مملكة القصص المغربية: قصة الزواج التقليدي

نهار العرس كان كلشي ناشط وضاحك وفرحان هاللي كيشطح هاللي كيبارك وكولها وفاش ملهي الا هو قلبو مقبوط ومزيير ماكره ينوض ويهرب مابغاش هاد العرس مابعاش هاد اللصقة الي كالسة حداه وكتفرنس للناس كان ناوي يديرها ويخرج مي تفكر كلمة الواليد هاااا السخط هاالرضى
هو اللي ديما كيدير اللي فراسو اليوما ولاول مرة كيدير شي حاجة بز منو
الناس ناشطين وهو ماحمل راسو جا الوقت اللي خصهوم يقطعو الكيكة ويفرقو الجوقة النكافة خدات يدو وحطاتها فوق يد العروسة باش يقطعو الكيكة بجوج,هو ماحملش راسو معمرو فكر يجي نهار ويقبط يد بنت من غير حبيبتو
النكافة حطات يدو فوق يد العروسة باش يقطعو الكيكة وكل واحد يدوق منها شوية العريس سميتو منعم والعروسة نعمة منعم مع راسو: اووووففف على يدها شحال صغيرة والهبال هادا مزوجيني لبرهوشة يخخخخ امتى يسالي هاد الويل ونشوفو هاد اللصقو واش غتبقى كتضك. اما نعمة كانت فرحانة ونااااااشطة واخة معمرها عرفت منعم او هدرات معاه مي كولشي كيشكر فيه وكولشي تيكول ليها بلي غتعيش فنعيم مع منعم ...لمهم سالا العرس والعرسان مشاو يدوزو اول ليلة ليهم فالاوطيل وكانت هادي اول مرة غيشوفو بعض لحقاش نعمة كتحشم ومنعم ماحملش يشوف فيها.الجناح ديالهم كان كبيييير وغزال وهادشي ماشي غريب على منعم اللي كان كيبغي الكمال فكلشي وبالنسبة ليه نعمة شائبة او لصقة خاصو يحيدها باش ماكان . نعمة كانت فعالم اخر عجبوها الديكورات والمنظر اللي كيطل عليه الجناح ديالهم بقات كتحلم حتى فيقها منعم بكلمة واحدة
منعم:نعمة اجي بغيت نهدر معاك وسمعيني مزياان نعمة: واا واا خخاا هانا جاية منعم: يمكن كتكولي علاش معمري هدرت معاك قبل او علاش مكنجي نزورك او علاش مكنهدرو بحال كاع الناس المخطوبين انا غنجاوبك سمعيني ا بنت الناس انا هاد الزواج جبروني عليه الواليد خيرني بين سخطو ورضاه مكان عندي تتا حل من غير نقبل نتزوجك واخا مكنحس بوالو من جيهتك وقلبي مع واحدة اخرى نتي غتعيشي معايا معززة مكرمة والخير اللي لقيتيه فدار باك غتلقايه عندي ولكن غنعيشو بحال الخوت اولا عتبريني مكينش فحيتك تنشوفو هاد الحريرة فبن غتخرج نعمةكانت كتسمع ليه ومصدومة غوتات وعايرات وسبات مي فخاطرها مقدرات تكول ليه تا كلمة ومعقلتش عليه امتى خرج وخلاها ... حاجة خايبة تكون كتبني فالاحلام ديالك وفالاخير كلشي يريب فوق راسك والانسان اللي كنتي كتكول عمرو يغدرك او يطيح من قيمتك يكون هو اول واحد يضربك فالظهر ... بقات كتبكي على الزهر الزين اللي عندها العرايس كيدوزو سهر العسل وهي بداتو بالاهانات توضات وصلات ونعسات ... صبح الصباح على العرسان كل واحد فيهم ساد عليه فبيتو نعمة مكانتش قادرة تشوف فمنعم من بعد الجرح اللي جرحها بكلامو اما سي منعم ماكااااانش مسوق بحال الى حيد هم كبيييير فوق كتافو المهم جابو لهم الفطور فطرو وخرج منعم يدور مع الحبيبة ديالو اما نعمة بقات فالاوطيل

دازت سيمانة العسل عند منعم كالبرد حيت ديما داخل خارج مع حبيبتو اما نعمة حبسات راسها فالجناح هرت منعم حطماتها فنهار عرسها هو كان ناشط وهي عاطيها للبكى والنواح ... كملو ديك سيمانة وجمعو حوايجهم ورجعو لمدينتهم ... الدار ديال منعم كانت كبيييرة ومفرشة زيان تكول واش مهندس ديكور اللي مفرشها المهم دخلو وحطوا حوايجهم منعم دخل ديريكت لبيتو ونعمة معرفت مادير دخلات للصالون وتكات بيدما يجي بوراس كيما مسمياه باش يوريها بيتها فين تنعس.. < دابا غنخلي الشخصيات هما اللي يهدرو> منعم : اللللله على راحة مكين ماحسن من الدارنبدل عليا ونمشي نشوف الحبيبة ديالي ونسهرو شوية اووووف ديك اللصقة نستها ماعرفتها فين مشات نمشي نقلب عليها لتكون تجلات عارفها مكلخة ...اوييلي فين مشات هاد اللصقة تاني نعمة واااا نعمة وااا الصقة واا بنادم وفييينك انا عنعيط عليها تكيبان ليا شي واحد ناعس فالصالون مشيت ولقيتها نااااعسة كنت ناوي نفيقها ونغوت عليها مي فاش شفتها كيف ناعسة ماحسيتش براسي حتى طرت لبتي وجبت ليها الغطى وغطيتها كانت ناعسة بحال شي بنيت صغيييييورة وشعرها مغطي النص فوجهها بقيت كنشوووف فيها حتى صونا ليا التلفون ولاول مرة كنقطع على الهام الخط مكنتش باغي نخرج كنت باغي نبقى نتامل فهاد البنت اللي باينة فيها كانت كتبكي
كانو المالامح ديالها غزالين اول مرة كنرد ليها البال من قبل تا الشوفة مكنتش كنشوف فيها ... غطيتها مويان وكاليتها بالوسايد خفت عليها لطيح ههههههه رجعت لبيتي بدلت حوايجي وكتبت مساج لالهام عتدرت منها وكلت ليها بلي مريض مافيا مايخرج وتاهيا ماسولتني ومكالت والو ...صبح الصباح ومنعم فاق مغوبش مولف الكالم فالدار ولكن اليوم فاق على الحركة وريحة الطياب اللي خارج مالكوزينة .... نعمة كانت كتوجد الفطور الطبلة كانت عامرة بحالا عارضة على العائلة كاملة ماشي غير 2 الناس اللي غيفطروا .... منعم: واش كتسناي شي حد؟؟؟ نعمة : ببرودة كتجاوب اه منعم : وشكون بالسلامة ؟؟؟؟ نعمة: العائلة ديالنا جايين يفطرو معانا ويكولو لينا على السلامة من السفر ... اه وحاجة اخرى قدامهم نتعاملو مع بعضنا بحالا مكين والو وبحال الى حنا مزوجين بصح من مصلاحتنا مايشكو فوالو اوك ... كانت كتهدر وعاطياه بظهرها وفنفس الوقت كطيب شي حاجة ومحملاسش تشوف فيه او يتلاقو عينيها مع عينيه اما منعم كان ماعجبو حال ملي كتهدر وكتعطي فالاوامر ... منعم: وي عندك الحق ماشي من مصلاحتنا يشكو فشي حاجة ونيت انا مزال مامستعد باش نكول ليهم باللي كنبغي بنت واحدة اخرى وناوي نتزوجها

نعمة ملي دكر ليها الزواج ماحساتش بوالو دموعها نشفو من داك النهار اللي جرحها فيه ... مكتنكر باللي كان كيعجبها اما دابا مابقات حاملة حتى تشوفو او تسع صوتو كرهها فيه ... نعمة. تزوج او طلق وانا مالي بينك وبينها وانا ايه لمهم كيما كلت ليك قدام دارنا او داركم نكونو احسن 2 مزوجين وبيناتنا كها يعيش حياتو كيف بغى اوك ... منعم: اوك والحمد الله اللي فهمتي منك لراسك ... كان مزال ناوي يكول شي حاجو تكيسمع الدقان والزغاريت فالباب .. نعمة طارت لبيت ديالو وجرات معاها الشنطة ديالها بدلات حوايجها لبسات القفطان ودارت ميكب خفييف وطلقات شعرها جات غزالة مع الشعر الطويا والطولة ديالها ولات كتبان غزالة كتر ... كانو كيهدرو فالصالون ومنعم مشغول بالهدرة مع نسيبو والوالد ديالو شوية بداو العيالات كيزغرتو ويصلو على النبي ملي دار يشوف علاش هاد الحيحة لقاها داخلة بالصينية ديال اتاي كانت كتحمق بالزين الشعر طويل ومطلوق وميكب خفيف والحنيكات حمرين بالحشمة والحيا اللي فيها بقى كيشوووف ومصدوم تكينغزو الواليد اجمع فمك ااااسي منعم راك حشمتي البنت تسننانا تنمشيو بعدا وبقى كلشي كيضحك عليه اما نعمة بتاسمت وكالت ليه بصوت لالول مرة كيسعو منعم اجي كب اتاي
كان صوتها حنين وحتى عينيها والشوفة اللي كتشوف فيه حنينة السيد ولا كيكب اتاي بال عقل وكلشي كيضحك عليه ... لمهم دوزو النهار مجموعين والعيالات عاونو نعمة فالرواين والواليدة ديال منعم بقات كتوصي فنعمة وتعاود ديري وفعلي وتركي ونعمة مسكينة كتكول اه واخا ميكون غي خاطرك ا خالتي ومع راسها كتكول كن عرفتي ولدك شنو دار ليا نهار عرنا كون هبطي عليه بداك الشربيل اللي فرجليك هههههههه .... نعمة: انا خديت البيت لاخور فاش غنعس تصبح على خير... منعم : الدار دارك ديري اللي عجبك فيها ونعسي فين ما بغيتي ا نعمة لمهم دابا تصبحي على خير ...... مورا هاد النهار بقاو ايام الله كيدوزو والعلاقة بين منعم ونعمة هي هي نفس البرود ملي يكونو مع بعضهم وملي تكون العائلة تحلف عليهم بلي كيموتو على بعضياتهم ... فديك شهرين الاولا حاولت نعمة تدير اللي فجهدها تغير منعم ويولي يبغيها كانت مسكينة كل ليلت توجد العشا والشلايض وتسناه يجي باش يتعشاو مجموعين وكل ليلة كانت كتبات بلا عشا حيت ديما سي منعم معشي مع لالاهم الهاه الله يوكلو فيه جغديد ههههههه وملي كيرجع كيلقى نعمة ناعسة فوق الطبلة هي والعشا كيتسناوه .. كيضحك ويدخل ينعس ديما هكداك تادازت شهرين ونص منعم ولف يلقاها كتسناه واخا ناعسة لمهم كتسناه ومطيبة دوك الشهيوات على ودو ولى كيزرب يرجع للدار باش يشوفها وهي ناعسة ويبقى يتامل فيها بكل حرية وبلا متحصلو ... شهرين ونص على هاد الحالة تال واحد النهار دخل منعم ملقا لا العشا ولا نعمة والدار مظلمة .... منعم : نعمة واااا ونعمة

واه فين مشات هادي وااا نعمة واش نبقى بلا عشى ولا شنو دابا ... وااااااا نعمة نمشي نقلب عليها الجوع ومايدير اما كاع مانديها فيها لا هي ولا عشاها.. قلب منعم الدار كاملة بقى ليه غير بيتها مشى حلو بشوية ولقاها دايرا ديك النعسة العجيبة ديالها ... فلتي منها اما ايوم ندوش ليك الالا نعمة انا تخليني بلا عشى واخا غدا ونتحاسبو ... مع 7 الصباح نعمة خارجة كتكسل وبشوية عليها مع الحلة دالباب كتلقى راسها فااااازكة بالما وشي بنادم مكرشخ بالضحك ... منعم : ههههههههههههههههههههه دجاجة الما ههههههه مرة اخرى تعلمي تخليني بلا عشى هههههههههههه الصراحة جا معاك نيو لوك هههههههههههههه .... منعم ميت بالضحك ونعمة كتخنزر فيه تسناتو تا كمل ومعرفتش منين جاتها الجراة تاجمعات معاه بتصرفيقة ...نعمة: هاد الضحك الباسل ديالك متبقاش ديرو معايا ديه لالالك الهام وانا ماشي خدامة عندك باش نطيب لك ونقابلك غير نتا انا هنا تنشوفو كيف نفكو هاد الحريرة كيما كلتي .... منعم اللي معمرشي ولد مرا ضربو ضرباتو مراتو بقى كيضربها تاخوى غدايدو كاملين سبها وعايرها ما خلا فيهل غير اللي نسى ضرب بالباب وخرج اما نعمة بقات كتبكي دوك الدموع اللي حلفات متبقى تنزلهم هاهي اليوم حطات دموعها كاملين ... صبرات راسها ودخلات دوشات وكمدات دوك الضربات اللي دارو بلاصتهم فلحمها
منعم: انا برهوشة ديال 22 عام ضربني لااا مزيات تبركالله داكشي اللي بقى...كان صايك بسرعة كبييرة عصباتو وفقصاتو واكن واخا هكداك بقات فيه حيت معمرو ضرب شي بنت ... مان مازال كيدي ويجيب فالهدرة مع راسو تاصونا ليه البورطابل ... الهام: الو فينك واش ماجايش ؟؟؟ منعم: لا ماجايش مري... الهام: اوك اوك لمه ا حبيبة الى ماجيتيش صيفت ليا الفلوس الي كلت ليك راه ضروري خصني نتقدى شي حاجة تبيني كلاس فالحفلة دالافتتاح اوك بي بي متنساش باي .... قطعات وخلاتو كيشوف مخلاتو حتى يكمل ليها ويشكي عليها اللي كيهمها هو فلوسو وشحال كيربح اما هو يمرض ينعس يموت يتفركع كاع ماسوقهاش.... داكشي اللي كان خصني كملتيه ليا ا الهام اللي كيهمك فلوسي اما انا غير دمدومة طيحتيه وانا اللي كنت بنخسر واليديا على ودك ..... دالدار كان جو اخر واخا كلات قتلة ديال العصى الحمار دالطاحونة مكيكلهاش ولكن عدراتو ..نعمة: اويييلي انا شنو درت هو جا يضحك معايا وانا هجرتو ليه ... ولكن تاهو زاد فييه واه سطل دلما على الصباح ...ولكن تانا زدت فيه هو قدو قداش وصرفقتو .. اااايييييي سييييير ا منعم الله يعطيك دقة اييييييي كتافي وضلوعي كلي وليت ملونة ... سيير ا منعم بيت دوك اليدين يتهرسو متلقى باش تاكل داير ليا هاد الحالة على العشى يخخخخخ علا بش... ماجات فين تكملها تلقاتو واقف كيشوف فيها وكيخنزر وجاي لجيهتها .. بالخاعة والخوف والتلفة مشات متعرج ودخلات لبيتو وسدات يالله كالت اووف دخل وسد الباب بالساروت نعمة : ناااااري ليوما نموت ليوما يكمل ليا داكشي للي خصني ... منعم خليني نخرج والله منكولها لحد غير خليتي نخرج هاااااالعار ..ز منعم : سكتينا ... مش لبلاكار وجبد صنديقة صغيورة بيضا وبدا كيداوي ليها الجروح والكدمات وهي كتقفقف بالخلعة كيحساب ليها غادي يداويها ويضربها تاني هههههههه

لخدمة كانت كتبدا من 9 وكتسالي مع 4 وطبعا كاينا استراحة المحارب ههههههه يعنس ساعة ديال الغدا ...نعمة:ياللهو نتغداو انا ميتة بالجوع امين لمياء وااايالللههه غنلقاو البلاصة مشات ... لمياء: ختي نعمة بغيت نعرف الماكلة اللي كتاكلي فين كتمشي كضللي تاكلي ومكينش فيك واقيلا السينتة هههههههههههههه .... نعمة: لا القنبة هادي ماشي السينتة ههههه اختي هادا سر معرفو حد هههههه ويالله طلقي من داك المشقوف خلاص امين تكعد تنتا ... امين : واخا ا السينتة هههههه بغيت نكول الشاف هههههههه خرجو السنافر الثلاثة يتغداو مجموعين وهادي هي عادتهو من نهار ولاو كروب واحد فالشركت حيت بثلاثة كيخدو داكشي ديال العلاقات العامة وديما محمرين وجه الراس الكبيرة اللي معمرهم شافوه ....دخل امين تبعتو نعمة وكلسو فالطبلة ديالهم ولمياء مشات توصي عل الغدا ديالهم طاجين المعزي بالبصل والزبيب كلسو وضحكو وهدرو ونعمة باركة على الضحك والتقشاب مع امين ولمياء ومرداتش البال لمنعم اللي كان معروض مع الناس دالخدمة ... سمع الضحكة ديالها ودار وشافها اما هيا كااع كمايناش فيه عايشا فالعالم ديال السنافر مع الفريق ديالها...كملو الغدا وخلصو وخرجو ورجعو ام منعم بقا كيسول فراسو شنو كدير وشكون هاداك للي معاها وعلاش لابسا دوك الحوايج دالخدمة ...اووووف وانا مالي حنا غير فريندز حياتها هاديك دير اللي عجبها ... واخا هكاك ماهنناه راسو دوز داك الاجتماع غير بزز بغى يرجع للدار ويسولها فين كانت ومع من وعلاش وكيفاش ... الحاصول تحقيق كيتسنا نعمة وصافي ملي ترجع
تعطل بزاااف معرفت مالو هادي اول مرة يديرها ... نعيط ليه ةاللي ليها ليها ....نعمة: ااالو منعم ؟؟فينك واش ماجايش ؟؟ ... منعم: لا ماجايش ومتسناينيش ...نعمة:بلاش كاع لا تجي وقبل ماتقطع سمعات واحد الضحكة فشكلللللل ... نعمة: ياااك اسي منعم انا كالسا كنتسناك ونتا مقصر مع ديك خيتي واااخا سري انا للي مشطونة عليك ... نعسات واخا قلبها واخلاها بقات كتسنا فيه تا12 ونعسات مع العيا دالخدمة ...ملي حلات عينيها لقات راسها فبيتها ومغطية وكاس دلويزة حدا راسها ...منعم:صباح الخير ... نعمة وهي مكشة فالمانطة : ص صصباح الخير ...منعم/ متخافيش مداير ليك وال اصلا مكيعجبونيش البنات بحالك والشعر الطويل مكياترش فيا جيت نسولك فين كنتي البارح؟؟؟ ... نعمة فخاطرها : كاع لانعجبك بارا عليك ديك المنتوفة ديالك لايقين لبعضكم..ز كمنت فين البارح ..اه لا كنت خارجة ...منعم: وفين ؟؟؟ ... نعمة: ياك كلتي كل واحد يعيش حياتو وكيدخل فلاخر انا كنعيش حياتي وماشي مضطرة نكول ليك شنو كندير او فين كنت اوك ا مي فريند ....منعم:اوو اووك الالا تنتي تحل ليك اللسان ... خرج وضرب بالباب اما لالا نعمة بقات غير كضحك حيت عرفاتو يموت ويعرف فين كانت يعتي كيهتم بيها ويقدر كاع يكون كيبغيها علاش لا ... ناضت من بلاصتها توضات وصلات وجمعات الدار وكلسات توجد الغدا حيت السبت والحد روبو اما منعم مشى الخدمة ديالو ومرجع تالوقيت العشى .. لقاها فالكوزينة وعاطياه بالظهر ولابسة بيجاما قصيرة وطالقا الشعر اللي مغطي ظهرها كامل ...بقى حال عينيه وكيشوف واش نيت نعمة اللي قدامو اولا بدلوها ليه كانت فنيونة وكل حاجة فيها مغرية عينيها وحنيكاتها وسعرها وعنقها وكولشي فيها حمقو وخاصة داك مولاي الشعر ...بقى كيشوف فيها وكيتخيلها وتاهيا كانت حاسة بيه واش كاين ودارت راسها ماحاسة بوالو <تكنيييييك اوا تعلمو ههههه> نعمة: ياك كلتي البنات بحالي مكيعجبوك اوا جمع عينيك راك كليتيني ... منعم: ااا نن ناااا لاا .. دبا ... غير هو انا ... حطي العشا خلاص راه ميت بالجوع ..ومشى هرب للصالون وخلاها ميتة بالضحك عليه

الللللللههههه ليوم الحد مكين حد بنشبع نعااس مع راسي يممميييي يممييييي بقيت فبلاصتي كنتكسل وكنضحك ملي تفكرت البارح ... هههههه مسكين حشم مقدر حتى هز عينيه فيا ملي حصلتو لبارح كيتامل فيا ههههه والواعرة تعشى ومشى غسل يديه وبالتلفة دخل لبيتي ههههههههههههه واه كاع زعما درت فيه داشي وانا لابسة بيجاما ديال لبنات الصغار وطلقت شعري ... مشفتي والو اسي منعم ههههههههههه ...اما منعم كمنش حامل راسو وبزاف ملي تلف ودخل لبيتها ... دبا غتكول مع راسها انا غير مزعوط يخخخخخ انا نبغي هاديك البرهوشة نننن مسنحيل اصلا باقا صغيرة ةانا كنبغي الهام ... الهام فينهيا الهام من نهار مبقيت كنصيفت ليها الفلوس كلبت عليا وافييق اسي منعم الهام كن كتبغيني كتخلاش عليا ملي كلت ليها الخدمة مشات ومبقات لا دار لا طوموبيل كانو هاميتها الفلوس الحمدالله بانت على حقيقتها ...منعم كان كيدي ويجيب فالهدرة مع راسو واخا الهام دارت ليه هكدلك كتصدمش ومحس بوالو كات متوقعها ملي تزوج ولا همها الفلوس تاخد منو علاش ماقدرات وتلوحو ولكن هو فطر وتغدا بيها قبل ماتعشى بيه ... داك الشهر كانت الخدمة فالشركة عند نعمة مزير الراس الكبيرة جاي وملي هوما فالعلاقات العامة نعمة والفريق ديالها كانو كدمضفوطين ومعندهوم وقت ... البوس جاي وجايب معاه صفقة كبيييرة للشركة وباغي كولي يحمر ليه وجهو قدام الناس اللي جايب ... دازت سيمانة ونعمة مبقات كتكلس مع الفريند ديالها واغلب الاوقات خارجة بسباب الضغط اللي عندهوم فالخدمة ... النهار الكبير وصل والبوس دخل للشركة ديالو اللي مدة ماجا ليها ..فريق السنافر كان يحساب ليهوم الراس الكبيرة راجل شارف هارف ساعا تصدمو ملي لقاوه باقي صغير الزين والطولة والعضلات ودكشي بقاو حالين فمهم هههه امياء: نعمة وااا نعمة شفتي الراس الكبيرة اللي ياما عايرنا فيه شحال زوين ... نعمة: ااااه شفتوو غزااااال تبارك الله .... لماء : وكن مكنت مخطوبة كن خطفتو حلى حماري وهربت بيه هههههههههه ... نعمة: ننن ماشي كاع لهاد الدرجة هو زين مي ماشي لدرجة تخطفيه هههههه وعلى حمارك هههههه ... لمياء : سكتي سكتس هاهو جاي ...الراس الكبيرة او المهندس منصف مول الشي شاب بعقلو ودكي قدر ففترة قصيرة يحقق كل طموحاتو وملي دخل للشركة محيدش عينيه من نعمة اللي كانت لابسة لباس محترم ودايرة زيفها وحشمانة من نظرات منصف اللي خلاو حنيكاتها يوليو حميمرين ...منصف: بونجوغ و ميغسي على المجهود الجبار اللي درتو هاد الايام اللي فاتو فغيمون بلا بيكم مكناش نوصلو لشي حاجة متحكروش راسكوم راه العلاقات العامة عليها حمل كبير فنجاح او فشل اي شركة ... امين ولمياء: بارك الله فيك سي منصف ...نعمة وبصوت رقيق محال واش سمعاتو حتى هيا : شكرا ربي يخليك ... منصف : لا شكر على واجب الالا مكين لاش تشكريني ... من بعد دوزو عندي لبيرو بثلاثة اوك ... لمياء و امين : اوك ... اما نعمة مقدراتش تخرج تا كلمة هههههه تلفات مسكينة

لمياء : شفتي كيف كان كيشوف فيك انعمة ... عندك الزهر كنبغي خطيبي اما نطير بيه هههههه نعمة : مالو كان كيشوف عادي غير نتي عندك الجالالة على عيني هههههههههههه لمياء : عندك الزهر المسخوطة من نهار اللول طيحتي الراس الكبيرة ههههههههه نعمة اللي مكنتش حاملة تهدر فداكشي حيت كانت حاسة بنظرات منصف ليها ماشي عاديين وخايفة ينوض الصداع خاصة انها بصعوبة باش تهنات من دوك المعجبين اما هادا مووحال تقدر عليه ... مشاو لبيرو عند البوس اللي عطاهوم خدمة جديدة على ود الشركة اللي غيسني معاها اتفاقية بعد مكانو متنافسين معاهم ومكافاة ليهوم على المجهودات ديالهوم ...نهار على نهار الخدمة غاديا وكتزيان والتفاهم بين فريق السنافر غادي وتيكبر والاعجاب دمنصف لنعمة تاهو كيتزاد اما العلاقة بين منعم ونعمة مرة مزيانا مرة لا مرة مفاهمين مرة مناكرين والوقت اللي كدوز نعمة برا الدار بلا خبار منعم ولا شاغل بالو وبزاف ملي عرفها كتغيب نهار كامل
منعم: هادشي بزاااااف فيتن كتمشي نهار كامل وبلا متكولها ليل ولا ماعليها حكام ,,, ولكن انا للي كلت ليها حنا فريندز وكل واحد يدير مابغى ... اوووووففف تلفت وهاد الرمانة خصني اليوما نفركعها ... مزال منعم كيهدر مع راسو حتى دخلت نعمة مهلوكة وعياااانة خاصها غير تنعس ... منعم : فين كنتي ؟؟؟؟ ,,,نعمة : ونتا مالك شكون نتا اصلا باش تسولني فين كن... قبل متكمل كلامها كان منعم شادها من يديها وكيهز ويحط فيها ... منعم: فييييين كنتي ومع من ؟؟؟ متعصبينيش ا نعمة يالله كولي فييين كنتي ... نعمة اللي تفكرات نصحة عكوزتها نهار يتعصب مكيعقل على حد ديري اللي كال وسكتي جاوبتو وهي كتبكي كك كنت خاا خااارجة قنط بببووو بووحدي فدار ... مبقى سمع والو حيت بدلت كتبكي بحال بنيتة صغيرة عنقها وهو كيسكت فيها ... منعم: شششششش صافي سكتي سمحيلي حبيبة ماقصدت كنت خايف عليك بززاف شششش صافي باراكة هاد دموع منبغيهومش ينزلو مزال .. مزال كيحزر فيها تكسمعها كتشخر فصدرو مسكية نعسات من كترة العيا والرعب اللي شافت ملي لقاتو معصب وعروقو خارجين وكيغوت ...منعم: كنبغيك البرهوشة ديالي كنموووووت فيك ... اخيييرا كلتها الكلمة اللي عدباتني شحال كلتها واخا نتي مسمعتيهاش مني المهم كلتها وغنكولها ليك مزال الحبيبة ديالي ...منعم كان طااير بالفرحة اما نعمة في سابع نومة وماحاسة بوالووووو هههههههه
...منعم كان طااير بالفرحة اما نعمة في سابع نومة وماحاسة بوالووووو هههههههه ... دخلها منعم لبيت ديالها نعسها وغطاها وبقى كيتامل فيها شحااااال حتى داه نعاس وهو حداها .... صبح الصباح وداك النهار كانت الخدمة كثيرة عند نعمة كان خصها تحضر بكري وتوجد شي دواصا وعاد تحضر للاجتماع ديال الموضفين باش يشوفو فين وصلو فالتحضيرات لنهار الكبير اللي كولشي كيتسناه ... وهاد النهار هو اللي نعمة فاقت فيه معطلة ونسات باللي هي خدامة ... نعمة: اممممممم الللللللللله على راحة شبعت نعاس نوض نوجد فطوري اليوم الاحد والجو غزال ديال شي تبحيرة يا سلام ...اممم ماعرفت شحال فالساعة ؟؟ واااامممميييييييييي اليوم الاثنين هادي العشرة واااااكوااك الحق اليوم يجرو عليا مالخد... واااااامممييييي نتا شنو كدير هنا؟؟؟شكون سمح ليك دخل بيتي ؟؟؟ ... منعم: هادي داري ونتي مراتي مالك مخلوعة وكتفتفي غير بوحدك .... نعمة : معندكش الحق تدخل لبيتي وحنا غيييير فريندز ولا نسيتي ... كانت كتهدر وكتخاصم وفنفس الوقت كتحاول تغطي راسها من دوك النظرات ديالو وهو ميت بالضحك عليها ... منعم: وااا الهبيلة وراكي لابسة حوايجك مالك كتخباي مني مغنكلكش ونيت مكتعجبينيش اصلا نتي قيمرونة مافيك مايتعجب هههههههههههههههههههه زيدي تفطري زيدي ... نعمة قيمرونة وعندي المعجبين

ماشي بحالك ا بوراس ... والفطور خليتو ليك مافياش الجوع ....منعم:اممم عندك المعجبين ا قيمرونة مزيان تلقايه شي كلب البحر كيعوم فالكشكوشة بحالك هههههههههههه زيدي تفطري مكتعاودش غير الصلاة عالنبي .... نعمة: مافياش الجوع ودبا خرج من بيتي بغيت نبدل ونخرج لخد..بغيت نكول دايرا مع صاحبتي ندوز معاها نهار كامل ....منعم: واخا الالا ها هو خارج ... خرج وسد الباب كان عايق باللي هي مخبية شي حاجة ودابا تاكد 2 مرات تلفات فالهدرة ومكملاتش كلامها.... كان مزال كيخمم ملي خرجات نعمة مبدلة وغادية خارجة بالزربة ... كانت لابسة كسوة طويلة بيديها وصبيبيط وفولار فلون الموكاسان و ديرا كلوس خفيف وكحل واخا كانت لابسة لبسة بسيطة ومامبينة فبها والو خلات منعم حال فمو فيها ...منعم:شنو هاد الحالة ا مدام راكي مرات الراجل زعما ؟؟؟ ... نعمة : اشمن حالة لابسة ومستورة الحمد الله ياك لاباس؟؟؟ منعم: داك الزواق اللي دايرة فكمارتك مسحيه .. الفطور مابغيتيه هانية لهلا يوكلو ليك لكن تخرجي بهاد الحالة لا ... نعمة: مافيا مايهدر فهاد الهبال من بعد اوك راني تعطلت على البنت ... منعم وهو حابسها متخرج : مسحيه وخرجي واش مصطية تخرجي هكدا ماعليك حكام ولا مزوجك حيط؟؟؟ نعمة : اوووووووف منعم عااااااافك بعد من طريقي راني تعطلت .. بقات تطلب وتزاوك وملي عرفاتو راسو قاسح جبدات كلينكس ومسحات الكلوس ...نعمة:مزيان هكدا ؟؟؟ ,,,, منعم : امممم مابيكش ا قيمرونة دبا تقدري تخرجي ومتعطليش ... خرجات بالزربة قبل لايرجع فكلامو وقبل ماتسد الباب كالت .. نعمة : بسلامة ا بوراس والكلوس راني هزيتو معايا ههههههههههههه ... ماجا منعم فين يلحق عليها تلقاها طارت وبقى كيضحك ..... اما نعمة وصلات مع 11 قل ربع وهي كتنهج لقاتهوم يللاه غيبداو الاجتماع دخلات وكلست بلاصتها وبدا الاجتماع مع الموظفين وكل فريق كيشرح فين وصل فالخدمة ... وصلات نوبة فريق السنافر ومع نعمة كتولي سنطيحة فالخدمةهي اللي خدات الكلمة وبقات تهدر وتشرح وكلشي عجباتو باسلوبها المبسط وطريقتها الذكية فالشرح سيغتو منصف اللي ماهبطش عينيه عليها ... سالا الاجتماع وحددوا الوقت اللي غيجي فيه الوفد ديال لشركة المنافسة باش يسنيو الاتفاقية واللي غيكون بعد اسبوع بالضبط ... خرجو الموظفين ويالله بغات تخرج نعمة مع امين ولمياء تكتسمع منصف كيعيط ليها... منصف : نعمة ممكن 2 دقايق نهدرو... نعمة والخلعة شداها : ااه ممو ممكن اسي منصف .... منصف :بلا سي غير منصف عافاك لمهم بغيت نكول ليك شكرا على الخدمة ديالك تبارك الله عليك وماليوم نتي راكي مرسمة معانا وبهاد المناسبة كنتمنى تقبلي عراضتي لععشى .... نعمة : ولمياء وامين تاهمو غادي يترسمو يااااك ... منصف : هههه الالا تاهمو غيترسمو اوا اشنو كلنا ؟؟؟ نعمة: بارك الله فيك سي منصف زعما منصف ههههههه وبالنسبة لعراضة ميغسي بزاف مي منقدرش عندي ارتباطات والخدمة كتيرة مرة اخرى انشاء الله ...... منصف : ههههه واخا الالا لمهم راني نتسالك عراضة .... نعمة : هههه واخا انشاء الله بسلامة دبا .... خرجات وخلات منصف كيفكر فيها وكيفاش رفضات الدعوة ديالو وهو اللي لبنات باشارة وحدة منو كيجيو تلعندو ...... منصف : هادي اللي بغيت .. نعمة ماليوم راك ديالي .......سالا النهار ورجعات للدار ملقات حد دخلات توضات وصلات ودخلت الكوزينة تو جد العشا واخا كانت خدامة ديما الدار متولة ومجموعة على حقها وطريقها وهدشي اللي كيخلي منعم ديما مستغرب
المهم اسيادنا السيمانا دازت كالبرد وجا النهار اللي غيجي فيه الوفد .... الشركة كانت مقلوبة والداخل كتر من الخارج والراس الكبيرة او سي منصف مقابل الخدمة بغى كولسي يكون مصاوب خاصة ان الشركة المنافسة غتكون حاضرة فشخص مديرها اللي ديما داخل فصراع مع منصف ومنافس معاه فالسوق .... نعمة كانت مكلفة بالحفلة اللي غتكون من بعد توقيع اتفاقية بين الشركتين كانت مشغولة هي وامين ولمياء بالتنسيق مع منظمي الحفل والتريتور ومع باقي الموظفين باش الخطة اللي كانو دايرين تمشي مزيان ,,,,,ي

وصلات الوقت وجا الوفد اللي كان عبارة عن مجموعة رجال اعمال بالضافة لرئيس الشركة المنافسة .... منصف : مرحبا بيكم تفضلو اهلا وسهلا برجال الاعمال فرصة سعيدة ليا ولناس اللي معايا .... رجال الاعمال: مرحبا بسي منصف تبارك الله عليك شهتي الواليد كيف كيقولو داك الشبل من داك الاسد ...منصف : الله يبارك فيكم ولكن كيبان ليا ناقصكم شي واحد ولا خاف يجي ههههههه ..... الشخص المجهول : هانا جيت ا سي منصف ماشي انا للي نخاف ومتنسلش باللي الاتفاقية انا مولاها .... منصف: وي عندك الحق تفضلو دخلو مرحبا بيكم وبمول الاتفاقية ههههههه .... رجال الاعمال عجبهم التنظيم والديكورات وحتى الموظفين والكفاءة ديالهم والروح باش كيخدمو .... رجال الاعمال + الشخص المجهول : تبارك الله هادشي غزال ومنظم بلا شك شي منظم المؤتمرات هادا.... منصف: لا هادا فريق العلاقات العامة هدية من السما تبارك الله عليهم وخاصة المديرة ديالهم من بعد توقيع الاتفاقية غنعرفكوم بيهم ...منصف وضيوفو دارو جولة فالشركة اللي خلاتهم منباهرين بالتنظيم والدقة والكفاءة اللي موجودة عند منصف والناس للي معاه ... وقعو الاتفاقية وجا الوقت فاش يتعرفو الموظفين على الوفد ديال الرئيس ديالهم ... رجال الاعمال بداو كيتعرفو على الموظفين بحسب القطاع اللي هوما فيه واخيييرا وصلو لتاس دالعلاقات العامة ... منصف: هاني كيما وعدتكم هاهي لالا نعمة والفريق ديالها الموسؤلين على هاد التنظيم الرائع .... رجال الاعمال : تبارك الله عليك انسة نعمة هادشي غزال نتي والفريق ديال حمرتو الوجه هكدا نقدرو نقولو باللي اختيارنا كان موفق ...الشخص المجهول: مدام نعمة تبارك الله عليك ... وتحنى لعندها وكال ليها من بين سنانو تالدار ونتفاهمو ا انسة نعمة...... نعمة مكانت كتسمع تا كلمة نظرات الشخص المجهول او منعم ليها خلاتها تجمد فبلاصتها وبزاف ملي كال تالدار ونتفاهمو ......الحفلة دازت غزالة واخا الصدمة جمدات نعمة فالاول ولكن قدرات تكمل خدمتها ... كانت كتهدر مع الموظفين وتحرك هنا ولهيه ومنعم متبعها وحتى هو كان مصدوم مراتو خدامة عند المنافس ديالو واااااخا الالا نعمة الدار ونتفاهمو ,,,,, منصف: نعمة باراك عليك رتاحي شوية الحفلة غادا مزيان وراكي حمرتي ليا وجهي ,,,, نعمة: ههههه الحمد الله اسي منصف بغيت نكول منصف ههههههه هاني نجيب شي حاجة من البيرو ونرجع ,,,, منصف : اوك لالا نعمة ومتعطليش عليا ,,, منعم كان كيشوف فيها كتهدر وكتضحك مع المنافس ديالو كان باغي يمشي يضربو ويبعدو على الحبيبة ديالو مبغاهاش تضحك اة تهدر مع تا راجل من غيرو هي ديالو وبووووحدو ,,,,, غير بانت ليه نعمة خارجة ومشى تبعها دخلات لبيرو ديالها ودخل موراها وسد الباب وعينيه عمرييين ,,,, غير شافتو خل وسد الباب وهي تعطيها للبكى والطليب والرغيب ,,, نعمة : وحق الللللله الى كنت ناوية نكول ليك راه خدمت والله مكنت ناوية نخبي عليك ,,,, غير نسيت ةنتا معمرك سولتيني ,,,, كاع داك الغضب اللي كان فيه مشى ملي شاف دموعها مبغاهاش تبكي

محملش راسو ملي شاف الخوف منو فعينيها ,,,,,قرب ليها وهي كتبعد منو حتى لصقات مع الحيط ةبقات كتقرى الادعية وكتوجد عضيماتها لشي سلخة معقلت حتى لقاتو معنقها,,, منعم: ششش صافي يالهبيلة راني منضربكش ولكن ملي نكونو فالدار نتفاهمو شششش باراكا من البكى منبغيش نشوف دموعك مزال مسحي كمارتك وخنونتك شوفي كيعمرتي حوايجي وحوايجك هههههههه ,,,,, نعمة: خلعتيني ملي كتشوف فيا دوك الشوفات يحسابلي غتسلخني وسط الناس هههههه ,,,, منعم: نن ا قيمرونة تالدار ونشبعك عصى ,,,,, نعمة : وباش من حق اسي منعم ياك حنى اصدقلء وكل وحد يعيش كيف بغى ماشي من حقك تدخل فحياتي او تحط يدك عليا سمعتي ,,, كانت كتهدر ومنعم مبرد وكيتصنت ليها خلاها حتى كملات وفشات قلبها .... منعم: كملتي اوا سمعيني نتي مراتي ومن اليوم غنعيشو على هاد الاساس صبرت وتسنيتك تفهمي ولكن نتي مكلخة وعميا ,,,, كملي دبا هاد الزفت عندك ساعة نلقاك فالدار والى ماجيتيش متلومي الا راسك .... خرج وخلاها كتخمم عارفاه بوراس واللي فراسو يديرها يديرها تحمد الله مادار ليها شي فضيحة فالشركة ,,,,, رجعات للحفلة كتقلب عليه بعينيها ملقاتوش بقات تفكر تمشي او ماتمشي الى مشيت غيكول كنخاف منو والى بقيت غيدير ليا فضيحة نمشي وامري لله ,,,,,,
ساعة نيشان لقاتها قدام دارها ولكن مدخلات حتى دازت 10 دقاق باش تسمى جات مورا ساعة ب10 دقايق ههههههه العناد ومايدير ,,,, منعم: جيتي اوا علا السلامة سمعي ا لالا انا معندي عيالات اللي يخدمو من النهار اللول كلت ليك ميخصك خير معايا ديك الخدمة من غدا خرجي منها وتكلسي فدارك سمعتي ,,,, نعمة: اه سمعت ولكن خدمتي ماخارجاش منها بغيتي ولا كرهتي والا ماعجبك حال را الحيط قدامك من نهار تزوجنا ونتا اللي كتخطط ديري هادي ملديري هادي نكونو اصدقاء لا منكونوش اصدقاء حنا مزوجين عيييييت من هادشي ودابا باغيني نخرج ونكلس فالدار نقابلك نتا والهام ديالك هي اللي متكون ,,,, منعم: ديك الخدمة متحلميش بيها مزال والدار فيها فاش غتكلسي والخروج والدخول ميكونش الا بعلمي سمعتييييييي ..... نعمة: عطيييني تساع بعد مني حياتي وانا حرة فيها وخدمتي منخليهاش دير الي فجهدك منصف مغيخلينيش نخرج مالخدمة علاقل هوكيحترمني و كيفهمني ماشي بحالك معقد,,,,, منعم مقدرش يتحكم فاعصابو وصرفقها يقدر يتحمل كولشي الا مرتو والحبيبة ديالو كتهدر على راجل اخر قدامو .... نعمة: طللللللقنييييييييي ,,, مبقيتش باغا نعيش معام مبغيتش نكون مراتك طلقني ..... كالت ليه هاد الكلمة وخلاتو مصدوم من راسو كيفاش صرفقها وخان الوعد ديالو ليها والطلاق لاااا مستحيل نطلقك ونخليك ليه هي للي متكونش ,,, خرج وضرب بالباب الليل كامل وهو كيدور تاقرب الفجر مشى دخل للجامع توضى وصلى ودعى الله يريح بالو ويرزقو بحب مراتو ,,, رجع للدار ودخل لبيتها لقاها مكمشة وكتشهق واخا ناعسة ولكن باينة فيها البكية ,,,باسها فبلاصة الضربة وعنقها ونعس ,,,,,,,,,,,, اليوم مقدرش نمشي للخدمة عيطت لمياء وكلت ليها انا عيانة مقدراش نجي,,,, كنحس براسي تقيلة اويلي ملبارح ليوم غلاضيت,,, غير تفكرت التصرفيقة وبديت كنبكي الحماااار ديما يدو سابقينو مكلخ معقد بو البنات ولكن انا اللي مكلخة اللي كنبغي واحد بحال يخخخخخ ماجيت فين ندور تلقيت بوراس دراجلي كيشوف وكيضحك ,,,,, منعم: هههههههههه كون عرفت غتكولي كتبغيني كون صرفقتك من نهار اللول هههههههههههه

نعمة : شكون اللي كيبغيك ؟؟؟؟ انا مكلت والو ودني تقالو عليك مع الشرف اللي فيك ... اجي نتا راه هدرنا البارح بغيت الطلاق واليوم غنمشي لدارنا .... منعم: الطلاق متحلميش بيه لبارح مشعرت وضربتك ولكن تنتي زدتي فيه ,,,الطلاق حيديه من بالك نيت متقدريش تعيشي بلا بيا عارفك كتموووتي فيا ولاباس عليك اللي قابل عليك ا قيمرونة ههههههههههه .... نعمة: منعيييييييييييييييييييييييييم كنهدر بصح بغيت الطلاق انا مكنبغيك طلقني داااابا واش مكتفهم ... منعم: نوضي وجدي الفطور لراجلك راني ميت بالجوع مكنتش عارف واش الى عتارف ليك شي واحد بللي كيبغيك كيجيك الجوع حتى اليوم ههههههههههههههههههههه بقاي ديما تكولي كتبغيني باش ناكل الشهيوات اللي كتوجدي ليا ههههههههههههههه ,,, خرج وخلاها كتغدد بوحدها البارح خرجات من الحفلة بلا متقولها واليوم كاليك نخرج مالخدمة هي للي متكون .... مشات توضات وصلات وبدلات حوايجها بالخف وخرجات كتجري للشركة اما سيدي منعم على بالو مراتو كتوجد ليه الفطور ملي خرج من الدوش رتاح ولبس حوايجو خرج لكوزينة ملقاهاش دخل لبيتها ملقاهاش قلب عليها الدار كاملة كان معصب بزاااف حيت دارتها بيه وخرجات ,,,, منعم: واااااخا ا لالا نعمة راسك قاصح دبا نشوفو شكون راسو قصح ملاخور.....فهاد الوقيتو نعمة وصلات للشركة يلاه وصلت لبيرو ديالها كتلقى منصف كالس فيه وباينا فيه معصب وكيتسناها .... نعمة: السسس سلام عليكم .... منصف: وعليكم... فين كنتي البارح علاش خرجتي وخليتي الحفلة وخليتيني ؟؟؟ فين كنتي البارح ... كان كيهدر ومعصب وكيحاول ماا امكن ميديرش شي حاجة للي يندم عليها من بعد... نعمة : سمح لي والله ماقصدت كان ضروري خصني نمشي امين ولمياء دارو الواجب الى مكنتش انا هوما يديرو اللازم ... منصف: ماشي بالنسبة ليا نتي اهم ونتي للي خصك تبقاي كنت ناوي نكول ليك بزاااف دالحاجات وحتى دابا مزال مافات الفوت .... نعمة: شششنوو كتقصد مفهمتكش ؟؟؟؟ واش درت شي حاجة غلط؟؟؟ منصف: منهار دخلتي للشركة كلبتيني مبقيتش انا وليت فشكل كتسولي واش درتي غلط اه درتي غلط خليتي نبغيك ونغير عليك حتى من راسي هدري مع داركوم انا السيمانة الماجية نجيب والديا ونخطبك ..... بطبيعة الحال كولكم كتخيلو منظر نعمة اللي كانت مصدووووومة ومنطقات تا حرف ... منصف : نعمة حبيبة ديالي ومرتي مستقبلا كولي شي حاجة غتكوني مراتي نشاء الله ... قبط ليها يدها فاللحظة الي دخل فيها منعم البيرو ديالها ... منعم: حيد يدك من مراااتي الحماااااار .... منصف: ههه مراتك كتحلم واقيلا نعمة حبيبة ديالي كتبغيني وكنبغيها ونتا مالك وباش زاد كملها باس يد نعمة وغمز لمنعم اللي ولا ثور هايج وبدا كيضرب فمنصف ماخلا فيه عضم .... منعم: نعمة مراااااتي وحنا مزوجين والى ماكلتهاش ليك انا دبا كنكولهل ليك بعععععد من مراتي ولا المرة الماجية غنقراو عليك الفاتحة الشماتة ...زيدي نتي كدامي ... وجر نعمة من يدها اللي يلاه فاقت من الصدمة ... منعم: ونزيدك مراتي والحبيبة ديالي نعمة حاااملة وجات اليوم باش تكول ليك باللي مبقاتش غتخدم.... خرجو بجوج ركبها فالطوموبيل ومشاو لدارهم بلا تاوحد فيهم ميهدر مع لاخور
وصلو للدار كل واحد دخل لبيتو وسد عليه حتى من العشى اللي كانو كيتجمعو عليه

مابقاوش .... دازت 3 ايام والجو كئييب فالدار نعمة حدها بيتها اما منعم كيمشي للخدمة وبالو مع نعمة .. النهار الرابع كان منعم ناوي يفتح صفحة جديدة معاها كان متاكد واش كتبغيه لكن عصبيتو كتخليها تنكر ومتكول والو .... داك النهار منعم خدا كونجي وخلا النائب ديالو يتكلف بكولشي فغيابو اللي غيطول على غير العادة رجع للدار فرحان دق الباب وعيط ليها تخرج لعندو... منعم: وجدي راسك غنمشو ندوزو سيمانة فدار الواليد وسيمانة فداركم نبدلو الجو شوية غدا نشدو الطريق مع الفجر ... نعمة: مبغيتش مافياش للي يسافر بغيت نبقى هنا تنموت وتهنى مني ... منعم: اوك خاطرك لمهم خودي حوايج كتار نقدرو نتعطلو وملي تسالي جمعي ليا حوايجي تانا ... نعمة: وااا بنادم واش مكتحس مكتفهم انا مبغيييتش نسافر فهمتي ولا نشرح مزال .... منعم كان مبرد عارفها مقلقة منو ملي كلسها فالدار ولكن هادا طبعو كيغير عليها وملي سمع اعتراف منصف باللي كيبغيها حلف لا عمرو خلاها تخدم وا طيير معزة هههههه ... منعم: نتي واقيلا نسيتي شنو درتي مخليا راجل غريب يشد ليك يدك ويتغزل فيك ونتي مرات الراجل الى نسيتي انا مانسيت سمعتي امراتي العزيزة ومزااال تخلصي .... نعمة: مامسافراش هي مامسافراش والمخير فحميرك ركبو .... منعم خلاها تهدر خدا بورطابلو وعيط لنسيبو عرف واش نقطة ضعف نعمة باباها هو فحرب وفالحرب كولشي مباح والحرب اللي دخل ليها مع مراتو مااشي اي حرب خاصو يربح ويقدر يخلي مراتو تبغيه كتر وكتر.... منعم: الو الحاج كيداير انسيبي العزيز,,, لاباس الحمد لله.... اه انا بيخير وحتى نعمة ,,, اه الحاج غندوزو عندكم نتوما اللولين ,,, اوا شنو ندير الحبيبة ديالي بغات تشوف واليديها كالت اسيدي توحشاتكوم ...اه هاهي حدايا ... هاكي هدري ... نعمة: ااا الو بابا كيداير لاباس عليك ... انا بيخير .... نشاء الله كيما كال منعم غدا نكونو عندكوم بسلامة تهلا فراسك .... منعم كان ميت بالضحك ام نعمة اللي عيات تخنزر فالاخير ضحكات ... نعمة: وااخا ابوراس والله متبقى فيك عارفني منقدر نكول لا لبابا وااخا ديرها فين تجيك .... منعم: ههههههههههههههه شنو درت بغيت نسافر مع قيمرونتي فيها شي حاجة هادي ههههههه نعمة جمعات الضحكة ودخلات تجمع لحوايجها ,,, ديما كدير اللي فراسها وجا هاد بوراس ولا يتحكم فيها كيف بغى ولكن واخا هكداك زوين يتحم فيك شي واحد مرة مرة وبزاف الى كان بحال منعم الزين والطولة والتبوكيصة والعقل والتباتة .... اووووويلي نعمة شنو هادشي الرجوع لله .....سالات جميع الحوايج ومشات توجد العشى اما منعم دخل لبيتها وزاد شي لعيبات مع حوايج نعمو عاارفها مغتديش داكشي لليبغى حيد ليها البيجامات وحط بلاصتهم لي شوميز دو نوي على الاشكال وغطاهم بحوايج الخروج والشالات ديالها وخرج من بيتها بحالا ماداار وااااالو ,, هههههه
ودن الفجر فاقو توضاو وصلاو وفطرو وشدو الطريق نعمة فبلاصتها نعسات

اما منعم بقى غير كيضحك .... وقف فلستيشن دار المازوت وخدا فطور واجد وكمل الطريق ونعمة مازالا ناعسة ... الجو كان غزااااال ومنعم ماحيلتو للمناظر الطبيعية ماحيلتو للحبيبة ديالو اللي قريبة ليه وماكره يوقف ويبقى يشوووف فيها وهي ناعسة بحال بنوتة صغيييورة ...وصلو مع 3 دالعشية دار نعمة كانت فمدينة اخرى مابعيداش بزاف على دارها هي ومنعم ... الحاج والحاجة نساب منعم تلقاو ليهم فالباب كانت اول مرة نعمة تزور دار واليديها مورا زواجها حيت هوما اللي كيجيو عندها: مرحبااا والف مرحبا نهار كبيير هادا اللي جيتو عندنا ... منعم: بارك الله فيك ولهلا يخطيكم عليا ... نعمة: توحشتكوووم بزااف علاش ماجيتوش عندي توحشتكوم وتوحشت دارنا ... الحاج والحاجة : هادي دارك ودار راجلك تاهيا دارك دخلو مرحبا بولدي وبنتي راك فمنزلة ولدي ا منعم ... منعم: عارف اللي كاين الحاج وراكم تنتومل فمقام الواليد والواليدة .... نعمة بقات سااكتة كانت فرحانة بالعلاقة ديال منعم مع باباها هكدا بغات من نهار تزوجات واليوم تحقق الحلم واخا ماشي كامل لمهم جزء منو ومنعم ودارهم ولات العلاقة بينهم مزيانا ,,,, دخلات نعمة تعاون الوالدة ديالها فتوجاد العشى ومنعم والحاج دخلو للصالون يهدرو على الخدمة والبيع والشرا وداكشي ههههه .... لمهم اسيادنا حطو العشى تعشاو وضحكو وفوجو على قلبهوم ودبا وصلات اللحظة الحاسمة اللي كيتسنى فيها منعم ملي شدو الطريق .... الحاج : تصبحو على اوليداتي انا عيان شوية خليت ليكم الراحة ,,, الحاجة: سيري ابنتي لبيتك نتي وراجلك راني وجدت ليك الفراش تصبحو على خير ... مشات الحاجة والحاج وخلاو نعمة مافاهمة واااالووو .... دارت لجهة منعم ولقاتو مكرشخ بالضحك ... نعمة: داكشي لاش كنتي كاضحك كنتي عاارف يااك وهادشي علاش بغيتينا نساافرو.... منعم: اه كنت عارف

مكرشخ بالضحك ... نعمة: داكشي لاش كنتي كاضحك كنتي عاارف يااك وهادشي علاش بغيتينا نساافرو.... منعم: اه كنت عارف وبااغي هكدا نتي مراتي وكتبغيني وهادشي خاصو يكون منيييمتا .. نعمة: ونتا؟؟؟؟؟ منعم : اممم انا مالي بيخير وعلى خير مالي انا شنو خصني ؟؟ نعمة : وااااالو مكلت وااالو ,,, مشات ودخلت لبيتها معصبة وهو تابعها وكيكول مع راسو تانا كنبغيك غير نتي عميا مكتشوفيش .... منعم: بيتك زوييين انا غنعس فوق الناموسية ونتي فالارض ... نعمة: ههههههههههه مسيكيييييين منين نتا منين نن انا بنت ادن انا نعس فناموسية نتا راجل تقد تصبر للبرد ان لاااا .... منعم: نن قيمرونة انا بنعس فناموسية ونتي فالارض اولا نعسو فيها بجوج ههههههه .. نعمة:: شنااااهوااااا هي اللي متكون عرفتي شنو نديرو ورق حجر مقص واللي غلب ينعس فالناموسية اش كلتي ا بوراس ؟؟؟ منعم:هههههههه واش مزوج بمرا بعقلها ولا برهوشة دالمدرسة ههههههههه واخا الالانديرو هاد حجر مقص تاعك ونشوفو شكون يغلب.... ورق حجر مقص ههههههههههههههههههههه اناااا ربحتك يالاه فرش فالارض ونعس اسي منعم هههههههههه منعم: بصحتك ا قيمرونة هههههههه نعمة فرحااااانة غتنعس فناموسيتها وداك بوراس كيتبررررد فالدص ... مشات نعمة لحوايجها تقلب على اطول بيجاما جابتها باش تلبسها ومنعم غير حاضيها حلات الصاك وبدات كتجبد شي عجب معرفاتو منين جا لصاكها .... نعمة: اوييييييليييي ميمتي هاد لي شوميز دو نوي منين جاوني وانا مخبياهم واناااااري ميمتي ماعندي ملبس ....وفخاطرها كتكول انا متاكدة ماجبتش هادشي معايا شكون دارلي هادشي هنااااا وبغوتة وحدة منعييييييييييييييم فييييق .. منعم: مالك ياك لاباس واش متنعسي متخللي للي ينعس ؟؟؟ نعمة: فييييين درتي ليا بيجاماتي اداك بوراس ؟؟؟ دابا تكول فين درتيهم واش نعس بحوايج السفر ولا شنو وهاد العجب راه مااالابساه غير طلع ليا بيجاماتي ... منعم: امممم بجامتك الالا بقاو فالدار لبسي داك الحمر غيجي غزااال انا كنموووت على الحمر .... نعمة مقدرات تزيد هدرة مزال تزنكات زحشماااات طفات الضو وتغطات بجوج منطات واخا كان الصهد تحسبا لشي هجوم ههههههههههههههه

الغد ليه فاقو ونعمة ماقدراش تشوف فيه حشماات منو ومن الهدرة اللي كال وبزاف ملي شافت دوك لي شوميز دو نوي كولهم معيقييييييين وتاوحد فيهم مامستور مقدرات حتى تخيل راسها لابسهم خلي تلبسهم وقداااام منعم مستحيييييييييييلل ... كانت مزال شادا فداك الشوميز ملي دخل منعم ولقاها ساهية ... منعم: اممممم كلت ليك الحمر كيجي غزااااالل وبزاف معاك نتي لبسيه اليوم باش نكول رايي النهائي ومتنسايش طلقي شعرك اوك حبيبة .... كامل الوان الطيف دازو فوجه نعمة تبقى الون الحمر فحنيكتها مقدت تهدر خرجات بالزربة قبل ليكول شي كلمة اخري وتسخف ليه تماك هههههههه مسكينة القلب عندها هشييييش هههههههههههه ... ديك السيمانة دازت دغيا فدار نعمة ولات كتحس بمنعم طرف منها كضحك الى ضحك وتغوبش الى غوبش ولات كتحس بيه شي حاااااجة فحياتها واكتر حاجة مكتحملهاش ملي يكونو خارجين ويبداو البنات يشوفو فيه كانت لا شعوريا كتشد ليه فدراعو وتحاول تخليه يهدر وينسى كلشي وهو كان عاايق بيها وفرحاان ملي كتغير عليه وكتقبط ليه فدراعو بحال الى كتكول ليه نتا ديالي بوووحدي ... نهار الاخير فدار نعمة كلسو مجموعين دارو كسكروط وتوادعو مع الحاج والحاجة ... الحاج : بسلامة اولدي تهلاو فبعضكم ورد ليها البال راها هي عويناتي ... منعم: كون هاني الحاج راها مراتي والحبيبة ديالي .. نعمة مورا كلمة الحبيبة مشات كتجري ركبات فالطوموبيل اما الحاج والحاجة ومنعم بقاو كيضحكو عليها ... منعم: بسلامة وكيما تافقنا الحاج في امان الله .. الحاج والحاجة : كون هاني اولدي كييما تافقنا ... وسلم على الوالد والوالدة الله يوصلكم على خير ....شدو الطريق هاد لمرة لدار منعم تماك غيبقاو سيمانة اخرى مع عائلة منعم وخوتو .... نعمة: شنو كلتي لبابا علاش تافقتي معاه ؟؟؟؟؟ منعم: ونتي مالك سوقك هادك سوق الرجال لعيالات معندهوم ميديرو بيه .... نعمة: اه سوقي وبغيت نعرف يالاه طلقنا خلاص وكول .... منعم : انا صايق دبا سكتي تنوصلو .... نعمة : لااااا دبا تكول دابا بغيت نعر.... قبل متكل كلامها منعم وقف الطوموبيل ودار لعندها ... منعم: اااااخر مرة تغوتي عليا وانا صايك واللي بيني وبين الواليد ديالك مااشي سوقك دابا كلسي وسكتينا تنوصلو .... مبقات زادت هدرة الطريق كلها وهو ساكت وهي مكتشوفش فيه ومدوره وجهها .. كانت عارفة راسها غلطات ولكن العتاد ديالها وديالو ديما كيرجعهم اللور .... منعم ونعمة فنفس الوقت : سمح لي .. سمحي لي ... هههههههه انا للولا سمح لي مقصدت نغوت عليك وحتى انا سمحي لي مقصدت نقلقك اقيمرونتي ..... انا ماشي قيمرونة انا نعمة ا بوراس ,,, هههههه لا نتي قيمرونة اللي غتلبش الحمر قريييبا ههههههههههههههههههههههههههههههه يالاه دابا سكتي هههههههه .... وصلو معطلين نعمة كانت ناعسة دخل للدار هازها بين يديه حطها فبيتو ورجع يجيب الحوايج ... دخل لقاها مكمشة كيديما غطاها وخرج لعن واليديه اللي بقاو يتسناو فيهم واخا وصلو معطلين ... هدرو شوية وجمعو ودخل لبيتو غطاها ونعس فوق الناموسية هاد المرة بلا ورق حجر مقص

صبح الصباح نعمة فاقت وكتكسل بشوووية وكدير دوك الاصوات بحال شي مشيشة ... منعم: تصيدت فيك كالو ليا بنت صوتها حنين وغزاالو وفنيون ولكن لقيت راسي مزوج بمشة ههههههههههههههههه نعمة ششنننوو ككك ككككيفااش شنو كدير هنا نوووض من حدايا.... منعم: واخا ا مشيشتي هانا مشيت نوضي الواليدة كتسناك ولا ماناوياش تسلمي على عكوزتك ههههههه .. خلاها وخرج ونعمة دغيا ناضت توضات وصلات وبدلات حواجها وخرجات ماكنتش مغطية شعرها مخلياه مطلوق يحسبلها كاين عائلة منعم صافي ,,,, غرجات من بيتها ومشات للصالون فين كاين عائلة منصف مع ولاد عمو اللي جاو يباركو ليه حيت ماجاوش فعرسو... دخلات حادرة راسها وكتسمع حماتها كتصل على النبي كانت غزاالة بالقفيطين اللي لابسة والشعر مطلوق والكحل ,, ماجات فين تهز راسها تلقات منعم كيخنزر فيها بالتلفة تسالمات مع حماتها 2 مرات وزكلات عكوزها ههههه منعم كان معصب حيت مامغطياش شعرها واخا هادوك ولاد عمو ولكن الاصول اصول,,,, فطرو ا وخرجو الرجال وبقات نعمة مع خواتات منعم ومو عاطينها للجماعة والضكح حتى دخل عليهم منعم .... منعم: نعمة اجي بغيت نهدر معاك ... مشى لبيتو ولحقات عليه وهي كترعد عاااارفة راسها مقفراها .... منعم: واش نتي مكتفهميييش داخلة لعند الرجال بلا حشمة بلا حيا وشعرك معري ؟؟؟؟ تسطيتي وباغيا تسطيني اولا شنو؟؟؟؟ .... نعمة: ااا انن نناا معرفتهم كاينين والله معرفت ومقصدت ندخل بلا منغطي شعري عندكم.... منعم: قصدي او متقصدي ديييييما فولارك فوق راسك انا بوحدي اللي نشوف شعرك ونشوفك دايرا ميكب انا اللي عندي الحق فيك واخا هوما ولاد عمي ولكن تاراجل من غيري ميشوفك نتي ديالي بوحدي ... نعمة: والهام ؟؟؟ نسيتيها ونسيتي كلامك ليا وديما كتكول معمرك تبغيني والبنات بحالي مكيعجبوك مالك كتناقض راسك مابقيت فاهمة وااااالو ...منعم: بصح نتي مكتعجبيني نتي كتحمقيييني كتخليني نغييير عليك ونتعصب وفلحظة ضحكيني كل حاجة فيك كتخليني بلا عقل .. مزال منعم كيهدر تكيسمع ختو كتعيط ليه ... منعم: من بعد ونكملو وغطي شعرك ونقصي الميكب و ياااويلك تهدري مع شي راجل واخا يكون خويا فهمتي ولا نفهمك بطريقتي ... نعمة: ففف فهمت والله تنغطي شعري ومنهدر مع حد كن هاني ....خرج وخلاها اول مرة مكتقلق مكتعصب من كلامو بالعكس فرحاانة دابا عرفات باللي كيبغيييييها كيما كتبغيه ويمكن اكثر خص دابا شكون اللي يعتارف فيهم اللول ,,,, صوبات فولارها ومخلات شعرة تبان ومسحات لميكب كاامل وخرجات وهي فرحااانة وكضحك

داز داك النهار غزااال العائلة دمنعم كانت ناشطة كولشي كيضحك وفرحاااان وحتى من نعمة كتهدر وتعبر واخا كانت خايفة فالاول من منعم ليكول شي حاجة ولكن نسات كولشي ملي حماتها بدات كتعاود على الطفولة ديال منعم اللي هو البكر ديالها .... تعشاو مجموعين ولاد عم منعم باركو ليه ولنعمة وعطاوهم الكادو دالعرس ومشاو كواشي دخل لبيتو وبقات نعمة ومنعم فالجردة كيهدرو .... منعم: يااك كلت ليك متهدري مع تاواحد؟؟؟؟ كاتها ولا مكلتهاش؟؟؟ نعمةوهي ميتة بالضحك: كلتييها ولكن مقدرت نبقى ساكتة وكولشي كيهدر ونيت غتجي فشكل نبقى ساكتة ولاد عمك غيكولو منعم تزوج معقدة .... منعم : ونتي مااااالك مع ولاد عمي يكولو اللي بغاو انا مزوج بمعقدة وعاجبني الحال هوما مالهم واش كلت ليك متهدري مع تااااا راجل واخا يكون خويا .... نعمة: اوووووف منعم هادشي بزاااف على الغيرة راه عائلتك هادي هيا دبا ولاد عمامي منهدرش معاهم ولا شنو؟؟؟؟ سي بافغي هاد شي والله ... منعم:ههههه ولاد عمك ا مراتي الغالية كانو قبل متكوني مراتي دابا نتي مسؤولة مني الهدرة مع غير خوتك لاااااا ممنوعة منعا بااتا ملي نرجعو لدارنا فكريني نعطيك ليست ديال شنو اللي نبغيك ديري وشنو الي منبغيكش ديري اوك مشيشة ويالاه نعسو ... نعمة : كتحلم واقيلا راك اسي منعم مزوج بحرة مااشي بوحدة شريتيها بفلوسك والى غندير شي غنديرها ماشي حيت كلتيها ليا نتا والنعاس سير نعس نتا انا مافيا نعاس .... منعم: مبغيتش تزيدي قدامي ضروري ندير شرع ايدي عاد تكادي ياااك واخا الالا .. ماجات نعمة فين تستسوعب كلمة شرع يدي اللي كال حتى هزها ودخل للدار كيجري بيها وهي كتغوت كالهبيلة مشى لبيتو قبل ليفيق غواتها الناس اللي ناعسة دخل لبيت حطها فوق الناموسية وسد البيت بالساروت وكيضححححكك اما هي ميتة بالخلعة تخلطو ليها المشاعر فديك اللحظة اول مرة تشوفو كيضحك كان غزال واخا كاع تعوق فاش ضحك ولكن عجبها هههههه مشى جيهة البلاكار جبد منو شي حاجة ودار جيهتها ومع هي فضولية بقات كتشوف شنو مخبي فيديه ... منعم: اليوما تلبسي الحمر

اليوم نعمة كتحس براسها فشكل نعمة ديال البارح ماشي نعمة ديال اليوم احساس زوين متقدرش توصفو كانت فرحااااااانة لدرجة حتى الماريو ولا كيبان ليها فرحان بحالها ,,,, منعم كان فاق بكري باش تاخد راحتها ومتحس بالحرج وفنفس الوقت خايف من ردة الفعل ديالها ..واخا هيا مراتو وحلالو ولكن خافها تطلب الطلاق ,,, ناضت من بلاصتها جمعات البيت وبدلات وصوبات فولارها وخرجات ,,, نعمة: صبااح الخير ... حماتهاوعكوزها وخوت منعم: صباح الخير اجي تفطري راكي تعطلتي .... منعم بقا كيشوف فيها وكيحاول يكتشف واش مقلقة او لا .. فطرو مجموعين وجمعو وضحكو كيف ديما ومنعم كامانش معاهم كان كيشوف فنعمة كيف كتهدر وكتضحك وناشطة وحتى ملي كيتلاقاو عينيها مع عينيه كتزنك وكيحمارو حنيكتها .... كان ضرووري منعم يخرج نعمة من الدار باي طريقة نهار كاامل وميرجعها تالليل بقى كيحمد الله انها نسات شنو هو اليوم ... منعم: انا خارج الواليدة ماديريش بحسابنا لغدل انا ونعمة... نعم’: ولكن انا مبغيتش نخرج بغيت نبقى مع ختك غيتة غدا ونخرجو ... كانت كتهدر وحادرة عينيها وبصعوبة باش سمع كليماتها ... منعم: بدلي حوايجك انا فالطوموبيل كنتسناك ... خرج وخلاها كتشوف مشات بالزربة لبيت لبسات لبسة بيناتها غزاالة سروال دجين وقميجة فالبيج وبلغينا وفولار مصوباه على الطريق التركية وميكب خفيف ,,, خرجات لعندو ويالاه غتركب لقاتو دار لعندها وشادها من يدها ومرجعها للدار منعم: راااكي مزوجة بدلي عليا هاد الويل اللي لابسا ومسحي ه ديك الكمارة ولا باغيا الرجال يتبسلو عليك؟؟؟ ما عليك حكام الالا نعمة ولا مكتفهميش.. عرفتي شنو ماليوم الجلالب اللي غتلبسي الدجين والكساوي والقويمجات كولي ليهم باي باي ... نعمة: ولكن انا معندي جلالب مجبت معايا والو ...منعم: كولي لغيتة تعطيك وحدة من جلالبها حتى ترجعي وسربي خلاص راكي عطلتينا ,, نعمة: اوووف بغيت غير نفهم مال هاد اللباس تاهوا مستور وهو اللي كنلبس ديما ... منعم: 5 دقايق تكوني فالطوموبيل واحد الله 239 ,,, قبل مايوصل 10 كانت نعم وصلات لعند غيتة و وطلبتها تعطيها وحدة من جلالبها,,, غيتة كانت مصممة ازياء ودواااااااقق عطات لنعمة جلابة فلون حمر دم الغزال جاتها غزاااالة وفولار فنفس لون الخدمة اللي فالجلابة صباط الطالون وصاك ,,, منعم كان مزال كيتسنا وكيشوف بورطابلو تكتبان ليه جايا لعندو تصدم مبقى عندو ميكول طلعات فااتنة كتر من ملي كانت لابسة الدجين مع هاد الجلابة يالاه غيولو المعجبين كتاااار عند نعمة ,,,, داك النهار مخلاو قنت مامشاو ليه دارو المدينة كااملة وتغداو فرسطو غزااالة وبطبيعة الحال المعجبين كانو كتار لدرجة خلات منعم ميطلقش من يد نعمة بحالا كيكول للرجال الاخرين هادي ديااالي غيير بعدو منها .. مكره يخبيها على كولشي الناس ويبقى غير هو اللي كيشوف فيها ... منعم: اممم داز النهار غزال ا قيمرونة يالاه نرجعو انا عيييت وبغيت نعس ... نعمة: خلينا شوية مزال عافك ونرجع دابا مكين حد فالدار خالتي كالت غيمشيو لشي عرس واقيلا ... منعم: اه فراسي ولكن انا عييييت واش مابقا فيك راجلك والحبيب ديالك هههههه ,,, نعمة تزنكات وتلفات ملقات مادير من غير تسبقو للطوموبيل اما هو بقى كيضحك كتعجبو ملي كتلف ومتلقى مادير ههههههههه

رجعو للدار وكانو كااع الضواو طافيين على غير العادة .... نعمة: شتييييي شنو كلت ليك الدار خاااوية وتاواحد مكاين,,,,منعم: انا كاين ولا مامعمر ليك العين ههههه ,,,, نعمة : هههه لا معمر ليا البنكرياس زيد قدامي زيد حل ليا الباب ... منعم: مالو البنكرياس تاهو زوين لمهم معمر ليك شي حاجة وصافي ههههه هههههههه مع الدخلة تشعل الضو بالخلعة تخبات مورا منعم وبقات شداه من ضهرو وهو كيضحك منعم: نعمة واااااالهبيلة طلقي مني فضحتينا قدام الناس ... نعمة غير سمعات الناس وحلات عينيها لقات عائلة منعم وعائلتها والجردة كانت مقادة ومستفين فيها الطبالي والكراسى وكل طبلة بالورد ديالها..... نعمة مفهمات والو بقات غير كتشوف وكلشي كيبارك ليها ,,,, منعم:بحال اليوم كان عرسنا اليوم كملنا عام وحنا مزوجين مبغيتش هاد النهار يدوز عااادي عندنا وهادي هي الهدرة اللي كنا كنهدرو انا ونسيبي داك النهار ,,,, كان كيهدر ليها فودنيها والعائلات بجوج كيباركو ليهوم وهي سااااكتة ....منعم: كولي شي حاجة متبقايش ساكتة ولا عرفتي شنو انا غنهدر ,,,, الوليد الواليدة نسيبي العزيز الحاجة كاااع اللي حاضر هنا يسمعني ...... منهار اللول مكنتش باغي هاد الزواج مكنتش حامل نتزوج زواج تقليدي بوحدة مكنعرف عليها واااالو من غير سميتها... ولكن نهار على نهار بديت كنكتشف ان الزواج التقليدي ماشي كولو خايب الى ربي لاقاك بالناس الطيبين ... نهار على نهار نعمة بدات كتدخل لعقلي وقلبي بهدرتها وكلامها وتصرفاتها وطريقة تفكيرها فيها كول ماكنت كنتمنى يكون فمرتي... التربية والحداكة والحشمة والاحترام واخا دوزت عليها بزاااااف معمرها قللت من احترامي ..ز وبديت كنبغيها معرفت امتى وفين او كيفاش ولكن كنبغيييها واخا هي كتكونش كتبغيني انا كنبغيها ومعمري نفرط فيها وقدامكم كنكول انا كنبغي مراتي وكنحمااااق عليها وكنحمد الله اللي لاقاني بيها وجعلها من نصيبي ..... كولشي كان كيسمع ومعجب بصراحة منعم وملي كال انا كنبغي مراتي بداو كيشوفو فنعمة وشنو غتكول... نعمة كانت فرحااااانة اخييييرا كالها وعتارف ماشي غير قدامها ولكن قدام عائلتو عائلتها حسات باللي الاهانة ديال نهار زواجهوم تمسحات وكلمة وحدة بقات كدووور فدماغها ... نعمة : حتى انا كنبغييييك ومسامحاك على كوووولشي ربي يخليك ليا ابوراس دياااالي ,,,, كولشي كيضحك وفرحان ودازت الحفلة غزاااالة من بعد مابدلت نعمة ولبسلت تكشيطة وصوبات ميكب خفيف اما منعم لبس اللباس التقليدي وخرجو لعند العائلة بقى كولشي كيزغرت ويصلي على النبي ,,,, جابو لهم الكيكة وهاد المرة منعم هو اللي شد يد نعمة ومبقاش طلق منها حتى سالات الحفلة ودخلو بيتهم بجوج ... الحاج بات منعم : اوا اسيدي كيجيتك مزال كنعرف نخطط ياك هههه ... الحاج بات نعمة : اسيدي ماعندي منكول مامشيتي حتى زوجتيهم و ولاو كيبغو بعضهم هههه .... الحاج اب منعم: يالاه يلاله الحاجة كتعيط خليت ليك الراحة هاد الساعة انسيبي العزيز .... الحاج اب نعمة: ههههههه يلاله تصبح على خير الحاجة ديالي غتبيتني فالجردة من قبيلة وهي كتعيط ,, تصبح على خير هههه......

النهاية