انا عمر بغيت نعاود ليكم هاد القصة لي طرات لينا انا و صحابي نهار قررنا نسافرو لواحد الغابة بعيدة علينا نخايمو ونفوجو فيها كنت انا و ايوب و احمد و صلاح حيت كنا ديما موالفين نسافرو مجموعين و لكن هاد الغابة عمرنا مشينا ليها غير الناس لي قالو لينا بلي هي زوينة والجو ديالها زوين و نقي داك شي علاش كولشي وافق نمشيو ليها..كان داك نهار المشؤوم لي قررنا نسافرو فيه مكناش عرفين شنو لي كيتسنى فينا !!وجدنا راسنا جمعنا كولشي لي غادي اخصنا في ديك الخرجة و حطينا كلشي في الطموبيل و شدينا الطريق بالليل باش نوصلو صباح بكري حيت كانت طريق شوية بعيدة و انا لي كنت سايق..وحنا غادين و كنضحكو و كنهضرو شوية قلت لدراري..عمر : سمعو الدراري شنو بان ليكم نرتاحو شوية فواحد الفيلاج قريب لينا نتعشاو و نكملو طريق !!؟ ايوب : اه اخوية راني عييت و بغيت نتعشا فيا الجوع..احمد:اه احنا وصلنا ليه وقف غير هنا ا عمر.مهم وقفت و بلاصيت الطموبيل و صلاح كان ناعس فيقناه و مشينا تعشينا و رتاحينا شوية.. ملي بغينا نكملو طريق طموبيل مبغاتش ديماري و خرجت هزيت الكابو حيت ايوب كيفهم شوية في الميكانيك هبط وقال..ايوب: واش حنا جينا نفوجو ولا جينا نصاوبو الطموبيلات ههه عمر: وتا بالي صوب هاد البرويطة خلينا نكملو راه مازال تابعاني بزاف ديال الطريق.صلاح:ياك قلت ليكم نمشيو غير في الكار مكتسمعوش..احمد:الكار اسي صلاح راه مكايمشيش لديك البلاصة واش كتفهم !!ايوب:شحال فيكم و خليوني نصوب هاد شي صدعتوني فيكم غير الهضرة.. ايوب صوب الطموبيل و عمر و دراري فرحو و كملو الطريق عمر كان كيسمع الراديو و دراري كاملين نعسو و صلات 1 ديال ليل و عمر غادي شاد طريق و ديك الطريق مفيها حتى واحد غير الخلا و ظلام شوية عمر وصل لواحد مفترق الطرق و شاف سميت الغابة لي غادين ليها مكتوبة على واحد البلاكة مصدية "غابة
شاف فالبلاكة شوية و قال حسن ندوز من هنا نقصو علينا طريق شوية الى مشيت نيشان طريق طويلة و دايرة و شاد طريق لي اول مرة فحياتو ايدوز منهاايوب فاق و قالايوب:عمر مالك دخلتي من هنا؟ عمر:قلت ندوز من هنا باش نوصلو بكري مع طريق عياتني و بدا نعاس كايجيني.ايوب:بغيتي ترتاح ارا نشد عليك شوية.عمر:شكرا ايوب غير رتاح ليك عارفك معدكش مع طريق بالليلايوب نعس وخلاني الطريق كانت خايبة و المسالك ديالها واعرة و تقول واش فيها حس ديال الحديد ولا ديور تقول غير حنا لي على ديك الارض شوية كنحس بلي طموبيل سكتات فرانيت و قفت و الدخان طالع من تحت الكابو!وفيقت الدراري و قلت! عمر:ايوب فيق راه هاد البرويطة تاني وقفات معرفتش مالها!؟ وافيقو المساخيط دراري ناضو و كيقولو شنو كاين(صلاح و احمد)ايوب:شنو كاين! وايلي ميمكنش انا صوبتها مزيان ومال هاد الدخان اصاحبي طموبيل سخنات بزاف و موقفتيش نعمرو رادياتور بالماء!هز ايوب الكابو طلع الدخان بزاف و قال ليهم المطور سخن و رادياتور خوات من الماء.ايوب:خليتي طموبيل حتى وكحات من الماء ابا عمر !احمد:راه عمرناها ملي تعشينا،كيفاش خوات!!عمر: ايكون شي فويت فرادياتور دك شي علاش!مشا صلاح لكوفر اجبد الماء تصدم وقال الدراري القراعيديال الماء خاوين !!احمد: ااااووووواااااه متقولهاش عمر:ناري بقينا هنا و ملي كنت جاي فهاد الطريق و تقول واش كين شي فيلاج ولا شي دار فطريق غير الشجر والصخر في جناب طريق والكلاب هما ل لاخرين مابنوش ليا.ايوب:شنو المعمول دابا الا مكانش الماء بقينا هنا فهاد الغابة و شاف فساعة و قاليهم 2 دابا ! والمشكيل الليل هادا شكون غادي ادوز من هنا !عمر:دراري نسيت مقلتش ليكم راه هاد الطريق مختاصرة دخلت معاها باش زعما نوصلو فيساع لبلاصة لي حنا غادين ليها
حمد:علاش اصاحبي دوزتينا من هنا !!هاد طريق خيبة و خاوية و كتخلع فيها غير الشجر و الضلام وحس بنادم مكاينش و جبد بورطابل ولقا الريزو مكاينش !!وقال لصحابو بلي ريزووو مكاينش باش نتاصلو بشي واحد نعلموه بلي حاصلين هنا..كان المكان مظلم جدا و هادئ فيه غير الصوت ديال الاشجار كتحركو الرياااح..عمر:متخافش راه هاد شي دوزت كثر منو شيبلايص بحال هادو وكثرصلاح:المهم خصنا نلقاو شي حل باش نتحركو من هنا.عمر قال: ايوب بقا نتا مع صلاح انا انمشي مع احمد نشوف واش غادي نلقاو شي ناس ساكنين هنا اعطيونا الماء و لا شي واد نعمرو منو هاد القراعي.ايوب: اوكي سيرو احنا نحضيو طموبيل حتى تجيو .صلاح:لا لا لا نبقاو مجموعين حتى ابان شي واحد دايز من هنا اعاونا مخصناش نتفارقو..عمر:متخافش، احنا انجيو دابا ،نجيبو الماء نكملو طريقنا.مشا عمر و احمد وفطريقهم مكيسمعو حتى حد إلا أصواتْ الرياح المُخيفة في الليل.شوية كيسمعو باب يفتح و يغلق بفعل الرياح بقوة وكانوا كيسمعو صوتو من بعيد وصلو لبلاصت الصوت ولقاو محطة قديمة ديال البنزين كالها الصدأ والسيارات معطلة وحتى واحد مكين تما!!عمر هاز البيل و مضوي بيه الطريق و قال لاحمد..عمر:احمد هادي محطة مهجورة شنو بان ليك ندخلو ليها نقلبو واش لقاو فيها الماء !!؟؟احمد:عمر انا ممرتاحش لهاد البلاصة راسي تشوك علية خاصنة رجعو بحالنا..ديك الساعة صلاح و ايوب في الطموبيل كيتسناو فصحابهم ارجعو و كيتمناو القاو الماء.ايوب: صلاح دراري تعطلو !!صلاح:هاد الخرجة من اللول و هيا عوجة بحال كمامركم.... و عمر خلا طريق لي عامرة و جايبنة من هاد الطريق الكحلة لي محال واش ناس ساكنين هنا تقول حنا بحدنا على الارض..ملي كان ايوب و صلاح كيهضرو كان احمد و عمر كيتشاورو واش ادخلو ولا لا !!و اخا انا كنت باغي ندخل لاكن احمد كان ممرتاحش لهاد الفكرة و كيقولي لا خلينا نقلبو على شي عين ولا بير نعمرو منهم الماء..
عمر قنع أحمد باش ادخلو حيت هداك هو الحل الوحيد لكان عندهم فصراحة لمكان كان أكثر من مرعب فحال دوك الافلام ديال رعب لي كنتفرجو فيهم ولكن هادي كانت حقيقة.. دخلنا وكان عندي واحد الإحساس بالخوف ومكنبينش بلي خايف باش منوترش احمد.. ملي دخلنا لقينا المكان كانت فيه ريحة خايبة. قالي احمد..احمد: عمر خاصنا نحايدو من هنا هاد البلاصة معجباتنيش شي حاجة ميييتة هنا !عمر: متخافش غادي ايكون غير شي مش ولا كلب مييت..و دفعنا الباب و دخلنا كنقلبوو و مع ظلام و الخوف كنا فواحد الحالة معالم بيها غير الله و كان كل واحد كيبغي ابين بلي مرتاح ومخايفش.الوقت لكنا حنا كنقلبو على الماء قرر ايوب اخرج اقلب علينا حيت تعطلنا ولكن صلاح كان خااايف وقال.صلاح: ايوب الا مشينا غادي ايجيو ميلقوناش و لا نصدقو حنا موضرين !!ايوب:انا منقدش نبقا هنا نتسنا و صحابي معرفتش شنو طاري ليهم.هز ايوب البيل و تبعو صلاح و بداو كيقلبو و كيغوتو احمد..عمر ..عمر ..احمد..فينكم !! ولكن تواحد مسمعهم الغابة كانت كبيرة بزاف بداو كيبعدوو و تيدخلو وسط الغابة و صلاح كاان كيمووت بالخوف و تلفات عليهم الطريق باش ارجعو الطموبيل .صلاح تعصب بدا كيغوت على ايوب.صلاح:ايوب أنت سباب مقدكش شنو دار لينا عمر جايبنا لهاد الارض الكحلة وكملتيها نتا وضرتينا على طوموبيل و غادي ارجعو مغاديش القاونا تما وانا وياك بقينا هنا كيف غادي اوصلو لينا !!ايوب:صلاح سد فومك و خلينا نشوفو كيف نديرو نخرجو من هاد المشكل لي حنا فيه..عمر و احمد ملي كانو كيقلبو على الماء،واحد اللحضة عمر دار الضو ديال البيل و لقا لي عمرو كان كيتسناو فيه القاوه ناس شبعانين موت و الجتت ديالهم مقطعة و ريحة كانت ريحت جتت ديالهم..عمر ملي شاف داك المنظر خرج كيجري تصدم و مخلوع و كيغوت..و احمد تبعو و الخلعة شاداه من راسو لرجليه و كيقول ليه شنو كاين اعمر وشاد قلبو ايخرج من بلاصتو !!عمر كيهضر و الهضرة كتخرج بزز .. عمر: احمد.. احمد..!!لقيت بنادم مقتول و مقطع اش هاد المصيبة جينا ليها !!احمد:عمر ناري فين جبتينا ا عمر اش هاد شي طحنا فيه ياربي !!عمر:احمد الهضرة معندها باش تنفعنا دابا خاصنا نرجعو عند دراري مخصناش نكونو مفارقين..احمد: بصح عمر نوض نرجعو،، شكون اكون قتل هاد االناس ؟عمر:هاد شي لي خالعني انا !!احمد و عمر راجعين لطموبيل و الخوف باين على وجوههم هاد المرة مكاين مايخبيو و داك شي لي شافو مكيبشرش بالخير..
ملي كانو راجعين عمر حس بشي حاجة تابعاهم و هو يقول لاحمد !!عمر:كنحس بحال شي حد تابعنا و مراقبنا!!احمد:نفس الاحساس حتى انا عندي ملي خرجنا من ديك البلاصة وانا حاس بلي متبوعين و كنتمنى اكون الاحساس ديالنا خاطئ. عمر:خاصنا نعلمو بهاد الشي ولكن ريزووو مكاينش باش نطلبو المساعدة !!في الجهة الاخرى أيوب و صلاح كيتمشاو و كيقلبو على طريق لي ترجعهم لطموبيل.شوية كتبان ليهم شي حاجة مع الليل مبانش ليهم مزيان بحال شي واحد واقف ولابس الكحل و هاز فيدو منجل !!!!!!تخلعو و هربو كيجريو وسط الغابة و الخلعة شداهم صلاح كيغوت و ايوب كيقوليه صلاح سكت و جري..ملي عيا صلاح وقف و مصدوم و شاد في راسو كيقول اش داني نجي معاكم من الاول ماكنتش مرتاح لهاد الخرجة المنحوسة و شنو هاد العجب لي شفنا وااش بغى عندنا !!و قاليه ايوب و هو كينهج و الخلعة شاداه...ايوب:منعرف بحالي بحالك صلاح غير زيد نبعدو من هنا و نقلبو على دراري باش نعلموهم احضيو راسهم !!عمر و احمد رجعو لطموبيل ملقاو حتى واحد و مكتوب في الزاج ديالها بالدم.."مغاديش تمشيو من هنا "احمد و عمر تخلعو على صحابهم و معارفين شنو اديرو !!!عمر قال لاحمد.. عمر:احمد دراري فين مشاو ؟ و اش هاد شي مكتوب في الزاااج ؟ احمد:هادا مايكون غير ضحك ديال ايوب بغا اخلعنا..عمر:عنداك اكون لي قتل دوك ناس مازال كايضور هنا و هو لي كتب هاد شي!!؟احمد بدا كيغوات و كيقول..احمد:ايوب..صلاح فينكووووم..خرجو براكة من الضحك الباسل راه حنا واقعين في مشكيل كبير.!!و خا احمد قال هاد شي باش الى كان ايوب و صلاح هما لي كيضحكو معنا اخرجو ساعة والوو مبان حتى واحد..مكناش عرفين بلي احمد و صلاح ملي تعطلنا مشاو اقلبوو علينا.عمر:احمد الا مكانوش دراري لي كتبووو هاد شي، راه حنا دابا في خطر كبييير !!!......
ايوب و صلاح غادين و حاضين راسهم لايكون داك شي لي شافو تابعهم..ايوب:صلاح متخافش بعدنا شوية على ديك البلاصة و هداك الشخص لي شفنا غادي نكونو وضرناه علينا الى كان تابعنا..اجي نتخباو في هاد الربيع لي بين هاد الشجر حتى نرتاحو و نكملو..صلاح:اه نيت راه عييت جريت بزاف أخوية ايوب سمح ليا غوت عليك قبيلة...ايوب:لا راك صاحبي و هاد المصيبة فاش طحنا عمرها وقعات لينا غير الله احفض و صافي..صلاح:ايوب بلا ماتزيد تكمل عليا و تزيد تخلعني..شوية ايوب لاح إدو على فم صلاح و سدو ليه قاليه بشوية سكت كنسمع شي حاجة جاية !!!ايوب كيسمع شي صوت ديال شي واحد قريب ليهم(صوت أقدام)قريب لبلاصة فين مخبيين هما..صلاح كان مخلوع فديك الساعة و وجهو كان كيبان عليه الخوف..شوية كيسمع صوت ديال عمر..عمر:صلاح "ايوب " فينكم ؟..واش كتسمعوني..؟؟ايوب غير سمع صوت عمر خرج بين داك ربيع و قال ليه..ايوب:عمر احنا هنا فين تعطلتو،مشينا كنقلبو عليكم و توضرنا انا و صلاح فالغابة.عمر:ناري خلعتيني، نتوما لي فين زدتو، راه حنا واقعين في واحد الموصيبة !!ايوب:راه داك شي لي كنت حتى انا بغيت نقوليك..عمر :شنو كاين؟ايوب:عمر ماكاين مانخبي عليك شي واحد كاين معانا هنا و هاز فيدو شي حاجة دايرا فحال شي منجل !!عمر : شنو كتقووول !!!..راه حتى انا و احمد دخلنا لواحد المحطة ديال البنزين هنا مهجورة و لقينا فيها ناس مقتولين و مقطعين..ايوب:عمر ناري اش هاد شي حنا فيه و الليل هادا و مكاين لي اعاونك هنا دنيا خاوية....اجي بعدا فين احمد ؟عمر:راه تفرقنا باش كل واحد اقلب في جيها،و من بعدملي نلقاوكم نرجعو لطموبيل حنا حفضنا طريقها،و انت فين خليتي صلاح ؟؟ايوب:اه والله حتى نسيتو هاد الموصيبة فاش طحنا خلاتني بلا عقل راه مخبي وسط الربيع تلقاه سخف بالخوف..ايوب:صلاح خرج راه غير عمر هادا انت وحلتي تما ياك ما سخفتي..!!عمر:مال صلاح ماكيجاوبش ياك ما واقعا ليه شي حاجة..
عمر:مال صلاح ماكيجوبش ياك ما وقعا ليه شي حاجة !!!في ديك اللحظة عمر بقا واقف في بلاصتو و ايوب مشا يشوف صلاح علاش ماخرج، ايوب دخل بين الربيع ملقاش صلاح تخلع وبدا كيغوت.. ايوب: عمر..عمر، اجي راه صلاح ملقيتوش !!!عمر ملي سمع ايوب تخلع و مشا كيجري لعندوو..عمر:ايوب مالك شنوو كاين فين صلاح ؟ كيفاش صلاح ما لقيتيهش فين زاااد !!ايوب:خليتووووو هنا و دابا ماكاينش..ايوب بدا كيقلب بالبيل فالبلاصة فين كان هو و صلاح و مخلوع على صاحبو و هو يقوول..ايوب:عمر شوف في الارض هاهو البورطابل ديال صلاح,,,عنداك ايكون دااك شي لي كنفكر فيه !!عمر:كيفاااش ؟ايوب: عنداك ايكون مول المنجل !! عمر: كنتمنى تكوون غالط ولاكن باينة هاد الناس لي لقينا انا و احمد مقتولين غادي تكوون عندهم علاقة بهاد الشخص لي نتوما شفتووه هاز منجل والاختفاء ديال صلاح..ايوب: كيفااااش زعمة،صلاح ايكون ماااتت !!! لا لا لا مايمكنش !!!عمر: كنتمنى نكونو غالطين،هادا مايكوون غير شي واحد مريض و باغي ايقتلنا و احد من وراا واحد..حيت لقينا فزااج ديال الطموبيل الخلفي مكتووب بلي "مغاديش تمشيو من هنا " كنا كنصحبووك كضحك معانا ساعة هاد شي مابانش ليا فيه الضحك !!ايوب شاد راسوو و ممصدقش اش كيقوول عمر..ايوب:انا مبغيتش نمووت هنا أاا عمر ..مابغييتش نمووووت.. عمر:ايوب حاول تحكم فراسك حنا كاملين بغينا نخرجوو من هاد الغابة الملعوونة،خلينا نفكروو في شي حل نخرجوو بيه من هنا و اول حاجة نقلبو على احمد رااه بوحدوو وغادي اكون في خطر كبيير ..بدااو كيقلبوو على احمد باش احذروه من واحد الشخص كاين معاهم فالغابة و تقدر تكون عندو علاقة بدووك الناس لي لقاوهم فديك الحالة مقتولين و مقطعين بي بشاعة و بدون رحمة في محطة البنزين المهجورة..عمر و ايوب عرفو راسهم بلي هما دابا في ورطة كبيرة و حياتهم فالخطر في بلاصة مهجوورة و معزوولة...بداو كيقلبوو على احمد و مخلوعين خايفين ايكوون المصير ديالهم بحالهم بحاال الناس لي ماتو.. شوية ملي كانو كيقلبو على احمد بان ليهم شي واحد معلق فواحد الشجرة..عمر:ايوب ياربي شنوو هاد شي لي معلق فالشجرة !!ايوب في حالة ذعر و خوف قال..ايوب: مبانش ليا مزيان راك عارفني مكنشوفش مزيان ا عمر بلليل !!عمر:خاصنة نقربوو شوية نشوفوو شنو داك شي.ايوب كان خايف بزز باش تبع عمر و مشاو اشوفوو دااك لعجب لي معلق فالشجرة..غادين و خايفيين حييت محد الوقت كايزيد فديك الغابة و المصائب غير كتزيد..وصلو حدا الشجرة و شافووو دااك شي لي كانوو خايفين منووووو كاانت الصدمة القوية لي خلات ايوب ايطيح لارض و ابدا ابكي...كان صلاح معلق مقتووول عرفووه غير من الملابس ديالووو حيت راسو مكاينش!!! عمر حتى هو تصدم و رجلو فشلو عليه و كان كيلووم راسوو و كيقوول .عمر: لا..لا..لا ميمكنش صلاح امووووت !!اناا سباب فهاد شي سمح ليا صلاح..
عمر من بعد ما بدا كايلوم راسوو على هاد شي لي واقع و الحصرة على صاحبو صلاح لي قدامو معلق مقتوول قال..عمر:ايوب نوض نوض سربي.. خاصنا نجمعو راسنا و نكونو اقوياء باش نواجهو هاد السفاح !!ايوب:عمر.. اناا رااه مزال ممتياقش هاد شي لي واقع لينا كنحس براسي بحال فشي حلم !!عمر:خاصنا نلقاو احمد في اقرب وقت قبل ما يوصل ليه هادا لي قتل صلاح.باقي مكملوو هضرتهم و خرج ليهم السفاح لي كيقتل لابس جلابة كحلة و جهو مكيبانش ليهم حيت مغطيه بواحد الزيف حمر كيبانو غير عينيه و هاز فيدو منجل عامر دم !!دراري غير شافووه خرج ليهم من وسط الاشجار تخلعو و معرفو شنوو اديروو !!!!هربووو و الخوف و الرعب فيهم كيجريو و عمر كيقوول... عمر:ايوب جري.. جري متوقفش عنداك توقف !! واحد شوية ايوب مشافش واحد الحجرة كبيرة ضربها برجلو توعت وطاح لارض شد في رجلو و كيغواات..ايوب:عمر متخلينيش هنا بوحدي و تمشي غادي اقتلني انا مبغيتش نموووت!!عمر شاف ايوب طاح و رجع عندوو قاليه.. عمر: ايوب صبر صبر سكت راه غادي يسمعنا الا كان قريب لينا انا معاك مانخليكش..عمر قطع واحد طرف ديال تووب من تريكو ديالو وحزم رجل ايوب و قاليه نوض نتمشاو نشوفو شي بلاصة نتخباو فيها..ناض ايوب و عمر معاونوو باش اتمشى ويبعدو من ديك البلاصة ولكن ايوب كان الضعف و الإعياء ورجل لي مضرورة كتشكل عائق ليهم باش ابعدوو بزااف.. عمر:ايوب صبرن اخوية صبر غادي نخرجك من هنا غير صبر و زيد و غادي نلقاو احمد و نمشيو من هنا، اعلم الله خبارو حتى هو !!..ايوب:عمر انا غير كنعطلك هنا و اقدر هاد المجرم القتاال اخرج لينا في اي لحظة خليني هنا و سير..عمر:اش هاد شي كتقوول،انا منقدش ندير هاد شي انا غادي نخرجك من هنا و كنواعدك زيد و سكت..ايوب:خليني شوية نرتاح اعمر عييت..عمر:انا نحطك و نقضي حاجتي و نكملوو راه بعدنا شوية عليه مغاديش يلقانا هناعمر شد ايوب بشوية حتى هبط و حط ضهرو على واحد شجرة..عمر زاد شوية جيهة واحد الشجرة باش اقضي حاجتو و من بعد اكملوو طريق، هما بغاو غير ميلقاهمش مول المنجل حتى اصبح الحال و ابان شي واحد اعتقهم..عمر مشى قضى حاجتو وكان عاطي بضهرو ل ايوب ملي كمل و ضار كان حادر راسو كايسد فصضاف ديال السروال غير هز راسوو و تصدم و تخلع ركابيه فشلوو عليه !!!شاف ورااء ايوب لقااا السفااح واقف حدااه و هاز المنجل لي عامر بدم و ضرب ايوب بالمنجل فالرااس حتى دم بقا نازل ليه من راسووو !!!..ايوب مات فالبلاصة كرم في بلاصتوو مسكيين..عمر غير شاف داك المنظر و هرب و كيبكي و كيمسح في دموعوو و كيقوول صلاح مات و ايووب حتى هو و احمد اعلم الله شنوو طاري ليه سمحوو ليا صحابي مقدرتش نحميكم
بقيت كنجري هربان و فيا الخوف و الرعب من الوحش لي ما في قلبو لا رحمة ولا شفقة لي قتل ليا صحابي ببشاعة و بدون تردد..ملي كنت هربان نسيت البيل وكنقول مع راسي عنداك غير نطيح فى طريق حيت مابقيت كنشوف والوو و هاد الغابة مخيفة فى الليل و الظلام بسبب الاشجارالمتشابكة ضوء القمر ماكيوصلش الارض ابدا وانا غادي كنجري مكيبان ليا والووو..و داك الوحش المتعطش لدماء ورايا مخصنيش نوقف حيت الا وقفت ايكون المصير ديالي بحال صحابي لي فقدتهم و احمد لي مزال معرفتش شنو طراا ليه كنت غادي كنجري و الافكار كدوور في راسي !!جريت بزاف وخا كان فيا العيااا مع الخوف محسيتش بيه مقدرتش نوقف حتى لقيت واحد الدار و قلت مع راسي لقيت لي غادي اعوني نخرج من هاد المصيبة لي انا فيها لي عمرها طاحت على بالي وخا صحابي بقاو فيا ولكن لي عطا الله هو هداك وليت كنفكر دابا غير فراسي و كيفااش ميكوونش ماصيري حتى انا بحال المصير ديال صلاح و ايوب و المصير المجهوول ديال احمد لي معرفتوو واش مات ولا مزال حي !!بقيت غادي فطريقي كنجري و صلت لديك الدار لقيت النوافد مسدودين و الباب مسدوود بقيت كندق و كنغوت حتى واحد ماكيجاوب !!عمر:واش كاين شي واحد هنا،واش كيسمعني شي واحد عفاكم راه محتاج المساعدة !!والوو حتى واحد ماكيسمعني و ماكاين حتى واحد فديك الدار، علاه شكون تسطى اسكن هنا و هاد السفاح المريض كيدوور في هاد الغابة حر طليق و كيحصد في ارواح ديال ناس..ملي ماسمعني حتى واحد بانت ليا واحد النافدة لفوق محلولة شوية قررت نطلع و ندخل لديك الدار باش نتخزن فيها حتى يصبح الحال و تكون ليا هاد الدار مكان أمن ضد داك السفاح مول المنجل..شوية بان ليا واحد البرميل جريتو و طلعت عليه حتى دخلت من النافدة كان غير ظلام ماكيبان ليا والووو لداخل..بديت كنقلب في الدار نلقا شي حاجة نضوي بيها حيت الدار ملقيتش فيها الضوو حتى لقيت نص شمعة و بريكة بزز باش بانوو ليا بالضوو ديال القمر لي داخل من النافدة محطوطين فوق واحد طبلة..شعلة الشمعة و بديت كنقلب على الماء ماشي على قبل الطموبيل دابا، على قبلي انا حيت جريت بزاف و حاس بالعطش و لقيت واحد الخابية فيها الماء شربت منها و تفكرت صحابي و بديت كانبكي و كنقوول..عمر:علاش طراا لينا هاد شي كامل ياربي، كون لقينا هاد الماء مغاديش يطراا لينا هاد شي كامل كون راه صاحبي صلاح و ايوب معيا دابا و احمد حتى هو لي معرفتووش دابا شنو واقع ليه..شوية كنسمع بحال شي تقرقيب تخلعت و خفت بزاف و داك صوت كان جاي من تحت الدار !!زعمت و غادي تابع داك الصوت و مخلووع بزااف وانا لقا باب كايدي لتحت الدار!!حليت الباب و خرجات منوو واحد الطوبة كان هداك صوت ديالها لي سمعت قفزاتني من بلاصتي.. و انا نزيد دخلت من الباب و انا نتصدم بداك شي لي لقيت متصورووووش شنوو لقيت !!! رااس احمد فووق واحد الطبلة عامرة بالدم هربت وسديت الباب..وكان الخوف و الحزن كيعتاصر القلب ديالي حتى من احمد لقيتوو مقتوول مسكيين بقيت كنغوت و نبكي و كنقووول..عمر: لا لا لا احمد حتى نتا قتلك ياربي اش هاد شي لي انا فيه اش هاد المكتووب..تمالكت نفسي و بديت كنقوول اش جاب راس احمد هنا و دمووع كيطيحوو من عيني!!وانا نعرف بلي في دااار ......... !!!!الخووف و الرعب شدني متصورووش بااش كنت كنحس فديك اللحظة..شمعة لي كنت هاز فيدي لقيتها طفاات وكنت فالظلام و محااسش، بفعل الصدمة لي انا مزال تحت تاثير ديالها،عودت شعلتها و دخلت لحت واحد طرف ديال التووب على راس احمد باش منبقااش نشووف فيه.. و بديت كنقلب على شي حاجة باش نحمي راسي من بعد ما بقيت كنقلب..لقيت واحد الخريطة و واحد الدمية و منجل و تصاورنا انا و ايوب و احمد الا صلاح ملقييتش تصويرتوو معانا... !!
بديت كنقلب فدوك تصاور ولقيت معاهم تصويرة بنت بقيت كنشوف فديك تصويرة جاتني فحال الا كنعرفها ماغريبااش عليا !!ولكن الغريب في الامر شنو كانو تصاورنا كيديروو هنا و عند هاد السفااح !!!!و صورة صلاح هي لي ماكيناش !!!طاحت ليا من ايدي تصويرة البنت و هبطت نهزها كاتبان لي شي كتبا مكتوبا على ظهر الصورة.."ختي متخافيش غادي اجي واحد النهار نتاقم ليك منهم واحد بواحد كنواعدك "انا شفت ديك الكتبا عرفت بلي هاد الجرائم لي وقعات ماشي كانت غير صدفة !! كاين وراها دافع اخر و هو الانتقام ..شويةكنسمع الباب كيتحل ديال الدار !!حييدت التوب من فوق راس احمد و رجعت داك شي كيف كان و طفيت الشمعة.. وتخبيت شوية كيبان ليا فوسط الظلام واحد داخل هاز فيدو منجل و اليد تانية راااس معرفتش ديال من حيت كان ظلام وعرفت بلي السفاح مول المنجل المخباء ديالوو هادا !!بقيت مخزوون متحكم فراسي و كنطلب من الله ايعاوني نخرج من هاد المحنة لي انا دابا فيها.دخل السفااح و حط المنجل و بدا كيقلب معرفتش على شنوو كان كيقلب خفت بزاف لا اكون عرفني فالدار و كيقلب عليا..ساعة كنت غالط كان كيقلب على الشمعة و البريكة لي هزيت ليه من فوق الطبلة !!....
شوية بان ليا جبد شي حاجة عرفة ملي شعلها بلي شمعة حطها فوق الطبلة و كان عاطيني بضهر و قلبي كان كيضرب كان باغي اخرج من بلاصتووو !!!شوية شفتوو حايد داك الزيف باش كان مغطي والوجه ديالو !!!كنت كنتسناه بفارغ الصبر نشوف وجهو نعرفو شكوون و كاانت الصدمة الكبيييرة ملي شفتوو و سمعت صوتو كيهضر و كيقول..سفاح:اخيرا اختي خديت ليك حقك منهم بيدي و وفيت بوعدي ليك قتلت احمد و قتلت ايوب لي تعداو عليك..متخيلوووش الصدمة لي كنت انا فيها و الرعب لي كنت فيه،الارض كانت كاضور بيا !!!مول المنجل هو صلاح !!هادا صاحبي صلاح لا ميمكنش انا غير كنحلم..رجعت السينتا اللور و تفكرت بلي الجثة لي شفنا معلقة فديك الشجرة كانت بلا راااس !!و دابا احمد لقيت غير راسو و الجثة مكينااش !!يعني الجثة ديال احمد هاديك و غير الملابس لي ديال صلاح !!كانت كنقوول بلي هادا ماشي صلاح صاحبي هادا شيطان..قررت باش نهرب و نعلم البوليس بهاد شي و بانت ليا وحد القرعة ديال الزااج حدايا خليتوو تا عطاني بالظهر و ضربتو لرااس وطاح الارض..و ربطتو مزيان من ايدوو ومن رجليه..خديت ليه المنجل و بغيت نقتلوو و نتاقم لصحابي لي ماتوو بسبابوو..ولكن قلت مع راسي خاصوو اهضر اعطيني تفسير لهاد شي لي دار !!شوية صرفقتو و فاق بدا كيضحك قاليا..صلاح:عمر عندك الزهر هربتي مني ولكن انت مبيني و بينك والوو ايوب و احمد هما لي بغيت و نجحت ملي خديت حقي منهم..محسيتش حتى ضربتو لوجهو بيدي و بديت نغوت عليه..عمر: صلاح كنا حنا صحاب و بحال الخوت شنوو سباب لي خلاك دير هاد شي كامل القتااال !!صلاح:انا نعاود ليك ملي دابا انتا عرفتي شكون انا..كانت عندي ختي عزيزة عليا بزاف سميتها مريم وكانت هيا الوحيدة عندي من بعد ما ماتو وليدينا تكلفت بيها انا و ربيتها و قريتها حيت كانت مازال صغيرة و احد نهار جات عندي و قالت ليا..
مريم:صلاح راه عندنا واحد الرحلة لغابة مع الاصدقاء ديالي وبغيت نمشي شنو بان ليك ؟صلاح:اختي ماشي مشكيل الا كانو غير اصدقائك سيري..مريم:شكرا خوية الله اخاليك ليا..مشات معاهم لرحلة و كان ديك ساعة ايوب و احمد فديك الرحلة و تعداو عليها غتاصبوها و ملي تشدوو حكمو عليهم بالبراءة..ملي ختي مخداتش حقها ولات فواحد الحالة نفسية خايبة و مقداتش تبقا عايشة و مشات نتاحرات من ديك الساعة حلفت حتى نتاقم منهم و بديت كنتقرب منكم حتى وليتو صحابي..و انا لي نشرت ديك الهضرة ديال هاد الغابة بلي زوينة باش نجيو ليها و البلاكة المصدية لي لقيتي فالطريق انا لي درتها حيت عرفتك غادي دوز من طريق مختاصرة..عمر:والكتبة لي كانت في الطموبيل شكون كتبها و كان قالي ايوب بلي شافتو شي واحد هاز منجل و انت كنت معاه !!صلاح:انا لي كتبتها فزاج الخلفي ملي قلتو ليا جيب الماء من الكوفر ديروه في رادياتوور مشفتونيش حيت كنتوو مشغولين بالعطب لي كان فيها و مول المنجل لي شافنا انا و ايوب كانت غير دمية موجدها انا و حاطها تما و لصقت ليها المنجل و حزمتو بواحد الحبل..عمر:الدمية هيا لي كاينة في البيت فين كاين راس احمد ؟صلاح:اه هاديك ههههعمر:انت ماشي صلاح انت شيطان واخا هاد شي كامل ماخصكش تقتلهم ماشي من حقك المجرم..صلاح:ونزيدك شديت الجثة ديال احمد حيدت ليه الملابس و لبستها الملابس ديالي باش تصحابوني انا هههههعمر ملي صلاح كيضحك ضربو حتى الدم خرج ليه من فموو..عمر:غادي نقتلك هنا المجرم نتهنا منك..صلاح:دابا دير لي بغيتي انا تهنيت دابا و خديت حقي منهم بيدي..عمر :وانا شنوو درت ليك كنتي بغيتي تقتلني..صلاح:انت كنتي معاهم وكنتي غادي تخصر ليا الخطة ديالي ملي مشيتي مع احمد كتقلبوو على الماء كون لقيتووه كنتو غادين تخدمو طموبيل لي درت بحسابها توقف تما درت وحد فووييت فتيوو ديال رادياتور غير توصل لديك البلاصة توقف و الماء انا لي معمرتووش و دوك الناس لي شفتوو مقتولين كتاشفو الخطة ديالي و كانو غادي ابلغوو البوليس ساعة صفيتها ليهم..عمر:انا غادي نقتلك بيدي المجرم القتاال..صلاح بقا كيضحك و انا لوح ديك الشمعة و شعلت النار فديك الدار سديت الباب و خرجت..و عييت بزاف و كنحس براسي مهلوك مقادش نزيد كنشوف فالساعة كنلقا ربعة و نص شوية كنسمع صوت الوليدة كتفياق فيا عمر..عمر.. وتا نوض راك تعطلتي على الخدمة المسخوط..عمر ناض مخلوع و كيقوول .....فيني انا واش كنت كنحلم !!الوليدة: وتا نوض المسخوط دابا اجريو عليك من الخدمة !!
عمر:ناري الوليدة باش حلمت الله استر و صافي..
عمر ناض لبس الملابس ديالو و هبط كيجري طلع الطموبيل و مبغاتش ديماري !!
شوية جاه واحد المساج فالبورطابل من صلاح..
" عمر كاينة واحد الرحلة الغابة لابغيتي تمشي "
النهاية