راضية : لالة لالة فيقي ا نسرين راك تعطلتي
نسرين : مالكي صدعتي ليا راسي لاش مفيقاني
راضية : عندك متيحان ا نسرين نودي الله يرضي عليك
نسرين : هاي هاي هاي ضسرتي وليتي تقولي ل لالاك نسرين حرفية خرجي عليا دابا يالاه وجدي الفطور و قولي لداك بنادم يوجد طونوبيل باش نتحركو و عيطي ليا على بنتك تسخر عليا
راضية ( و هي حادرة راسها ) واخا ا لالة نسرين هي الاولى
بلاتي نعرفكوم على هاد البنت هي نسرين 18 سنة كتقرا فالباك فليسي ليوطي لي كيقراو فيه غير شكون و شكون هي بنت اكبر تاجر مجوهرات ، ميتة ليها مها و معندها حد من غير باها هي طوييلة و قلدة و العينين خضرين و الشعر كحل طويل و عندها جوج غمازات فوججها هي زوينة و لكن بالعجرفة لي فيهت تاحد مكيحملهت غير تابعينها على مصلاحتهم و صافي
امين : طلعي ا لالة
نسرين : شوغ نتا السمانة الجاية غتخلي ليا اللوطو نمشي بيها لواحد الغرض
امين : اشمن غرض ا لالة
نسرين : با و مفخباريش ؟؟ سوق و سكت و دير داكشي لي كنقوليك يخ عاى صباح
امين : و لكن باباك الا عرف ايجري عليا
نسرين : ماكين لا و لكن سكت و دخل سوف راسك
نزلات نسرين من اللوطو و تجمعو عليها صحاباتها لي مزعوطين فامين الشيفور ديالها
صابرين : اوو كبيدة سعداتك كتصبحي على داك الملاك
امال : يا ختي شحال زوين حمقني
نسرين :اي اي يا تريكة الزلط تابعين مزلوط
امال : كون ما حشمت كون مشبت بستو
نسرين : اويلي على الهاترة زيدي قدامي " اجي قولي ليا باقا مع داك المخنن
امال : مول الاودي ؟
نسرين : اه هاداك ديري معاه غدا و قوليه يجيب صاحبو
امال : و لكن راه قلل من قيمتي و تفارقنا
نسرين : واش غتبداي تزيدي معايا فالهدور ديري لي قلت ليك
امال : واخا ا ختي
ربيع : تباركالله على الزين
نسرين : حيد من قدامي
ربيع : غلاضيتي خصك تنقسي شوية
نسرين : مالني كناكل من طباسل مك و لا من خير باك
بداو الدراري كيضحكو عليه و هو بقا فيه الحال و البنات دخلو حيت كان عندهم حصة ديال الرياضيات
و اخيرا سالاو البنات الحصة و خرجو و نسرين لقات الشيفور كيتسناها امين : السلام عليكم نسرين : و عليكم السلام امين : وصاني باباك نديك لدار صاحبو السي الشاوي نسرين : واخا وصلو لدار صاحب باباها و هي كتفكر فالهدرة لي تقول ل غزلان .. غزلان هي بنت سي مصطفى الشاوي عندها 35 سنة و مزال ممزوجة الاب : سلام ا بنتي كيف كان نهارك نسرين : الحمدلله كيف داير ا عمي السيي مصطفى : الحمدلله ا بنتي نسرين : اوا ا بابا انا نمشي عند غزلان طلعات لبيت غزلان باش تمرضها تاني حيت مكتحملهاش هي واخا ممزوجاش و لكن عندها معجبين بزاف و نوعا ما نسرين كتبغي كلشي يكون ديالها بوحدها نسرين : كديرة ا حبيبة صافا غزلان : حمدلله نسرين ؛ هاي هاي على الشعورات هدشي كامل و متزوجتيش ههه غزلان : مكتاب نسرين : هههه دابا نولد و نزوجك ولدي بلا ميبقا فيك الحال خرجات نسرين و مرسومة على وجهها ابتسامة انتصار نسرين : بابا نقدر نمشي للدار خصني نقدي واحد الغرض الاب ؛ جلسي تا نتغداو نسرين : بصحتكم انا توجد لي الخدامة لغدا ياله بسلامة عليكم مشات للدار و تغدات و اكيد سبات الخادمة و بنتها و لبسات كسوة كحلة لاسقة و قصيرة و صباط كحل سامبل مع صاك جنب طويل شانيل و قادات ماكياج تقيل صراحة جات زوينة امين ؛ فين غادا ا لالة نسرين : ديني ل كافي فلوريدا امين : واخا ا ختي نسرين : يخوي ليك الضراس فين عمرني كنت ختك امين دار فيها واحد الشوفة لي خلعاتها و كمل طريقو و ملي نزلات شافها جلسات مع واحد بنت و جوج دراري و واحد فيهم منزلش عينيه عليها و ملي حقق فيه مزيان لقاه انس ولد حومتو ولد مول الدجاج ، استغرب لنسرين حيت عارفها هي مادية و مغتقبلش بهاد خينة بقا حاضيها حتى سالاو الهدرة شي جوج سوايع و هو مراقبها حتى رجعات امين : نقدر نسولك ا لالة نسرين : تفضل امين : داك الولد سميتو انس نسرين : و منين عرفتيها امين : راه ولد حومتنا ا لالة و باه كيبيع الدجاج نسرين : انا نسريين بنت الحاج عمر نهدر مع هاداك ولد حومتك نو سي با فغي غنسخف امين : شمي ايديه فيهم زفورية ديال دجاج نسرين : نو سي طغو هدشي كيعيف امال : الو مالك ياك يلاه تفارقنا نسرين ؛ عرفتي داك العياق لي كان معانا انس راه باباه كيبيع الدجاج و ساكن فحومت الشيفور دبالنا امال : هههه زهرك هاداك ، نسرين : سيري ا بلاتي الا بقات فيك ا الصغريطة ها وجهي قطعات نسرين الاتصال و هي غضبانة و خلات امال خايفة حيت عارفاها شكتسوى و امين كيشوف من الجاج و كل نهار كيكتشف حاجة جديدة فهاد البنت لي كتزيد تصدمو
نسرين :راضية اجي لهنا راضية : نعام ا لالة اش حب الخاطر نسرين : كلمي ليا بنتك راضية : سناء اجي ا بنتي سناء : نعام ا ماما اش كين راضية : تكلمي ل لالة نسرين نسرين : اجي طلعي معايا للبيت سناء : نعام ا ختي اش كين ياكما محتاجاني نسرين : اولا انا ماشي ختك تانيا انا مغنحتاجش وحدة بحالك ا الزين عندي مي كوبين تالتا سدي فمك و سمعي شغنقوليك سناء : واخا نسرين : غتمشي لفقيه ليفحومتكم القديمة بغيتو يصاوب ليا عكس لواحد الاخت خصها تربى سناء ؛ خصك تمشي معايا نسرين : ضروري ؟ سناء ؛ اه انا نمشي نجيب ليك الحايك نلبسوه باش ميشوفوناش نسرين : طلقي راسك لبسو البنات بجوج الحايك لي عزل عينين نسرين الخضرين المرمشين و ركبو مع امين امين : ا لالة فين طالعة نزلو البنات الحايك باش يشوفهم نسرين : شد طريق الجميعة واخا امين : اش غاديرو تما و اش هاد اللباس نسرين : آخر مرة تتحكم فيا نتا فرقني عليك شوية سناء : كدير ا خويا امين و كيديرة الوالدة امين : ربي يخليك ا ختي سناء احنا كنعديو راها مريضة نسرين : اش عندها امين : عندها القلب و خصها عملية و نتي عارفة الحالة ضعيفة نسرين ( و هي كتمتم ) شوف غدا دوز عندي نعطيك شخص ماماك و الله يشافيها امين و سناء مصدومين من تصرف نسرين لي كلها كبرياء و عجرفة و تطوعها لهاذ العمل الانساني وصلو لعند الفقيه و قداو الغرض و ملي رجعات نسرين لدار مشات لعند باباها تطلب منو الفلوس هي تقدر تكون.قاضحة و لكن ملي كيتلق الامر بحياة شي حد كترطاب الاب : اشنو خصك ا بنتي مموالفاش تجي عندي ضاحكة نسرين : خصني فلوس نعاون بيهم شي ناس و من الاحسن دابا نيت و كاش الاب : كتشرطي ا لالة واخا شحال نسرين : غيير 9 ديال المليون صافي الاب : كيفاش و لاش بغيتي هدشي كامل نسرين : و الله مندير شي مشكل خصني نعاون بيهم عافاك عطاها الفلوس حيت كيحطهم فالدار و مشات تجري لعند امين و لاول مرة كتحس براسها فرحانة نسرين : امين امين امين : نعام ا لالة نسرين : هاك الفلوس ديهم دابا للطبيب و اش نقدر نمشي نشوف ماماك امين ( مصدوم ) شكرا واخا واخا ماكين مشكل الطريق كاملة و هوما كيتبادلو الحديث و مكانش بيناتهم شي فرق فديك اللحظة كيف موالف وصلو لسبيطار عطا امين لفلوس ة قالوليه بلي غدا العملية و طلب من الطبيب باش يشوفوعا و وافق الام : اهلا ولدي امين السلام عليكم ا بنتي نسرين ( تحنات ليها على ايدها و باستها ليها هدشي لي خلا امين غيسخف بكترة الصدمة ) الام : الله يرضي عليك ا بنتي ، شكون هاد الملاك ا امين ياكما خطيبتك ، ياك خطبتي و مقلتيهاش ليا امين : هادي بنت الحاج عمر لي خدام عندو الام : سمحيليا ا بنتي معرفتكش نسرين : ماشي مشكل ا خالتي كبقيتي شوية راه غدا غديري العملية انشالله و تفيقي بسلامة و نجي عندك نشريب معاك اتاي امين : لالة نسرين واش طالعة ليك السخانة اش هاد الآداب نسرين : انا ممادباش و مسمونة عارفاها و لكن ماشي قاصحة و مكنحترمش لي كبر مني امين : سبحان الله فخبارك الوالدة بلي اول مرة نشوفها هاكا الام : شمات فيا ريحت شي حد عزيز نسرين : لا معندي حد و لكن انا حريزية ياكما حتى نتي الم : اه ا بنتي سبحان الله ههه الدم كيجر
سالاو الحديث و امين لاحظ فرحة و ابنتسامة اول مرة يشوفها على وجه نسرين من نهار عرفها مشات للدار نعسات و هي مشوشة على الفقيه و اش وصاتو يدير لصاحبتها فلحظة غضب فديك الساعة ناضت فيقات سناء و مشاو للفقيه باش تبطل السحر ، ملي رجعات من عند لفقيه دخلات تنعس حيت عيات واحد الشوية عيط ليها رضى هو واحد الدري بحالو بحالها نقس التفكير و العجرفة و شبعانين خطط و غيديرو حفلة رضى : الو اليكساندرا نسرين : هههه فين اش كين مموالفاش ليك تعيط رضى : نسيتي الحفلة لي غنشوهوا فيها ريحانة المعياقة نسرين : ناري غتكون خطيرة انا انجي و لكن محال يخليني بابا عقلتي شطرا آخر مرة رضى ؛ جيبي معاك الشيفور البركوص نسرين : لا هاداك مكيدخلش سوق راسو رضى: مهم وجدي راسك و تلاحي دابا نعسات طاحت دودة حيتاش النهار كان طويل فاقت فالصباح لبسات حويجها هي و سناء و مشات معاها تدير شوبينغ و فالطريق : امين ؛ سناء جيتي زوينة سناء : عطاتها ليا ختي نسرين نسرين : مختكش امين : دابا يبداو يجيو فيك الخطاب العفريتة سناء : و فيناهوما لقيناهم امين : ها انا معجبتكش ههه نسرين : واش جالسين بوحدكم مكيناش انا تقلقات مسرين و نزلو تقداو الحويج و دارت الصواب شرات لسناء كسوة زوينة و فالليل ملي قرب وقت الحفلة لبسات كسوة قصيرة فالوردي و فيها سميطة الوسط و صباط عادي وردي و هزات ثاك صغير جات بحال شي اميرة قادات شعرها الطويل بوكلي من التحت و دارت مكياج خليجي و بغاسلي زوين فايديها و نزلات كتسلت باش تهز طونوبيل و نسات بلي امين بايت تما امين : فين غادا نسرين : زيد نتا هنا جابك الله توصلني امين : فين نسرين : حي لي ساكن فيه السي الشاوي ديرين حفلة تما داها للحفلة و عيط لباباها مشا خرجها من الحفلة خاف من شي فضيحة نسرين حقدات على امين و حلفات تاتنتقم منو بقات كتفكر كتفكر حتى لقات احسن حاجا باش يجري عليه باها هي انها تاهموا بشي حاجة معينة
دازت شي عشر ايام باش الا بغات تدير شي خطة ميعيقش باها و يكون نسا ، واحد النهار كان باباها فالمكتب لي فدار و دخلات عندو كتبكي و دايرة شوية ديال الزروقية فعينيها بالماكياج الاب : مالك ا بنتي اش هاد الحالة نسرين ( و هي كتبكي و كتنخسس) بابا بابا امين الشيفور هو لي دار فيا هاد الحالة ، ملي مبغيتش نمشي معاه لدارو بزز دار فيا هاكا و انا جيت كنجري ا على رجلي خود ليا حقي جري عليه الاب : انا ليوم ندمو ندخلو لحباسات يتعفن فيهم نسرين : لا لا ا بابا راه ماماه مﻻيضة خصو يخدم عليهاا غير جري عليه عافاك الاب : قلبك كبير ا بنتي نسرين : ربي يخليك ليا ا بابا نزل سي عمر ديريكت عند امين و جرى عليه و هددو باش.معمرو يفكر يقيس بنتو و بلي هو دار على وجه مو لي مريصة ، مشا امين و الدمعة فعينيه حيت تظلم و هو مدار والو كمل طريقو حتال دارهم غير دخل صلى جوج ركعات و نعس على امل يكون غدا افضل و يلقى خدمة بحكم انه عندو اجازة فالاقتصاد و الخدمة هنا فالمغرب كتعطا غير لباك صاحبي و المعارف ، نسرين فهاد الاثناء فرحانة و كتضحك ضحكة انتصار و من جهة خرى كتفكر فامو لي خصو يشري ليها الدوى و كلشي و لكن فكرات باش تشريه هي و لكن غير متبانش فالواجهة ، فالصباح مشا امين يقلب على خدمة و الحمدلله لقا فواحد الشركة و حمد الله و شكرو حيت ربي مكيسد باب حتى يحل بيبان نسرين : السلام عليكم ا سيدي واش باقا لالة كنزة هنا الطبيب : واش السيدة لي يالاه دارت عملية على القلب نسرين : اه راني جيت نخلص ليها تكاليف الدوا الا كان خاصها الطبيب : واخا ا بنتي دوزي معايا للمكتب نكتب ليك الدوا و سيري شريه راه كينة صيدلية حدا المستشفى نسرين : شكرا ا دكتور مشات نسرين شرات الدوا لي خاص لالة كنزة و معاه ديسير و دازت لباتيسري خدات ليها شةية ديال الحلوة و عطاتهم لواحد الممرضة دخلتهوم ليها ، و فهاد الوقت امين جاي فطريق للمستشفى و نسرين مشات امين : السلام ا ميمتي كيف بقيتي الام : اهلا ولدي امين : مي شكون جاب هدشي الام : معرفت ا ولدي الممرضة لي جابتهم و قالت شي بنت عينيها خضرين و زوينة و لابسة مزيان مبغاتش تقول سميتها امين ( فخاطرو ) البنت واخا هاكاك حنينة هههه عفريتة الام : مالك سكتي ا ولدي اجي مالك جاي فهاد اوقت مخدامش امين : اه فكرتيني راني وليت خدام فواحد الشركة الام : مبروك عليك ا ولدي فرحت ليك و الله يرضي عليك يا ربي مشات نسرين لدارهم و لقات باباها كيتسناها حدا الباب و وجهو عليه تعابير حزينة الاب : بنتي انا خصرت كلشي بين ليلة و نهار نسرين : بابا هادا ماشي ضحك خلينا نمشيو ندخلو نتغداو الاب : عارف هدشي صعيب عليك و خصوصا ان امتحان الوطني قرب و لكن هدشي لي عطا الله عندنا سيمانة باش نخويو الدار و خصكي تنساي هاد العيشة نسرين؛ كيفاش و فين غنمشيو انا مكتعجبنيش ديك الفيلا لي فسيطي رحال الاب : اشمن فيلا ا بنتي غنمشيو لدارنا القديمة كينة فحي شعبي غير ذكر ليها حي شعبي نسرسن سخفات مفيقتها لا بصلة لا سوارت و هاد السمانة نيت هي لي عندها فيها الوطني
نسرين تقبلات الواقع و خدمات مزيان فالوطني باش تجيب اعلى معدل و فعلا دوزاتو مزيان و ولصل النهار لي غتخوي فيه نسرين الفيلا هي و باباها غير دخلات لداك الدرب كاع ولاد الدرب حلو فمهم فيها عمرهم شافو شي بنت بديك الاناقة
اسامة : واناري ا الدراري شفتو اش شفت
سيمو : قرطاااسة ا عشيري ماشي بحال دوك الخيبوعات لي عندنا فالدرب
نور : و الله ا صحيبي كون كنت خدام تانخطبها
اسامة : و هي تقبل علك بعدا نود نسلمو عليهم نسولهم واش جايين عند شي حد
نور : السلام ا عمي كتقلب على شي حد نقدر نعونك
الاب : لا ا ولدي حنا جينا لدارنا
اسامة : اه ا عمي جايين عند شي حد
الاب : لا ا ولدي انا راني ولد سي الشريف الله يرحمو
اسامة : مرحبا بيكم ا عمي لا حتاجيتو شي حد يعاونكم فاارحيل على الراس و العين
نسرين : مغسي
الاب : شكرا الدراري
رجعو الدراري لبلاصتهم و كلهم مصدومين حيت هاد الزين غيسكن معاهم فالدرب ، و نسرين معجبهاش الحال فهاد العيشة الجديدة
نسرين : بابا خصنا نجيبو شي مرا تخمل لينا هادشي
الاب : واخا ا بنتي
جات المرا خملات الدار رجعاتها تشعل و الدرب كامل عرف بلي ولد الشريف رجع لدارهم هو و بنتو و بلي بنتو آية فالجمال و الاناقة
الاب : سيري ابنتي للحانوت جيبي لينا الخبز و دزي للجزار جيبي شوية ديال اللحم
نسرين : هي الاولى وا طلع الدرهم
مشات خدات اللحم من عند الجزار و مشات يالاه وقفات عند الحانوت بانت ليها جماعة ديال الدراري و منهم هادوك لي شافوهم اول مرة و كلشي حال فمو فيها حتى من مول الحانوت داخ
مول الحانوت : اش خصك ا الزين
نسرين : عطيني الخبز و المونادا و طلق راسك
مول : هي الاولى ا الكتكوت
نسرين : و ارا معاك حتا بيضة
عطاها السخرة و قبل متمشي دربات ليه بيضة على راسوو مشات و ملي بداو الدراري كيضحكو دارت فيهم كاملين
خالد : واا قبيحة ا بنت الحاج
نسرين : مالك ا حنيني بغيتي شي شوهة بحالي درت ليه وا سير تكمش و لا نجي نفلعس لخوبا ضهرو و ديك الساعة مغتلقاش باش تكا على حيوط الدرب و متخليهمش.يطيحو
تصدمو الدراري من هدرتها و خافو من شي قمعة بحالي خدا خالد و تاحد مبقا كيهدرها ، دخلات لدارهم و طيبات الغدا و باباها مصدوم من بنتو المفشة لي ولات تسخر و تطيب و فنفس الوقت فرح بزاف ، وصلت وقت الكوطي و خاصها تاني تنود تسخر تا سمعات الدقان
الاب : نودي حلي ا بنتي
نسرين : واخا ا بابا
لالة كنزة : اهلا اهلا واش نتي هادي
نسرين : خالتي على سلامتك اه راه سكنا هنا
لالة : هاكي خودي ا بنتي سمعت كينين جيران جداد و جبتليكم شوية ديال الملاوي يالاه عجنتهوم
نسرين : خالتي نتي ساكنة هنا ، سمحيليا بقيت شاداك بالهدرة دخلي مرحبا بيك شربي معانا اتاي
لالة كنزة : لهلا يخطيك ا بنتي اله يرضي عليك خصني نمشي خليت امين كيتسناني
نسرين : واخا ا خالتي
دازت ايام و ديما لالة كنزة كتجي عند نسرين باش تعلمها تصاوب المسمن و الملاوي و البغرير و شحال من حاجة و ديما كتلاقا بامين لي طلبات منو السماحة و حيت عارفها قلبها كبير سامحها و حتى باها طلب منو السماحة حيت بنتو كدبات و هو تيقها ، بابات نسرين حل حانوت فقيسارية ديال الدهب لي كان ديال باه سي الشريف نسرين : بابا بابا الاب : ياك لباس ا بنتي اش كين نسرين : وا نجحت نجحت الاب : مبروك علينا ا بنتي كنحمدك يا ربي و نشكرك بنتي نجحات ليا و فرحاتني نسرين : بابا نمشي عند خالتي كنزة نقولها ليها و نجي بالخف مشات نسرين عند كنزة و الطريق كاملة و هي فرحانة غير دقات حل عليها امين امين : مالك على هاد الدقة خلعتيني نسرين ؛ حيد من قدامي امين : هانا محيد نسرين : خالتي انا نجحت لالة كنزة : لولولولولولولاي عقبال الدكتوراه نسرين : هههه ربي يخليك امين ؛ مبروك عليك نسرين : الله يبارك فيك لالة كنزة : فرحتيني و الله شوفي غندير لبنتي حفلة هنا فالدار بالديجي و الحالة امين : صافي ا الواليدة انا نجيب ليك لي خصك نسرين : لا لا مكين لاش و الله لالة كنزة : لا ا بنتي حشومة عليك خلينا نفرحو بيك نسرين : خالتي نمشي دابا نقاد الغدا لبابا و نديه ليه و نرجع عندك لالة كنزة : بسلامة ا بنتي امين : بسلامة لالة كنزة : ولدي امين نسرين زوينة ياك امين : اه ا الوالدة لالة كنزة : تزوجها امين : واش تقبل بيا لا لا منضنش لالة كنزة : غير جرب و انا نخطبها ليك امين : يكون خير
وصل نهار الحفلة و منقدرش نوصف ليكم نسرين كيف كانت مع تبارك الله طويلة لبسات قفطان فالازرق و مع صباط طالون بلونكاصي و مكياج خفيف جات كتحمق كلشي حسدها فبنات الدرب حيت امين الحفلة كااملة و هو كيشوفيها و بلاما نحتاج نوصفو ماشاء الله عينيه كحلين و طويل و لحية خفيفة بحالا هارب مت شي فيلم تركي . دازت الحفلة بخير و طلبات لالة كنزة من نسرين تبات معاها من بعد ما تعاونو و جمعو الروينة نسرين طاحت دودة مفاقت تال التلاتة ديال العشية ملقات حد فالدار غير امين لي خرج ليها بحال الجن و خلعها
نسرين ؛ بسم الله الرحمان الرحيم
امين : خطفتيها ليا من فمي
نسرين : صبحنا على الله
امين : اجي تفطري
نسرين ؛ شكون قاد الفطور
امين ؛ انا حيت يالاه فقت
نسرين ؛ اممم مزيان
امين : نسرين مكتفكريش فالزواج
نسرين : انا باقا صغيرة مقادا على مسؤولية
امين : اشبان ليك نخرجو ليوما شحال هادي مخرجتي كيف موالفا
نسرين : فين اتديني
امين ؛ههه متخافيش را يالاه تخلصت ختاري البلاصة لي بغيتي
نسرين ؛ يالاه نمشيو ل بيسين بلييز
امين ؛ جاتك ا لالة
خرجو بجوج من الدرب و العينين حادينهم و هي شدات فامين باش تقلي ليهم السم مشاو لبيسين عامو دوزو نهار زويين بزاف شحال ضحكو و امين كتاشف جانب كوميدي فنسرين لي كانت غا مغوبشة و كانت حياتعا روتينية ما فيها حتى .جديد ، دازو ايام و ايام و هوما على هاد الحال ديما كيخرجو فالويكاند و المحال مشي عند باباها مزيان و قررات لالة كنزة تفاتحها فموضوع الزواج با مين
لالة كنزة : بنتي كبرات تبركاالله شوفي انا بغيتك لولدي امين اش قلتي
نسرين : علا نلقا حسن منو هه موافقة
لالة ؛ صافي غدا نجيو نهدرو مع باباك
نسرين : اوا نخليك دابا يالاه نوجد راسي
وصل غدا و نسرين تقادات عند الكوافور مزيااان جات زوينة و لبسات تكشيطة وردية مرصعة بالاحجار الكريمة كانت شراتها من واحد المعرض غالية و معاها صباط عالي فالاغجونتي هدشي لي خلا امين حال فمو ، وافق بابات نسرين على الزواج و فايام الخطوبة كانو كيدوزو من الدرب كلشي حاسدهم لا دريات لا دراري و قررو باش يسكنو مجموعين حيت الدار كبيرة بزاف هو ميقدرش يخالي ماماه و هي متقدرش تخلي باباها ، دازرو عرس بسيط و لكن زوين و كيف ديما نسرين بهراتو باطلالة ديالها بالزين المغربي الاصيل .. مور الزواج خلاها كملات قرايتها.و لكن بعد سنوات مجابش ليهم الله الولاد و بقاو صابرين بزاف حتى ولدات وليد وعاشوا حياة سعيدة .
النهاية