتور.




مشا عادل والملف ف يدو لغرفة 27 باش يتعرف على المريضة ديالو لي كان عندها طبيب كيجي مرة ف الاسبوع كيدير ليها كشف الحالة يعني واش مرضها وقع ليه شي تطور، اما عادل فغيكون الممرض ديالها لي خس يقالبها يوميا.عادل: دق ف الغرفة ؛ ممكن ندخل ؟هي: اه تفضل...دخل عاد ل الغرفة، واذا به كيلقى بنت صغيرة، زوينة، باين فيها ملات من الجو د المركز من اللحظة الأولى.عادل: السلام عليكم، انا عادل، الممرض جديد، عطاوني نهتم بالحالة ديالك.هي: مرحبا وانا سميتي سارة، مهم سارة الاسم لي تعطا لي فالمركز اما انا سميتي الحقيقية مكنعرفهاش.عادل: متشرفين اسارة. واش بزاف وانت هناية.سارة: اه عماين وانا هنايا ، من يوم مادشن الملك هاد المركز وانا هنا كنت من الحالات الاولي لي تشرفات تعالج هنايا ههههعادل: دمك خفيف ههه قولي لي ا سارة شنو هي الاشياء لي كتفكريها من حياتك قبل ما تفقدي ذاكرتكسارة: والوا باستثناء انه دائما كنحلم انني كنمسك ف يد شي حد وفرحاانة بزاف.عادل: يد من هاديك ؟سارة : معرفتش ولكن كيما قالي الدكتور ديالي اكيد تكون يد شي انسان عزيز عليا.عادل: واش كيجيو عند عائلتك؟: سارة : لا عمر ماسول فيا حد، اما معنديش عائلة اما تلفت ليهوم.عادل: و كيفاش جابوك هنايا؟ يعني شنو وقعليك؟سارة: حسب ما قلولي لقاوني طايح فواحد لبلاصة وداوني لوحد مستشفى ملي عرفوني فقدت الداكرة حولوني هنايا.عادل : وفين لقاوك طايحة؟ سارة: ف مدينة***عادل : اااه مرحبا ببنت مدينتي ههه سارة: اااه بصح علا داكشي رتاحيت ليك من النظرة الاولى شمييت فيك ريحت مدينتي.عادل: هههه واخا نبداو العلاج ديالنا ويكون الخير ان شاء الله.عادل بدا العلاج مع سارة، لي كانت ظريفة بزاف كيما قال، وكانت سبحان الله فنفس تصرفات واخلاق امل طيبة حنونة درويشة و صبارة، اااه يا عادل مشيتي عسى تنسى امل ف الاخير صدقتي وحدة تفكرك فيها، ولكن الصراحة فرحت قلت ان شاء الله يتعلق بيها مادام كتفكروا ف امل وهاكا يبدا حياة جديدة، و يعطي لاية ام تهتم بيها خاصة وانه جداتها مرا كبيرة مقداش عاد تربي.عادل كان كيعطي وقتوا كله لسارة باغي يعالجها و يخليها تسترجع الذاكرة ديالها، و هدر مع الدكتور ديالها لي قال ليها بلي سارة مغاديش تشافا تدريجيا انما ترجع داكرتها خطرة وحدة' يعني كاين لي كيسترجعو الذاكرة خطرة




خطرة وحدة وسارة وحدة من هادوك ولكن انا كنفحصها كل اسبوع وكنلقا بلي الخلايا ديالها بداو يتحسنو يعني تقدر تسترجع الماضي ديالها كولو خطرة وحدةعادل: كتقولي بلي دائما كتحلم يد كتمسك بيها وفرحانةالدكتور : اه هادي هي الحاجة الوحيدة لي كتفكرها والطب النفسي كيقول بلي هداك لي كتمسك يدو شخص عنودا قيمة كبيرة عندها لدرجة انه نسات كولشي بينما يدو لا.عادل فهم مزيان الحالة د سارة وبدا كيعاون فيها، وكان كل مرة كيتاصل بيا معظم الحديث ديالو على سارة، وكيما فهمت كانوا اصدقاء يعني العلاقة مبقاتش فقط علاقة ممرض بمريضه.سارة: عادل بغيت نقوليك واحد الحاجة، ولا الصراحة ندير واحد الحاجة، ومعرفتش رايك، يعني خفت تقلق.عادل: وعلاش نتقلق ؟سارة : غمض عينيك.عادل : هي جايبا ليا الشكلاط بحال ديماسارة : اوا انت غي غمضهوم.عادل: ها انا غمضتهوم ...غمض عينيه واذا به كيحس بيها عنقاتو وعطاتوا بوسه على خدو، قتلوا كنبغيك ، وهو فجاة يتفكر امل، حس بلي امل لي عنقاتو، سارة بعدات راسها وحاطة عينيها فالارض بحكم انها حشمانة ، وهو يجبدها عادل عندو وعاود عنقها باعلى قوتوا وبدا كيبكي، سارة مفهمات والوا غي بدات تبكيغي بدات تبكي معاه، وفلحظة طلق منها عادل ومشا كيجري ركب ف سيارتوا وغادي فحالو ، وسارة كتجري موراه كتعيت ليه فالوقت لي مفاهمة والوا.وانا ف السيبير ديالي كنلقا عادل واقف حدايا عيينيه حومر...انا : عاجل مالك ؟ ياك لباس ؟ فوقاش جيتي؟ وعلاش مقلتي لي والو ؟عنقني عادل وبدا كيبكي بحرقة مفهمت والوا، ركبتوا حدايا ومشينا ل الدار.انا : جلس اعادل ، مالك تش واقع ، اية وقعات ليها شي حاجة ؟ ولا ماماك، باباك ، اش واقع؟عادل: انا غدااار ا يونس غداااار خنت امل خنتهااااا.انا: كيفاش، شرحلي ؟عاود لي عادل على لي وقع وجاوبتوا :عادل خويا امل الله يرحمها وانت مازال ف الدنيا، هي وصاتك على راسك اوا نفد وصيتها الا كنتي كتبغي سارة عطي راسك فرصة جديدةعادل : انا مكنبغيهاش هي كتفكرني ف امل هدرتها ضحكاتها براءتها وحتى الوحدة ديالها. ميمكنش نبغي وحدة بلا امل ميمكنش.انا: مادام كتشوف فيها امل لي مشات فاكيد قلبك تعلق بيها وهادشي ماشي عيب خسك تعيد تبني حياتك الا ماشي على قبلك على قبل بنتك وصلا هادي كانت ارداة مرحومة امل.








انا : عادل انا نصحك تاخد عطلة شي اسبوع و فكر مزيان مع راسك.عادل تاصل بعائلتو وبالمركز وقاليهوم بلي غيغيب اسبوع. هاد الاسبوع لي حبست حتى انا فيه الخدمة وعطيت وقتي كلوا ل خويا باش ميحسش ب الوحدة، طيلة الاسبوع واخا كنتساراو واخا كنخرجوا هو ديما ساهي كيفكر وانا كنت كنخليه ف راحتوا.عادل : يونس نعتارف ليك بواحد الحاجة.انا : اكيد قول اخويا .عادل : توحشت سارة.انا: اوووووه شتي كتبغيها الف مبروك الف مبروك.عادل : (ودموعو نازلة) : و امل ؟انا : خويا فكر فمنطق امل مبقاتش ف الدنيا.عادل: ولكن خفت نظلمها حيت انا تعلقت بيها حيت كنشوف فيها امل حيت كتشبه ليها، ماشي حيت هي سارة.انا : اش هاد الفلسفة بغيتيها هي كتبغيها صافي.عادل: ولكن هي معقلاش على ماضيها وديما كتحلم بيد شادا فيها ، اكيد داك راجلها ولا حبيبها، وهي فاي دقيقة تقدر ترجع داكرتها وتمشي تخليني هي كتبغيني غي دابا حيت معاقلا على والوا وكتشوفني غي انا.الصراحة هنايا لقيت عادل عندو الحق، شنو الا رجعات داكرتها ولقات راسها كتبغي حد اخر ؟ شنون الا كانت مزوجة ؟ شنو شنو ؟من بعد تفكير وحيرة ومن بعد ما اصريت على عادل انه يبدا حياتوا ويتحدا كولشي قرر انه يصارح سارة، اه يصارحها بلي كيبغيها، حيت طلبت منو يتمسك بيها، ينسا امر الداكرة، ينسا امر الحلم، ينسا كولشي ويفكر بشكل ايجابي؛ حيت مادام كتبغيه تبقى معاه واخا رجعات تفكرات ماضيها، ويمكن داك اليد ف الحلم غي خيال ما منو والو يمكن باباها يمكن ماماها يمكن اي حاجة من غير زوجها وحبيبها، واصلا لوكان عندها حد ف حياتها كان قلب عليها شحال هادي.عادل بعد اسبوع د الغياب توحش سارة، و رجع الخدمة على اساس انه يعتارف ل سارة ب مشاعيروا ويبدا يعيش حياتو جديدة وينسا الماضي التعيس.عادل: مرحبا ا سارة سمحيلي غبت اسبوع هادي لظرف طارئ.سارة: السلام اخوياعادل : خويا ؟؟؟ كيفاش خويا ؟؟؟وهو يدخل الدكتور : عادل كنت بااغي نتاصل بيك ونسيت ، عندي ليك واحد الخبر ، سارة رجعات ليها ذاكرتها.عادل تصدم.الدكتور : اه تفكرات كولشي تفكرات ملي وقع ليها الحادث كانت راجعة من السوق كانت كتوجد ل خطوبة ديالها،عادل : مصدووووووم ماقال حتى كلمةالدكتور: و دابا تفكرات كولشي تفكرات بلي هي بنت عائلة كبيرة و بلي كانت قريب تخطب وتاصلات بعائلتها



وتاصلات بعائلتها لي شحال هادي كيقلبوا عليها و حتى خطيبها لي سنوات كيستناها وكيقلب عليها.صدمة اخرى ل عادل ولكن بيني وبينكم هاد المرة عادل كان قوي متأثرش بزاف، حمد الله حيت كولشي بان قبل مينطق بكلمة كنبغيك وفهم بلي سارة قلبها مع حد اخر سارة لي مقالت حتى شكرا ل عادل على المجهود لي دار مشات ممسوقاش مشات مع عائلتها لي جاو خداوها بعد فراق سنوات مشات مع خطيبها لي عنقها بحرارة بعد اشتياق دام لسنوات ، مشات بلا حتى متعتادر ل عادل لي لعبات لو على احاسيو، ولكن الحمد لله ملي تفكرات كولشي قبل ما تكبر العلاقة وتعقد الامور حيت كانت غتخليه بدون رافة، مشات وخلات عادل لي اسبوع كيبكي وساهي ف التفكير لي شغلاتوا هي. مشات بلا متعبروا اه معبراااتوش.فكرت نمشي نطل عليه، ونشوف حالوا...عادل ؛ خويا يونس توحشتااااك و بزاااافانا: حتى انا اصاحبي كي بقيتي ؟عادل : لاباس الحمد لله.انا: صاحبي سمحلي على السؤال ولكن واش مازال كتفكر ف سارة؟عادل : اشمن سارة اخويا اشمن سارة، انا مبغيتش سارة كوجه، كشكل ، انا بغيت تصرفاتها و اخلاقها لي كانت كتحسسني بانني مع امل، كانت كنشوف فيها البراءة والتعب والحزن د امل، ولكن ملي تشافات بانت شخصيتها الحقيقية لي لا علاقة بامل، داكشي مكانش ابداداكشي مكانش ابدا حب لسارة، هداك حبي ل امل لي مبغيتوش يتطفا و حاولت انه قلب على امل ونعاود نبغيها وااخا ف هيئة اخرى، قلت امل مشات ولكن يمكن نلقا الروح ديالها فشي بلاصة، ولكن اخلاق امل حنان امل رافة امل عمرهوم ميتعاودوا ، مشات امل ومشا معاها الملاك الصافي.مكاين لا سارة فحياتي و لا وحدة خرى كاينة امل لي فكرت انه نلقا بصماتها ف شي بلاصة ، ولكن امل عمرها تعاود. ( كيهدر ودموعوا نازلين).ضنيت بلي عادل اخيرا غينسى امل، ويبدا حياة جديدة لكن لي طرا هو العكس تماما، بدا كيتفكرها كتر من الايام لي فاتوا بدا يحن ليها كتر و يتوحشها كتر .





مشيت مع عادل ل الدار، تجمعت مع عائلتوا، شفت اية لي ميقدرش عادل ينسى معاها امل، كيفاش ينساها و اية صورة طبق الاصل لماماها.جلسنا بعد ما تعشينا بدينا ف رواية النكت كنضحكوا ، عادل حسيت بيه ضاحك و مندامج معانا، وهي تجي واحد اللقطة لي قلبات الضحك الى بكاء.اية بنت عادل نطقات اول مرة فحياتها نطقات وقالت "ماما".مشا عندها عادل كيجري شدها فحضنوا وبدا كيبكي : تفكرتي ماماك ابنتي العزيزة، توحشتي ماماك لي انا قلبي كيتحرق عليها كل نهار، شنو نقوليك ابنتي شنو واش نقوليك انا سباب ماماك بغاتني ورميتها، واش نقوليك بلي شكيت ف شرافها، شنو نعاود ليك ابنتي شنو...تقلب الجو الى حزن وكانه امل ماتت داك نهار، كانت صورة عادل واية كتقطع القلب ، ااه يا امل مشيتي وخديتي الفرحة د خويا عادل معاك ، مشيتي وديتيه معاك، ديتي عادل الضاحك الناشط، خليتي عادل الميؤوس الغارق حزن.مشحال عادل كيحاول حدا والديه يبين بلي راه بخير وبلي نسا امل وبدا يتعايش مع الوضع، ولكنه ف اول فرصة و غير سمع كلمة ماما من اية نفاجر وداك البكا لي خباه طول المدة لي كان صابر فيها خرجوا ديك الليلة.من بعد الليلة الحزينة، ومن بعد عادل ماغاب على خدمتوا بسباب التعب لي حس بيه، (و بالمنابسة كانو عطاوه حالة اخرى لي كتعلق ب راجل كبير فاقد الذاكرة)، عادل جاه اتصال مع صبح بكري من مدير سجن المدينة ديالنا.مدير السجن: الوا سي عادل.عادل: الوا شكون معايامدير السجن: معاك المدير د السجن لي محبوسة فيه المطلقة ديالك لمياء (وبالمناسبة عادل ملي فكر يبدا حياتو طلق لمياء لي حكمات عليها المحكمة بالسجن 5 سنوات).عادل: ممكن نعرف سبب الاتصال (قالها بعصبية حيت كان محاملش اسمع اسم ديك المجرمة).مدير السجن: بغيت نقوليك بلي المطلقة ديالك مريضة وهي ف المستشفى فحالة حرجة، وطلبات منا نتاصلو بيك حيت باغا تشوفها قبل ماتودع الحياة وراها ف المستشفى * * *.عادل بلا مايجاوب مدير السجن قطع الاتصال وتعصب حيت فكروا فديك المجرمة و طبعا مبغاش يمشي عندها ومفكرش اصلا يستاجب لدعوة ديالها، ولكن والديه طلبوا منوا يمشيو حيت قالو ليه تقدر تقوليك شي حاجة مهمة.انا فالاول كنت مؤيد عادل انه مايمشيش ولكن من بعد ما سمعت راي والديه قنعوني، تقدر لمياء تكون مخبيا شي حاجة وعادل ماخاسر والوا الا مشا وعرف القصة.





بعناء شديد قنعنا عادل يمشي عند لمياء ويشوف القصة، وانا كنت مرة مرة كنفكر بلي بغاتو باش طلب السماحة لي مكتستاهلهاش، ولكن يمكن تقوليه شي حاجة اخرى معرفتش شنو هي بالضبط.مشا عادل وطلب نمشي معاه، وصلنا ل مستشفى وبالضبط لغرفة لي كانت تحت حراسة الشرطة وهادشي طبيعي مادام لمياء محيوسة.دخلنا الغرفة. اوووه على المظهر لي ولات بيه لمياء، بقاو فيها غي عينيها، مريضة بمرض شدها ف العظام ديالها، لوكان مقلولناش بلي هي لمياء، مكناش غ نعقلوها . بمجرد ما شافت ف عادل بدات كتبكي، رغم كل شيء حسيت بالشفقة من جهتها، شفقت عليها حيت مريضة وحيت ديعات حياتها وعائلتها بسباب استسلامها ل شيطان، اما عادل ما حركات فيه حتى حاجة.لمياء : عادل فرحت بزاف حيت جيتي توحشتك بزاف (كتهدر بصوت ضعيييف حيت مكانتش قادا تهدر).عادل: (بعصبية) شوفي انا محاملك مقابلك، جيت هنا بسبب الحاح واليديا، وقولي لي شنو بغيتي بخلاصة باش نمشي حيت منستحملش نبقا معاك.لمياء: املعادل : سكتييييييييي متجبديش سميتها على لسانك الموسخ.لمياء : امل مماتتش.سنبقى معاسنبقىعادل ملي سمع لمياء نطقات بديك العبارة مقدش احبس راسوا حيت حس بلي لمياء كتستهزأ بيه و بمشاعيروا ، مشا عندها بواحد سرعة و شدها من عنقها باغي يخنقها، بعدت عادل على لمياء بصعوبة واذا بها كتنطق " اقسم بالله امل مماتتش ".هنا عادل من صدمة ماسمع طاح الأرض، نزلت عندو وشديت فيه وانا مافاهم والوالمياء: نهار ملي جريتي على امل من الدار تاصلت بواحد صديق د الدراسة قديم، طلبت منو يراقب الخطوات ديالها وكان كيتاصل بيا ويقولي كل خطوة دارتها امل، مشات اول مرة الى البراكة ديالها لي لقاتها عامرة بناس جداد كاريين فيها، باتت داك نهار عند باب البراكة بعد ما مشات عند رجاء لي مبغاش الاب ديالها يستقبل امل بحكم انها انسانة ماشي شريفة، حيت داكشي لي درتي ليها نتاشر بسرعة البرق، امل فصبح دات ايمن للخيرية، وهنا تقطع ليها لحبل معرفاتس فين تمشي كانت غي كدور فزناقي. حتى من بعد شهر د التشرد ، جا واحد السيد لي كينتمي لجمعية خيرية شافها فالارض وهزها معاه لجمعيتو، امل خبراتو بلي مريضة بالسرطان وهو يدير ليها عملية فاقرب فرصة وحيد منها الورم، هنا امل قرات تمشي تخرج تخدم و ترجع ايمن ، وانا بحكم انه كنت كنشوفك واخا كتداعي انك نسيتيها كنتي دائما كتعيت بسميتها وانت ناعس، وبحكم انه ظني كان انها تموت ولكن تشافات، خفت لا شي نهار تبغي تسامحها ولا تكتاشف الحقيقة لهذا قررت ندخل. تاصلت بالصديق لي كان كيجيبلي خبارها وطلبت





وطلبت منو انه يغبرها ، واكيد وافق بحكم انه فواحد الوقت كان كيبغيني ةكنت متأكدة انه مازال كدلك يعني اقدر يعاوني باي حاجة.امل فداك نهار من بعد ملقات خدمة فواحد الصالون انها تصيق وتجفف خدات قرار تمشي تجيب ايمن لي خلاتو حيت مضناتش الله يصيفطليها لي يشافيها، وفطريقها ل خييرية وقفات فطريقها سيارة كحلة وخطفوها وكانت سيارة صديقي وصحابو. كيما قالي صديقي هو كان كيشوفها من بعيد وملي شافها اول مرة عن قرب نباهر بجمالها هو وصحابو و جاتهوم فكرة انه يستغلوها ف المشروع ديالهوم لي عبارة عن ملهى ليلي.داو امل عند الملهى وبداو كيقدموها لضيوف المخمورين بزز عليها، قاوماتهوم بزاف ولكن كانت ضعيفة امام ناس طويلة وعريضة و مفيهاش الرحمة.بداو كيتاجرو بلحمها، حبسوها ف بيت ولي بغاها يرمي زبالة د لفلوس عاد يدخل، وكان عليها الإقبال بزاف واخا انها كانت كتقاوم ومكانتش كتخلي الزبناء فراحة الا ان جمالها منعهومش يختاروها، وكانو أحيانا كينوموها باش تخلي ليهوم الراحة و ميسمعوش صراخها، وحسب صديقي كان كل ما دخل عندها شي واحد كتبدا تعيت باحلى حرقة عادل عادل.تجارة طورات بوجود امل لي كانت كيربطوها فالبيت وكتعنف وكيخليوها بالجوع انتقاما على الصدع ديالها وكانت كتستقبل عشرات المخمورين فنهار لي كانو كيتسابقو عليها وملي كيكون الاقبال فايض كيدخلوهومكيدخلوهوم بالمجموعات.واخا امل كانت ديما كتغوت و دايرا ليهوم صداع فالملهى مبغاوش اخليوها مادام هي كنز كيدخل عليهوم اطنان د الفلوس. حتى الواحد المرة مكان عندهوم حل سوا اطلقوها تمشي.كان هاد اليوم فالاول عادي امل مربوطة فالسرير حالتها حالة كيف ديما كتستنى الوحش لي يجي عندها هاد نهار. وهنايا امل كانت كلما شافت حد جاي كتبدا تغوت بعد منيييي خلينييي متقربش مني .الى غاية داك نهار امل غي شافت واحد جاي من ناحيتها مغوتاتش ابدا بالعكس بدات تضحك باعلى صوت كتضحك كتضحك ميتة بالضحك. عرفتواا شكون هداك ؟ راجل ماماها . وعرفتوا علاش ضحكات ؟ امل صافي تصطات.كيما قالي بدات كتهدر بطريقة غريبة تصرفاتها غريبة عتاقدنا فالبداية انه كتمثل باش تهرب ولكن تاكدنا مع الوقت بلي فعلا ولات مجنونة.وهنايا باش نهربوا من المسؤولية جرينا عليها براا ومشات كتهددر مع راسها مرة تبكي مرة تضحك وكتهدر عند الناس لي كيهربوا منها ودراري صغار كيضحكو عليها وكيقلدوها، وكانت كتردد عبارة واحدة " والله مادرت والو والله مادرت والو)اما مسالة الموت ديالها فحادثة سير سمعت بالصدفة انه من بين لي كانو ف الحافلة صاحبتها رجاء ، مشيت عندها وطلبت منها تقول ل شرطة بلي امل كانت معاها . واكيد وافقات بسهولة تبيع و تخلى على صاحبتها من بعد ماعرضت عليها لف







وامل من بعد مخرجوها ل شارع مدات ليها يود العون واحد المرا لي كانت خدامة ف الملهى كتصيق وتجفف، وداتها ل اقرب مركز ل المجانين ف مدينة*** وهاد المركز هو ***، وامل لي حاد الان راها تماك فالمركز و لي حاد الان فاقدا عقلها .شنو نقوليكوم كنت عارف لمياء تقدر تقول شي حاجة مهمة ولكن عمر ظنيت انه تقول امل حية، معرفتش الشعور ديالي وانا كنسمع الحقيقة ، واش نفرح حيت امل مازالا عايشة ولا نحزن على لي داز عليها وعلى الوضع لي وصلات ليه.شي نص ساعة وحنا جالسين، حتى واحد فينا ماقد يتحرك ، عادل جمدو ليه دموع ف عينيه، شويه رديت وعيي ونوط عادل لي كان جامد و مصدر حتى ردة فعل، خرجتوا شاد فيه وهو بحال شي جثة هامدة، ديتوا لواحد غرفة باش يسعفوه حيت خفت لا يتعرض لشي ازمة و يموت لي بين يديا، دخلوه الغرفة وبداو كيدربوا فوجهو باش يسترجع الوعي ديالو ولكن والو كلا صدمة اخرى هاد المرة محال واش يخرج منها ، 3 ايام وعادل ف نفس الحالة ولا رد باقي جامد مكيهدر مكيشرب حتى نعاس كيضربوا ليه الابرة لي تقد تنعسوا، وبعد 3 ايام عرفوا بلي مقادينش عليه حيت المرض ديالو نفسي وخس نحولوه لاقرب مركز نفسي. تكرر نفس السناريوا، عادل ف صدمة وامل غابرة، لكن هاد المرة عارف فيراها واكيد نمشي نجيبها.تاصلت بوالدين د عادل لي راهوم بالمدينة لي خدام فيها، وكيما كتعرفوا حنا كنا فمديننتا من بعد ماجينا عند لمياء.جاو عند ولدهوم لي هاد المرة دخل ف صدمة حقيقية، ولي واخا شاف عائلتوا وبنتوا وحتى ايمن لي جا يزورو ماصدر حتى ردة فعل.شديت طريق لمدينة لي فيها امل، وبالضبط لمركز لي موجودة فيه.وصلت المركز، وقلبي كيدرب بطريقة ماشي عادية، حتى انه كنت خايف يوقف ليا ف اي لحظة. وبزاف د التساؤلات عندي فالراس، واش امل هنايا، شنو الا وقعات ليها شي حاجة ؟ واش من بعد كل هاد السنوات عنشوفها.مدير المركز : مرحبا، قالوا ليا باغي تشوفني، واش نقدر نعاونك فشي حاجة ؟انا : اه جاي كنقلب على واحد البنت قالو لي راها هناية.المدير : انا بنت بالضبط كاين عشرات د البنات هنايا.انا : واحد البنت سميتها املالمدير: الصراحة واخا قلتي لي سمية منقدرش نعرفها حيت اغلب الحالات لي عدنا حنا سميناهوم من عندنا من بعد مالقيناش العائلات ديالهوم لي عرفونا بالهوية د المرضى.انا : ( ودموعي نازلين) امل بنت زوينة، عينيها كبار وكحلين، بشرتها بيضاء ، شعرها كحل وطويل ، عندها غمازات.المدير : يمكن يمكن كتقصد المجنونة اللطيفة.




انا : كيفاش؟المدير : هه عدنا واحد المريضة هنايا بهاد الصفات، وهي حالة خاصة، واخا مجنونة ولكن جنونها خاص، يعني جنون لطيف، لدرجة حتى حد ماكيخاف منها كي باقي المرضى.انا: (قلبي ضرباتو دزادت وبديت كنرجف) واش ممكن نشوفها ؟المدير : طبعا ولكن ممكن نعرف علاقتك بيها ؟انا: هي كانت زوحة د صديقي لي مقادش يجي حيت هو فحالة نفسية صعيبة من بعد ماعرف ان امل موجودة هنايا. (اه امل مبقاتش زوجة د عادل حيت ملي تزوج بلمياء المحكمة طلقاتو من امل لي طلبوها تحضر و صيفطوا ليها استدعاء اكثر من مرة ومبانتش، وحنا مديناهاش ف سبب الغياب واصلا مكناش بغينا نشوفو وجهها). المدير : واخا فهمت. تفضل معايا !!!المدير طلب مني نتفضل، فكل خطوة اتجاه البيت دقات قلبي كيتزادوا، شنو الا مكانش امل، شنو الا كانت هي ، كيفاش نشوف فعينيها، واش غتصدر شي ردة فعل ملي تشوفني، كيندير نصبر من بعد هادشي كولوا، غاديين الغرفة وقلبي غادي الى الهاوية، ااه اخويا عادل كيفاش غتعدي هاد الازمة، واه اختي امل واش انت لي هنايا، ياربي تكوني انت، نعاودو نشوفوك من جديد واخا حتى حد فينا ماقد اطلع فيك عينيه، يا ربي لطف بينا وكون معايا فهاد اللحظة، هادي شحال خرجت نقلب عليها ورجعت باية ياربي دابا نرجع بماماها. وصلنا الغرفة دخلنا وانا نشوف واحد البنت متكية على الحيط كتلعب فشعرها.شفت بنت باينة فوجهها خيبات الدنيا، شفت بنت باينة ف نظراتها الم و وجع الدنيا، شفت ختي امل، اه كانت هي امل لي رغم الوقار لي كنت كنعطيه ليها، ملي شتها مقديتش نمسك راسي جريت عندها وعنقتها : ختيييي امل انت هناا، اخييييرا شفت وجهك بعد وجع كبير عليك و على خويا عادل، الحمد لله ملي انت مغادرتيش الدنيا، الحمد لله، الحمد لله، ختي امل هادي شحال مرحمناكش و تخلينا عليك، ولكن دابا لقيناك باش نعوضو ليك كولشي، رديتها عندي وكنبكي بحال شي دري صغير، و هي تشوف فيا و مسحات شعري بيدها ونطقات : امل : مالك كتبكي واش ضربك شي واحد ؟ملي نطقات بهاد العبارة صافي مقديتش نمسك راسي، طحت الارض وبديت كنبكي باعلى ماعندي من طاقة، حتى بدا مدير المركز كيشد فيا وكيبكي معايا، بكيت ملي سمعت صوت امل بعد كل هاد المدة، بكيت على البراءة لي هدرات بيها، بكيت حيت فديك الوقت كنت كاره راسي حيت كنت من بين الناس لي متاقوش فيها. بكيت على زهرها وزهر خويا عادل بكيت والسيناريو كوولو كيتعاود بين عينيا.وهي تنزل عندي امل: شكون هدا لي ضربك؟ اه جيتي تخبيتي عندي ، متخافش انا دابا نشدوا و ننتاقم ليك.صافي مقديتش عاد نبقا نسمع ليها خرجت بسرعة من البيت قبل ما طرا لي شي حاجة.مدير المركز: موقف صعيب انك نشوف شخص كتعرفوا بهاد الحالة، ولكن خطوة ايجابية انك جيتي هنايا،




حيت تقدر ترجع لوعي ديالها من بعد ما ترجع تشوف عائلتها، ولكن خسك تمسح دموعك وتمسك راسك حيت هادشي ما ينفع حتى طرف .هدرة المدير كانت معقولة، براكا من البكا، مدة طويلة والدموع مصاحبين معانا، جا الوقت لي خس الأمور ترجع لحالة ديالها. مسحت دموعي وقويت راسي ودخلت عند امل.امل: يا الله نمشيو.انا: لفين؟امل: عند هداك لي ضربك باش نضربوا و عمر هاكا تبكيانا: هي انت واعرة مع راسك ؟شافت بيا الملامح د وجها تبدلوا وبدات كتردد : لا انا مادرت والوا، لا انا مادرت والوا.قربت ليها باش نهدنها، بعدات مني ولصقات فالحيط وكتردد عبارة لا انا مادرت والوا ، حبست دموعي حيت وعدت راسي، نصلح الامور، وانا نقوليها :انا: عارف مادرتي والوا، انا لي درت كولشي.شافت فيا وبدات كتضحك من قلبها، نفس الابتسامة البريئة مفارقتهاش. وسولتها : واش تمشي معايا ؟امل : اه نمشي.انا: مسولتينيش فين ؟امل: نمشي نمشي نمشي (كتقولها وهي شادا فيا بحال كطلب مني نوافق).انا : صافي اجي معايا.شديت فيدها و هدرت مع مدير المركز لي طلبت منولي طلبت منو يخلي امل تمشي معايا، وافق لكن بعد سلوك اجراءات قانونية وبعد ما وقعت على مجموعة من الاوراق. الممرضات جمعوا حوايج امل ودعوها بالبكا حيت كانت عزيزة عليهوم، فرغم الاضطراب العقلي لي راها فيه ، كانت لطيفة معاهوم كاملين.جمعنا كولشي وشدينا طريق لي كولو وامل كتضحك بدون اي سبب ومرة مرة كتقول عبارة لا علاقة بالجو و كتضحك و كدحكني معاها. وسبحان الله من كثر ماكانت محبوسة فالمركز فرحات بزاف ملي شافت العالم الخارجي وكأنه احساسها كان كيخبرها بلي غادية لولادها اية وأيمن ولراجل لي كتبغيه وكيبغيها، اه عادل لي مازل ماخرج من الصدمة ديالوا ولي عندي امل كبير انه يخرج منها ملي شوف امل حداه، وهي كدلك ترجع لوعيها ملي تشوفو.




مشينا في اتجاه مدينتنا وامل معارفة والوا ، غي غادة معايا، وانا قلت نسولها نشوف واش عندها شي حاجة فالبال على الماضي.انا : امل امل (كنعيت ليها وهي عينيها برا السيارة، مشافتش فيا، يمكن ما ستوعباتش بلي سميتها امل).وهي شوية تشوف فيا ، وانا نقوليها عاودي لي شويه على راسك.امل: وقف هادشي ...انا : شنو نوقف ؟امل : قتليك وقااااافانا : واخا ها انا واقف .امل : نزل دغيا نزل نزلانا : واخا بلا ما تعصبي انا نازل .شوية وهي تعيت ليا ركب. وانا نركب في استغراب مالها علاش طلبات مني ننزل وهي منزلاتش.انا: هانا ركبت علاش طلبتي مني ننزل.امل: غي مشيت ل دوش هههههههانا ( واخا السيارة توسخات مت بالضحك على اللقطة، وسبحان الله حيت مازال كتمسك بالحياء ديالها رغم حالتها، بنت شريفة ف جميع حلاتها.ملي قربت نوصل مدينتنا تاصلت بعائلة عادل لي فرحوااا بزاف حيت لقيت امل، دوزتها لدار اولا عند حالتي خديجة لي بدلات ليها ولبساتها بعد لقاء مؤثر وحزين. وبعد ذلك قررنا نديوها ل عادل ف لحظة مصيرية، فهاد الاثناء اية كانت عند العائلة لي رباوها، حيت خالني خديجة خلاتخلات عندهوم ايه بسبب انشغالها مع عادل.دينا امل ل المركز فين كاين عادل و مكدبش المدير ملي قال بلي هي لطيفة رغم الحالة ديالها، حيت كانت مسالمة و ظريفة، وحتى أنها فوجات علينا بالهدرة ديالها العفوية والبريئة.دخلنا الغرفة د عادل لي الوضعية ديالو كانت مازالا هكاك، جامد و عينيه فالحيط حتى انه منتبهش ل الدخول ديالنا، امل واخا شافت ف عادل ماصدرات حتى ردة فعل، معقلاتش عليه، قربنا امل من عادل و هزينا يد امل ووضعناه فيدو، وهنا كانت المفاجأة.عادل دور وجهو عند امل بدا كيرجف ويبكي بحال مافاهم والوا، مسحت شعرو بيدي وقلت ليه:عادل ها هي امل رجعات ، امل مماتتش ، جبناها ليك، و عمرها تمشي منك، هاهي مراتك و ام بنتك اخويا ، هاهي حياتك اخويا رجعات ليك. شوف فيها امل حداك هاهي جات عندك ا خويا لعزيز. شاف فيها عادل و بداو عينيه كيرجفوا، هز يدو وبدا كيلمس فملامح وجهها، كيلمس فيدها بحال بغا يتاكد واش هي، شاف فيا و قال : ها هي اه هي حبيبتي امل رجعات ليا امل مخلاتنيش بوحدي، هاهي جات عندي، قتليكوم مماتتش، قتهاليكوم، امل حياتي رجعتي لي ياك مكتكرهينيش ياك رجعتي لراجلك ا الوردة ديالي رجعتي عندي ا اغلى ماعندي، رجعتي لقلبي لي تحرق وتشوا بفراقك. ردها عندو عنقها، ااااه امل اه فين كنتي فين، بكيتيني دم على فراقك ، بغيت الموت ملي ملقيتكش حدايا.رجعتي عند القلب لي عمرو ما يفكر يئاذيك، اخيييييرا شميت ريحتك ا الغزالة ديالي، اخيييرا رجعت عنقتك، مشيتي و مشا معاك قلبي وروحي وعقلي، كنديييييير نسمح راسي لي خلاك تعدبي، كنديييير نصبر احبيبتي، امل بصح انتي رجعتي؟ ، سمحتي لهادا لي دمرليك حياتك ؟، رجعتي ليا املاكي رجعتي...امل بقات كتشوف بيه وكتبكي معاه بدون مكتعرف علاش كتبكي، شويه و هزات يديها بدات تمسح فدموعوا و بدات تسرح شعروا بيدها، وقربات منوا وعطاتوا بوسه على خدو و رداتوا عندها وعنقاتوا : متبكيش متبكيش دابا تمرض ، وانت راك زوين مخسكش تمرض، نعس عندي نعس نعس متخاف من والوا انا نضرب الناس لي يجيو عندك باش يؤاديوك، نعس عندي انا نبقا حداك ميوقعليك والوا ، نعس حتى صبح و نلعبوا انا وياك غتفرح بزاااف نعس عندي انا نحميك كنواعدك.




امل حسات ب عادل وبكات معاه وحنات فيه رغم أنها معقلاتش عليه، هيامل معقلاتش على حد فينا، مرة مرة ملي كتحس بالخوف كتردد عبارة انا مادرت والوا، هاد العبارة لي خلاتها توصل لوضعية لي وصللت ليها. وكانت كل ما نطقات بيها قلوبنا كتحرق خاصة قلب عادل، حيت هي بصح مادارت والوا ولكن هو قاليها بلي درتي وجرا عليها من الدار.خرج عادل من المركز و مشينا ل الدار و معانا امل لي غي تابعانا، وقررنا نحاولو نرجعوها لوعي ديالها، وكانت اهم خطوة هي نجيبوا ليها ايه اكيد ملي تشوف بنتها ترجع لطبيعتها.جبنا ليها ايه لي غي شافتها مشات خداتها بين يديها وبدات كتبتاسم عندها و كتلعب ليها فشعرها والكل لي داير بيها كيبكي على الموقف الحزين ما بين الام وبنتها هاد الموقف لي كيتضمن اول لقاء مابين الام وبنتها، حيت امل مشات و مفبالهاش اصلا جابت بنية.كنا مركزين عليهوم كل التركيز حيت قلنا دابا امل تنطق بشي كلمة كدل بلي صافي تشافات ولكن المفاجأة انه من بعد ماكانت ماسكة اية عطاتها ل عادل وناضت بدات كتشوف ف التلفازة.ايام و ايام ونفس الحالة امل معانا جسما وغائبة عقلا كل مرة كتنطق كلمة ف شكل.العائلة د ايمن بغاو اجيو ازوروا امل من بعد معرفوا حالتها. اكيد عادل وافق يتفضلوا بالزيارة.كنا جالسين كنستناو فيهوم، وامل لبساتها خالتي خديجة لباس رائع خلا عادل ميحيدش عينيه عليها.وصلات العائلة (الام ، الاب ، ايمن) و جلسوا من بعد ماسلموا على امل.امل بقاااات كتشوف ف ايمن و محيداتش عينيها عليه، وشوية تقرب ليه وخداتو وبدااات كتشوف فيه، بقينا كلنا حاديينها في استغراب، وفجاة عنقاتو وبدات كتبكي، حتى واحد منا ما تحرك بقينا غي كنشوفوا فيها.امل: انت زوين بزاااف ، انت غزال ، انت لطيف، انت ولدي ايمن. اااه ايمن، سمحلي اولدي حيت مرجعتش عندك سمح لي اولدي حيت ماخلاونيش، سمح لي اولدي حيت سمحت فيك، ولدي لعزيز ماماك رجعات عمرها تخليك، كبرتي اولدي و زيانيتي، شفتك وعفرتك اولدي، عرفتك احبيبي، كنتي شاهد على قصتي، كنتي شاهد على الامي وجروحي ، كنت شاهد على عفتي وشرفي.عنقاتو ومخلاتوش والدموع مفارقتهاش ، وحنا شعورنا تمزج ما بين الالم على المظهر المحزم ومابين الفرحة حيت امل بدات تخلص من المرض ديالها.شافت فينا بقسوة و شدات ايمن عندها وبدات كتغوت : مالكوم اش بغيتوا علاش جبتوني هنايا؟ ياك جريتوا عليا شنو بغيتوا مني وشنوا بغيتوا من ولدي وعلاش عاطيينو لهاد الناس...عادل : اما نشحليييك.امل : سكااااات انا تقت فيك وعطيتك حياتي، وانت شنوو درتي جردتيني من لباسي و رميتيني كي لكلبة برااا، بسبابك شفت الويل




بسبابك شفت اسوء ايام حياتي شنو بغيتو مني دابا شنوو، ياك قلتي هدا ماشي ولدك اوا شنو باغي منوا.دخلت ف الموقف باش نوضحوا الامور شديت امل من يدها و خرجتها برا وهي ماسكة ايمن فيديها ، حكيت ليها كل لي طرا حكيت ليها بلي ايمن ماشي ولدها ، وبلي هما جابو بنت سميتها ايه، حكيت ليها مشحال تعدب عادل ملي تحصابليه ماتت و حاول اكتر من مرة يدير حد لحياتو ، تصدمات من كثر داكشي لي سمعات ، حتى حسيت بيها كدوخ وعيت لعادل لي طاحت ليه بين يديه، دخلها لغرفة وفاقت و حداها ايمن واية، فاقت كتشوف فيهوم و كتبكي وممستوعباش القصة، لمسات يد اية وهزاتها عندها وشمات ريحتها و عنقاااتها ااه يا بنتي هي بيك حملت 9 شهور هي انتي لي كنتي كتحركي لي فأحشائي، انت لي كنت كنحس بيك كتكبري ف الداخل ديالي انت لي كنت كنحمد الله يوميا حيت رزقني بيك ومن الشخص الوحيد لي بغيتو فحياتي، علاش بعدوني عليك ابنتي علاش، ولكن كنحلف ليك ابنتي بلي عمرني تخليت عليك، وعمرني نديرها فحياتي، انا كبرت بلا ام ، كبرت بلا حنان بلا رأفة، وعمرني نخليك تعيشي لي عشت،شافت ف ايمن وزادت قرباتو منها وخداتهوم فحضنها بجوج، وليداتي عمرني نسمح فيكوم، نمووووت و سوء بسيط ما يقرب ليكوم.امل عمرها ما ضنات بلي غتشوف كل هادشي فحياتها، قسات عليها الدنيا لواحد الدرجة كبيرة، فالوقت لي هي انسانة كتستحق كل خير الدنيا.طلب منا عادل نهزوا دراري ونخرجوا برا باش يهدر مع امل.عادل : امل انا منقدرش حتى نشوفليك ف عينيك، عارف بلي ممنحقيش نقول اي كلمة، عارف بلي اي حاجة قلتيها عندك الحق فيها وكتر . معرفتش شنو نقول معرفتش.امل : عقلتي نهار قبل زواجنا جيت ومسكت يديك باش عمرك تخليني حيت كنتي الوحيد لي حسيت معاه بالحنان، عقلتي ملي قتليك عندك تخلا عليا ، قتهاااليك ا عادل قتهاااليك، علاش علاش؟ ، علاش جمعتيني من برا ملي عرفتي تخليني ، علاش لوحتيني ل شارع نتغدا ونتعشا على قمامات الناس، علاش خليتي لحمي ل الناس، واش حيت بغيتك ؟ واش حيت فكرت نصونك ؟ علاش خليتيني نتغتاصب الف مرة ف نهار ؟ واش حيت حتارمتك ، ولا حيت قدرتك ، علاش ا عادل علاش ؟ علااااش حطمتيلي قلبي علاش، كنت كنموت ف الشوارع فوقت لي كنتي كتحتافل بزواجك، كنت كنتغتاصب من طرف الوحوش ف الوقت لي كنتي كتقرب فيك ل ديك لي طعناتك، انا باغا نعرف علاش هادشي علاش ؟ وعلاش رغم كل هادشي مازالا كنبغيك ؟ رغم كل شيء مازال كنشوف البراءة ف عينيك ، رغم كل شيء بغيتك تعنقني وتنسيني ف لي فات.عادل : اجي عندي اجي ، صافي متبكيش ، عندك تبكي ، مبغيتش نشوف مازال دموعك، الا شتهوم غنموووت.امل : سكااااات، تموت ولمن تخليني، رغم كل شيء كتشوف فيك حياتي واحلامي، كنشوف فيك السعادة ديالي، وحتى انت داز عليك بزاااف، جا الوقت لي تفرح فيه ونعوضك.امل سامحات ل عادل لي اكيد كيستاحق حيت كيبغيها بزاف، و هي قلبها حنين مكتشدش فيه بزاف.و فنفس نهار لي تجمعات فيه القلوب تلقا عادل اتصال من المستشفى كيخبروه بوفاة لمياء. لمياء كانت سباب فكولشي لي طرا ولكن واخا هكاك. امل وعادل بكاو على وفاتها.عادل وامل تزوجوا من جديد، وبداو حياة جديدة مع اية وأيمن لي العائلة ديالوا ولاو جيران ل امل وعادل. داروا حفلة كبيرة كتناسب مع ما يستاحقوه من فرحة. عادل من داك نهار وهو حاط امل ف عينيه كيبغيها وكيحماق عليها ومكيخلي حتى سوء ولو بسيييط يمسها، قتارح على امل انه تعمر وقتها باي حاجة بغات ديرها و كانت كتحلم ديرها، وجاوباتوا بلي الحلم ديالها كان هو يكون عندها راجل يبغيها ويحميها، راجل يحن فيها ويوقف معاها و يكون عندها ولاد يعيتوا ليها ماما ، الحلم ديالها هو تكون




الحلم ديالها هو تكون ربة أسرة، ومادام داكشي تحقق ليها ماباغا والوا مازال. من بعد سنة الله رزقهوم ب دري صغيور بجمال باباه، سماوه " يونس " هه سماوه بسميتي كتعبير على الشكر والامتنان ديالهوم . ولكن انا اي حاجة درتها كانت كن من باب الاخوة والصداقة.كنت قلت ليكوم بلي مراتي مريم حاملة. جابت توأم سميناهوم ( اية و ايمن ) دابا كاين جوج ايات وجوج ايمانات هه.واخيرا : نصيحتي ليكوم : عندكم تخلاو على الشخص لي كتبغيوه، ولا تيقوا كلام الناس ، ديروا الثقة لي هي اساس العلاقة، نساو الشك لي هو كيدمرها، عطيو فرصة لاي شخص انه افسر الموقف ديالوا فكل حالة، و متكونوش متسرعين فالحياة ديالكوم، حيت تقدروا تفسروا الأمور بطريقة خاطئة و تاهموا بنادم بشيء مكاينش،حيت يجي نهار تعرفوا الحقيقة ، وغتفقدوا بنادم لي عزيز عليكوم، وماشي دائما القدر كيكون لطيف، تقدروا تخسروا الشخص المناسب للابد وهادشي اكيد غيكون بالنسبة ليكوم : " صدمة " .

النهاية.

الكاتب : Unknown

هنا يمكنك وضع نبدة هنك

شارك هدا

المزيد من المواضيع