صدق الله العضيم ... الحمدلله يا ربي ما باقي والو ونختم القران يا ربي توفقني ونفوز فالمسابقة
بابا: بنتي الحبيبة فين وصلات
انا : ما باقي والو الحمدلله متخافش عليا
بابا :هكاك نبغي بنتي حمري ليا وجهي
ناض بابا مشا فحالو
نسيييت معرفتكمش براسي انا سميتي أميرة فعمري ١٧ سنة منقية الحمدلله اما بالنسبة لجمالي الحمدلله لي شافني كيتبهر من كنكونو انا والبنات فقاعة ديال الرياضة كنحيد نقاب كيتصدمو كيجبليهم الله راه انا عير شي خيبوعة مخبية ف النقاب كيعياو عليا حيديه غادي تلقاي مشاكل ف قرايتك راكي باقة صغيرة شكون غيديها فيك هاكا لكن انا تايقة فراسي و مقتانعة بنقابي و متاكدة لي فنصيبي ربي غيجيبولي نوض دابا نعس يالله تصبحو على خير
ندوزو دابا ل عماد نخليه هو بعرفكم براسو
(عماد كيتقدا الشراب كيف العادة كمل وشاد الطريق ل يخت ديالو )
اوووف انا مليت من هاد الحالة يا ربي عاوني ياا ربي غفرانك مقلتش ليكم انا سميتي عماد فعمري ٢٧ سنة غير سكرة والسهرات لباس علينا بابا عندو مجموعة من شركات من نهار عقلت على راسي وانا فهاد الحال نخليكم دابا انا وصلت ليخت
اصحابو: هيهوووووو فين كنتي أرا شي قريعة
كلس هو واصدقائو الضحك والشراب حتى صونا عليه تلفون
الو وي شكون معايا
سي عماد اجي دابا لطبيب باباك كيموت باغي يشوفك
كيفااااش
دابا اجي فأسرع وقت ممكن
خرج عماد والدنيا كدور بيه لا الا بابا هو لي باقيلي شد طريق وهو حاير خايف لتوقعلو شي حاجة واخا فحياتو معقل بلي باس راس ديال باباه واخيييييرا وصل
دخل لعندو
الأب:ولدي عماااااد سمحلي بزاف
عماد:نتا لي سمحلي أبابا
الأب سمعني اولدي بغيت نقولك شي حاجة انا رتاكبت بزاف ديال اخطاء ولكن لاسف نتا لي غدفع تمنهم حيت كلشي بسميتك
عماد: دابا غير صحتك أبابا هي الأهم
الأب: حنا فلسنا كيف مكتعرف انا كنت كنزور شاركت ف اختلاس الأموال التهريب صمعا ديالنا طاحت دابا انا كنطلب منك تبدأ من جديد نسا عليك هاد الوسخ سامح فكلشي واعدني
الابن:كنواعدك أبابا
الدكتور: حاول تشهد اشهد ان لا اله الا الله واشهد ان محمد عبده ورسوله
الأب اشهد ان مكتخرجش ليا اشهد. الا ٠٠٠٠٠٠
توقف القلب ماااات
عماد تصدم مقدرش يتحمل موت ديال الأب ديالو بهاد الطريقة
الان مراسم الجنازة عماد بوحدو الام ديالو توفات وهو الابن الوحيد عمامو كلشي كان معادي معا باه حيت كان قبيح صافي كملو المراسم ديال الدفن رجع عماد لفيلا بوحدو حتى من الخدم مكينش شهور وهوما مكيتخلصوش بسبب الافلاس بوحدو ف دار ولحضة الموت ديال باه كتعارد ف دهن ديالو بكا بحرقة
عماد: صافي قررت غنبدا صفحة جديدة يا ربي ساعدني
توضا عماد وبدا كيصلي بشي آيات من القران كان حافضهم حتى كيحس بشي واحد حداه كمل من صلاتو لقا عصابة شادين سلاح
الباطرون ديال العصابة : وينو على العزري كيصلي عرفتيني بعدا
عماد : وي فايت شفتك
الباطرون :سمعني ادك الكليميني يا اما تنازل على كلشي يا اما تبع باباك
عماد: ارى ديك الوراق
الباطرون: مصدوم هكاك يكونو رجال هاك سني
سنى عماد على كلشي ودابا كيتسنا اي حاجة توقع نعس فاق ف صبح على دقان فتح الباب كان المحامي وقالو ان الفيلا وجاميع الممتلكات شدوهم خسو يخويها من دابا
المحامي: سمع اولدي انا وباك عشرة طويلة انا نديك لواحد الدار صغيرة ديباني بيها رأسك اهم حاجة عادي تكون فملكك بعدا تستر بيها
عماد: من بعد المعزة والفلوس والخدم لدويرة صغيرة يااه هاد شحال دوارة
المحامي: كلشي فيه خير مكين محسن من الحلال وكنضن ان الوالد ديالك عاودلك كلشي
عماد وي عاودلي كلشي
المحامي اوى يالله نمشيو
وصلنا لدار كانت صغيرة فيها فراش و حصيرة بوطة صغيرة وراديو لكن قبلت بيها. حيت قررت نبدأ حياة جديدة حياة العز طلعتلي في راسي بغيت نتكرفص ونحس برأسي عندي دور ومسؤلية مجانيش نعاس خرجت نتعرف على ولاد الدرب خرجت كأنو مجمعين كيقمرو بقيت متبعهم من بعيد شوية جا واحد الواجل بابنا عليه متدين
الفقيه: السلام عليكم
كلشي جاوب وعليكم السلام الفقيه ديالنا
الفقيه اوى الدراري كنعرفكم كملين رحبو بالولد الجديد
كلشي رحب بيا وسلم العليا
الفقيه: أكيد كتساؤل من كنعرفك ياك
انا: ايه اسي الفقيه
الفقيه: المحامي ديالك تلاقيتو بالصدفة و حبيت نستفسر منو حيت دك الدار لي نتا ساكن فيها شراها من عندي
عماد: متشرفين ربي يخليك
جاو الدراري فرقو الحلوى وكلينا
الفقيه: اشكديرو ادوك الولاد ياك قاتلكم متقمروش
واحد الدري جاوب: اوى الله يهدينا زيدون مكنربحو والو من هاد القمار غير كندوزو الوقت
الفقيه: اوى ليوم غنلعب شكون يلعب معايا ...لالالا انا غنختار اجي اولدي عماد
ادا ربحت غدير ليا واحد الحاجة متافقين
عماد: هي الاولى متافقين
هي هاديك لعبنا وربح السي الفقيه كان كيطير متقولش راه هادا فَقِيه ولكن عجبني ضريف وفيه حس الفكاهة و كيعطي دروس لواحد شكل جمييييبل
الفقيه: اوى دابا ربحت وغادي تمشي معايا غدا ان شاءالله لواحد المسابقة ديال تجويد القران حافض اوليدي بعدا شي آيات طوال؟
انا سكت حشمت وحماريت مجاوبتش حيت حافض غير آيات صغار
الفقيه: معليش كلنا كنّا ف طريق الغفلة والحمدلله شدينا الطريق الصحيحة
عماد: دعيلي بالهداية اسي الفقي
الفقيه:الله يحفضك ويهديك اولدي يالله زيد معايا نوصلك لدار حيت دارك قريبة ليا
مشينا ف طريق عاودت ليه كلشي تاتر بزاف واعدني انه يوقف فجنبي صراحة حسّيت بالامان حسّيت واحد الإحساس محسيتوش مع بابا قبل شوي وصلنا حدا باب دارو
الفقيه:واحد الدقيقة اولدي
انا: خود راحتك
دخل وخرج
الفقيه: زيييد تفضل اولدي تعشى معانا
انا:غير سمحلي اعمي منتقلش عليك
الفقيه زيد الله يرضى عليك انا نيت معنديش ولد غير ابو البنات ههههه
انا:الله يخليهم ليك
دخلت معاه دار عادية لكن عجبني الترتيب والنقاوة شوية دخلو ٣ كاملين مناقبين مراتو وجوج بناتو
سلمت عليهم غير براسي حطو العشا وانا كناكل عجبوني عينين بنتو باينة فيها زوينة فينما كنجي نشوف فيها كنلقاها كانت تشوف فيا وهبطات عينيها مبغيتش نعيق
عمي الفقيه نخليك نمشي دابا
خرجت وبقيت كنتسنا سي الفقيه و شوية وهو جاي فيدو ميكات
الفقيه:هاك اوليدي باش ديباني رأسك
انا: هاكا كتحشمني والله
الفقيه انا حسبتك فحال ولدي باينة فيك ولد الناس وان شاءالله غتبدل كووون هاني
شديتهم حيت كنت مضطر معندي حتا درهم مشيت لدار فتحتهم لقيت الخضرا زيت زيتون العسل الخبز حتى من تقاشر لقيتهم بكيييت حتى شهقت شوفو باقين الناس ديال الخير
ف صباح بكري فقت على دقان فتحت لقيت الفقيه نوووض اولدي تصلي الفجر فقت بزز توضيت وخرجت معاه لجامع صلينا جاب الفطور فطرنا وقالي مكين نعاس نوض نلعبو الرياضة ضحكت مع راسي مكانش يصحبلي الله الفقيه كيلعب رياضة وصلت ٨ رجعنا مشيت لداري لبست عليا حوايجي كوستيم فاش خرجت دراري درب كلشي حل فومو عليا حتى نقز واحد الدري سميتو حمزة
شوف اخاي نجيك نيشان انا عرسي قريب تسلف ليا هاد اللبسة واعرة اخويا ضربتها بضحكة وهاك اخويا دابا نعطيهالك ههه
حمزة وعندك تقلب حليا
انا: وايلي كون هاني
حمزة : ربي يحفضك
وانا نسمع الفقيه كيعيط وانا نمشي
الفقيه: تباركالله على وليدي
انا: باركالله فيك
الفقيه : وزيد نركبو
خلاني نركب انا حداه القدام مراتو وبناتو لور المهم ف طريق كنلمح عينين بنتو لي سميتها أميرة كتشوف فيا ومبتاسمة لمحتها وهي تبدل الوجهة ديال النضر ديالها
دابا نرجعو ل أميرة
يا ربي الحبيب كتقول ادعوني استجيب لكم هد الشاب عجبني ياربي تكتبو ليا بغيتو ياااا ربي
المهم دابا خسني نركز مزيان بدأت المسابقة وبديت بالتجويد
عماد: ما شاءالله يا ربي تكتبها ليا ولكن كيفاش وانا معندي حتا ريال ربي يشهد عليا انني بغيتها تكون مراتي يا ربي دير شي تأويل ديال الخير
الفقيه: منعودش ليك شحال انا نفتاخر بيها
انا: ربي يخليهالك والله سعداتها عندها أب فحالك انا فحياتي مشفت بابا كيصلي ولا كيقرا وطلعت فحالو
الفقيه: كون متيقن اولدي مادام انك تبتي وكانت توبتك نصوحة غتعوض هادشي لي فات خَص إيمانك يكون قوي ربي عالم رآك دخلتيلي لقلبي
انا: وربي شاهد عليا حتى نتا دخلتيلي لقلبي عفاك ممكن نقولك بابا
الفقيه: يكون شرف ليا
كملنا المسابقة وفازت أميرة او بالأحرى اميرتي مشينا لدار عرضني معاهم تغدينا طلب الفقيه من مراتو وبناتو يجمعو طابلة ويخرجو باش يهضر معايا
الفقيه:شوف اولدي انا حاس بيك بحدك فهاد الدنيا وانا معنديش ولد ادا قبلتي طبعا منلقاش فحالك لبنتي أميرة آش قلتي
انا: والفرحة فوجهي باينة غادي مكون اسعد واحد فهاد الدنية ادا قبلتيني واحد من عئلتك ولكن انا رآك عارف الواليد معندي لا فلوس لا والو دابا غنبدا من زيرو
الفقيه أخلاقك هي مالك وانت ولد خلوق وانت مستاعد نضحي معاك و ان شاءالله من غدا نبدأ نقلب معاك فالخدمة آش قلتي
انا موافق الواليد
الفقيه:اه عندي ٢شروط لأول انك تخلي بنتي تقرا والتأني تحفض العشر اجزاء الاولى من القران هادا هو صداق ديالك
انا: تصدمت ملقيت غير نبكي ركعت على رجلو فين كنتي شحال هادي ومتلاقيتكش كنشكرك بزااف حيت دخلتي لحياتي
الفقيه : اوى ترجل معانا ونوض (عنقني وباسني ومسحلي دموعي فحال شي بنت صغيرة
الفقيه: انا نخليك واحد الدقيقة مع بنتي أميرة تهضرو فيها خرج الفقيه كيعيط لبنتو
اميييييرة
ناري شداتتي الخلعة يا ربي يكون وافق نعام أبابا
خرجي ابنتي واحد ٥ دقايق هضري معاه
أميرة: حشمانة واخا بابا
دخلت أميرة لصالة السلام عليكم
عماد وعليكم السلام لباس عليك
أميرة: لباس الحمدلله وانت
عماد : الحمدلله ملي شفتك أميرة إنتي موافقة بيا انا يالله عاد غنبدا حياتي وراكي عارفة معنديش (قاطعاتني)
أميرة : بابا شكرك ليا وشئ اخر مكيهمش المهم هو تفاهم الاحترام والفلوس كيجيو بالجهد والكفاح
عماد: نواعدك عادي تعيشي أميرة معايا
ودخل الفقيه
السلام عليكم ... أميرة خرجي ابنتي
عماد: الوالد انا غنخرج نقلب على خدمة
الفقيه : يرضي عليك اولدي يالله خرج ومتنساش القران
عماد كون هاني الواليد
خرجت عيييت منقلب والو مشيت لإدارات بحكم انا الدراسة ديالي كانت التسير والو كيعوفوني ولد من كيجريو عليا صافي كعيت مشيت لداري نرتاح نعست وفقت نصلي الفجر تعودت منعسش وراه بقيت نقرا القران وانا نسمع دقان فتحت كاانو البوليس داوني بحكم التزوير و الاختلاس هادشي لي قالي الوليد غندفع تمانو
صافي عتارفت بكلشي ملقاوش صعوبة جا يوم المحكمة كيبانلي الفقيه واقف سلم عليا قالي واخد الكلمة متنساليش حياتي كاملة .... بنتي ليك كون هاني دوز مدة ديال الحكم حفض قران تعلم تجود لقا ذاتك فهاد المدة تعلم الحرفة أكتر من الخلوات وادعي الله وبكون خير تحكم عليا ب ٥ سنوات جاتني صعيبة لكن الفقيه شجعني مشيت دخلت لحبس تعرفت ع ناس تما كل واحد باش داخل كأنو ناس مزيانين والخايبين دخلت سوق راسي دابا داز عام كان كل مرة كيجي الفقيه زيارة عندي وليوما الزيارة كنت فرحان وأخيرا غنقول لفقيه انا حفضت نصف القران دخلت وانا نتصدم ميمكنش شكون جا عندي
اميييييرة
أميرة: السلام عليكم عماد لباس
عماد: لباس الحمدلله وانتي فرحت بمجيتك
أميرة : انا فرحانة أكتر جيت نقولك بلي انا نجحت ف الباك
عماد: مزيان وشنو قررتي ديري
أميرة ان شاءالله ندير الطب شنو رأيك مزيان
عماد اكييييد مزيان ::/ أميرة متاكدة باقا باغة تبقاي معايا
امير: عماد علاش كتقول هما
عماد: نتي ان شاءالله غتولي طبيبة وعادي تزوجي حبايسي مفلس
أميرة : عماد هدي محنة او غتفوت إن شاء الله انا الله إدا احب العبد إبتلاه انا غادي نتسناك
صاااااافي زيارة سالات
أميرة حتا انا كنموت عليك فاش كانت خارجة عطاتني تصويرة كانت ديالها قالتلي باش تعرفني كتر
شفت التصويرة تصدمت زوينة بزااااف صافي الأيام كاملة كدوز ما بين كنحفض القران دابا كملت عامين كملت حفض القران وحفضت عدد من الأحاديث ولات عندي خبرة واسعة ف الدين كلشي رجع كيضرب فيا المتل رجعت هو المفتي الحمدلله بزاف ديال الناس حاولت نجبدهم معايا ويبعدو ع خطيئة ونجحت
ف واحد الصباح طلبوني جا عندي الفقيه ترمى عليا مبرووك
انا ما فاهم والو
لحسن سلوك ديالك و انضباطك قررو أنهم يفرجو عليك ويسمحولك فديك العامين والأشهر لي باقين فرحت منعودش ليكم قداش خرجت فرح بيا الفقيه عرضني تهلا فيا اما انا وأميرة فقط نضرات الحب بيناتنا ولحد الان كنشوف غير عينيها
الفقيه: ولدي انا لقيتلك خدمة بصدفة واحد الراجل جا يصلي وسمعتو كيطلب شي خدامة كتفهم بعدا لدكشي ديال انفورماتيك
عماد:اه كنفهملو اعمي
الفقيه: اوى مبروك عليك سمعت بلي كيخدم ب ٢٠٠٠ درهم كبداية
عماد : الحمدلله نبدأ بيها ومن بعد ادا لقيت حسن نبدلها
الفقيه : اوى اولدي انا نعرف لكل واحد عندو نزوات وانا نخاف عليك من الحرام لذلك من دابا تبدأ تعرض عليا دكشي ديال الصداق ديالك
عماد: ربي يخليك ليا الواليد يالله انا نبدأ
عرضت عليه كل نهار شوية ترسمت ف الخدمة وباقي لعرس سيمانة دربت لدار واحد التخميلة فاعلة تاركة ديال الحادكات فايدتها واخا الفراش كان بسيط اه نسيت مقلت ليكم دخلت لدار لقيت الواليد لي هو الفقيه فرش ليا الصاله والكوزينا
كملت و فكرت باش نمشي نزور عمامي هوما ساكنين فنفس الحي مشيت ملقيتهمش قالولي بلي فالخدمة كيدوزو يصليو المغرب ويجيو مشيت لجامع كنتسنا تعرفت على الفقيه ديالو وطلبت منو انني ن ادن ليوم و نقيم الصلاة وافق
دكشي لي كان أدنت المغرب صلينا فاش كملنا ضرت باش نقلب عليهم عمي محمد و احمد لقيتهم جاين ف اتجاهي
تباركالله عليك اولدي عندك صوت واعر
مقديتش وبكيت
مالك اولدي يا لباس
عماد:عمي محمد عمي احمد انا ولد خوكم عبدالسلام
تصدمو فينك اولدي عينا منقلبو عليك
عودت ليهم الحكاية من أولها تاترو بزاااف وعرضتهم لعرس او بالأحرى حفلة مع العائلة
جااا وقت العرس درنا اناشيد رجال وحدهم والعيالات وحدهم جا الوقت لي نشوف عروستي دخلت نجيبها من البيت
اول مرة نشوفها او هي مراتي بدون حجاب وبالمكياج تصدمت صراحة اجمل بنت شافت عيني ديتها لدار و هنا غادي أكون اول يوم سعادة لينا
من بعد٢٥ سنوات من زواج
ولدنا وليدتنا
بابا فيييينك يالله باش نمشيو راه كولشي غيكون كيتسنا
اه مقلتلكمش بنتي الكبيرة كملت حفض القران ودرنليها حفلة كبيرة غادي نتوجها وندير ليها التاج فوق رأسها بهاد المناسبة بنتي فعمرها ١٣ عام دايرا النقاب ولدي محمد فعمرو ١١ سنة و عبدالسلام فعمرو ٧ سنوات سميتو على اسم بابا الله يرحمو اميرتي تحرجت دكتورة أسنان انا فتحت شركة صغيرة بالحلال هادي هي حياتي شحال دوزت فيها ومرتاحيت حتا تقربت لله السعادة في العبادة
لي بغا حياة سعيدة إكون اقراب الى الله
النهاية